Hechos 24:5 - Kaqchiquel Bible

⁵ Roma re jun achin re', kan qetaman chi jun itzel achin. Ja rija' ri nibanon chi ri judío yeyakatej pa ronojel tinamit. Ja rija' ri aj-raqen chikikojol ri juley winaqi' ri yenatan rubi' ri Jesús aj-Nazaret.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Roj qilon chi re jun achi reꞌ, kin achel jun yabꞌil keriꞌ. Porque ndubꞌen chake ri israelitas chi ngeyakatej chikij ri ngebꞌanun gobernar pa kiwiꞌ pa teq tinamit apeꞌ ndeqꞌax, y ja rijaꞌ ri ukꞌuey bꞌey kichin ri bꞌotzaj teq wineq ri koqan ri rutijonik jun achi aj Nazaret.

Kaqchikel Santa Maria de Jesus

⁵ Ruma va ache va, can kataꞌn chi jun itziel ache. Jajaꞌ ri nibꞌano chi ri israelitas ncaꞌpalaj-pa nojiel lugar choch-ulief. Jajaꞌ ri principal chiquicajol ri vinak ri quiniman rubꞌeꞌ ri Jesús aj-Nazaret.

Kaqchikel Central Guatemala

⁵ Roma re jun achin re', can ketaman chi jun itzel achin. Ja rija' ri nibanon chi ri israelitas yeyacatej pa ronojel lugar. Ja rija' ri principal chiquicojol ri juley vinek ri yenatan rubi' ri Jesús aj-Nazaret.

Re C'ac'a Testamento pa Kach'abal

⁵ Roma re jun ache re', can kataman che jun itzel ache. Ja reja' re niyaco ayoval chiquicojol re israelitas ronojel lugar. Ja reja' re principal chiquicojol re nic'aj chic vinak re ye'natan rube' re Jesús aj-Nazaret.

Kaqchikel Western Solola

⁵ Ruma re jun achi re', can ketaman chi jun itzel achi. Riya' nuben chique ri israelitas chi yeyacatej chiquij ri aj k'atbel tak tzij pa ronojel ruwach'ulef. Ya riya' ri principal chiquicojol ri juley winek ri yenatan rubi' ri Jesús aj Nazaret.

Hechos 24:5 ပူးပေါင်းရင်းမြစ်များ

Hechos 28:22

Jak'a roj qetaman k'a chi xabakuchi at q'axineq-pe, ri winaqi' kan janila k'a yech'on itzel chirij ri yetzeqeliben ri i-Cristo. Roma ri' niqajo' yatqak'axaj, xecha' chire.

Hechos 24:14

Jak'a ri kan ninq'alajirisaj-apo chawe chi kan qitzij wi, chi yin kan wojqan-wi ri Jesús ri Bey, ri nikibij rije' chi man utz ta. Roma xa kan rik'in ri wojqan ri Jesús, yin kan ninsamajij-wi ri Dios ri kichin ri qati't-qamama' roj judío. Kan ninnimaj-wi ronojel ri tz'ibatel kan chupan ri pixa', y chupan chuqa' ri e kitz'iban kan ri achi'a' ri xeq'alajirisan ri ruch'abel ri Dios ojer kan.

Hechos 26:5

Rije' kan ketaman k'a chuqa' chi kan k'a in k'ajol na chiri' toq xik'oje' yan pe kik'in ri fariseo. Jak'a roj ri fariseo ri más yojniman ri nubij ri pixa' richin ri Moisés. Y wi ta re qawinaq re' nikajo' nikiq'alajirisaj, kan niq'alajin chi qitzij ri yinajin chubixik.

Hechos 15:5

Ek'o k'a achi'a' fariseo ri kiniman chik ri Jesucristo, ri xebepa'e-pe y xkibij k'a: Ri qach'alal ri man e judío ta k'o chi niban ri ketal y chi tikibana' chuqa' ri nubij chupan ri pixa' richin kan ri Moisés, xecha'.

1 Corintios 4:13

Toq itzel yech'on chiqij, roj ja ri utz ri niqabij chike. Kan kibanon k'a pe chiqe chi maneq ok qaq'ij, xa oj achi'el q'ayis chikiwech.

Hechos 21:28

Toq xkichop, kan rik'in k'a kuchuq'a' xkibila': ¡Qojito'! ¡Qojito', rix qawinaq israelita! ¡Ja achin re' ri nibiyaj ronojel tinamit; k'iy k'a ri nubij chiqij roj judío, yerutijoj ri winaqi' chi man tikiben ri nubij chupan ri pixa', y itzel chuqa' nich'on chirij re loq'olej rachoch ri Dios! Wakami e rukusan-pe winaqi' ri man e qawinaq ta, achi'el xa man rachoch ta ri Dios nuben chire re loq'olej jay re', xecha'.

Hechos 5:17

Jak'a ri nimalej sacerdote y jujun chike ri saduceo itzel k'a nikina' chike roma ri nikiben.

San Lucas 23:2

Ri chiri' chuwech ri q'atoy-tzij, nikisujula' k'a apo y nikibij: Roj qetaman chi re Jesús k'iy rumak. Rija' nuya' kina'oj ri winaqi'. Rija' nubila' chuqa' chike chi man tikitoj ri k'o chi nitoj chire ri César. Chuqa' nubila' chi ja rija' ri Cristo, y re' kan nuq'alajirisaj k'a chi ja rija' ri rey, xecha'.

