Hechos 25:23 - Kaqchiquel Bible

²³ Pa ruka'n q'ij, xban k'a jun nimalej k'ulunik chike ri Agripa y ri Berenice. Rije' e kachibilan-el ri achi'a' ri ek'o pa kiwi' ri aj-labal y ri achi'a' ri nima'q kiq'ij ri chiri' pa Cesarea, toq xe'ok-apo chupan ri jay ri richin molojri'il. K'ari' ri Festo xuteq ruk'amik ri Pablo.

နောက်ထပ်ဗားရှင်းများ

Kaqchikel Santo Domingo (Xenacoj)

²³ Chukan qꞌij xebꞌeqaqa ri rey Agripa y ri Berenice, y nim kiqꞌij ndikinaꞌ chare roma ri nimalej kikꞌulik xbꞌan, y junan kikꞌin ri nimaꞌq teq kiqꞌij ukꞌuey kibꞌey soldados y kikꞌin ri achiꞌaꞌ más nim kiqꞌij chin ri tinamit Cesarea xeꞌok apu pa nimajay apeꞌ ndikimal kiꞌ ri wineq. Ja atoq riꞌ ri Festo xubꞌen mandar chi tikꞌan pe ri Pablo.

Kaqchikel Santa Maria de Jesus

²³ Y chucaꞌn kꞌij, riqꞌuin namakꞌej xaꞌcꞌul-apa ri rey Agripa y ri Berenice. Ijejeꞌ y ri achiꞌaꞌ ri i-comandantes quichin ri soldados y ri achiꞌaꞌ principales chireꞌ Cesarea, xaꞌuoc chupan ri jay ri pacheꞌ niquimol-ve-quiꞌ. Y cꞌajareꞌ ri Festo xuꞌej chi ticꞌamar-pa ri Pablo.

Kaqchikel Central Guatemala

²³ Y pa ruca'n k'ij, xban c'a jun nimalej c'ulunic chique ri rey Agripa y ri Berenice. Rije' e cachibilan-el ri achi'a' ri ec'o pa quivi' ri soldados y ri achi'a' ri nima'k quik'ij ri chiri' pa Cesarea, tok xe'oc-apo chupan ri jay ri richin molojri'il. Y c'ari' ri Festo xutek ruc'amic ri Pablo.

Re C'ac'a Testamento pa Kach'abal

²³ Y pa ruca'n k'ij, tak re Rey Agripa y re Berenice xe'bapon, reje' je quichibil re achi'a' re jec'o pa quive' re soldados y re achi'a' re c'o más quik'ij chire' pa Cesarea, y quivekon-a-qui', tak xe'oc-apo chupan re jay re anche' kas niquimol-va-qui'. Y c'are' re Festo xutak ruc'amic re Pablo.

Kaqchikel Western Solola

²³ Y pa ruca'n k'ij, can riq'ui c'a nimak'ij xec'ul apo ri rey Agripa y ri Berenice. Riye' ye cachibilan el ri achi'a' ri yec'o pa quiwi' ri soldados y ri achi'a' ri nima'k quik'ij ri chiri' pa Cesarea, tek xe'oc apo chupan ri jay riche (rixin) molojri'il. Yac'ari' tek ri Festo xutek ruc'amaric ri Pablo.

Hechos 25:23 ပူးပေါင်းရင်းမြစ်များ

Hechos 26:30

Kan xaxe k'a xtane' chi nich'on-apo ri Pablo, jari' toq ri Agripa, ri Berenice, ri Festo y ri ch'aqa' chik ri kan e tz'uyul chuqa' kik'in, xeyakatej y xe'el-el.

Hechos 25:13

Ka'i-oxi' q'ij ri', ri rey rubini'an Agripa*f40* rachibilan-el ri rana' rubini'an Berenice xapon pa Cesarea chuq'ejeloxik ri Festo.

1 Juan 2:16

Y ronojel re' man richin ta ri Qatata' Dios: Ri itzel taq rayinik richin ri ch'akulaj, rayibel richin nik'oje' awik'in ronojel ri natz'et, y ri nimirinen roma k'o beyomel, ronojel re' xa e richin ri ruwach'ulew.

1 Pedro 1:24

Chupan ri ch'abel ri', nubij:*f2* Konojel ri winaqi' xa e achi'el ok ri q'ayis. Y ri kiruwaq'ijaj xa achi'el ok ri kotz'i'j ri ek'o pa juyu'. Roma ri q'ayis xa nichaqi'j-qa, y ri kotz'i'j xa nitzaq-el.

Santiago 1:11

roma toq nipe ruwech ri q'ij, ri q'ayis y ri rusi'j xa nichaqi'j y nik'is-qa, stape' kan jebel nitzu'un ri pa nabey. Kan keri' chuqa' nuk'uluwachij ri beyom rik'in ri rubeyomel, eqal-eqal nik'is qa.

