Hechos 21:13 - Kaqchiquel Bible

¹³ Jak'a ri Pablo xubij chiqe: ¿Achike roma toq rix niya-pe bis pa wánima rik'in la yixoq'? Yin man k'a ninpoqonaj ta wi' wi yikamisex roma ri nintzijoj ri ruch'abel ri ajaw Jesús, k'a ta la' k'a chi xaxe yibexim ri chila' pa Jerusalem, xcha' ri Pablo.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Pero ri Pablo xubꞌij: ¿Achike roma ngixoqꞌ y ndiyaꞌ bꞌis chuwa? Porque riyin nuyoꞌon pa wánima chi maske ngixim o ngikamisex pa tinamit Jerusalén roma yin rusamajel ri Ajaw Jesús, keriꞌ tibꞌanatej, xchajeꞌ.

Kaqchikel Santa Maria de Jesus

¹³ Pero ri Pablo xuꞌej chika: ¿Karruma ixreꞌ ntiya-pa bꞌis pa vánima ruma nquixuokꞌ? Inreꞌ niyaꞌ nutzij chi xquixim pa tanamet Jerusalén, y chi nquiquimisas ruma nitzijuoj ri ruchꞌabꞌal ri Ajaf Jesús, xchaꞌ ri Pablo.

Kaqchikel Central Guatemala

¹³ Pero ri Pablo xubij chike: ¿Achique roma tok rix niya-pe bis pa vánima riq'uin la yixok'? Yin man c'a ninpokonaj ta vi' vi yicamisex roma ri nintzijoj ri ruch'abel ri Ajaf Jesús, c'a ta la' c'a chi xaxe yibexim ri chila' pa Jerusalem, xcha' ri Pablo.

Re C'ac'a Testamento pa Kach'abal

¹³ Pero re Pablo xubij chaka: ¿Anchique roma tak yex niya' pa bis re vánma riq'uin la yixok'? Yen man c'a nimpokonaj-ta vo xa yinquimisas pa Jerusalén rutzij re Ajaf Jesús, c'alapa' xe yinxim, xcha' re Pablo.

Kaqchikel Western Solola

¹³ Yac'a ri Pablo xa xubij chake: ¿Achique ruma tek riyix niya' pe bis pa wánima ruma yixok' pe? Riyin man c'a npokonaj ta chi yicamisex ruma ntzijoj ri ruch'abel ri Ajaf Jesús, c'a ta c'a chi xaxu (xaxe) wi chi yixim chila' pa tinamit Jerusalem, xcha' ri Pablo.

Hechos 21:13 ပူးပေါင်းရင်းမြစ်များ

Hechos 20:24

Jak'a man ja ta ri' ri más ninch'ob rij, ni man ja ta chuqa' ri nuk'aslen ri ninch'ob más. Ri más k'a ninch'ob, ja ri samaj ri ruya'on ri ajaw Jesús chuwe, y rik'in ta k'a kikoten ri xtink'is rutzijoxik chike ri winaqi' ri utzilej ch'abel richin kolotajik, ri niq'alajirisan ri rutzil ri Dios.

Filipenses 2:17

Ri kuqubabel-ik'u'x y ri isamaj kan achi'el jun sipanik ri niya-apo chire ri Dios. Y rik'in juba' k'o ta chi xtibiyin nukik'el achi'el nitix ri kik' pa ruwi' ri sipanik ri'. Wi ta keri' nibanatej, yin roma ri' xkikikot, y xkikikot chuqa' iwik'in rix.

2 Timoteo 4:6

Roma yin xa kan xaxe chik woyoben ri q'ij chi yikamisex; ri q'ij richin yibe y ninya' kan re ruwach'ulew, xa naqaj chik k'o-wi.

Apocalipsis 12:11

Y ri qach'alal ri' xech'akon yan chirij ri Itzel-Wineq, roma ri rukik'el ri Karne'l, roma rije' kan man xek'ix ta xkiq'alajirisaj-ki' chi kiniman ri Cristo. Man xkixibij ta ki' stape' xe'apon pa kamik.

Colosenses 1:24

Iwoma rix yin wakami nintej poqon, jak'a man yibison ta, xa kan yikikot roma nintz'aqatisaj chupan ri nuch'akul ri k'a nrajo' na chire ri rutijoj-poqonal ri Cristo koma ri molaj qach'alal ri achi'el ruch'akul rija'.

