Hechos 21:10 - Kaqchiquel Bible

¹⁰ Ka'i-oxi' yan q'ij qojk'oje' ri chiri', toq jun achin rubini'an Agabo xapon chuqa' ri chiri'. Rija' peteneq k'a pa Judea, y nuq'alajirisaj ruch'abel ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Atoq kꞌiy chik qꞌij qojkꞌojeꞌ pa tinamit Cesarea, xbꞌeqaqa jun achi rubꞌiniꞌan Agabo eleneq pe pa rochꞌulew Judea. Rijaꞌ chuqaꞌ ndiqꞌalajrisan ri ndubꞌij pe ri Dios pa ránima.

Kaqchikel Santa Maria de Jesus

¹⁰ Y qꞌuiy kꞌij kojcꞌujie-ka chireꞌ pa tanamet, antok xalka jun profeta rubꞌinan Agabo, ri Judea patanak-ve.

Kaqchikel Central Guatemala

¹⁰ Y ca'i-oxi' yan k'ij kojc'oje' ri chiri' pa tinamit, tok jun achin rubini'an Agabo xapon chuka' ri chiri' pa tinamit. Rija' petenek c'a pa Judea, y jun rusamajel ri Dios ri nuk'alajirisaj ri nibix chire roma ri Dios.

Re C'ac'a Testamento pa Kach'abal

¹⁰ Y c'o-yan jun ca'e-oxe' k'ij kojc'ue-va chire' pa tenemit Cesarea, tak jun ache rubini'an Agabo xapon chuka' chire' pa Cesarea. Reja' pitinak pa Judea, y reja' can nutzijoj re nibex cha roma re Dios.

Kaqchikel Western Solola

¹⁰ Y c'o yan ca'i' oxi' k'ij ri kojc'oje' chiri' tek xoc'ulun jun achi kiq'ui ri Agabo rubi'. Riya' petenak c'a pa Judea, y riya' jun profeta ri nik'alajsan ri nibix chare ruma ri Dios.

Hechos 21:10 ပူးပေါင်းရင်းမြစ်များ

Hechos 11:28

Y jun k'a chike ri qach'alal ri', ja ri Agabo. Y roma ri Loq'olej Espíritu kan ruya'on-wi ch'abel chire, roma ri' toq xbepa'e-pe chikiwech ri qach'alal, y kan xuq'alajirisaj chi xtipe jun nimalej wayjal pa ruwi' re ruwach'ulew; y ri nimalej wayjal ri' kan xpe na wi ri pa ruq'ijul ri q'atoy-tzij Claudio César.

Hechos 21:4

Xeqakanoj k'a ri qach'alal ri ek'o chiri'. Wuqu' q'ij ri xojk'oje' chiri' kik'in. Ri qach'alal ri' xkibij k'a chire ri Pablo chi man tibe pa Jerusalem, roma kan ja ri Loq'olej Espíritu ri q'alajirisayon chikiwech.

Hechos 20:16

Man xojbe ta k'a pan Éfeso, roma ri Pablo man nrajo' ta chi k'iy chik q'ij ri nik'oje-qa pa ruwach'ulew Asia. Y xa kan rurayibel k'a chi napon yan ri pa Jerusalem richin ri nimaq'ij Pentecostés, wi tikirel.

Hechos 21:7

Ja toq xojel-pe ri pa Tiro richin xojbe k'a pa tinamit Tolemaida. Ri chiri' xebeqaq'ejela' k'a kan ri qach'alal, y xojk'oje-pe jun q'ij kik'in.

San Mateo 2:1

Ri Jesús xalex k'a ri pa tinamit rubini'an Belén, ri k'o pa Judea, pa ruq'ijul ri Herodes ri Nim,*f3* ri rey pa ruwi' ri ruwach'ulew ri'. Y toq q'axineq chik juba' q'ij, jari' toq ka'i-oxi' achi'a' etamanela' chikij ri ch'umila', e peteneq pa relebel-q'ij xe'oqaqa pa Jerusalem.