Hechos 26:6 - Kaqchiquel Bible

⁶ Jak'a re wakami ink'o-pe wawe' richin niq'at-tzij pa nuwi', xaxe roma yin kuqul nuk'u'x chi ri kaminaqi' k'o na jun q'ij toq xkebek'astej-pe, achi'el rusujun kan ri Dios chike ri qati't-qamama' ojer kan.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Wokami yinkꞌo waweꞌ chin ndiqꞌat tzij pa nuwiꞌ, xaxe roma kuqul nukꞌuꞌx chi ndibꞌanatej ri rusujun kan ri Dios chake ri ojer teq qatit-qamamaꞌ roj israelitas.

Kaqchikel Santa Maria de Jesus

⁶ Pero vacame incꞌo vaveꞌ chi nquiꞌan juzgar, joꞌc ruma inreꞌ ninimaj chi ri quiminakiꞌ cꞌo jun kꞌij antok xcaꞌbꞌacꞌastaj-pa, incheꞌl ranun prometer ri Dios chica ri kateꞌt-kamamaꞌ ojier can.

Kaqchikel Central Guatemala

⁶ Pero re vacami inc'o-pe vave' richin nik'at tzij pa nuvi', xaxe roma yin cukul nuc'u'x chi ri caminaki' c'o na jun k'ij tok xquebec'astej-pe, achi'el rusujun can ri Dios chique ri kati't-kamama' ojer can.

Re C'ac'a Testamento pa Kach'abal

⁶ Pero vocame yinc'o vova' chin yimban juzgar, xaxe roma yen can ninimaj che re je quiminak c'o-na jun k'ij tak xque'bec'astaj-pa, ancha'l re rusujun can re Dios chique re kavinak xe'c'ue' ajuer can.

Kaqchikel Western Solola

⁶ Yac'a re wacami yinc'o pe wawe' riche (rixin) chi nik'at tzij pa nuwi', xaxu (xaxe wi) ruma riyin cukul nuc'u'x chi ri caminaki' c'o na jun k'ij tek xquebec'astej pe, achi'el rutzujun (rusujun) ca ri Dios chique ri kati't kamama' ri xec'oje' ojer ca.

Hechos 26:6 ပူးပေါင်းရင်းမြစ်များ

Hechos 24:15

Yin kan kuqul k'a nuk'u'x rik'in ri Dios chi ri kaminaqi' k'o na jun q'ij toq xkek'astej. Kan xkek'astej k'a pe ri e choj y ri man e choj ta. Y ri nuwinaq kan keri' chuqa' ri koyoben chi nibanatej.

Tito 2:13

Roma qoyoben ri q'ij toq xtipe chik jun bey, y xtiq'alajin ri ruq'ij-ruk'ojlen ri nimalej qa-Dios Jesucristo ri qakolonel.

Hechos 28:20

Xa roma ri' xinteq iwoyoxik richin chi kan yixintz'et y richin chuqa' chi rix kan wik'in yin niwetamaj-el achike k'a roma kere' nuk'uluwachin. Roma qonojel roj judío kuqul qak'u'x chi ri Cristo nipe yan. Y roma ri' toq in ximil rik'in cadena wakami, xcha' ri Pablo.

Romanos 15:8

Keri' ninbij chiwe, roma ri Cristo xpe richin xojruto' qonojel roj judío, richin xuk'ut chiqawech chi ri Dios kan nuben-wi achi'el ri xubij chike ri ojer taq qati't-qamama'.

Hechos 23:6

Jari' toq ri Pablo xoqaqa chuk'u'x chi chikikojol ri achi'a' ri kan pa komon yeq'aton-tzij, ek'o k'a achi'a' saduceo y ek'o k'a chuqa' fariseo. Roma ri' rija' rik'in ruchuq'a' xch'on-apo y xubij: Nuwinaq judío, yin in fariseo, y kan keri' chuqa' ri nata'. Wakami rix niq'et-tzij pa nuwi', roma yin kan kuqul nuk'u'x chi ri kaminaqi' kan xkek'astej-wi, xcha' ri Pablo.

