Hechos 20:36 - Kaqchiquel Bible

³⁶ Toq rija' ch'owineq chik qa, xxuke' k'a y xch'on rik'in ri Dios, kik'in konojel rachibil ri ek'o chiri'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁶ Atoq xubꞌij yan nojel reꞌ, ri Pablo xxukeꞌ y xubꞌen orar kikꞌin konojel ri ekꞌo chiriꞌ.

Kaqchikel Santa Maria de Jesus

³⁶ Y antok jajaꞌ ruꞌeꞌn chic nojiel reꞌ chica, xxuquie-ka y xuꞌon orar quiqꞌuin quinojiel ri icꞌo chireꞌ.

Kaqchikel Central Guatemala

³⁶ Y tok rija' ch'ovinek chic ka, xxuque' c'a y xuben orar quiq'uin conojel ri ec'o chiri'.

Re C'ac'a Testamento pa Kach'abal

³⁶ Y tak reja' xtane' che tzij, xuque' y xuban orar quiq'uin conojel re jec'o chire'.

Kaqchikel Western Solola

³⁶ Y tek ri Pablo ch'onak chic ka, xxuque' c'a y xuben orar quiq'ui quinojel ri yec'o chiri'.

Hechos 20:36 ပူးပေါင်းရင်းမြစ်များ

Hechos 21:5

Chupan k'a ri ruwuq q'ij qojk'oje' ri chiri', xqachojmirisaj-qi' richin yojbe. Konojel ri qach'alal kachibilan ri kixjayilal y ri kalk'ual, xojbekijacha' kan ri chuchi' ri ya'. Ri chiri' xojxuke-qa y xojch'on rik'in ri Dios.

San Lucas 22:41

K'ari' ri Jesús xbiyin chik apo juwineq jaj, xxuke-qa chiri', y xuchop k'a ch'owen rik'in ri Dios.

Filipenses 4:6

Man tisach ik'u'x roma xabachike; xa tiya' pa ruq'a' ri Dios ronojel y tik'utuj chire ri nik'atzin chiwe. Y chuqa' man timestaj yixmatioxin.

Hechos 7:60

Jari' k'a toq rija' xxuke', y kan rik'in k'a ruchuq'a' xch'on y xubij: Wajaw, man k'a taben chike chi nikejqalej re nikiben chuwe, xcha'. Y kan xaxe k'a xubij kere', xken.

Efesios 3:14

Roma ri' yin yixuke' richin yich'on rik'in ri Tata'ixel.

Dn 6:10

Jak'a ri Daniel, toq xunabej chi xtalux yan rutzijol re jun pixa' re', xjote-q'anej chupan ri ka'i' wiq rachoch, xujeq ri ru-ventana ri k'o pa ruchojmilal ri tinamit Jerusalem y xxuke' richin nich'on y nimatioxin rik'in ri Dios, kan achi'el ri rubanon-pe. Y re' xuben oxi' mul pa jun q'ij.

2 Crón 6:13

Chiri' k'o k'a jun palibel ri rubanon rik'in q'enq'oj-pueq. Ri retabal ri palibel ri' jun jaj rik'in ka'i' q'a'aj ri raqen y ri ruwech keri' chuqa' ri retabal, y ri rujotolen waqi' q'a'aj rik'in wo'o' ruwi' q'a'aj. Y ri palibel ri' banon pa runik'ajal ri ruwa-jay richin ri rachoch ri Jehová. Ri Salomón xjote-el chiri' y k'ari' xxuke-qa chikiwech konojel ri ruwinaq y xurik' chik q'anej ri ruq'a',

Hechos 9:40

Jari' toq ri Pedro xubij k'a chike konojel ri ek'o rik'in, chi ke'el-el juba'. Rija' xxuke-qa, y xch'on rik'in ri Dios. Xutzu-apo ri kamineq, y xubij: Tabitá, kayakatej, xcha'. Y ri ixoq ri' kan jari' xbetzu'un-pe, y toq xutz'et ri Pedro, xyakatej-q'anej.

Hechos 20:35

Yin kan xink'ut k'a chiwech chi nik'atzin chi yixsamej richin nich'ek iméro richin chi rik'in ri' ye'itobej ri nik'atzin kito'ik. Toqaqa k'a chi'ik'u'x ri rubin kan ri ajaw Jesús chi más nikikot ránima ri wineq ri nisipan ke chuwech ri nik'ulun jun sipanik, xcha'.