Hechos 26:22 - Kaqchiquel Bible

²² Jak'a ri Dios kan k'o-pe wik'in. Roma ri' man jun k'a ri nuk'uluwachin pa kiq'a' ri winaqi'. Kan nubin k'a pe ri ruch'abel ri Dios chike konojel ri winaqi'; chike ri janila kiq'ij y chike chuqa' ri maneq ok kiq'ij. Xaxe k'a ri kibin kan ri q'alajirisey ruch'abel ri Dios y ri Moisés, ri nintzijoj yin, roma ja rije' ri e biyon kan ri nibanatej.

နောက်ထပ်ဗားရှင်းများ

Kaqchikel Santo Domingo (Xenacoj)

²² Pero rikꞌin rutoꞌik ri Dios, jumul kꞌa ja qꞌij reꞌ, nuyoꞌon pe rubꞌixik ri rutzij ri Dios chake chꞌuteq y nimaꞌq teq kiqꞌij wineq, y kin xe ri kiqꞌalajrisan kan ri profetas y ri bꞌiꞌin kan chupan ri ley xyoꞌox chare ri Moisés ri nutzijon. Rejeꞌ kereꞌ kibꞌiꞌin kan pa ruwiꞌ ri kin xtibꞌanatej:

Kaqchikel Santa Maria de Jesus

²² Pero ri Dios can cꞌo viqꞌuin. Rumareꞌ man jun chica xꞌan chuva cuma ri vinak. Can nuꞌeꞌn-pa ri ruchꞌabꞌal ri Dios chica quinojiel ri vinak, chica ri cꞌo quikꞌij y chica jeꞌ ri manak-oc quikꞌij. Y joꞌc ri quiꞌeꞌn can ri profetas ri ojier can tiempo y ri ruꞌeꞌn can ri Moisés, jareꞌ nitzijuoj inreꞌ, ruma ijejeꞌ ri i-bꞌiyuon can ri nibꞌanataj.

Kaqchikel Central Guatemala

²² Pero ri Dios can c'o-pe viq'uin. Romari' man jun c'a ri nuc'ulvachin pa quik'a' ri vinek. Can nubin c'a pe ri ruch'abel ri Dios chique conojel ri vinek, chique ri janíla quik'ij y chique chuka' ri manek oc quik'ij. Y xaxe c'a ri quibin can ri achi'a' ri xek'alajirisan ri xbix chique roma ri Dios ri ojer can y ri rubin can ri Moisés, ri nintzijoj yin, roma ja rije' ri e biyon can ri nibanatej.

Re C'ac'a Testamento pa Kach'abal

²² Pero re Dios can c'o-va viq'uin c'a chupan re tiempo vocame. Mare' man jun cosa nc'alvachin pa quik'a' re vinak. Can ntzijom-pa re ruch'abal re Dios chique conojel vinak, chique re camas quik'ij y chique chuka' re manak quik'ij. Y xaxe re quibin can re rusamajela' re Dios re xe'c'ue' ajuer can, re xbex profetas chique, y re rubin can re Moisés jare' re nintzijoj yen roma ja reje' re je'biyon can re andex nibanataj.

Kaqchikel Western Solola

²² Yac'a ri Dios can c'o pe wuq'ui. Rumari' majun c'a ri nc'ulwachin pa quik'a' ri winek. Can nbin c'a pe ri ruch'abel ri Dios chique quinojel ri winek, chique ri sibilaj c'o quik'ij y chique chuka' ri majun quik'ij. Y xaxu (xaxe) wi c'a ri quibin ca ri profetas ri xek'alajsan ri ruch'abel ri Dios ri ojer ca, y ri rubin ca ri Moisés, xaxu (xaxe wi) ri' ri ntzijoj riyin, ruma yec'a riye' ri ye biyon ca ri nibanatej.

Hechos 26:22 ပူးပေါင်းရင်းမြစ်များ

Hechos 24:14

Jak'a ri kan ninq'alajirisaj-apo chawe chi kan qitzij wi, chi yin kan wojqan-wi ri Jesús ri Bey, ri nikibij rije' chi man utz ta. Roma xa kan rik'in ri wojqan ri Jesús, yin kan ninsamajij-wi ri Dios ri kichin ri qati't-qamama' roj judío. Kan ninnimaj-wi ronojel ri tz'ibatel kan chupan ri pixa', y chupan chuqa' ri e kitz'iban kan ri achi'a' ri xeq'alajirisan ri ruch'abel ri Dios ojer kan.