Wuj Richin ri Zacarías 13:7

Ri Jehová nubij: Kayakatej k'a rat, espada, kayakatej richin nakamisaj ri nuyuq'unel y wachibil. Richin keri' xketalutej ri karne'l. Y yin chuqa' xkiyakatej chikij ri taq karne'l ri'.

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

Deut 18:15

Ri Jehová ri qa-Dios xtuyek-pe chi'ikojol jun q'alajirisey ruch'abel rija', achi'el yin; y kan k'o chi xtinimex rutzij.

Wuj Richin ri Rutikeribel 26:4

Y yin xtinben chi xtik'iyer ri awijatzul achi'el ruk'iyal ri ch'umila' ri ek'o chikaj, y chike k'a ri awijatzul xtinya-wi kan ronojel re ruwach'ulew re'. Chuqa' konojel ri tzobaj winaqi' richin ri ruwach'ulew xtinbenya' urtisanik pa kiwi' koma ri awijatzul rat.

Wuj Richin ri Rutikeribel 22:18

Roma xanimaj nutzij, koma k'a ri awijatzul rat xtinya' k'a urtisanik pa kiwi' tzobaj taq winaqi' richin chijun ruwach'ulew, xcha' ri Dios chire.

Wuj Richin ri Rutikeribel 12:3

Y xkenwurtisaj ri xke'urtisan awichin rat. Y ri xtikoyoj itzel pan awi', chuqa' yin xtinya' itzel pa kiwi'. Y awoma k'a rat xkenwurtisaj konojel jay winaqi' richin chijun ruwach'ulew, xcha'.

Gálatas 4:4

Jak'a toq xoqaqa ri q'ij ri cha'on roma ri Dios, rija' xuteq k'a pe ri ruk'ajol y xo'alex-qa rik'in jun ixoq. Y roma chiqakojol roj judío xalex-wi ri ruk'ajol, xk'oje' k'a chuxe' ri pixa' richin ri Moisés.

Hechos 26:8

¿Achike roma toq rix nibij chi ri Dios man nitikir ta nuk'asoj jun ri kamineq chik el?

Hechos 24:21

O xaxe wi rije' nikich'ob chi mak ri xinben toq xich'on rik'in uchuq'a' ri chiri' chikikojol y xinbij: Niq'et-tzij pa nuwi' wakami roma yin ninnimaj chi ri kaminaqi' kan xkek'astej-wi. Keri' k'a ri xubij ri Pablo.

Hechos 3:24

Konojel ri xeq'alajirisan ri ch'abel ri xbix chike roma ri Dios ri ojer kan, achi'el ri Samuel y ri ch'aqa' chik, chirij re q'ij re' e ch'owineq-wi kan.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

Wuj Richin ri Malaquías 3:1

Rix kan nikanoj ri Jehová ri k'iytisanel richin ronojel, y rija' nuya' rutzijol chi xtuteq-pe jun taqonel, richin nujeq ri bey chuwech. Y xeri' ri Jehová xtipe chupan ri rachoch. Ri rutaqonel richin ri jikibel-tzij ri iwoyoben rix peteneq chik pa bey.

Wuj Richin ri Zacarías 13:1

Chupan ri q'ij ri' ri chiri' pa Jerusalem kan xtik'oje' k'a jun achi'el ralaxbal-ya' richin chi chupan ri' xtich'ajch'ojir ri kimak ri e aj pa rachoch kan ri David y konojel ri e aj chiri'.

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

Wuj Richin ri Zacarías 6:12

Xkach'on k'a rik'in y xtaya' re jun rutzijol re' chire, yin Jehová k'iytisanel richin ronojel ri yibin: Re wawe' k'o jun ri rubini'an Ri Xjotayin-pe, roma xa xtik'iy-pe achi'el nuben ri ruq'a-che', richin ja rija' xtichojmirisan chik q'anej ri wachoch.

