Hechos 26:16 - Kaqchiquel Bible

¹⁶ Jak'a kan tasik'a-awi', y kayakatej. Xink'ut-wi' chawech roma yak'atzin chuwe, y richin chuqa' nabetzijoj chike ri winaqi' ri xatz'et re wakami, y ri xkenk'ut chawech chupan ri q'ij e beneq-apo.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Pero wokami kayakatej y chaj kapeꞌeꞌ. Riyin xinkꞌut wiꞌ chawech, porque xatinchaꞌ chin ngatok nusamajel y chin ndabꞌij chikiwech ri wineq chi qetzij xatzꞌet ri xenkꞌut wokami chawech y ri xkenkꞌut chawech atoq xtinkꞌut chik wiꞌ jumbꞌey chawech.

Kaqchikel Santa Maria de Jesus

¹⁶ Pero capalaj y capiꞌieꞌ. Xincꞌut-viꞌ chavach ruma chi ncatuoc nusamajiel, chi natzijuoj chica ri vinak ri xatzꞌat y ri xcaꞌncꞌut chavach chupan ri kꞌij ri chakavach-apa.

Kaqchikel Central Guatemala

¹⁶ Pero can tasic'a' c'a avi', y cayacatej. Xinc'ut-vi' chavech roma yac'atzin chuve, y richin chuka' ne'atzijoj chique ri vinek ri xatz'et y ri xquenc'ut chavech chupan ri k'ij e benek-apo.

Re C'ac'a Testamento pa Kach'abal

¹⁶ Pero cayacataj y capa'e'. Yen xinc'ut-vi' chavach roma yatoc chua, y chin chuka' natzijoj chique re vinak re xatz'at y re xque'nc'ut chavach chupan re k'ij chin re chua'k-cabij.

Kaqchikel Western Solola

¹⁶ Pero can tasic'a' c'a awi', y cayacatej. Xinc'ut c'a wi' chawech riche (rixin) chi yatoc jun nusamajel y riche (rixin) chuka' chi yabe chutzijoxic chique ri winek ri xatz'et yan y ri xquenc'ut chawech chupan ri k'ij ri ye benak apo.

Hechos 26:16 ပူးပေါင်းရင်းမြစ်များ

Dn 10:11

Y xubij k'a chuwe: Daniel, ri kan utz at tz'eton roma ri Dios. Taya' k'a ri axikin chire ri ch'abel ri xtinbenbij chawe. Kayakatej-q'anej, roma xa in taqon-pe awik'in re wakami, xcha'. Kan xaxe k'a xubij keri', yin xipa'e-q'anej y kan yibaybot k'a.

Ez 2:1

Ri Jehová xubij k'a chuwe chi yin xa in jun choj wineq y chi kipa'e-q'anej richin nitzijon wik'in.

1 Timoteo 1:12

Ja ri qajaw Jesucristo ri yoyon wuchuq'a' chi ninben re samaj re'. Y yin ninmatioxij chire roma xukuquba' ruk'u'x wik'in, y roma ri' xirucha' richin xinok rusamajel.

Gálatas 1:12

Man rik'in ta jun wineq xink'ul-wi-pe, ni man xitijox ta chuqa'. Kan ja ri Jesucristo ri xq'alajirisan chinuwech.

Romanos 15:16

rubanon chi xinok rusamajel ri Jesucristo achi'el jun sacerdote richin nintzijoj ri utzilej ruch'abel richin kolotajik chike ri winaqi' ri man e judío ta. Y keri' rije' xke'ok achi'el jun sipanik chire ri Dios. Y re' kan nuk'awomaj-wi ri Dios roma ri Loq'olej Espíritu.

Colosenses 1:25

Yin xinok k'a samajel richin ri ch'akulaj ri' y ri samaj ri xuya' ri Dios chuwe ja ri chi'ikojol rix ri man ix nuwinaq ta. rija' nrajo' k'a chi nintzijoj ronojel ri ruch'abel chiwe.

Colosenses 1:23

Jak'a nik'atzin chi kan kow yixk'oje' chupan ri ikuqubabel-k'u'x rik'in ri Dios y man jun bey tich'ob richin niya' kan ri oyobenri'il ri k'o iwik'in rix roma xiwak'axaj ri utzilej ch'abel richin kolotajik, ri talutajineq chuwech chijun ruwach'ulew, ri yin chuqa' in oyon richin ninch'abalij.

Gálatas 2:2

Y yin xibe roma kan ja ri Dios ri xq'alajirisan chinuwech. Toq xinapon, xaxe ri achi'a' ri k'o kiq'ij chikikojol ri qach'alal y yin ri xqamol-qi'. Y xintzijoj k'a chike ri achike rubanik ri utzilej ch'abel richin kolotajik ri nintzijola' chike ri man e qawinaq ta, richin keri' tiketamaj chi ri samaj ri ninben yin kan k'o-wi rejqalen.

