Hechos 26:24 - Kaqchiquel Bible

²⁴ Jak'a ch'abel ri' ri najin chubixik ri Pablo richin nuq'alajirisaj chi rija' man jun rubanon. Jak'a ri Festo kan jari' xch'on rik'in uchuq'a', y xubij: Pablo, roma janila etamabel k'o awik'in, xa xach'ujer, xcha' chire.

နောက်ထပ်ဗားရှင်းများ

Kaqchikel Santo Domingo (Xenacoj)

²⁴ Atoq ri Pablo keriꞌ ndajin chubꞌixik chin ndutoꞌ riꞌ, ri gobernador Festo xsikꞌin chubꞌixik: ¡Rat Pablo, xachꞌujir qa! Nojel ri etamabꞌel kꞌo awikꞌin xubꞌen chawa chi xachꞌujir, xchajeꞌ.

Kaqchikel Santa Maria de Jesus

²⁴ Y ja tzij reꞌ ri najin chutzijoxic ri Pablo chi nuꞌej chi jajaꞌ man jun kax rubꞌanun, antok ri Festo riqꞌuin ruchukꞌaꞌ xchꞌoꞌ y xuꞌej: Pablo, atreꞌ ruma can qꞌuiy anoꞌj, xaꞌan-ka chꞌuꞌj, xchaꞌ cha.

Kaqchikel Central Guatemala

²⁴ Y jac'a ch'abel ri' ri najin chubixic ri Pablo richin nuk'alajirisaj chi rija' man jun rubanon. Pero ri Festo can jari' xch'on riq'uin uchuk'a', y xubij: Pablo, roma janíla na'oj c'o aviq'uin, xpe ch'ujiric chave, xcha' chire.

Re C'ac'a Testamento pa Kach'abal

²⁴ Y ja tzij re' re ntajin chubixic re Pablo chin nusekresaj che reja' manak rumac. Pero re Festo can jare' tak jun pa ruchi' xch'o, y xubij: Pablo, roma camas na'oj c'o aviq'uin, mare' xa xach'ujer, xcha' cha.

Kaqchikel Western Solola

²⁴ Y ya c'a ch'abel ri' ri ntajin chubixic ri Pablo riche (rixin) chi nuk'alajsaj chi riya' majun mac rubanon. Y ri Festo can yac'ari' tek xurek apo ruchi' y xubij chare: Pablo, ruma sibilaj na'oj c'o awuq'ui, xpe ch'ujiric chawe, xcha' chare.

Hechos 26:24 ပူးပေါင်းရင်းမြစ်များ

1 Corintios 1:23

Jak'a roj, kan ja ri Cristo ri xkamisex chuwech ri cruz ri niqatzijoj. Y ri' xa nuben k'a chike ri nuwinaq judío chi itzel nikina' roma man utz ta nikak'axaj, y chikiwech k'a ri man e judío ta xa ch'ujerik.

2 Corintios 5:13

Wi rix nich'ob chi roj oj ch'ujerineq, kan ja ri Dios ri etamayon. Y wi nich'ob chi oj raxneq, kan k'o k'a utz xtuk'en-pe chiwe rix.

1 Corintios 4:10

Chikiwech ri winaqi' richin ri ruwach'ulew, roj xa oj nakaneq chupan ri rusamaj ri Cristo. Jak'a rix kan ix nowineq-wi rik'in ri Cristo. Chikiwech rije', roj xa maneq quchuq'a'. Jak'a rix kan janila wi iwuchuq'a'. Chikiwech rije', roj xa man jun qaq'ij. jak'a rix janila iq'ij.

Marcos 3:21

Toq ri e rach'alal ri Jesús xkinabej-pe, xe'apon richin nibekik'ama-pe, roma xkich'ob chi ri Jesús xa xch'ujer.

Hechos 26:11

Kan k'iy k'a bey ri xinben poqon chike, richin keri' nikiyoq' ta kan ri ruch'abel ri Jesús. Keri' xinbanala' chike ri pa taq jay ri kan nitzijox-wi ri ruch'abel ri Dios. Kan janila k'a woyowal yakatajineq chiri'. Roma ri' kan xibe pa taq tinamit kichin ch'aqa' chik ruwach'ulew chikikanoxik ri kiniman ri Jesús, richin chi xenya' pa tijoj-poqonal.

