Hechos 26:7 - Kaqchiquel Bible

⁷ Man xaxe ta k'a yin in oyobeyon re jun k'astajibel re', xa kan keri' chuqa' ri qawinaq judío. Roj ri kiy-kimam kan ri kablajuj ruk'ajol ri Israel niqanimaj chi ri kaminaqi' xkek'astej na pe, y roma ri', kan chi paq'ij chi chaq'a' niqasamajij ri Dios ri biyon kan keri'. Rey Agripa, yin jari' ri numak ri nikibij.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Y roma koyobꞌen chi ndiyoꞌox chake ri rusujun kan ri Dios, ri kabꞌlajuj tribus chin ri qatinamit Israel rikꞌin nojel kánima ndikiyaꞌ ruqꞌij ri Dios chi chaqꞌaꞌ chi paqꞌij. Y roma chuqaꞌ woyobꞌen riyin ri rusujun kan ri Dios, ja romariꞌ nginkisujuj rejeꞌ, rat nimalej rey Agripa.

Kaqchikel Santa Maria de Jesus

⁷ Y man joꞌc ta inreꞌ ri voyoꞌien ri kꞌij reꞌ, xa quireꞌ jeꞌ ri kavanakil israelitas. Ojreꞌ ri oj quimáma can ri doce (cabꞌalajuj) ralcꞌual ri Jacob, nakanimaj chi ri quiminakiꞌ xcaꞌcꞌastaj-pa, y rumareꞌ can pakꞌij chi chakꞌaꞌ nakaꞌan rusamaj ri Dios. Rey Agripa, inreꞌ jareꞌ ri nuchꞌoꞌj ri niquiꞌej.

Kaqchikel Central Guatemala

⁷ Y man xe ta c'a yin in oyobeyon re jun c'astajibel re', xa can que chuka' ri' ri kavinak israelitas. Roj ri quiy-quimam can ri cablajuj ruc'ajol ri Israel nikanimaj chi ri caminaki' xquec'astej na pe, y romari', can chi pak'ij chi chak'a' nikasamajij ri Dios ri biyon can queri'. Rey Agripa, yin jari' ri numac ri niquibij.

Re C'ac'a Testamento pa Kach'abal

⁷ Y man xe-ta yen re yinyabeyon re rusujun can re Dios, xa can quire' chuka' re kavinak israelitas. Yoj re yoj quiy-quimam can re je doce ruc'ajol re Israel nakanimaj che re je quiminak chic xque'c'astaj-pa y mare' can che pak'ij che chak'a' nakasamajij re Dios re biyon can quire'. Y jare' re numac re niquibij re nuvinak israelitas, xcha' re Pablo cha re Rey Agripa.

Kaqchikel Western Solola

⁷ Y ma xu (xe) ta c'a riyin woyoben re jun c'astajbel re', xa can queri' chuka' ri kech aj Israel. Riyoj ri yoj quiy quimam ca ri cablajuj ruc'ajol ri Israel cukul kac'u'x chi ri caminaki' xquec'astej na pe, y rumari', can chi pak'ij chi chak'a' nikaben rusamaj ri Dios ri biyon ca queri'. Rey Agripa, riyin ya c'a ri' ri numac ri niquibij chuwij.

Hechos 26:7 ပူးပေါင်းရင်းမြစ်များ

Santiago 1:1

Yin Santiago, jun rusamajel ri Dios y ri ajaw Jesucristo, ninben-el re wuj re' chiwe rix ri ix nuwinaq judío ri ix talutajineq chuwech re ruwach'ulew, tik'ulu' k'a re rutzil-iwech re ninteq-el.

1 Timoteo 5:5

Jak'a ri kan man jun nilin kichin, y k'o nik'atzin chike, rije' chi paq'ij chi chaq'a' kikuquban kik'u'x rik'in ri Dios, y yech'on rik'in.

1 Tesalonicenses 3:10

Y chuqa' chi paq'ij chi chaq'a' niqak'utuj chire ri Dios, chi xqojtikir ta xqojapon iwik'in, richin keri' yojtikir yixqato' rik'in ri kuqubabel-ik'u'x.

