Hechos 24:26 - Kaqchiquel Bible

²⁶ Ri q'atoy-tzij ri' k'iy bey k'a nroyoj ri Pablo richin nich'on rik'in, roma xroyobej chi ri Pablo nusuj ta méro chire richin nukol-el.

နောက်ထပ်ဗားရှင်းများ

Kaqchikel Santo Domingo (Xenacoj)

²⁶ Ri gobernador Félix royobꞌen chi ri Pablo ndusuj ta méra chare chin ndusoqꞌopij e, romariꞌ kꞌiy mul ndiroyoj ri Pablo chin nditzijon rikꞌin.

Kaqchikel Santa Maria de Jesus

²⁶ Y ri gobernador reꞌ qꞌuiy mul xrayuoj ri Pablo chi nichꞌoꞌ riqꞌuin, ruma xroyoꞌiej chi ri Pablo xusuj ta miera cha chi nucol-el.

Kaqchikel Central Guatemala

²⁶ Y ri k'atoy-tzij ri' q'uiy bey c'a nroyoj ri Pablo richin nich'on riq'uin, roma xroyobej chi ri Pablo xusuj ta mero chire richin nucol-el. Pero man jun xusuj chire.

Re C'ac'a Testamento pa Kach'abal

²⁶ Y re Félix q'uiy bey nrayoj re Pablo chin nich'o riq'uin, roma xuyabej che re Pablo xusuj-ta mero cha chin nulisaj-a. Pero re Pablo manak mero xusuj cha.

Kaqchikel Western Solola

²⁶ Y ri aj k'atbel tzij ri' q'uiy mul nusiq'uij (nroyoj) ri Pablo riche (rixin) chi nich'o riq'ui, ruma xroyobej chi ri Pablo c'o ta puek xutzuj (xusuj) chare riche (rixin) chi nucol el. Pero majun puek ri xutzuj (xusuj) ta chare.

Hechos 24:26 ပူးပေါင်းရင်းမြစ်များ

Wuj Richin Etamabel-Tzij 17:23

Ri itzel q'atoy-tzij, kan yeruk'ul kan ri sipanik ri nikiya' kan ri winaqi' pa ruq'a'; y xa roma ri' toq rija' nujel rubanik ri ruq'atbal-tzij.

2 Pedro 2:3

Ri tijonela' ri' roma ri rayinik chirij méro, xtikibij k'a chi kan richin ri Dios ri tijonik ri nikiya'. Y ri yebanon kere', kan ek'o chik k'a chi yek'is, roma kan ojer ri' rubin kan ri Dios chi xtuya' ruk'ayewal pa kiwi'. Rija' man niwer ta richin rumestan ta ri rubin.

1 Corintios 6:9

¿Man iwetaman ta k'a chi ri man choj ta kik'aslen xa man xtiya'ox ta q'ij chike richin xkeok pa rajawaren ri Dios? Man tiq'ol-qa-iwi', roma chupan ri rajawaren ri Dios man xke'ok ta ri achi'a' y ri ixoqi' ri nikikanola-ki' richin yemakun, ri yeya'on kiq'ij ch'aqa' chik dios, ri k'ulan taq winaqi' y nikikanoj jun chik richin yemakun y ri achi'a' ri man yekajo' ta ixoqi' y xa kik'in chik achi'a' yek'oje-wi-qa.

Hechos 24:17

K'o yan chik juna' ri man in k'o ta pe pa Jerusalem. Y re xibe, xink'uaj-el sipanik ri molon-el richin ninbenjacha' chike ri nuwinaq ri k'o nik'atzin chike, y chuqa' xink'uaj-el sipanik richin pa rachoch ri Dios.

Wuj Richin ri Miqueas 7:3

Konojel ri winaqi' kan e nowineq k'a chubanik etzelal. Ri e tata'al man jun nikiben wi maneq naya' chike. Ri to'onela' xa nikik'ayij-ki'. Ri winaqi' ri k'o kuchuq'a' xa nikiben ri nikajo' rije'. Y konojel xa kiya'on chikiwech.

Wuj Richin ri Miqueas 3:11

Ri e q'atoy taq tzij xa k'o chi yepuaqix na richin nikiq'et-tzij. Ri e sacerdote xa roma k'a méro toq yetijon. Y ri e q'alajirisanela' xa kan nikik'utuj kajel richin nikibij ri niq'alajirisex chikiwech. Stape' rije' nikiben ronojel re', kan nikibij chi ri Jehová kan k'o kik'in. Y chuqa' nikibij chi man jun ruk'ayewal xtiqaqa pa kiwi' rije' roma kan k'o ri Jehová kik'in.

Os 4:18

Ri vino ri nikiqum xa kan xeruq'abarisaj, kan janila k'a chi mak yekiben. Ri e tata'al kan ruyon chik k'a ruk'ixbilal ri yekibanala'.

Ez 33:31

Keri' ri nutinamit yepe y yetz'uye-apo chawech, achi'el ri kibanon-pe richin nokak'axaj ri nuch'abel. Jak'a xa man nikak'axaj ta, ni man nikiben ta. Rije' nikibij chi yinkitzeqelibej, jak'a xa beneq kik'u'x chirij ri méro.