1 Corintios 7:31

Y keri' chuqa' ri winaqi' ri nikiben jalajoj ruwech samaj ri e richin re ruwach'ulew, man k'a tikiya' q'ij chi jari' ri nibanon chike chi man nikiben ta chik ri achike nrajo' ri Dios, roma ronojel ri e richin re ruwach'ulew xa e q'axel.

Hechos 12:21

Y xbix k'a jun q'ij toq xtichojmirisex ri'. Toq xapon ri q'ij, ri rey kan xerukusaj k'a el tzieq ri yekusex pa jun nimaq'ij. Xbetz'uye-pe ri pa ruch'akat, y xbech'on k'a pe chikiwech ri janipe' winaqi' kimolon-ki' ri chiri'.

Hechos 9:15

Y ri ajaw xubij chire: Tabekanoj k'a ri Saulo, roma ja yin ri xicha'on richin, richin nibe chuq'alajirisaxik ri nubi' chikiwech ri winaqi' ri xa man e judío ta, chuwech ri ki-rey, y chuqa' ri winaqi' judío.

Dn 4:30

xinmey k'a ronojel ri nubeyomel y xinbij k'a qa: Titz'eta' ri runimirinen ri ruwach'ulew Babilonia. Jare' ri xinpaba-q'anej yin rik'in ri wuchuq'a'; xinpaba-q'anej richin chi xinben chire chi xok ruk'u'x ri wajawaren, y richin chi nik'oje' kan retal ri nunimirinen yin, xicha-qa.

Ez 33:28

Kan xtinben k'a chire ri iruwach'ulew richin xtok jun tz'iran y xtinwelesaj ri iwuchuq'a' ri achoq ik'in inimirisan-iwi'. Ronojel ri juyu' xke'ok tz'iran, richin man jun chik wineq xtiq'ax chiri'.

Ez 32:12

Xtinben k'a chi ri janila chi winaqi' xketzaq chi espada pa kiq'a' ri más e itzel taq aj-labal. Y rije' k'o janila kuchuq'a' chikiwech ri ch'aqa' chik ruwach'ulew. Y roma ri' kan xtikiqasaj k'a ri runimirinen ri aruwach'ulew Egipto y xkekik'is ri janila chi awinaq.

Ez 30:18

Ri aj-Egipto janila kinimirisan-ki' roma ri kuchuq'a'. Jak'a yin xtinwelesaj ri uchuq'a' y ri nimirisanen ri k'o kik'in. Ri chiri' pa tinamit Tafnes kan xtibeq'equmatej roma ri sib. Y chuqa' pa ruwi' chijun ri ruwach'ulew Egipto kan xtibemuqumu', rokik ri winaqi' xke'uk'uex-el pa ximonri'il.

Ez 7:24

Yin xkenk'en k'a pe itzel taq winaqi' ri e richin ch'aqa' chik ruwach'ulew richin xke'ok'oje' chupan ri iwachoch. Chuqa' ri jay ri akuchi niya-wi kiq'ij ch'aqa' chik dios, re' xke'ok man ch'ajch'oj ta. Y kere' kan xtinqasaj k'a kiq'ij ri e nima'q taq iwinaq.

Wuj Richin ri Isaías 14:11

Ja re wawe' xok'is ri animirisanen, y ri q'ojom man xtiq'ajan ta chik awik'in. Kan ja ri jut xke'ok ach'at; chuqa' kan ja ri jut xke'ok aq'u'.

Wuj Richin ri Isaías 5:14

Roma ri' ri jul richin muqbel kaminaqi' kan royoben k'a richin xkerubeq' ri janila chi winaqi'. Chuqa' e kachibilan ri e aj-raqen, ri janila chi winaqi', ri xaxe oyowal nikiben, y ri xaxe nimaq'ij richin yeq'aber ri nikiben.

Wuj Richin ri Molojri'il 1:2

Ronojel xa nik'is, ronojel xa q'axel, keri' nubij ri ch'abaliy ruch'abel ri Dios, ronojel xa nik'is, ronojel xa q'axel. Kan ronojel-wi q'axel.

Ester 1:4

Re jun nimaq'ij re' xyaloj waqi' ik' y rokik ri' xq'alajin chikiwech konojel ri e royon ronojel ri rubeyomel, ri ruk'ojlen y ri nimalej uchuq'a' ri k'o pa ruq'a'.

Marcos 6:21

Jak'a xapon ri q'ij ri oyoben roma ri Herodías richin niqaqa ta ri Juan pa ruq'a'. Roma chupan ri q'ij ri', ri rey Herodes xtz'aqet chik jun rujuna'; xuben jun nima-wa'in y xeroyoj k'a ri e aj-raqen pa ruwi' ri ajawaren, ri e aj-raqen pa kiwi' ri aj-labal y chuqa' ri achi'a' ri k'o janila kiq'ij chikikojol ri aj-Galilea.