Hechos 25:8 - Kaqchiquel Bible

⁸ Roma ri' ri Pablo, richin nuto-ri', xch'on k'a apo, y xubij: Yin man jun k'a numak nubanon chuwech ri pixa' qichin roj judío, ni man jun chuqa' itzel nubanon ta ri pa rachoch ri Dios ri k'o pa Jerusalem, y ni man jun k'a chuqa' nubanon chuwech ri pixa' ri ya'on roma ri César, xcha' ri Pablo.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Y ri Pablo kereꞌ xubꞌij chin ndutoꞌ riꞌ: Riyin ma jun nuqꞌajon rutzij ri ley kichin ri israelitas, ma nubꞌanun ta ri xajan chi ndibꞌan pa rachoch ri Dios, y ma enuyakon ta wineq chirij ri rey César, xchajeꞌ.

Kaqchikel Santa Maria de Jesus

⁸ Rumareꞌ ri Pablo, chi nuꞌon defender-riꞌ, xchꞌo-apa y xuꞌej: Inreꞌ man jun nuchꞌoꞌj nubꞌanun choch ri ka-ley ojreꞌ israelitas, ni man jun kax itziel nubꞌanun ri pa templo ri cꞌo Jerusalén, y man jun nuchꞌoꞌj nubꞌanun jeꞌ choch ri ley ri yoꞌn ruma ri César, xchaꞌ ri Pablo.

Kaqchikel Central Guatemala

⁸ Romari' ri Pablo, richin nuto-ri', xch'on c'a apo, y xubij: Yin man jun c'a numac nubanon chuvech ri ley kichin roj israelitas, ni man jun chuka' itzel nubanon ta ri pa rachoch ri Dios ri c'o pa Jerusalem, y ni man jun c'a chuka' nubanon chuvech ri ley ri yo'on roma ri César, xcha' ri Pablo.

Re C'ac'a Testamento pa Kach'abal

⁸ Mare' re Pablo, chin che nuban defender-ri', xch'o-apo, y xubij: Yen man jun numac nbanon chach re ley kachin yoj re yoj israelitas y chuka' man jun mac re nbanon-ta pa rachoch re Dios re c'o pa Jerusalén, y chuka' man jun nbanon chach re ley re yi'on roma re César, xcha' re Pablo.

Kaqchikel Western Solola

⁸ Rumari' ri Pablo, riche (rixin) chi nuto' ri', xch'o c'a apo, y xubij: Riyin majun c'a numac nbanon chuwech ri ley kiche (kixin) riyoj israelitas, ni majun chuka' numac nbanon ta ri pa rachoch ri Dios ri c'o pa Jerusalem, y majun chuka' numac nbanon chuwech ri ley ri ya'on ruma ri César, xcha' ri Pablo.

Hechos 25:8 ပူးပေါင်းရင်းမြစ်များ

Hechos 28:17

Oxi' yan k'a q'ij tapon ri Pablo pa Roma, toq xuteq koyoxik ri aj-raqen chikikojol ri judío ri ek'o chiri'. Y toq xe'apon rik'in, xubij k'a chike: Nuwinaq, yin man jun achike ta k'a nubanon chike ri ch'aqa' chik qawinaq judío, ni man jun chuqa' achike ta nubin chirij ri kibin kan ri qati't-qamama' chi k'o chi niqaben, jak'a kan ja yan ri chiri' pa Jerusalem xichap y xijach pa kiq'a' ri q'atoy taq tzij aj-Roma.

Hechos 24:12

Toq xinkil, xa maneq oyowal rik'in jun chik wineq rik'in ch'abel ri yinajin ta chubanik. Ni man e nuyakon ta chuqa' el winaqi' richin nikiben oyowal, ri chiri' pa rachoch ri Dios y ni ta ri pa taq jay ri kan nitzijox-wi ri ruch'abel ri Dios. Chuqa' ni ta ri pa taq bey richin ri tinamit xinkil ta chi k'o ta ri yinajin chubanik.

2 Corintios 1:12

Ri kikoten ri k'o qik'in roj wakami, kan roma qetaman chi ri qabanobal kan rik'in wi ch'ajch'oj qánima yeqaben, y kan qitzij wi chuwech ri Dios. Man qana'oj ta k'a roj ri niqakusaj, xa kan ja ri na'oj ri qak'ulun rik'in ri Dios. Kan keri' ri qak'aslen ri qak'utun chikiwech ri ek'o chuwech re ruwach'ulew, y más chiwech rix.

Hechos 28:21

Ri judío ri' xkibij chire ri Pablo: Roj man jun wuj qak'ulun ta ri peteneq pa Judea ri nich'on ta chawij. Ni man jun chuqa' chike ri qawinaq ri e peteneq chiri' ri yebin ta chi k'o itzel ri abanalon.

Wuj Richin ri Jeremías 37:18

Chuqa' xinbij chire: ¿Achike k'a xinmakuj chawech rat o chikiwech ri aj-raqen, o chikiwech ri winaqi' richin ri tinamit richin chi xinaya' pa jul?

Hechos 25:10

Jak'a ri Pablo xubij chire: Yin in jun wineq richin ri ajawaren richin Roma, y roma ri' kan ja ri ruq'atbel-tzij ri César ri k'o chi niq'aton-tzij pa nuwi', achi'el re akuchi ink'o-wi re wakami chawech rat. Chuqa' rat jebel awetaman chi yin man jun itzel ri nubanon chike ri nuwinaq judío.

Hechos 24:6

Ja chuqa' rija' ri xajowan ta xuben kan itzel ri pa rachoch ri Dios ri k'o pa Jerusalem. [Roma ri' roj xqachop richin niqaq'et ta tzij pa ruwi' achi'el nubij ri qapixa'.

Hechos 23:1

Ri Pablo xerutzu' k'a ri achi'a' ri kan pa komon wi yeq'aton-tzij, y xubij chike: Achi'a' ri ix nuwinaq yin, kan man jun k'a achike ta nuna' ri wánima, roma ri nuk'aslen chuwech ri Dios kan choj k'a rubanon-pe, xcha'.

Dn 6:22

Ri nu-Dios xuteq k'a pe jun ru-ángel richin xutz'apej ri kichi' ri koj, richin chi man jun xkiben chuwe. Roma yin xa kan man jun k'a numak chuwech rija'. Keri' chuqa' chawech rat rey kan man jun numakun, xcha'.

Wuj Richin ri Rutikeribel 40:15

Yin xa in jun hebreo, y xa in eleq'an-pe chupan ri nutinamit, y man jun achike roma ink'o wawe', roma xa man jun numak nubanon, xcha'.

Hechos 24:14

Jak'a ri kan ninq'alajirisaj-apo chawe chi kan qitzij wi, chi yin kan wojqan-wi ri Jesús ri Bey, ri nikibij rije' chi man utz ta. Roma xa kan rik'in ri wojqan ri Jesús, yin kan ninsamajij-wi ri Dios ri kichin ri qati't-qamama' roj judío. Kan ninnimaj-wi ronojel ri tz'ibatel kan chupan ri pixa', y chupan chuqa' ri e kitz'iban kan ri achi'a' ri xeq'alajirisan ri ruch'abel ri Dios ojer kan.