San Juan 5:46

Roma wi ta kan qitzij chi rix ninimaj ri e rutz'iban kan ri Moisés, kan yininimaj ta chuqa' yin, roma ri e rutz'iban kan rija', kan chuwij yin yech'on-wi.

Hechos 10:43

Kan ojer k'a ri bitajineq kan koma ri xeq'alajirisan ri ruch'abel ri Dios, chi qonojel k'a ri xqakuquba' qak'u'x rik'in ri Jesucristo, xtikuyutej qamak pa rubi' rija', xcha'.

San Lucas 24:44

Y xubij k'a chike: Pa nabey mul, xinbij k'a chiwe chi jare' ri k'o chi nink'uluwachij, y chi kan nik'atzin na wi chi nibanatej ronojel ri e tz'ibatel kan chuwij yin chupan ri ruch'abel ri Dios, achi'el ri e tz'ibatel kan roma ri Moisés, ri xeq'alajirisan ruch'abel ri Dios ri ojer kan, y ri e tz'ibatel kan chupan ri wuj richin bix, xcha'.

San Lucas 24:27

K'ari' ri Jesús xuchop k'a rusolik-rij chikiwech ri e ka'i' achi'a' ri', ronojel ri e tz'ibatel kan chirij rija', chupan ri ruch'abel ri Dios. Xuchop k'a el rik'in ri e rutz'iban kan ri Moisés, k'a rik'in ri kitz'iban kan ri ch'aqa' chik achi'a' ri xeq'alajirisan ri ruch'abel ri Dios ojer kan.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.

Romanos 3:21

Wakami ri Dios xuk'ut yan chiqawech ri rubanik chi man jun qamak yojk'ulun chuwech, stape' man qataqen ta ri pixa'. Re' kan niq'alajin chupan ri xkitz'ibaj kan ri Moisés y ri e q'alajirisanela'.

1 Sam 7:12

K'ari' ri Samuel xberuk'ama-pe jun abej y xuya' pa k'ulba't chire ri tinamit Mispá y ri tinamit Sen. Y xuya' rubi' re abej re' y xubini'aj Eben-ézer roma ri ch'abel ri' nel chi tzij: K'a re wawe' oj ruto'on-wi ri Jehová.

Hechos 28:23

Xkicha' k'a kan jun q'ij richin keri' nikimol-ki', y ri Pablo xtubij k'a ri achike nikajo' niketamaj. Y toq xapon k'a ri q'ij, janila k'a winaqi' ri xbekimolo-ki' rik'in ri Pablo, y rija' xuchop k'a nutzijoj y nuq'alajirisaj chirij toq ri winaqi' ye'ok pa rajawaren ri Dios. Xch'on kik'in toq xel-pe ri q'ij k'a toq xtzaq na qa, roma rija' xrajo' k'a chi xq'ax ta chikiwech chi ri Jesús jari' ri Cristo, ri tz'ibatel kan roma ri Moisés y koma ri q'alajirisey ruch'abel ri Dios.

Hechos 26:17

Xkatinto' k'a chikiwech ri awinaq ri akuchi xkatapon-wi, y chuqa' chikiwech ri winaqi' ri man e judío ta akuchi xkatinteq-el.

Hechos 26:6

Jak'a re wakami ink'o-pe wawe' richin niq'at-tzij pa nuwi', xaxe roma yin kuqul nuk'u'x chi ri kaminaqi' k'o na jun q'ij toq xkebek'astej-pe, achi'el rusujun kan ri Dios chike ri qati't-qamama' ojer kan.

San Juan 5:39

Rix kan nisik'ij k'a jebel rupan ri ruch'abel ri Dios ri tz'ibatel kan, roma kan nich'ob chi chupan ri' niwil-wi k'aslen ri man k'isel ta. Y chupan ri ruch'abel ri Dios kan ja yin ri yiruq'alajirisaj.

San Juan 1:45

Y ri Felipe, xberuk'ulu-pe ri jun achin rubini'an Natanael, y xubij k'a chire: Xqil yan k'a ri runatan kan ri Moisés chupan ri pixa' y ri kinatan chuqa' kan ri xeq'alajirisan ruch'abel ri Dios ojer, ri chupan ri kiwuj e kitz'ibalon kan. Rija', ja ri Jesús ri ruk'ajol ri José aj-Nazaret, xcha'.

San Juan 1:17

Ri pixa' xya'ox roma ri Moisés, jak'a ri utzil ri' y ri qitzij, xya'ox roma ri Jesús ri Cristo ri nibix chuqa' ch'abel chire.

