Hechos 24:25 - Kaqchiquel Bible

²⁵ Ri Pablo xapon kik'in, y xuchop k'a rubixik chike chirij ri achike rubanik jun k'aslen choj, ri achike rubanik richin naq'il-awi' richin man naben ta ri mak, y chi ri pa ruk'isibel ri Dios xtuq'et-tzij pa kiwi' ri winaqi'. Ri Félix janila xuxibij-ri' rik'in ri xrak'axaj, y xubij chire ri Pablo: Wakami k'a kabiyin. Y toq xtijame' chik k'a juba' nuwech, xkatinwoyoj chik k'a jun bey, xcha' ri Félix.

နောက်ထပ်ဗားရှင်းများ

Kaqchikel Santo Domingo (Xenacoj)

²⁵ Pero atoq ri Pablo xubꞌij chi ndikꞌatzin ndakꞌuaj jun chojmilej kꞌaslen, chi ndikꞌatzin ndaqꞌet awiꞌ chikiwech ri itzel teq achike, y chi jun qꞌij más apu chiqawech, ri Dios nduqꞌet tzij pa qawiꞌ roj wineq chin nduyaꞌ rukꞌexel chaqe, ri Félix xuxibꞌij qa riꞌ y xubꞌij chare: Wokami kabꞌiyin, y atoq xtijamajoꞌ jubꞌaꞌ nuwech, ngatinwoyoj chik.

Kaqchikel Santa Maria de Jesus

²⁵ Y ri Pablo xuꞌej cheꞌl nuꞌon jun vinak chi nucꞌuaj jun choj cꞌaslien, y cheꞌl nitiquir nukꞌil-riꞌ chi quireꞌ man nuꞌon ta chic pecado. Xuꞌej jeꞌ chica chi pa ruqꞌuisbꞌal kꞌij ri Dios xcaꞌruꞌon juzgar ri vinak. Y ri Félix xuxiꞌij-riꞌ ruma ri xraꞌxaj, y xuꞌej cha ri Pablo: Vacame cꞌa caꞌin. Y antok cꞌo tiempo chinoch, xcanvayuoj chic, xchaꞌ ri Félix.

Kaqchikel Central Guatemala

²⁵ Y ri Pablo xapon quiq'uin, y xuchop c'a rubixic chique chirij ri achique rubanic jun c'aslen choj, ri achique rubanic richin nak'il-avi' richin man naben ta ri mac, y chi ri pa ruq'uisibel, ri Dios xtuk'et tzij pa quivi' ri vinek. Y ri Félix janíla xuxibij-ri' riq'uin ri xrac'axaj, y xubij chire ri Pablo: Vacami c'a cabiyin. Y tok xtijame' chic c'a juba' nuvech, xcatinvoyoj chic c'a jun bey, xcha' ri Félix.

Re C'ac'a Testamento pa Kach'abal

²⁵ Y re Pablo xapon quiq'uin, y xutz'am rubixic chique chij re andex rubanic jun c'aslen choj, re andex naban chin nak'at-avi' chin man naban-ta re mac, y che pa ruq'uisibal re Dios xque'ruban juzgar re vinak. Y re Félix camas xuxibij-ri' riq'uin re xuc'axaj, y xubij cha re Pablo: Vocame cabiyin. Y tak xtijomojo' chic ba' chinoch, xcatinvayoj chic jun bey, xcha' re Félix.

Kaqchikel Western Solola

²⁵ Y ri Pablo xapon quiq'ui, y xuchop c'a rubixic chique chrij ri achique rubanic jun c'aslen choj, y achique rubanic nak'il awi' riche (rixin) chi ma naben ta ri mac, y achique rubanic tek ri Dios xtuk'et tzij pa quiwi' ri winek. Y ri Félix sibilaj xuxibij ri' ruma ri xrac'axaj, y xubij chare ri Pablo: Wacami c'a cabiyin. Y tek xtijame' chic c'a juba' nuwech, xcatinsiq'uij (xcatinwoyoj) chic c'a jun bey, xcha' ri Félix.

Hechos 24:25 ပူးပေါင်းရင်းမြစ်များ

San Juan 16:8

Y toq xtoqaqa k'a ri Loq'olej Espíritu, kan xtuq'alajirisaj k'a chikiwech ri winaqi' ri k'a kikuquban na kik'u'x rik'in re ruwach'ulew chi kan e aj-maki-wi, chi yin kan in choj, y chi ri Dios kan xtuq'et-wi-tzij pa kiwi' ri winaqi'.

