Hechos 27:1 - Kaqchiquel Bible

¹ Toq bin chik k'a chi roj yojtaq-el k'a pa Roma, ri Pablo y jujun chike ri ek'o pa cárcel, xejach k'a el pa ruq'a' jun aj-labal rubini'an Julio. Rija' jun uk'uey kichin aj-labal, y ri e aj-labal ri' E Richin ri César ri nibix chike.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Atoq xbꞌix yan chi ngojok e pa jun barco chin ngojbꞌa pa rochꞌulew Italia, ri Pablo y jujun chik xeꞌelesex e pa cheꞌ, y xejach e pa ruqꞌaꞌ jun achi rubꞌiniꞌan Julio, ki-jefe 100 soldados ri etaqon e roma ri rey César Augusto.

Kaqchikel Santa Maria de Jesus

¹ Y antok eꞌn chic chi ri Pablo y nicꞌaj chic ri icꞌo pa cárcel ncaꞌtak-el cꞌa Roma, ri cꞌo chupan ri nación Italia, xaꞌjach-el pa rukꞌaꞌ jun ache rubꞌinan Julio. Ri Julio capitán quichin cien soldados ri icꞌo chupan ri compañía Augusta rubꞌeꞌ.

Kaqchikel Central Guatemala

¹ Y tok bin chic c'a chi ri Pablo y ch'aka' chic ri ec'o pa cárcel yetak-el c'a pa Roma, ri tinamit ri c'o pa ruvach'ulef rubini'an Italia, xejach c'a el pa ruk'a' jun achin rubini'an Julio. Re Julio re' jun Capitán quichin jun ciento soldados, y ri soldados ri' e richin ri jutzobaj (juk'ataj) soldados ri e Richin ri Augusto nibix chique.

Re C'ac'a Testamento pa Kach'abal

¹ Y tak bin chic che re Pablo y re nic'aj chic re jec'o pa cárcel ye'tak-a pa Roma, re tenemit re c'o chupan re lugar rubini'an Italia, xe'jach-a pa ruk'a' re jun ache rubini'an Julio. Re Julio re' jun capitán quichin jun ciento soldados, y re soldados re' je richin re jun grupo soldados quibini'an Chin re Augusto.

Kaqchikel Western Solola

¹ Y tek bin chic c'a chi ri Pablo y nic'aj chic ri yec'o pa cárcel yetak el c'a pa Roma, ri tinamit ri c'o pa rucuenta ri Italia, xejach c'a el pa ruk'a' jun achi ri Julio rubi'. Ri Julio ri' jun capitán quiche (quixin) jun ciento soldados, y ri soldados ri' ye riche (rixin) ri jumoc soldados ri ye riche (rixin) ri Augusto nibix chique.

Hechos 27:1 ပူးပေါင်းရင်းမြစ်များ

Hechos 25:25

Jak'a yin nintz'et chi re jun achin re' man jun itzel rubanon richin keri' nikamisex ta. Rija' xuk'utuj k'a chuwe chi ja ri César ri niq'aton-tzij pa ruwi', y yin ninteq k'a el rik'in ri César k'a chila' pa Roma.

Hechos 25:12

Ri Festo xtzijon k'a kik'in ri q'atoy taq tzij ri yeto'o-apo richin, y k'ari' xubij chire ri Pablo: Rat xak'utun chi ja ri César niq'aton-tzij pan awi'. Kan jari' k'a ri', yabe k'a pa tinamit Roma chuwech ri César, xuche'ex ri Pablo.

Hechos 10:1

Ri pa tinamit Cesarea k'o k'a jun achin rubini'an Cornelio, y rija' jun aj-raqen pa kiwi' jun tzobaj aj-labal, y ri juq'at aj-labal ri' aj-Italia nibix chike.

Hechos 27:11

Jak'a ri Julio man xunimaj ta ri xubij ri Pablo chire. Xa ja ri xubij ri rajaw y ri xubij ri uk'uayon richin ri nima-barco, xa jari' ri xuben.

Hechos 18:2

Chiri' k'o k'a jun achin judío rubini'an Áquila, y rija' alaxineq ri pa ruwach'ulew Ponto. Rija' xa k'a xapon ri pa Corinto, rachibilan ri Priscila ri rixjayil; rije' e eleneq k'a pe pa ruwach'ulew Italia, ri xek'oje-wi, roma ri Claudio, ri rey ri chiri', xubij chi ri winaqi' judío ke'el-el ri pa tinamit Roma. Y ri Pablo xapon k'a chikitz'etik.

Hebreos 13:24

Tiya' rutzil-kiwech konojel ri e uk'uey iwichin y ri loq'olej taq qach'alal. Chuqa' ri qach'alal aj-Italia nikiteq-el rutzil-iwech.

Hechos 28:16

Toq xojapon pa Roma, man xuk'uex ta el ri Pablo pa cárcel, jak'a xbix chi utz nik'oje' pa jun jay, y chajin roma jun aj-labal.

Hechos 27:43

Jak'a ri aj-raqen pa kiwi' ri aj-labal rubini'an Julio, man xrajo' ta chi xkiben keri', richin chi nikolotej ri Pablo. Xa xubij k'a chi janipe' ri kan yetikir yemuxan tikik'aqa-el ki' y kebe nabey k'a chuchi' ri ya'.

Hechos 27:6

Ri chiri' pa Mira, ri Julio xberila' k'a jun nima-barco ri peteneq k'a kela' pa tinamit Alejandría, y nibe k'a pa ruwach'ulew Italia. Chupan chik ri barco ri' xojrukusaj-el richin niqaben ri ch'aqa' chik bey ri k'a k'o chiqij.