Wuj Richin ri Jeremías 29:26

Ri Jehová xtuben chi rat Sofonías xkatok nimalej sacerdote pa ruk'exel ri Joiadá, richin chi ja rat yak'oje' pa ruwi' ronojel chiri' pa rachoch ri Jehová y roma ri' wi napon jun ch'u'j y nich'on achi'el jun q'alajirisey ruch'abel ri Dios, rat xtachop y xtaxim ri ruq'a-raqen y ri ruqul chuwech jun che'.

2 Rey 9:11

Chirij ri' ri Jehú xbe'el-pe pa jay y ri rachibil xkik'utuj chire: ¿Man jun xak'uluwachij? ¿Achike roma xpe la jun ch'u'j la' awik'in?, xecha' chire. Ri Jehú xubij: Rix kan iwetaman chik ri achike ch'abel yerubij ri achin ri', xcha'.

Hechos 17:32

Toq ri winaqi' xkak'axaj chi k'o Jun ri xk'astej-pe chikikojol ri kaminaqi', xa xetze'en-apo chirij ri Pablo. Y ek'o xebin chire chi k'a xketzijon na chik jun bey.

Os 9:7

Xapon k'a ri q'ij chi niqaqa ri rutojbalil-mak, kan xtiqaqa k'a pan iwi' ri ruk'amon chiwe rix. Rix aj-Israel kan xtiwetamaj k'a chi xoqaqa yan pan iwi' ronojel re'. Rix israelita kan nibij k'a: La q'alajirisanel la' xa maneq runa'oj. La rusamajel ri Dios xa xch'ujer, yixcha'. Ronojel re' nibij roma kan ix nojineq chi etzelal. Kan janila k'a nim ri ch'upun-k'u'x ri k'o pan iwánima.

Hechos 24:25

Ri Pablo xapon kik'in, y xuchop k'a rubixik chike chirij ri achike rubanik jun k'aslen choj, ri achike rubanik richin naq'il-awi' richin man naben ta ri mak, y chi ri pa ruk'isibel ri Dios xtuq'et-tzij pa kiwi' ri winaqi'. Ri Félix janila xuxibij-ri' rik'in ri xrak'axaj, y xubij chire ri Pablo: Wakami k'a kabiyin. Y toq xtijame' chik k'a juba' nuwech, xkatinwoyoj chik k'a jun bey, xcha' ri Félix.

Hechos 22:1

Rix achi'a' ri k'o iq'ij y rix ch'aqa' chik nuwinaq, kan tiwak'axaj k'a ri ch'abel ri xkenbij chiwe wakami, richin ninto-wi', xcha'.

San Juan 8:52

Ri achi'a' ri kan k'o-wi kiq'ij xkibij k'a chire ri Jesús: Wakami kan qetaman chik chi kan k'o-wi itzel espíritu awik'in roma nabij chi achike ri yeniman ri ach'abel, man k'a xkeken ta. Jak'a ri qatata' Abraham y ri xeq'alajirisan ri ruch'abel ri Dios ojer, xa xeken.

San Juan 8:48

Roma ri' ri achi'a' ri kan k'o-wi kiq'ij, xkibij k'a chire ri Jesús: Kan qitzij wi k'a ri qabin chawij chi rat xa at jun wineq aj-Samaria y k'o itzel espíritu awik'in, xecha' chire.

San Juan 7:15

Ri achi'a' ri kan k'o-wi kiq'ij xkimey y nikibij k'a chirij ri Jesús: ¿Achike k'a roma chi re achin re' kan janila etamabel rik'in chirij ri ruch'abel ri Dios y xa man jun bey xok ta pa jun tijonik?, yecha'.

Hechos 24:27

Ka'i' k'a juna' xq'ax, y ri Pablo k'a k'o na k'a chiri' pa cárcel. Ri Félix ri q'atoy-tzij xjal-el y xok kan ri Porcio Festo pa ruk'exel. Y ri Félix xaxe richin utz nitz'et koma ri winaqi' judío, kan k'a xuya' na kan pa cárcel ri Pablo.

2 Timoteo 3:15

Roma kan k'a at ko'ol toq xawetamaj-pe ri tz'ibatel kan chupan ri loq'olej ruch'abel ri Dios. Y ri ch'abel ri' xuya' ana'oj y xuk'ut chawech chi k'o chi xakuquba' ak'u'x rik'in ri Cristo Jesús richin xakolotej chupan ri amak.