Hechos 26:19 - Kaqchiquel Bible

¹⁹ Roma ri', rey Agripa, yin kan xinben k'a ri xq'alajirisex chinuwech roma ri jun achik' ri chikaj peteneq-wi.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁹ Riyin nibꞌij chawa, nimalej rey Agripa, chi ngitajin chubꞌanik ri xbꞌix pe chuwa roma ri chꞌabꞌel pataneq chikaj.

Kaqchikel Santa Maria de Jesus

¹⁹ Oh rey Agripa, inreꞌ can xinꞌan ri xcꞌut chinoch chupan ri jun incheꞌl achicꞌ ri chicaj patanak-ve.

Kaqchikel Central Guatemala

¹⁹ ¡A rey Agripa! Yin can xinben c'a ri xk'alajirisex chinuvech, roma ri xk'alajirisex chinuvech chupan ri jun achi'el achic' ri', chicaj c'a petenek-vi.

Re C'ac'a Testamento pa Kach'abal

¹⁹ ¡A Rey Agripa! Yen can ximban re xc'ut chinoch, roma re xc'ut chinoch chupan re jun ancha'l achic' re', chicaj pitinak-va.

Kaqchikel Western Solola

¹⁹ ¡Oh rey Agripa! Riyin can xinben c'a ri xk'alajsex chinuwech chupan ri jun achi'el achic' ri', ri petenak chicaj.

Hechos 26:19 ပူးပေါင်းရင်းမြစ်များ

Wuj Richin ri Isaías 50:5

Jehová k'iytisanel richin ronojel, kan naben chuwe richin nijaqatej ri nuxikin, y yin kan man yiyakatej ta chawij, ni kan man nintzolij ta wi' chuwij.

Gálatas 1:16

Y kan rurayibel-wi k'a richin xuq'alajirisaj ri Jesucristo ri ruk'ajol chinuwech; roma ri Dios kan in rucha'on richin ninbentzijoj ri Jesucristo chike ri ch'aqa' chik winaqi' ri man e nuwinaq ta. Y toq ri Dios ruq'alajirisan chik ri Jesucristo chinuwech, man xibe ta rik'in jun wineq richin xinwetamaj más.

Wuj Richin ri Jeremías 20:9

Jak'a wi man ninq'alajirisaj ta ri ach'abel o man yich'on ta pan abi' rat, jari' toq ri wánima k'o jun achi'el q'aq' ri nik'at chupan y man yitikir ta ninchup y napon k'a pa nubaqil, stape' ninwajo' nik'oje' chiri', xa kan k'o chi ninq'alajirisaj.

Wuj Richin ri Jonás 1:3

Jak'a rija' man keri' ta xuben, xa xuch'ob richin nibe pa Tarsis*f1* richin nanimej chuwech ri Jehová. Y roma ri' xbe-qa chuchi' ri palou ri k'o pa Jope, y chiri' xril-wi jun barco ri nibe yan pa Tarsis. Xutoj ri ru-pasaje y xok-el chupan ri barco y xbe chikikojol ri winaqi' ri e beneq chupan, richin nrewaj-el-ri' nej chuwech ri Jehová.

Ez 3:14

Y toq ri ru-Espíritu ri Jehová xiruyek-q'anej, jari' toq xiruk'uaj-el ri chiri'. Y yin kan k'ayirineq pa nuchi' y xyakatej janila woyowal, roma ri ruq'a' ri Jehová kan qajineq k'a ri ralal chuwij yin.

Hechos 26:2

Yin janila ninmatioxij y janila chuqa' yikikot, roma chawech rat rey Agripa in pa'el-wi richin ninto-wi'. Roma ri qawinaq judío nikibij chi janila mak e nubanalon.

Wuj Richin ri Isaías 6:8

Chirij re' k'ari' xinwak'axaj ri ruch'abel ri Jehová ri nubij: ¿Achike kami ri xtiqateq-el? ¿Achike k'a xtok qataqo'n?, xcha'. Y yin xinbij chi jare' ink'o wawe', y chi kirutaqa-el yin.

Hechos 26:18

Yatinteq k'a el kik'in, richin chi rije' nijaqatej ri runaq' taq kiwech, y ye'el-pe chupan ri q'equ'm y yek'oje' chupan ri saqil, ye'el k'a chuqa-pe chuxe' ri rutzij ri Satanás y ye'ok chuxe' rutzij ri Dios, y roma xkikuquba' kik'u'x wik'in, nikik'ul ri kuyubel kimak, y ri Dios k'o xtuya' chike richin nikichinaj, e kachibilan ri ch'aqa' ri ch'ajch'oj chik ri kik'aslen y e richin ri Dios, xcha' ri Jesús chuwe.

Hechos 26:20

Roma ri' kan xinchop k'a rutzijoxik nabey chike ri winaqi' ri ek'o pa Damasco; k'ari' chike ri ek'o pa Jerusalem y chike k'a chuqa' ri ek'o pa ronojel tinamit pa Judea, y k'ari' chike k'a ri winaqi' ri man e judío ta, chi nej chi naqaj. Chike konojel k'a xinbij chi titzolej-pe kik'u'x rik'in ri Dios y tijalatej ri kik'aslen. Chuqa' xinbij chike chi kan tikiq'alajirisaj-ki' rik'in ri kibanobal chi e jalatajineq chik.

Ez 12:7

Yin kan xinben k'a ronojel ri xubij ri Jehová chuwe. Ja ri tiqaq'ij xinben-qa ri rutzil ri xtink'uaj-el, kan achi'el nuben jun wineq ri nuk'uex-el k'a juk'an chik. Y ri chi'aq'a' xinteq'uj ri tz'aq akuchi yinel-wi-el y xink'uaj-el chuwi-nutele'n ri nik'atzin chuwe. Y xinben ronojel re' chikiwech konojel ri nuwinaq.