1 Pedro 3:15

Pa ruk'exel ri' kan tiya' ruq'ij ri Cristo ri iwajaw pa taq iwánima. Y wi k'o ta jun ri nuk'utuj chiwe ri achike roma iwoyoben ri rutzil rija', kan jantape' k'a tiq'alajirisaj chuwech rik'in ch'uch'ujil y ajowabel.

2 Pedro 1:6

Tiq'ila-iwi' chubanik ri mak; tik'oje' koch'onik pa taq iwánima; y tik'uaj ri ik'aslen achi'el ri nrajo' ri Dios.

Gálatas 5:23

xtiqasaj-iwi', xtiq'il-iwi' chuwech ri mak. Y wi jun k'aslen keri' ri nik'uaj, ri pixa' man jun xtuben chiwe.

Hechos 10:42

Y rija' kan janila k'a xuchilabej kan chiqe chi tiqatzijoj ri rubi' y tiqaq'alajirisaj chi ri Dios xuben chire chi ja rija' ri niq'aton-tzij pa qawi' roj ri oj k'es y pa kiwi' chuqa' ri winaqi' ri e kaminaqi' chik el.

1 Juan 3:7

Rix walk'ual, man k'a kixq'olotej. Wi nik'uaj jun k'aslen choj, kan ixchoj chuqa' achi'el ri Jesucristo, kan choj wi.

Santiago 2:19

Rat nanimaj chi kan xaxe jun Dios k'o. Ri' kan yalan utz. Jak'a man xaxe ta ri' ri nik'atzin. Roma ri itzel taq espíritu chuqa' kan nikinimaj chi kan xaxe jun Dios k'o, y kan yebaybot chuwech roma xibinri'il.

Hebreos 9:27

Y achi'el k'a chi qonojel roj winaqi' ya'on pa qawi' chi xaxe jun bey yojken, y k'ari' xtiq'at-tzij pa qawi',

Hebreos 4:1

Roma ri' tiqachajij-qi', man xa tiqaben achi'el xkiben ri winaqi' ri' y xa man yojok ta chupan ri uxlanen ri rubin ri Dios ri k'a nusuj na chiqe.

Hebreos 3:13

Nik'atzin chi q'ij-q'ij nikuqubala' ik'u'x chi'iwachibil-iwi', roma k'a ruq'ijul na. Tibana' keri', richin chi man jun chiwe ri tiq'olotej roma ri mak y nikowirisaj ri iwánima.

Gálatas 3:22

Jak'a ri ruch'abel ri Dios nubij chiqe chi kan qonojel roj winaqi' kan oj aj-maki-wi; richin keri' tiqetamaj chi k'o chi niqakuquba' qak'u'x rik'in ri Jesucristo richin niqak'ul ri rusujun kan ri Dios.

2 Corintios 5:10

Niqaben re' roma kan qonojel roj k'o chi yojapon na chuwech ri ruq'atbal-tzij ri Cristo, y chiqajujunal niqak'ul na k'a rajel-ruk'exel ri qabanobal toq xojk'oje' chupan re ch'akulaj chuwech re ruwach'ulew; wi utz xqaben o man utz ta.

1 Juan 3:10

Y rik'in re' niq'alajin ri achike ri e ralk'ual ri Dios y ri e ralk'ual ri Itzel-Wineq. Jak'a ri man chojmilej k'aslen ta kik'uan y man yekajo' ta ri kach'alal, man e richin ta ri Dios.

2 Timoteo 4:1

Chuwech ri Dios y ri ajaw Jesucristo ri xtipe chik jun bey richin xtok rey y xtuq'et-tzij pa kiwi' ri e k'es y ri e kaminaqi' chik el nink'utuj utzil chawe,

2 Corintios 6:2

Y chirij k'a ri' nich'on-wi ri Dios toq nubij:*f2* Kan pa ruq'ijul k'a xink'uluba-pe ri ich'owen, y chupan ri q'ij richin kolotajik, kan xixinto', nicha'. Y jare' k'o chik ri ruq'ijul richin ri utzil ri'; ja q'ij re' richin ri kolotajik.

1 Corintios 4:5

Roma ri' rix man kixnabeyej yan chuq'atik tzij. Nik'atzin chi tiwoyobej na ri q'ij toq xtipe chik jun bey ri Cristo Jesús. Rija' kan xkerelesaj-pe chuwa-saqil ri banobel ri man yeq'alajin ta y xkeruq'alajirisaj-pe ri achike k'o pa taq qánima. Y ri Dios jari' toq xtubij chiqe chiqajujunal roj chi utz ri xeqabanala'.