Ez 22:27

Y ri e aj-raqen xa e achi'el utiwa' ri kan yekiwech' ri yekichop. Yekikamisaj k'a ri winaqi' richin chi ja rije' ri yebeyomer-q'anej.

Wuj Richin ri Isaías 56:11

Rix ix achi'el tz'i' ri janila e mum, ri kan man jun bey ninoj ri ipan. Rix ix achi'el yuq'unela' ri kan man jun niq'ax chiwech. Iwonojel rix xa nich'er-el-iwi', y xa chi'ijujunal nikanoj ri janipe' nich'ek.

Wuj Richin ri Isaías 33:15

¿Achike kami wineq ri nibiyin pa ruchojmilal? Ri nibin ri qitzij; ri man nibeyomer ta rik'in ri man ruch'akon ta; ri man nuya' ta q'ij chi nipuaqix; ri man nrajo' ta nrak'axaj toq niban ch'owen chirij jun kamik; y ri man nuch'ob ta nuben ri itzel taq banobel.

Wuj Richin ri Isaías 1:23

Ri e aj-raqen ri ek'o pan iwi' kan man e nimey ta tzij, y kan xe'ok kachibil ri eleq'oma'. Chikijujunal niqa' chikiwech chi yepuaqix, y xaxe sipanik nikajo' nikik'ul. Man nikiben ta pa ruchojmilal kik'in ri meba'i', ni man yekito' ta ri malkani' toq ek'o chuwech ri q'atbel-tzij.

Wuj Richin Etamabel-Tzij 29:4

Ri rey xaxe rik'in ri ruchojmilal nitikir nuben chike ri ruwinaq chi utz yek'oje', jak'a ri rey ri xa k'iy rubanik nuben richin numol méro pa kiwi', xa xkeruk'uaj pa wululen ri ruwinaq.

Wuj Richin Etamabel-Tzij 19:6

Kan janila wi e k'iy winaqi' ri yekamela'an chikiwech ri winaqi' ri k'o kiq'ij, richin nikik'utuj jun utzil; y kan konojel winaqi' yebin chi kachibil jun wineq, xaxe roma k'o sipanik ri nuya' chike.

Wuj Richin Etamabel-Tzij 17:8

Ek'o winaqi' nikinimaj chi ri yepuaqin kan achi'el jun ti abej ri tzeqel chikiqul richin yeruto' chupan ri kik'aslen; y nikich'ob chi xabakuchi yebe-wi kan yeruto' richin nikiben ri achike nikajo'.

Wuj Richin ri Achin Job 15:34

Ri tzobaj ri kan kachibil-ki' y xa maneq Dios chikiwech, xa man xkek'oje' ta kan kimi'al kik'ajol. Ri e kipaban-q'anej kachoch rik'in ri méro kik'ulun pan ewel, xa xtuk'is q'aq'.

2 Crón 19:7

Tik'oje' rukiy ri Jehová ri qa-Dios chiwech y titz'eta' jebel ri ye'iben, roma rija' man utz ta nutz'et ri man pa ruchojmilal ta ye'iben, chuqa' chi man junan ta niben kik'in ri winaqi' y toq yepuaqix ri q'atoy taq tzij.

1 Sam 12:3

Wakami k'a jare' ink'o chiwech. Tiq'alajirisaj ronojel chuwij chuwech ri Jehová y chuwech ri rey. Wi jun chiwe rix ri weleq'an ri rubóyix o ri rubur, tubij. O wi k'o jun nutz'ukun-tzij chirij o nuyoq'on ta, o wi k'o jun ri in rupuaqin, tibij-pe; y xtintzolij chire, xcha' ri Samuel chike.

1 Sam 8:3

Jak'a rije' man xkiben ta achi'el xuben ri kitata'. Rije' xa ja ri méro ri xkirayij ruwech y xekik'ul ri sipanik ri man ruk'amon ta richin nikik'ul y keri' xkiq'ej ri ruchojmilal ri k'aslen.

Deut 16:19

Kan tibana' ronojel pa ruchojmilal. Man tiben chi niya' chire jun ri xa man ruk'amon ta richin nuk'ul, y man tiben chi man niya' ta chire jun ri ruk'amon richin nuk'ul. Man tirayij chi yixpuaqix. Roma wi keri' niben xa nuben chiwe richin nutz'apej runaq'-iwech richin niben pa ruchojmilal y ri iq'atbel-tzij xa nuben chi ja ri e choj yeqaqa kan chuxe'.

Ex 23:8

Man jun bey tik'ul méro toq ri winaqi' nikajo' yixkipuaqij, roma re' xa xtuben chiwe chi man yixtzu'un ta chik rik'in ruchojmilal y nuxotoba' rubanik ri iq'atbel-tzij ri kan ix choj.

San Mateo 17:3

Xkitz'et k'a chi xbek'ulun-pe ri Moisés y ri Elías, y yetzijon-apo rik'in.