2 Pedro 1:14

Y yin kan wetaman chik k'a chi xaxe chik ka'i-oxi' q'ij ink'es, roma keri' xq'alajirisex chinuwech roma ri qajaw Jesucristo.

Hechos 20:37

Ri kimolon k'a ki' ri chiri' xe'oq', xkiq'etela' y xkitz'ubaj chuqa' ri Pablo.

Hechos 5:41

Toq ri e taqon roma ri Cristo xe'el-el ri chiri', nikikot k'a ri kánima xebe, roma ri Dios ruya'on q'ij chike richin chi nikik'owisaj tijoj-poqonal roma ri rubi' ri Jesús.

Apocalipsis 3:10

Y roma kan itaqen rik'in koch'onik ri nubij ri nuch'abel; yin kan xkixinchajij k'a chuwech ri ruk'ayewal ri xtipe pa ruwi' ri ruwach'ulew richin yetejtobex konojel ri winaqi'.

2 Timoteo 1:4

Kan noqaqa k'a chinuk'u'x ri awoq'ej, roma ri' janila ninwajo' yinapon chik jun bey awik'in, richin keri' nikikot chik jun bey ri wánima.

1 Corintios 15:31

Y jubama q'ij-q'ij niqil qakamik, y re' kan jare' ri qitzij. Re' junan rik'in ninbij chi kan jebel ninna' iwoma rix, chi xinimaj ri qajaw Jesucristo.

Hechos 9:16

Ri janipe' tijoj-poqonal ri xtuq'axaj roma ri nubi' yin, k'a ja na yin ri xkik'utu chuwech, xcha'.

Filipenses 2:26

Rija' janila nrajo' chi yixrutz'et yan chi'anin, roma retaman chi rix xiwak'axaj chi rija' janila xyawej.

Wuj Richin ri Jonás 1:6

Jari' toq ri rajaw ri barco xqaqa-qa rik'in y xubij chire: ¿Achike roma toq yawer rat? Kayakatej y tak'utuj chire ri a-dios; rik'in juba' nujoyowaj qawech y man yojken ta, xcha'.

Ez 18:2

¿Achike roma iwik'in rix israelita jantape' nibix ri jun k'ambel-tzij ri nubij: Ri te'ej-tata'aj nikitej ri uva ch'om y ja ri alk'ualaxela' ri nijuch'uch' key roma ri ruch'amil ri uva ri'?

Wuj Richin ri Isaías 3:15

Y nuk'utuj chuqa' chike ri achike roma nikiben chi nikitej poqon ri rutinamit, y achike roma toq nikikich kipalej pa poqolaj ri man jun k'o kik'in. Keri' nuk'utuj ri Jehová ri k'iytisanel richin ronojel.

1 Sam 15:14

Jak'a ri Samuel xubij: ¿Y achike roma yin ninwak'axaj chi ye'oq' karne'l y wákix?, xcha'.

1 Sam 1:8

Jari' toq ri Elcaná nubij chire: Ana, ¿achike roma yatoq'? ¿Achike roma man yawa' ta? ¿Achike roma poqonatajineq ri awánima? ¿K'o ta k'a más rejqalen ek'o ta lajuj awal y man ta ink'o yin?, xcha' chire.

Wuj Richin ri Jeremías 40:1

Toq xch'akatej yan ri Jerusalem, yin kan in ximon k'a rik'in cadena chikikojol ri nuwinaq aj-Judá richin yojuk'uex yan el pa Babilonia. Y chiri' pa tinamit Ramá xapon ri Nebuzaradán aj-raqen pa kiwi' ri aj-labal. Jari' toq xiril y xirukol kan. Y jari' toq ri Jehová xch'on wik'in.

1 Crón 11:18

Toq xkak'axaj re oxi' achi'a' re' ri kan janila kuchuq'a' y man nikixibij ta ki', xeq'ax chikikojol ri aj-Filistea ri ek'o pa taq'aj, richin xbekelesaj juba' ya' chupan ri pozo ri k'o chuchi' ri Belén. Y xkik'uaj k'a el chire ri David. Jak'a ri David xa man xuqum ta. Xa xutix chuwech ri Jehová richin jun sipanik,