Hechos 24:15

Yin kan kuqul k'a nuk'u'x rik'in ri Dios chi ri kaminaqi' k'o na jun q'ij toq xkek'astej. Kan xkek'astej k'a pe ri e choj y ri man e choj ta. Y ri nuwinaq kan keri' chuqa' ri koyoben chi nibanatej.

Hechos 17:32

Toq ri winaqi' xkak'axaj chi k'o Jun ri xk'astej-pe chikikojol ri kaminaqi', xa xetze'en-apo chirij ri Pablo. Y ek'o xebin chire chi k'a xketzijon na chik jun bey.

Hechos 17:2

Ri Pablo, kan achi'el k'a rubanalon pa ch'aqa' chik tinamit chi nabey na napon ri pa taq jay ri', kan jari' chuqa' ri xuben chiri' pa Tesalónica. Y re' xkiben chi oxi' q'ij richin uxlanen, richin xkich'ob rij ri ruch'abel ri Dios.

Hechos 2:37

Toq ri winaqi' xkak'axaj ri xubij ri Pedro, xq'axon janila ri kánima, y xkik'utuj k'a chire ri Pedro y chike ri ch'aqa' chik ri e taqon roma ri Cristo y xkibij: Qach'alal, ¿achike ri ruk'amon chi niqaben?, xecha'.

Hebreos 6:2

ri tijonik pa ruwi' ri qasan-ya', ri nik'atzin-wi toq ri e uk'uey kichin ri qach'alal nikiya' kiq'a' pa qawi' richin jun samaj, ri q'ij toq konojel ri kaminaqi' xkek'astej-el y ri ruk'ayewal richin jantape' ri xtuya' ri Dios pa kiwi' ri winaqi' ri man kiniman ta.

Wuj Richin ri Hageo 1:2

Y ri Jehová ri k'o ronojel uchuq'a' pa ruq'a' xubij chire ri Hageo: Ri awinaq nikibij chi man jani napon ruq'ijul chi nipabex chik q'anej jun bey ri wachoch.

Wuj Richin ri Habacuc 3:16

Rik'in ronojel re xinwak'axaj yin, kan xink'en janila rukiy. Ri nuchi' kan nik'ark'ot; ri nuch'akul kan xelawalo-qa roma kan janila xinxibij-wi'. Jak'a yin kan woyoben rik'in ch'uch'ujil ri q'ij toq xtiqaqa ruk'ayewal pa kiwi' ri winaqi' aj-Babilonia.

Am 6:12

¿Yetikir kami ri kiej ye'anin chuwech jun nimalej abej? ¿Yetikir kami yesamej ri bóyix pa ruwi' ri palou? ¡Man rik'in ri', rix xa xiben chire ri ruchojmilal achi'el aq'om ri nikamisan; ri utzilej ruchojmilal xa xiben chire chi xok achi'el ri xaqixaq.

Am 5:24

Yin ninwajo' chi man kixtane' chubanik ri ruchojmilal, achi'el jun raqen-ya' ri chaq palik nibiyin, y man jun bey nipa'e-qa. Kan ta palik utz niben achi'el ri raqen-ya' ri man jun bey nichaqi'j-qa.

Os 10:12

Yin xinbij k'a chike ri aj-Israel chi tikitika-qa ri ruchojmilal, richin nikiwachij ajowabel. Tinaba' ri iwulew richin niqaqa jun k'ak'a' tiko'n. Roma xa kan xapon k'a ri q'ij richin yinikanoj chik yin Jehová. Kan keri' k'a tibana' k'a toq xkipe yin richin nonk'utu' chiwech ri ruchojmilal.

Os 10:4

Rije' kan xaxe k'a ri wololinik nikiben, nikibanala' jikibel-tzij ri xa man qitzij ta. Roma ri' ri xkitik-qa rije' xa kan xtibek'ulun k'a pe achi'el jun k'ayilej q'os chukojol ri boloj.

Os 7:5

Chupan ri nimaq'ij richin ri rey, kan xkiq'abarisaj ri rey, y ri e tata'al, kan xik'o ruwi' ri vino ri xkiya' chire.