1 Pedro 2:19

Roma ri Dios xtuya' urtisanik pan iwi' wi yixqaqa pa jun tijoj-poqonal y xa man jun imak ibanon, nikoch' ronojel ri' roma kan k'o-wi chi'ik'u'x ri Dios.

1 Corintios 11:19

Jak'a chiwech rix kan nik'atzin chi keri' nibanatej, roma xaxe keri' yeq'alajin ri kan qitzij chi kiniman ri Cristo y man kiniman ta.

Hechos 22:22

Ri winaqi' ri' man chik k'a xkajo' ta xkak'axaj ri Pablo. Xa xkichop k'a nikibila' rik'in janila kuchuq'a': ¡Tikamisex la jun achin la', roma xa man ruk'amon ta chik chi k'es!, yecha'.

Hechos 6:13

Xekik'uaj k'a achi'a' richin chi nikitz'uk-tzij chirij ri Esteban. Ri achi'a' ri' nikibij k'a: Re jun achin re' man nitane' ta k'a richin nubij itzel chirij re rachoch ri Dios y chirij ri pixa' richin ri Moisés.

San Lucas 23:25

Y xukol k'a el ri achin ri xa qajineq pa cárcel roma xyakatej chirij ri q'atbel-tzij y rubanon chuqa' kamik. Jak'a ri Jesús xa xujech-el richin chi tikamisex chuwech cruz, roma kan jari' ri xkajo' ri winaqi' chirij.

San Lucas 23:19

Ri Barrabás qajineq k'a pa cárcel roma xyakatej chirij ri q'atbel-tzij ri chiri' pa tinamit, y rubanon chuqa' kamik.

San Lucas 23:5

Jak'a rije' man yetane' ta qa. Xa nikitej k'a kiq'ij chi nikibila-apo: Xa nusech kik'u'x ri winaqi' rik'in ri rutijonik pa ronojel tinamit richin re Judea. Kan k'a chila' pa Galilea ruchapon-pe. Y keri' nubanala' ri peteneq, y xoqaqa k'a wawe' pa Jerusalem, xecha-apo.

San Mateo 10:25

Tiwak'axaj k'a: Ri tijoxel kan achi'el ri rutijonel y ri samajel kan achi'el ri rajaw. Roma chuwe yin ri in tata'aj xkibij Beelzebú chuwe, k'a ta la' chik chiwe rix ri ix aj pa wachoch chi man ta xtibix janila chi ch'abel chiwij.

San Mateo 2:23

Y xe'apon k'a ri pa tinamit Nazaret y chiri' xek'oje-wi-qa, richin keri' kan xbanatej achi'el ri kibin ri q'alajirisey ruch'abel ri Dios, chi ri Cristo k'o chi jun aj-Nazaret.

Am 7:10

Ri Amasías jari' ri sacerdote chiri' pa Betel. Y rija' xuteq rubixik chire ri Jeroboam rey richin Israel, y xubij chi yin yibiyaj chikikojol ri qawinaq israelita richin yich'on itzel chirij ri rey. Y xubij chuqa' chi ri winaqi' kan xik'o yan kik'u'x richin yinkak'axaj,

Wuj Richin ri Jeremías 38:4

Y ri aj-raqen xkibij chire ri rey: ¡Tikamisex re achin re'!, roma rik'in re ch'abel re nubij, nuben chike ri juba' aj-labal ri k'a ek'o kan, chi nikimalij kik'u'x y keri' chuqa' nuben chike ri winaqi' ri ek'o kan chiri' pa tinamit, roma re achin re' man ja ta ri utz nukanoj pa ruwi' re tinamit re', xa ja ri itzel ri nukanoj!, xecha'.

Ester 3:8

Xeri' ri Amán xubij chire ri rey Asuero: Chupan ri awajawaren rat, ek'o jun tzobaj winaqi' ri e talutajineq ri man junan ta kich'obonik qik'in. Y ri pixa' ri kitzeqeliben kan jun wi chik, y man nikitaqej ta ri apixa' rat. Yin ninch'ob chi kan man ruk'amon ta chawe rat chi ri winaqi' ri' e k'es.

Wuj Richin ri Jeremías 37:13

Jak'a toq xibe chiri' pan okibel richin Benjamín, chiri' k'o k'a jun aj-raqen kichin ri aj-labal, rubini'an Irías, ruk'ajol ri Selemías, rumam ri Hananías. Rija' xiruchop y xubij chuwe: ¡Rat yabeq'ax kik'in ri aj-Babilonia!, xcha'.

Marcos 1:24

Rat Jesús aj-Nazaret, ¿achike k'a nawajo' chiqe? Rat xape wawe' xaxe richin chi yojak'is. Yin wetaman chi ja rat ri loq'olej richin ri Dios, xcha'.

Hechos 24:4

Man niqajo' ta yatqaneq más, jak'a xaxe k'a roma qetaman chi rat kan janila jebel ana'oj, roma ri' niqajo' k'a chi nawak'axaj ta juba' ri ka'i-oxi' ch'abel ri niqajo' niqabij.

Hechos 25:7

Toq ri Pablo xok-apo, ri ruwinaq judío ri e peteneq pa Jerusalem xkisutij-rij, y xkisujuj k'a apo rik'in k'iy y nima'q taq mak. Jak'a man xetikir ta xkibij-apo wi qitzij ri e rubanalon.