Hechos 25:7 - Kaqchiquel Bible

⁷ Toq ri Pablo xok-apo, ri ruwinaq judío ri e peteneq pa Jerusalem xkisutij-rij, y xkisujuj k'a apo rik'in k'iy y nima'q taq mak. Jak'a man xetikir ta xkibij-apo wi qitzij ri e rubanalon.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Atoq xbꞌeqaqa ri Pablo chuwech ri Festo, ri israelitas ri eꞌeleneq e pa tinamit Jerusalén kin ja paqiꞌ xbꞌekimoloꞌ kiꞌ chirij, y ndikiyaꞌ jalajaj teq sujunik chirij ri Pablo, y ndikibꞌij chi erubꞌanun nimaꞌq teq chꞌaꞌoj, pero ma xetiker ta xkil jun reqal chin ndikikꞌut chi qetzij ri sujunik ndikiyaꞌ chirij.

Kaqchikel Santa Maria de Jesus

⁷ Y antok ri Pablo xalka, ri vinak israelitas ri i-patanak Jerusalén xquimol-quiꞌ chirij, y niquiꞌan-apa acusar riqꞌuin qꞌuiy y grave ruchꞌoꞌj. Pero antok xcꞌutux chica, man xaꞌtiquir ta xquiꞌej-apa xa ketzij chi i-rubꞌanun ri chꞌoꞌj reꞌ.

Kaqchikel Central Guatemala

⁷ Y tok ri Pablo xoc-apo, ri vinek israelitas ri e petenek pa Jerusalem xquisurij rij (xquisutij rij), y niquisujuj c'a apo riq'uin q'uiy y nima'k tak mac. Pero man xetiquir ta xquiya' pa sakil vi can kitzij chi e rubanalon ri mac ri', tok xc'utux chique.

Re C'ac'a Testamento pa Kach'abal

⁷ Y tak re Pablo xoc-apo, re vinak israelitas re je'pitinak pa Jerusalén xquimol-apo-qui' chij, y niquisujuj-apo roma chiquivach reje' camas q'uiy rumac. Pero man xe'tiquir-ta xe'quisekresaj vo xa katzij che je'rubanalon re mac re', tak xc'utux chique.

Kaqchikel Western Solola

⁷ Y tek ri Pablo xoc apo, ri winek israelitas ri ye petenak pa Jerusalem xquisutij qui' chrij, y niquitzujuj (niquisujuj) c'a apo riq'ui q'uiy y nima'k tak mac. Pero ma xecowin ta xquiya' pa sakil wi can kitzij chi ye rubanalon ri mac ri', tek xc'utux chique.

Hechos 25:7 ပူးပေါင်းရင်းမြစ်များ

Hechos 24:13

Ri winaqi' ri yebin chi ja numak ri' ri e nubanalon, man k'a xketikir ta xtikibij chi kan qitzij, wi ta kan nik'utux chike chi tikiq'alajirisaj.

Hechos 25:24

Ri Festo xubij k'a: Rey Agripa y chi'iwonojel rix ri imolon-pe-iwi' qik'in wakami, jak'a achin re' ri rubini'an Pablo. Ri winaqi' judío ri ek'o pa Jerusalem y ri ek'o chuqa' wawe', e oqawineq wik'in y kan rik'in kuchuq'a' kik'utun chuwe chi man ruk'amon ta chik ri k'es.

San Lucas 23:10

Kan ek'o k'a apo chuqa' ri aj-raqen kichin ri sacerdote y ri etamanela', richin nikisujuj ri Jesús. Rije' kan yesik'in k'a apo richin nikisujuj.

San Lucas 23:2

Ri chiri' chuwech ri q'atoy-tzij, nikisujula' k'a apo y nikibij: Roj qetaman chi re Jesús k'iy rumak. Rija' nuya' kina'oj ri winaqi'. Rija' nubila' chuqa' chike chi man tikitoj ri k'o chi nitoj chire ri César. Chuqa' nubila' chi ja rija' ri Cristo, y re' kan nuq'alajirisaj k'a chi ja rija' ri rey, xecha'.

Wuj Richin Bix Chire ri Dios 27:12

Tabana' utzil man taya' q'ij richin nikiben ri kirayibel rije'. Roma kan kitz'ukun-tzij chuwij, y kan xaxe k'a ri etzelal ri nikajo' nikiben chuwe.

Hechos 21:28

Toq xkichop, kan rik'in k'a kuchuq'a' xkibila': ¡Qojito'! ¡Qojito', rix qawinaq israelita! ¡Ja achin re' ri nibiyaj ronojel tinamit; k'iy k'a ri nubij chiqij roj judío, yerutijoj ri winaqi' chi man tikiben ri nubij chupan ri pixa', y itzel chuqa' nich'on chirij re loq'olej rachoch ri Dios! Wakami e rukusan-pe winaqi' ri man e qawinaq ta, achi'el xa man rachoch ta ri Dios nuben chire re loq'olej jay re', xecha'.

Wuj Richin Bix Chire ri Dios 35:11

Xeyakatej winaqi' chuwij ri nikitz'uk-tzij chuwij. y nikik'utuj chuwe ri xa man wetaman ta.

Ester 3:8

Xeri' ri Amán xubij chire ri rey Asuero: Chupan ri awajawaren rat, ek'o jun tzobaj winaqi' ri e talutajineq ri man junan ta kich'obonik qik'in. Y ri pixa' ri kitzeqeliben kan jun wi chik, y man nikitaqej ta ri apixa' rat. Yin ninch'ob chi kan man ruk'amon ta chawe rat chi ri winaqi' ri' e k'es.

Wuj Richin ri Esdras 4:15

richin chi titz'et chupan ri wuj ri akuchi tz'iban-wi ri xbanatej kik'in ri ate-atata'. Y chiri' xtatz'et chi rije' kan jun tinamit ri k'o yakatajinenri'il kik'in, y kan e banoy ch'a'oj chike ri e rey y chike ri ch'aqa' chik tinamit. Y ojer kan, xkimol-ki' y xeyakatej chirij ri q'atoy-tzij y roma ri' kan xk'is ri kitinamit Jerusalem.

San Mateo 15:1

Chirij ri' ek'o k'a ka'i-oxi' etamanela' chirij ri pixa' y ri fariseo ri xepe pa Jerusalem richin xech'on rik'in ri Jesús y xkibij chire:

1 Tesalonicenses 2:16

Pa ruwi' ri', toq roj xqajo' xqatzijoj ruch'abel ri Dios richin kolotajik chike ri winaqi' ri man e judío ta, rije' janila itzel xkina', roma man xkajo' ta chi xojbe kik'in. K'iy ri kimak ri qawinaq judío. Y roma ri' ri Dios ruya'on chik ruk'ayewal pa kiwi'.