Filipenses 3:11

rik'in ri oyobenri'il chi yin chuqa' xkik'astej-el chikikojol ri kaminaqi'.

San Lucas 22:30

richin keri' xkixwa' y xkixuk'ya' junan wik'in pa mesa, ri pa wajawaren. Y chiri' rix xkixok k'a q'atoy-tzij pa kiwi' ri kablajuj tzobaj richin ri tinamit Israel, xcha'.

San Mateo 19:28

Ri Jesús xubij: Kan qitzij k'a ninbij chiwe chi toq xtapon ri ruq'ijul toq ronojel k'ak'a' chik rubanik, y toq yin, ri xiqaqa-pe achi'el wineq chi'ikojol, k'o chik nuq'ij-nuk'ojlen y xkitz'uye' pa nutz'uyubal richin q'atoy-tzij, jari' toq rix ri xixtzeqeliben wichin, chi'ijujunal xkixtz'uye' pa tz'uyubel richin niq'et-tzij pa kiwi' ri kablajuj tzobaj richin ri qawinaq judío.

Wuj Richin ri Esdras 6:17

Y chupan ri nimaq'ij ri' toq xk'achoj ri rachoch ri Dios, xkisuj k'a wok'al nima-alaji' achija' taq wákix, 200 achija' taq karne'l y 400 alaji' achija' taq karne'l. Y richin kuyubel-mak, xkisuj kablajuj achija' taq tzuntzun richin chikijujunal ri tzobaj richin ri tinamit Israel.

Hechos 26:2

Yin janila ninmatioxij y janila chuqa' yikikot, roma chawech rat rey Agripa in pa'el-wi richin ninto-wi'. Roma ri qawinaq judío nikibij chi janila mak e nubanalon.

Hechos 20:31

Roma ri', kan tichajij-iwi'. Toqaqa chi'ik'u'x chi yin oxi' juna' ri xik'oje' iwik'in, y jantape' xixinwoq'ej y xixinpixabaj chi'ijujunal.

San Lucas 2:25

Ri chiri' pa Jerusalem k'o jun achin rubini'an Simeón. Rija' choj ri ruk'aslen y ya'ol ruq'ij ri Dios. Kan k'o-wi ri Loq'olej Espíritu rik'in y royoben toq xtipe ri Cristo chukolik ri tinamit Israel.

Wuj Richin Bix Chire ri Dios 135:2

chi'iwonojel ri ixk'o pa rachoch rija', ri ixk'o chuwa-jay chire ri rachoch ri qa-Dios.

Wuj Richin ri Esdras 8:35

K'ari' qonojel ri oj uk'uan-el xojtzolin pa Jerusalem, xqasuj chikop richin niporox chire ri qa-Dios. Y xqasuj kablajuj nima-alaji' achija' taq wákix, jumuch' waqlajuj achija' taq karne'l, oxk'al wuqlajuj alaji' achija' taq karne'l y kablajuj achija' tzuntzun richin nikuyutej qamak. Ronojel re' xeporox richin xqasuj chire ri Jehová.

Hechos 24:15

Yin kan kuqul k'a nuk'u'x rik'in ri Dios chi ri kaminaqi' k'o na jun q'ij toq xkek'astej. Kan xkek'astej k'a pe ri e choj y ri man e choj ta. Y ri nuwinaq kan keri' chuqa' ri koyoben chi nibanatej.

Hechos 26:3

Yin más yimatioxin roma rat kan jebel wi awetaman ri achike niqaben roj judío chupan ri qak'aslen, y ri janila chi wololinik niqaben. Roma ri' ninwajo' chi yinawak'axaj ta juba' y man ta k'a nik'o ak'u'x roma ri ch'abel ri ninwajo' ninbij.

Hechos 28:20

Xa roma ri' xinteq iwoyoxik richin chi kan yixintz'et y richin chuqa' chi rix kan wik'in yin niwetamaj-el achike k'a roma kere' nuk'uluwachin. Roma qonojel roj judío kuqul qak'u'x chi ri Cristo nipe yan. Y roma ri' toq in ximil rik'in cadena wakami, xcha' ri Pablo.