Hechos 24:23

Ri Félix xubij k'a chire ri aj-raqen chi kan tuchajij jebel ri Pablo, jak'a chuqa' man kan xaxe titz'ape', xa tuya' q'ij chire chi nel juba'. Y man keruq'et ri ye'apon rik'in richin k'o utzil ri nikiben chire o nibekitz'eta' kan.

Hechos 23:17

Toq ri Pablo xrak'axaj ri', xroyoj k'a jun aj-raqen, y xubij chire: Tak'uaj juba' re ala' re' k'a chuwech ri uk'uey kichin ri aj-labal, roma k'o jun nrajo' nubij chire, xcha'.

Hechos 23:11

Ri jun chik k'a aq'a' ri', ri ajaw Jesucristo xuk'ut-ri' chuwech ri Pablo, y xubij chire: Man k'a taxibij-awi', xa takuquba' ak'u'x, roma kan achi'el ri nuq'alajirisaxik xaben wawe' pa Jerusalem, kan nik'atzin k'a chi keri' nabebana' pa Roma, xcha' chire.

Hechos 22:26

Ri aj-raqen toq xrak'axaj keri', xberubij k'a chire ri achin ri uk'uey kichin ri aj-labal: ¿Achike nach'ob chi naben wakami? Roma ri Pablo jun achin richin ri ajawaren richin ri Roma, xcha' chire.

Hechos 21:32

Roma ri' rija' kan chi'anin k'a xerumol-pe ri achi'a' ri ek'o pa ruq'a', ri aj-raqen, y junanin xebe akuchi kimolon-wi-ki' ri winaqi'. Ri winaqi', kan xaxe k'a xekitz'et, xkiya' kan ruch'ayik ri Pablo.

Hechos 19:21

Chirij ri' ri Pablo xpe k'a pa ránima chi nibe k'a pa Macedonia y pan Acaya chikitz'etik ri qach'alal, y chirij ri' k'ari' nibe k'a pa Jerusalem. Y chuqa' xpe pa ránima chi nibe pa Roma.

Hechos 16:10

Jak'a toq ri Pablo rutz'eton chik ri jun achik' ri', jari' k'a toq konojel xkichojmirisaj-ki', y keri' chuqa' yin, ri Lucas, xinchojmirisaj-el-wi'. Kan jari' xqaben-el richin xojbe k'a pa Macedonia, roma xq'ax chiqawech chi roma ri xq'alajirisex chuwech ri Pablo, nubij chi ri Dios nrajo' chi yojbe richin niqatzijoj ri ch'abel richin kolotajik chike.

Hechos 10:22

Ri achi'a' xkibij k'a chire ri Pedro: Jun aj-raqen pa kiwi' jun tzobaj aj-labal rubini'an Cornelio oj rutaqon k'a pe chi'awoyoxik. Y re achin k'a re' jun achin choj ruk'aslen, jun achin ri nuxibij-ri' nimakun chuwech ri Dios. Konojel ri awinaq judío janila nikajo'. Y k'o k'a jun loq'olej ángel ri xoch'on rik'in, y re ángel re' xubij kan chire chi karoyoj rat, y trak'axaj ri achike xtabij chire. Roma ri' xojpe chi'awoyoxik, xecha'.

San Lucas 23:47

Toq ri aj-raqen pa kiwi' ri aj-labal xutz'et ri xbanatej, xuya' k'a ruq'ij-ruk'ojlen ri Dios, y xubij: Kan qitzij na wi chi re jun achin re' man jun na wi rumak, xcha'.

San Lucas 7:2

Ri chiri' k'o jun aj-raqen pa kiwi' ri aj-labal aj-Roma. Y re achin re' k'o jun rusamajel ri janila nrajo', jak'a xa yawa', y xa niken yan.

San Mateo 27:54

Ri aj-labal aj-Roma y ri aj-raqen pa kiwi', toq xkitz'et ri xuben ri silonel, y kitz'eton chuqa' ri ch'aqa' chik ri xebanatej, rije' kan janila k'a xkixibij-ki' y xkibila': Kan qitzij na wi chi re jun achin re' ruk'ajol ri Dios, xecha'.

Dn 4:35

Chawech rat, ri winaqi' ri ek'o chuwech re ruwach'ulew xa man jun kejqalen, Rat kan naben achi'el ri niqa' chawech; keri' ri chikaj y keri' chuqa' chuwech re ruwach'ulew. Kan man jun k'a wineq ri nitikir ta niq'aton awichin, Kan man jun ri nik'utun chawe ri achike roma keri' naben. Keri' xinbij chire ri nimalej Dios.

Wuj Richin ri K'uxla'anik 3:27

Kan utz k'a niqaben chi kan ja yan ri pa qak'ajolil niqetamaj yojniman tzij.

Wuj Richin Etamabel-Tzij 19:21

Ri pa ránima ri wineq kan k'o k'iy ri nrajo' nuben, y ri nibanatej xaxe ri nrajo' ri Jehová.

Wuj Richin Bix Chire ri Dios 76:10

Kan qitzij wi chi chupan ri royowal ri wineq, xa kan ninimer ri utzilej atzijol rat. Kan ja rat xkaqasan ruwi' ronojel ri ch'aqa' chik oyowalen.

Wuj Richin Bix Chire ri Dios 33:11

Jak'a ri ruch'obonik ri Jehová kan keri' wi xtibanatej richin jantape'.

Wuj Richin ri Rutikeribel 50:20

Rix xich'ob chi niben itzel chuwe yin, jak'a ri Dios xixrukusaj richin utz, richin chi nitz'et chi xinkol kik'aslen janila chi winaqi'.

Hechos 28:1

Toq qonojel oj kolotajineq chik el ri pa ya', xqetamaj k'a chi ri ruwach'ulew ri', ri k'o pa ya', rubini'an Malta.