San Lucas 24:46

Y xubij chike: Kan tz'ibatel-wi k'a kan ri', chi yin ri Cristo k'o chi nink'owisaj tijoj-poqonal, y chi kan yiken y pa rox q'ij yik'astej-pe,

Wuj Richin Bix Chire ri Dios 124:8

Ri qato'onik roj kan rik'in k'a ri Jehová peteneq-wi, ri xbanon chijun ri kaj y ri ruwach'ulew.

Wuj Richin Bix Chire ri Dios 66:12

Xaben chiqe chi ri e etzelanel qichin xojkixeq'. Kan xaben k'a chiqe chi achi'el xa ta xojq'ax pa q'aq' y pa ya', chirij k'a ronojel re' xaya' uxlanen pa ruk'iyal chiqe.

Wuj Richin Bix Chire ri Dios 18:47

Ja ri Dios ri niya'on ri rutojbalil pa kiwi' ri e etzelanel wichin. Ja rija' ri yejachon pa nuq'a' ri winaqi' ri man nikitzeqelibej ta rija'.

Wuj Richin ri Esdras 8:31

Y xojel-pe chiri' rik'in ri raqen-ya' Ahavá chupan ri q'ij kablajuj richin ri nabey ik' chire ri juna', richin xojbe pa Jerusalem. Ri ruq'a' ri Jehová ri qa-Dios k'o k'a pa qawi', y xojrukol pa kiq'a' ri eleq'oma' ri ye'el-pe pa taq bey y chuqa' ri e etzelanel qichin.

Apocalipsis 20:12

Y xentz'et ri kaminaqi', chi ch'uti'q chi nima'q e pa'el-apo chuwech ri tz'uyul chupan ri tz'uyubel ri'. Xejaqalox k'a ri wuj, y xjaq chuqa' ri jun wuj ri richin k'aslen. Konojel k'a re kaminaqi' re' kan xq'at-tzij pa kiwi', achi'el ri kibanobal ri e tz'ibatel chupan ri wuj ri'.

Apocalipsis 11:18

Ri tzobaj winaqi' richin re ruwach'ulew yakatajineq koyowal chawij, jak'a kan xoqaqa ri q'ij richin chi ri awoyowal rat xqaqa pa kiwi' rije'. Kan xoqaqa ri q'ij richin naq'et-tzij pa kiwi' ri kaminaqi'. Q'ij richin chi xtaya' rajel ruk'exel chike ri asamajela' y ri e q'alajirisey ri ach'abel, chike ri awalk'ual y ri yeya'on aq'ij, chi ch'uti'q chi nima'q. Kan xoqaqa k'a chuqa' ri q'ij chi rat ye'ak'is ri winaqi' ri yebanon chire ri ruwach'ulew richin nik'is, yecha'.

2 Timoteo 3:11

xak'oje' wik'in toq xinetzelex, y toq yinajin chuk'owisaxik tijoj-poqonal. Chupan ronojel ri xban chuwe ri pa tinamit Antioquía richin Pisidia, ri pan Iconio y ri pa Listra, toq xban chuwe chi janila xintej poqon. Jak'a chupan ronojel ri' ri Dios kan xirukol-pe.

San Mateo 26:24

Kan qitzij wi chi yin, ri xiqaqa-pe achi'el wineq chi'ikojol, kan xkibe-wi k'a pa kamik. Kan xtibanatej achi'el ri tz'ibatel kan. Jak'a toq'ex k'a ruwech ri xtijacho-el wichin yin; utz ta chi man ta xalex, xcha' ri Jesús.

San Lucas 16:28

Roma ek'o wo'o' wach'alal, y ninwajo' chi nibech'on ta kik'in, richin man kepe rije' re wawe' re akuchi k'o janila tijoj-poqonal, xcha'.

Hechos 13:29

chupan ri ruch'abel ri Dios, kan tz'ibatel k'a kan ronojel ri xtiban chire ri Jesús, y kan keri' xbanatej. Chirij ri' ek'o ri xebeqasan-pe chuwa ri cruz, y k'ari' xbekimuqu' kan.

1 Corintios 15:3

Ri ch'abel ri xink'ul yin, ri kan janila rejqalen, kan ja chuqa' ch'abel ri' ri xintzijoj chiwe rix; chi ri Cristo xken roma ri qamak, kan achi'el ri tz'ibatajineq kan chupan ri ruch'abel ri Dios.

1 Corintios 15:4

Y chirij ri' xmuq. Jak'a pa rox q'ij xk'astej, kan achi'el ri tz'ibatajineq kan chupan ri ruch'abel ri Dios.