Dn 12:2

E k'iy k'a awinaq ri e kaminaqi' chik el, ri xkek'astej chik pe; jujun xkek'astej-pe richin yek'ase' chik richin q'asen, y ch'aqa' chik xkek'astej-pe richin ruk'ixbilal y richin qasanri'il.

Dn 4:27

Roma ri', rat rey, kan tak'ulu' k'a ri nupixabanik ri ninya' chawe: Kan tabana' k'a pa ruchojmilal, y man chik kamakun. Man chik ke'aben ri itzel taq banobel, xa kan más utz ke'ato' ri man jun k'o kik'in. Rik'in juba' rik'in re banobel re' xkak'ase' k'iy q'ij rik'in uxlanenri'il, keri' xubij chuwe.

Ez 45:9

Yin Jehová ninbij: Rix ri ix q'atoy taq tzij richin ri Israel, man chik ke'iben ch'a'oj ni man chik tiben chike richin nikitej poqon ri nuwinaq. Xa kan tibana' ronojel pa ruchojmilal y rik'in ruch'ajch'ojil. Man chik timej kulew ri nutinamit.

Wuj Richin ri Jeremías 23:29

Roma ri' ri nuch'abel yin kan achi'el q'aq' ri nuk'et ri páxa. Chuqa' ri nuch'abel kan achi'el jun bajibel ri kan nupaxij abej.

Wuj Richin ri Isaías 61:8

Roma yin Jehová kan niqa' chinuwech ri ruchojmilal, y kan ninwetzelaj ri eleq' y ri kamik. Roma yin kan jantape' ninben ri ninsuj, kan xtinya' k'a rajel ruk'exel chike roma ri utz kibanobal. Y xtinben jun jikibel-tzij kik'in richin jantape'.

Wuj Richin ri Isaías 55:6

Kinikanoj k'a yin rokik k'a yiniwil na, kan kiniwoyoj rokik naqaj ink'o-wi chiwe.

Wuj Richin ri Isaías 41:21

Ri Jehová nich'on kik'in ri winaqi' ri yetzeqeliben kichin ri dios ri man e qitzij ta, y nubij chike: Yin in Jehová, in ki-rey ri israelita. Kan tibij k'a pe ronojel richin yixsujun.

Wuj Richin ri Isaías 32:11

Rix ri kan man jun nimey, kan kixbaybot, rix ri kan ikuquban ik'u'x, kan kixruyikikej xibinri'il. Kan tiwelesaj k'a ri itziaq ri ikusan, y kan tikusaj tzieq richin bis.

Wuj Richin ri Isaías 16:5

toq xtipe jun rey ri k'o joyowanik rik'in. Rija' jun chike ri rijatzul kan ri David, y kan xtiberuq'ata-tzij rik'in chojmilal. Kan chi'anin xtuq'et-tzij pa ruchojmilal.

Wuj Richin ri Isaías 1:21

Rix aj-Jerusalem rubanon kan, kan in itzeqeliben, jak'a re wakami ix achi'el jun ixoq itzel ruk'aslen ri xuya' kan ri rachijil. Ri ojer kan chi'iwonojel rix kan ronojel pa ruchojmilal ri xiben. Jak'a re wakami xa chi'iwonojel rix ix kamisanela'.

Hebreos 12:21

Ri xtz'etetej k'a pa ruwi' ri juyu', kan nuya-wi xibinri'il. Roma ri' ri Moisés xubij: Yibaybot roma xibinri'il, xcha'.

Romanos 14:12

Y keri' niqatz'et chi napon-wi ri q'ij toq chiqajujunal xqojapon chuwech ri Dios.

Romanos 12:1

Wach'alal, roma janila nim ri rutzil ri Dios ri rubanon qik'in, achi'el ri k'a juba' tiqanataj-qa, nink'utuj utzil chiwe chi tijacha' ri ik'aslen pa ruq'a' rija', achi'el jun kamelabel ri kan k'es, loq'olej y kan niqa' chuwech ri Dios. Keri' nik'atzin richin niya' ruq'ij.

Romanos 2:16

Y kan keri' chuqa' xtibanatej toq ri Dios xtuben chi ri Jesucristo xtuq'et-tzij pa qawi' chire ri k'o pa qánima. Keri' nubij ri utzilej ch'abel richin kolotajik ri ninch'abalij yin.

Hechos 26:28

Jak'a ri Agripa xubij chire ri Pablo: Rat nach'ob chi chi'anin naben chuwe chi yinok jun chuqa' nimey richin ri Cristo, xcha'.

