Hechos 26:31 - Kaqchiquel Bible

³¹ Toq xbekimolo' chik k'a ki' juk'an, nikibila' k'a chikiwech: Ri Pablo man k'a ruk'amon ta chi k'o pa cárcel, k'a ta la' chik k'a chi nitaq pa kamik, roma man jun itzel rubanon richin niban ta keri' chire, yecha'.

နောက်ထပ်ဗားရှင်းများ

Kaqchikel Santo Domingo (Xenacoj)

³¹ Y atoq xeꞌel e chiriꞌ, ngechꞌaꞌa chikiwech y kereꞌ ndikibꞌilaꞌ: La achi laꞌ ma jun mak rubꞌanun chin nditzꞌapix pa cheꞌ o ndikamisex.

Kaqchikel Santa Maria de Jesus

³¹ y xaꞌiel-el chi xbꞌaquimaloꞌ chic quiꞌ jucꞌan, y niquiꞌej chiquivach: Ri Pablo man otz ta chi cꞌo pa cárcel, ni chi niquimisas, ruma man jun kax itziel rubꞌanun chi niꞌan quireꞌ cha.

Kaqchikel Central Guatemala

³¹ Y tok xbequimolo' chic c'a qui' juc'an, niquibila' c'a chiquivech: Ri Pablo man c'a ruc'amon ta chi c'o pa cárcel, c'a ta la' chic c'a chi nitak pa camic, roma man jun itzel rubanon richin niban ta queri' chire.

Re C'ac'a Testamento pa Kach'abal

³¹ Y tak xbequimola' chic-qui' jun chic lado, niquibila' chiquivach: Re Pablo man ruc'amon-ta che niquimisas o nic'ue' preso, roma man jun cosa re man otz-ta rubanon chin che niya' re castigo re' pa rue'.

Kaqchikel Western Solola

³¹ Y tek xbequimolo' c'a qui' juc'an chic, niquibila' c'a chiquiwech: Ri Pablo man c'a ruc'amon ta chi c'o pa cárcel, y c'a ta c'a chi nitak pa camic, ruma majun itzel rubanon ta riche (rixin) chi niban ta queri' chare.

Hechos 26:31 ပူးပေါင်းရင်းမြစ်များ

Hechos 23:29

Xintz'et k'a chi nikisujuj roma man nuben ta ri nubij ri kipixa' rije'. Jak'a man roma ta ri' ruk'amon ta chi nitz'apex pa cárcel o nikamisex ta.

Hechos 23:9

Janila k'a pa kichi' nikiben. Y ri etamanela' chirij ri pixa' ri ek'o kik'in ri fariseo xeyakatej k'a y xkibij: Re jun achin re' man jun itzel rubanon. Rik'in juba' jun espíritu o jun ángel taqon-pe roma ri Dios, ri biyon chire ri ch'abel ri yeruq'alajirisaj chiqawech, xecha'.

Hechos 28:18

Toq rije' xkik'utuj chuwe achike ri nubanon, xkich'ob k'a yinkelesaj, roma man jun itzel ri nubanon ta, richin keri' yitaq ta pa kamik.

1 Pedro 3:16

Kan man jun bey k'a tiben ri etzelal, richin man niq'axo ri iwánima. Richin keri' xkek'ixbitej ri yemolo-pe tzij chiwij y ri yebin chi man utz ta ri ik'aslen roma iniman ri Cristo.

Hechos 25:25

Jak'a yin nintz'et chi re jun achin re' man jun itzel rubanon richin keri' nikamisex ta. Rija' xuk'utuj k'a chuwe chi ja ri César ri niq'aton-tzij pa ruwi', y yin ninteq k'a el rik'in ri César k'a chila' pa Roma.

San Lucas 23:4

K'ari' ri Pilato xubij chike ri aj-raqen kichin ri sacerdote y chike ri winaqi': Yin man jun ch'a'oj ninwil chirij re jun achin re', xcha'.

2 Sam 24:17

Y toq ri David xutz'et ri ángel ri nikamisan kichin ri winaqi', xubij chire ri Jehová: ¡Ja yin ri ximakun! ¡Ja yin ri in aj-mak! Ri nuwinaq xa kan e achi'el k'a taq karne'l ri maneq kimak. Yin nink'utuj utzil chawe chi pa kik'exel rije' taya' ri tijoj-poqonal pa nuwi' yin y pa kiwi' ri wijatzul, xcha'.

Wuj Richin ri Jeremías 26:16

K'ari' ri e aj-raqen y ri winaqi' richin ri tinamit xkibij chike ri e sacerdote y chike ri nikibananej chi e q'alajirisey ri ruch'abel ri Dios chi man jun achike roma yinkikamisaj, roma yin xich'on kik'in pa rubi' ri Jehová.