Wuj Richin ri Miqueas 7:20

Jehová, jantape' ta k'a xtaya' pa qawi' ri awajowabal ri xasuj chire ri Abraham y ri Jacob. Ronojel ri xasuj chike ri qati't-qamama' ojer kan, jari' ta k'a ri xtaya' pa qawi' roj wakami.

Wuj Richin ri Abdías 1:21

Y rije' xkejote' k'a el pa ruwi' ri juyu' Sión richin xtikiq'et-tzij pa kiwi' ri winaqi' e richin ri Esaú. Y ri q'atbel-tzij ri' xtok richin ri Jehová.

Joel 2:32

Y konojel k'a ri xkek'utun chi ja yin ri xkikolon kichin, kan xkekolotej-wi. Roma ri chiri' pa juyu' Sión y pa tinamit Jerusalem xtibek'oje' kolotajik, roma kan keri' nubin yin y kan e nuch'aron ri xtik'oje' kik'aslen.

Os 3:5

Chirij ri' xketzolej chik pe ri israelita, kan xtikikanoj chik k'a ri Jehová ri ki-Dios. Xtikikanoj k'a ri ki-rey chikikojol ri e rijatzul kan ri David. Chupan ri ruk'isibel taq q'ij kan xtikik'en rukiy ri Jehová. Kan xkekikot k'a rik'in ronojel ri rubanon rija' kik'in.

Ez 37:24

Xtipe k'a jun rey achi'el ri q'asen David, ri nusamajel ri xtiq'aton-tzij pa kiwi' y rija' xtichajin kichin achi'el nuben jun yuq'unel. Y rije' kan jebel xtikinimaj ri nupixa'.

Ez 21:27

Y keri' xtibanatej, k'a toq xtipe na ri qitzij q'atoy-tzij k'a chire rija' xtinjech-wi.

Wuj Richin ri Isaías 7:14

Roma ri' ri Dios kan xtuya' k'a pe jun retal chiwech. Jun xten xtipe alanik chirij.*f2* Y xtibe'alex jun ti ral. Y Emanuel*f3* ri rubi' ri xtuya'.

Wuj Richin ri Isaías 4:2

Chirij re' xtapon k'a jun q'ij toq ri Jehová xtuben chik chire ri ruwach'ulew Israel kan janila jebel y kan xtibeya'ox janila rejqalen. Y ri winaqi' ri xkek'oje' kan chiri' kan xtinimirisex kiq'ij roma ri tiko'n ri xtibewachin chuwech ri kiruwach'ulew.

Wuj Richin Bix Chire ri Dios 132:17

Xabij chi wawe' xtaben chi xtibejotayin-pe ri ruchuq'a' ri David; y xtaben chike chi rije' man jun bey xkek'is, achi'el jun saqil ri man jun bey xtik'is.

Wuj Richin Bix Chire ri Dios 132:11

Rat xajikiba' k'a atzij chire ri David y kan man xtatzolij ta k'a awi' chire re jikibel-tzij re' rat xabij k'a chire chi ja ri e rijatzul rija' ri xketz'uye' chupan ri tz'uyubel richin ri q'atbel-tzij.

Wuj Richin Bix Chire ri Dios 98:2

Kan xuq'alajirisaj k'a ri ch'akonik ri xuben. Xuk'ut k'a ri ruq'atoj-tzij chikiwech ri winaqi' ri man nikitzeqelibej ta rija'.

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

Wuj Richin ri Rutikeribel 3:15

Xtinben chiwe chi ri ixoq y rat xtik'oje' k'ululanik chi'ikojol, y keri' kik'in ri awijatzul rat; y jun chike ri ral-riy rija' xtupach'ij ri ajolon rat, y rat xtajich'aj ri ruxtuxil rija', xcha'.