Hechos 23:11

Ri jun chik k'a aq'a' ri', ri ajaw Jesucristo xuk'ut-ri' chuwech ri Pablo, y xubij chire: Man k'a taxibij-awi', xa takuquba' ak'u'x, roma kan achi'el ri nuq'alajirisaxik xaben wawe' pa Jerusalem, kan nik'atzin k'a chi keri' nabebana' pa Roma, xcha' chire.

2 Timoteo 4:5

Jak'a rat tach'obo' jebel ronojel ri naben. Takoch'o' ri tijoj-poqonal ri nipe chawij. Man katane' chutzijoxik ri utzilej ch'abel richin kolotajik. Tabana' ronojel ri samaj ri ya'on chawe roma ri Dios.

1 Timoteo 4:6

Y rat Timoteo, wi xke'atijoj ri qach'alal chire ri xinbij yan qa chawe chupan re wuj re', at jun utzilej rusamajel ri Jesucristo, tijon rik'in ri kuqubabel-k'u'x rik'in rija' y rik'in ri utzilej taq tijonik.

1 Tesalonicenses 3:2

y xqateq k'a el ri qach'alal Timoteo richin xixberutz'eta', roma rija' jun rusamajel chuqa' ri Dios, ri chuqa' nutzijoj ri utzilej ruch'abel ri Cristo ri nik'amon-pe kolotajik. Y xqateq k'a el richin niberuya' más iwuchuq'a' y nuben chuqa' chiwe chi más nikuquba' ik'u'x rik'in ri Jesucristo.

Colosenses 1:7

Ri ch'abel ri' ja ri qach'alal Epafras xtzijon chiwe. Rija' jun samajel ri qachibil roj, y janila k'a niqajo'. Kan jebel wi nisamej pa rusamaj ri Cristo ri chiri' chi'ikojol rix.

2 Corintios 5:18

Y ronojel k'a re', kan rik'in ri Dios xalex-wi-pe. Kan rurayibel k'a rija' chi roj junan ta qawech rik'in, y xukusaj ri Cristo richin xuben ri samaj ri'. Y ri samaj ri ruya'on chiqe roj, ja ri niqaya' ri ruchojmilal chike ri winaqi' ri rubanik chi nijunamatej kiwech rik'in ri Dios.

2 Corintios 4:1

Roma ri' roj man yojq'itej ta chubanik ri rusamaj ri Dios ri ruya'on chiqe roma ri rutzil.

Romanos 1:5

Ri Jesucristo xuya' rutzil pa nuwi', richin chi xinok taqon roma rija', chi pa rubi' nintzijoj ri ruch'abel pa taq ronojel ruwach'ulew, richin ri winaqi' xtikikuquba' ta kik'u'x rik'in y xtikinimaj ta chuqa' rutzij.

Hechos 22:10

Yin xinbij k'a: Ajaw, ¿achike k'a ri ruk'amon chi ninben ta?, xicha'. Ri ajaw xubij chuwe: Kayakatej k'a el, y kabiyin pa Damasco, y chiri' xtibix k'a chawe ri ruk'amon chi naben, xinuche'ex.

Hechos 21:19

Ri Pablo xeruq'ejela', y k'ari' chi jujun chi jujun xutzijoj ri xuben ri Dios chikikojol ri winaqi' man e judío ta, roma ri rusamaj rija'.

Hechos 20:24

Jak'a man ja ta ri' ri más ninch'ob rij, ni man ja ta chuqa' ri nuk'aslen ri ninch'ob más. Ri más k'a ninch'ob, ja ri samaj ri ruya'on ri ajaw Jesús chuwe, y rik'in ta k'a kikoten ri xtink'is rutzijoxik chike ri winaqi' ri utzilej ch'abel richin kolotajik, ri niq'alajirisan ri rutzil ri Dios.

Hechos 6:4

Jak'a roj kan xtiqaben-wi ri samaj achi'el ri qabanon-pe. Jantape' xqojch'on rik'in ri Dios, y xtiqaq'alajirisaj ri ruch'abel, xecha' chike.

Hechos 1:25

richin nok kan jun taqon roma ri Cristo pa ruk'exel ri Judas, richin nipa'e' chuwech ri samaj. Roma ri Judas xa xuya' kan ri samaj, roma ri itzel xerubanala'. Y wakami rija' xapon yan akuchi ruk'amon chi napon-wi, xecha'.

Hechos 1:17

Jak'a ri Judas ri' kan qachibil, y xsamej chuqa' junan qik'in, xcha'.

San Lucas 1:2

kan achi'el wi ri xtzijox chiqe koma ri xetz'eton ri k'a pa rutikeribel-pe. Ri xetz'eton ri xbanatej, xe'ok chuqa' tzijoy ruch'abel ri Dios.

Hechos 26:15

Jari' toq xinbij chire chi achike k'a rija'. Y rija' xubij chuwe: Ja yin ri Jesús. Chuwij yin achapon-wi ch'a'oj.

Efesios 3:3

Ojer kan, pa kiq'ijul ri qati't-qamama' man jani q'alajirisan ta jebel ri ruch'obonik ri Dios pan iwi'. Jak'a re wakami ri Dios ruq'alajirisan chik chuwe yin, y jari' ri xinbij yan el juba' chiwe.