Hechos 17:13

Jak'a ri judío ri ek'o pa Tesalónica ri man kiniman ta, xkak'axaj k'a el chi ri Pablo k'o pa Berea nutzijoj ri ruch'abel ri Dios chike ri winaqi', y roma ri' rije' kan xebe k'a ri pa Berea. Ri chiri' xekitaqchi'ij ri winaqi' richin xeyakatej chirij ri Pablo.

Hechos 9:6

Ri Saulo nibaybot roma xibinri'il, y xubij: Ajaw, ¿achike k'a ri ruk'amon chi ninben ta?, xcha'. Y ri ajaw Jesús xubij chire: Kayakatej k'a el, y kabiyin k'a pa tinamit, y chiri' xtibix chawe achike ri ruk'amon chi naben, xcha'.

San Mateo 22:5

Jak'a ri xe'oyox, man xeniman ta pe rik'in ri xbebix chik jun bey chike y xebe k'a pa taq kisamaj; ch'aqa' xebe pa juyu' y ek'o xa xebe pa taq kik'ayij.

Dn 5:30

Jak'a ri Belsasar rey pa ruwi' ri ruwach'ulew Babilonia, xa kan chupan k'a ri aq'a' ri' xkamisex.

Wuj Richin ri Jeremías 22:3

Kere' nubij ri Jehová: Tiq'ata-tzij pa ruchojmilal y tikolo' ri nitz'ilox roma jun chik wineq y man ke'iq'ol. Man kixeleq' kik'in ri man e iwinaq ta, ni kik'in ri meba'i', ni kik'in ri malkani'. Chuqa' man ke'ikamisaj ri winaqi' ri xa maneq kimak.

Wuj Richin ri Isaías 66:2

Ja yin ri xibanon ronojel re banobel re', y keri' xbanatej. Ja yin Jehová ri yibin. Jak'a yin kan utz xtintz'et ri wineq ri ruqasan-ri', ri nibison ránima toq nimakun, y ri kan nuk'en rukiy ri nuch'abel.

Wuj Richin ri Isaías 1:18

Kixanpe richin yojch'on pa ruwi' re': Stape' ri ik'aslen man ch'ajch'oj ta achi'el jun tz'il laj tzieq, yin kan xtinben seq-seq chire achi'el ri chuma-tew. Stape' ri imak kan xujel ri ik'aslen achi'el jun seq tzieq xok keq, yin kan xtinben chik seq chire achi'el ri lana seq.

Wuj Richin ri Molojri'il 12:14

Ri Dios kan k'o k'a jun q'ij toq xtuq'et-tzij pa ruwi' ronojel banobel, chi tz'etel y man tz'etel ta, chi utz y man utz ta.

Wuj Richin ri Molojri'il 11:9

Rat ri k'a at k'ajol ala' na, kan kakikot k'a chupan ri ak'ajolil. Rokik ri k'a at k'ajol na, k'iy k'a ri nawajo' naben chupan ri ak'aslen. Y kan jari' ri tabana', xaxe k'a man tamestaj chi ja ri Dios k'o pa ruwi' ronojel, y k'o jun q'ij kan xtuq'et chuqa' tzij pa ruwi' ronojel banobel.

Wuj Richin ri Molojri'il 5:8

Man tamey toq yetz'ilox ri winaqi' man jun k'o kik'in y xa man pa ruchojmilal ta ri niban chike. Roma ri jun aj-raqen k'o jun chik ri k'o más ruq'ij ri k'o pa ruwi' y ri k'o más kejqalen ja chik ri' ri ek'o pa kiwi' ri e ka'i' rije'.

Wuj Richin Etamabel-Tzij 16:12

Kan man ruk'amon ta chire jun rey chi yerubanala' itzel taq banobel; roma kan richin chi k'o ruchojmilal toq k'o ri rey ri chiri' pa rutz'uyubal.

Wuj Richin Bix Chire ri Dios 119:120

Yin kan ninxibij k'a wi' chawech rat Jehová. Ri apixa' kan k'o rejqalen chinuwech yin.

Wuj Richin Bix Chire ri Dios 99:1

Ri Jehová ja rija' ri rey. Roma ri' kan tik'oje' k'a rukiy rija' chikiwech ri tzobaj winaqi' richin ri ruwach'ulew. Rija' kan tz'uyul k'a chikikojol ri querubín richin nuq'et-tzij. Y roma ri' chijun ri ruwach'ulew kan nisilon.

