Hechos 2:37 - Kaqchiquel Bible

³⁷ Toq ri winaqi' xkak'axaj ri xubij ri Pedro, xq'axon janila ri kánima, y xkik'utuj k'a chire ri Pedro y chike ri ch'aqa' chik ri e taqon roma ri Cristo y xkibij: Qach'alal, ¿achike ri ruk'amon chi niqaben?, xecha'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁷ Atoq ri kimolon kiꞌ xkakꞌaxaj ri xubꞌij ri Pedro, konojel tzꞌan xqꞌaxa kánima roma ri xkibꞌen, y kereꞌ xkibꞌij chare ri Pedro y chake ri chꞌaqa chik apóstoles: Qawinaqul, ¿achike kꞌa ndiqabꞌen wokami?

Kaqchikel Santa Maria de Jesus

³⁷ Y antok ri vinak xcaꞌxaj ri xuꞌej ri Pedro, xkꞌaxo cánima, y xquicꞌutuj cha ri Pedro y chica ri nicꞌaj chic apóstoles: Kavanakil, ¿chica nakaꞌan? xaꞌchaꞌ.

Kaqchikel Central Guatemala

³⁷ Y tok ri vinek xcac'axaj ri xubij ri Pedro, xk'axon cánima, y xquic'utuj c'a chire ri Pedro y ri ch'aka' chic apóstoles: Kach'alal, ¿achique ri ruc'amon chi nikaben? xecha'.

Re C'ac'a Testamento pa Kach'abal

³⁷ Y tak re vinak xquic'axaj re xubij re Pedro, xk'axo cánma, y xquic'utuj cha re Pedro y chique chuka' re nic'aj chic apóstoles: Hermanos, ¿andex re ruc'amon che nakaban? xe'cha' re vinak chique.

Kaqchikel Western Solola

³⁷ Y tek ri winek xquic'axaj ri xubij ri Pedro, xk'axo ri cánima, y xquic'utuj c'a chare ri Pedro y chique ri nic'aj chic apóstoles: Kech aj Israel, ¿achique ri ruc'amon chi nikaben? xecha'.

Hechos 2:37 ပူးပေါင်းရင်းမြစ်များ

San Lucas 3:10

Kan jari' k'a toq ri winaqi' nikik'utuj chire: ¿Achike k'a ri ruk'amon chi niqaben?, yecha'.

Hechos 22:10

Yin xinbij k'a: Ajaw, ¿achike k'a ri ruk'amon chi ninben ta?, xicha'. Ri ajaw xubij chuwe: Kayakatej k'a el, y kabiyin pa Damasco, y chiri' xtibix k'a chawe ri ruk'amon chi naben, xinuche'ex.

San Lucas 3:14

Chuqa' ek'o ka'i-oxi' aj-labal, xkik'utuj-apo chire: Roj, ¿achike ruk'amon chi niqaben?, xecha'. Ri Juan xubij chike: Man jun tiwelesaj chuwi kiq'a' ri winaqi', xaxe roma k'o q'atbel-tzij pan iq'a'. Ni man jun achike ke'iq'abala' chikij winaqi'; xa kan kixkikot rik'in ri nich'ek, xcha' chike.

San Lucas 3:12

Ek'o k'a chuqa' ka'i-oxi' achi'a' ri e moloy méro ri k'o chi nitoj chire ri q'atbel-tzij aj-Roma, xe'apon richin xqasex ya' pa kiwi'. Y xkik'utuj k'a chire ri Juan: Tijonel, ¿achike ri ruk'amon chi niqaben roj?, xecha'.

San Juan 8:9

Toq ri sujunela' chirij ri ixoq xkak'axaj ri xubij ri Jesús, ri kánima xubij chike chi rije' chuqa' e aj-maki', y xe'eleyaj el ri chiri'. Xenabeyej-el ri rijita'q, y k'ari' xebe ri más k'a e ak'uala'. Xa kan xaxe chik k'a ri Jesús y ri ixoq ri xk'oje' kan.

Ez 7:16

Y ri winaqi' ri ek'o kan chupan ri tinamit, xa xke'animej-el pa taq juyu'. Y toq ye'oq' roma ri kimak, xa xkeq'ajan achi'el nikiben ri taq paloma.

Romanos 7:9

Ri ojer kan, toq man jani q'axineq chinuwech ri pixa' ri', yin xinna' chi k'o nuk'aslen rik'in ri Dios. Jak'a ri q'ij toq xq'ax chinuwech ri nubij ri pixa', jari' toq xq'ax chinuwech chi k'o ri mak pa wánima,

Hechos 7:54

Toq ri achi'a' ri yeq'aton-tzij xkak'axaj ri xubij-qa ri Esteban, xyakatej k'a koyowal, y kan nikiqach'ach'ela' k'a key chirij.

Hechos 5:33

Toq ri kimolon-ki' chiri' xkak'axaj ri xkibij ri e taqon roma ri Cristo, xyakatej k'a koyowal y xkich'ob chi yekikamisaj.

Wuj Richin ri Zacarías 12:10

Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual.

Hechos 1:16

Wach'alal, ri rey David ri xk'oje' ojer kan, xutz'ibaj k'a kan ri ch'abel ri xeruya' ri Loq'olej Espíritu pa ránima. Chiri' nich'on chirij ri Judas ri xuk'uan kibey ri winaqi' ri xebe chuchapik ri Jesús. Kan k'o-wi k'a chi xbanatej ri'.

Wuj Richin Bix Chire ri Dios 73:21

Toq yin kere' xinch'ob, kan janila k'a xik'oje' pa k'ayew, y ri wánima kan janila k'a xq'axon.

Wuj Richin ri Molojri'il 12:11

Ri kitijonik k'a ri winaqi' e aj-na'oj, kan nuben k'a jun samaj achi'el nuben jun che' chuq'bel; ri etamabel-tzij ri nikikusaj ri etamanela' kan nich'ike' k'a pa taq kánima ri winaqi'; re' kan e ya'on k'a kan roma ri Dios, ri qayuq'unel.

Wuj Richin ri Isaías 21:12

Y yin xinbij chi niseqer yan pe, jak'a ri aq'a' xa peteneq chik chirij ri'. Y wi nrajo' nuk'utuj chik chuwe, tuk'utuj jun bey chik chuwe ri chua'q.