Hechos 27:3 - Kaqchiquel Bible

³ Pa ruka'n q'ij xojapon k'a ri pa Sidón. Ri chiri', ri Julio, xuben k'a jun nimalej utzil chire ri Pablo, roma xuya' q'ij chire chi xbe chikiq'ejeloxik ri qach'alal y richin chuqa' chi ri qach'alal xkito-pe ri Pablo.

နောက်ထပ်ဗားရှင်းများ

Kaqchikel Santo Domingo (Xenacoj)

³ Chukan qꞌij ri barco xbꞌepeꞌeꞌ chuchiꞌ ri tinamit Sidón. Chiriꞌ ri Julio xupoqonaj ruwech ri Pablo, y xuyaꞌ qꞌij chare chi xbꞌa kikꞌin ri erachibꞌil aj chiriꞌ chin ndikitoꞌ rikꞌin ri ndikꞌatzin chare.

Kaqchikel Santa Maria de Jesus

³ Chucaꞌn kꞌij xojbꞌaka pa tanamet Sidón. Y chireꞌ, ri Julio ri capitán xuꞌon jun favor cha ri Pablo, ruma xuꞌon permitir chi xꞌa quiqꞌuin ri ru-amigos chi xquito-pa.

Kaqchikel Central Guatemala

³ Pa ruca'n k'ij xojapon c'a ri pa tinamit rubini'an Sidón. Ri chiri', ri Julio ri uc'uey quichin ri soldados, xuben c'a jun nimalej utzil chire ri Pablo, roma xuya' k'ij chire chi xbe chiquik'ejeloxic (chiquik'ijaloxic) ri kach'alal y richin chuka' chi ri kach'alal xquito-pe ri Pablo.

Re C'ac'a Testamento pa Kach'abal

³ Pa ruca'n k'ij xojapon pa tenemit rubini'an Sidón. Y chire' re Julio re ec'uay quichin re soldados, xuban jun namalaj utzil cha re Pablo, roma xuya' k'ij cha che xba chuyi'ic ruxnokil-quivach re hermanos y chin chuka' che re hermanos xquito-pa re Pablo.

Kaqchikel Western Solola

³ Pa ruca'n k'ij xojapon c'a ri pa tinamit Sidón. Ri chiri', ri Julio ri uc'uey quiche (quixin) ri soldados, xuben c'a jun nimalaj utzil chare ri Pablo, ruma xuya' k'ij chare chi xbe chuya'ic rutzil quiwech ri kach'alal y riche (rixin) chuka' chi ri kach'alal xquito' pe ri Pablo.

Hechos 27:3 ပူးပေါင်းရင်းမြစ်များ

Hechos 24:23

Ri Félix xubij k'a chire ri aj-raqen chi kan tuchajij jebel ri Pablo, jak'a chuqa' man kan xaxe titz'ape', xa tuya' q'ij chire chi nel juba'. Y man keruq'et ri ye'apon rik'in richin k'o utzil ri nikiben chire o nibekitz'eta' kan.

Hechos 28:16

Toq xojapon pa Roma, man xuk'uex ta el ri Pablo pa cárcel, jak'a xbix chi utz nik'oje' pa jun jay, y chajin roma jun aj-labal.

Hechos 27:43

Jak'a ri aj-raqen pa kiwi' ri aj-labal rubini'an Julio, man xrajo' ta chi xkiben keri', richin chi nikolotej ri Pablo. Xa xubij k'a chi janipe' ri kan yetikir yemuxan tikik'aqa-el ki' y kebe nabey k'a chuchi' ri ya'.

Hechos 27:1

Toq bin chik k'a chi roj yojtaq-el k'a pa Roma, ri Pablo y jujun chike ri ek'o pa cárcel, xejach k'a el pa ruq'a' jun aj-labal rubini'an Julio. Rija' jun uk'uey kichin aj-labal, y ri e aj-labal ri' E Richin ri César ri nibix chike.

Hechos 12:20

Chirij re' ri rey Agripa kan royowal k'a chike ri aj-Tiro y ri aj-Sidón. Jak'a rije' xkiya' chikiwech richin yebe rik'in rija'. Y xkich'ek k'a ri jun rusamajel ri Agripa rubini'an Blasto, richin xeruk'uaj k'a chuwech ri rey y xkichojmirisaj chikiwech chi tik'is chiri' ri oyowal, roma ja ri chiri' pan Israel nel-wi-el ri nitij ri pa ka'i' tinamit ri'.

San Mateo 11:21

Kan toq'ex k'a iwech rix aj-Corazín; kan toq'ex k'a iwech rix ri aj-Betsaida, roma xa ja ta ri pa taq tinamit Tiro y Sidón xebanatej-wi ri meyel taq banobel ri', ri winaqi' aj chiri' kan xtzolej yan ta pe kik'u'x y kikusalon ta chik kitziaq richin bis, y kiyalon ta chik chaj chikij, richin nikik'ut ri bis.

Wuj Richin ri Zacarías 9:2

Xkiyakatej chikij ri aj-Hamat, roma ek'o chikinaqaj ri Hadrac y ri Damasco, y chuqa' chikij ri aj-Tiro y aj-Sidón, stape' kan janila na'oj k'o kik'in.

Wuj Richin ri Isaías 23:12

Y xubij chike ri aj-Sidón chi xtik'is ri nimaq'ij ri nikiben, y ri kiwinaq xa kan janila xketz'ilox. Y stape' xke'animej-el pa ruwach'ulew Quitim, xa kan man jun bey chik xtik'oje' uxlanen kik'in.

Wuj Richin ri Rutikeribel 49:13

Ri Zabulón xtik'ase' k'a pa taq ulew ri chuchi' ri palou, xtok k'a k'ojelibel ri akuchi ye'el-ye'ok-wi ri barco; y ri ruk'ulba't xtapon k'a chuxikin ri ruwach'ulew Sidón, xcha'.

Wuj Richin ri Rutikeribel 10:15

Ri Canaán xeralk'ualaj e ka'i' ruk'ajol; ri nabey xubini'aj Sidón y ri ruka'n ja ri Het.

Wuj Richin ri Josúe 19:28

Y nuchojmij-ri' k'a pa qajbel-q'ij y napon k'a pa tinamit Abdón, Rehob, Hamón y Caná, y niq'ax-el rik'in ri ruwach'ulew Sidón.