Wuj Richin Bix Chire ri Dios 72:2

richin rija' xtiq'aton-tzij pa ruwi' ri tinamit, y richin xtuya' ruchojmilal pa kiwi' ri yetz'ilox.

Wuj Richin Bix Chire ri Dios 45:7

Kan niqa' k'a chawech ri ruchojmilal y ri etzelal kan nawetzelaj; Roma ri' kan xarucha' ri qa-Dios, kan xarunojisaj k'a rik'in kikoten, más ke chikiwech ri awachibil.

Wuj Richin Bix Chire ri Dios 11:7

Ri Jehová kan choj y niqa' chuwech ri ruchojmilal; roma ri' ri choj kik'aslen kan xtikitz'et ruwech rija'.

Wuj Richin ri Achin Job 29:14

Ri chojmilal k'a ri e nubanon ri pa nuk'aslen, kan yiruwiq k'a achi'el ri nutziaq. Y ri nubanobal e choj, kan yinkikuch k'a, achi'el nuben ri tzieq ri ninkusaj chuwij y ri pa nujolon.

Wuj Richin ri Esdras 10:9

Keri' konojel ri achi'a' richin ri ruwach'ulew Judá y ri ruwach'ulew Benjamín xkimol k'a ki' chiri' pa Jerusalem chupan ri oxi' q'ij ri'. Y ronojel re' xbanatej chupan ri q'ij juwineq richin ri ik' beleje'. Y konojel ri winaqi' kan xetz'uye' k'a chiri' chupan ri nima'q ruwech bey richin molojri'il chiri' chuwech ri rachoch ri Dios, y kan yebaybot k'a roma re ch'abel re', y chuqa' roma ri job ri najin.

Wuj Richin ri Esdras 10:3

Wakami k'a, kan qabana' jun jikibel-tzij rik'in ri qa-Dios, richin k'o chi niqach'er-qi' kik'in ri ixoqi' ri', y kik'in ri ak'uala' ri e alaxineq kik'in rije', achi'el nubij ri Jehová ri qa-Dios chupan ri rupixa'. Y kan tiqabana' k'a achi'el nubij ri pixa'.

2 Rey 22:19

Ri awánima xok ch'uch'uj y xaqasaj-awi' chinuwech toq xawak'axaj ri nubij ri wuj chirij re tinamit re' y chikij ri winaqi' ri ek'o chupan. Rat kan janila xabison toq xawak'axaj chi kan man jun chik wineq xtik'oje' kan y ri ruwach'ulew kan xtik'is. Kan xaretz ri atziaq chawij y xatoq' chinuwech, y yin kan xatinwak'axaj.

1 Rey 21:27

Toq ri Acab xrak'axaj ri ch'abel ri xubij ri Elías, xuretz ri rutziaq chirij y xukusaj jun tzieq richin bis y kan man xwa' ta, y kan rik'in ri rutziaq ri' nikotz'e-qa; xuqasaj-ri' y kan janila k'a nibison ri nitzu'un.

2 Sam 23:3

Ri qa-Dios roj israelita xch'on. Ja ri to'onel qichin ri xbin re ch'abel re' chuwe: Toq jun niq'aton-tzij pa ruchojmilal, kan achi'el ri saqil ri nel-pe nimaq'a' yan ri man jun sutz' k'o chuwech. Toq jun q'atoy-tzij kan k'o rukiy ri Dios chuwech, kan achi'el ri job ri nibanon chi nibek'ulun-pe ri q'ayis pan ulew.

1 Sam 12:7

Wakami k'a chuwech ri Jehová xtinbenataj chiwe ronojel ri kolotajik ri rubanon-pe qik'in roj y ri xuben kik'in ri qati't-qamama'.

Hechos 24:26

Ri q'atoy-tzij ri' k'iy bey k'a nroyoj ri Pablo richin nich'on rik'in, roma xroyobej chi ri Pablo nusuj ta méro chire richin nukol-el.

Wuj Richin ri Jeremías 36:16

Kan xaxe k'a xkak'axaj ronojel ri nubij ri wuj, kan jari' toq chikijujunal janila xkixibij-ki' y xkibij chire ri Baruc chi k'o chi nibekibij ronojel chire ri rey.

Tito 1:8

Nik'atzin chuqa' chi kan jebel yeruk'ul-apo ri ye'apon pa rachoch, chi beneq ránima chubanik ri utz, nuq'et-ri' chubanik ri etzelal, ruk'uan jun k'aslen choj y loq'olej y man nuya' q'ij chire ri mak.