Hechos 2:27 - Kaqchiquel Bible

²⁷ Rat kan man xtaya' ta k'a kan ri wánima chupan ri muqubel kamineq. Y man xtaya' ta k'a q'ij chi yin xkichuwir-qa chiri'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁷ Porque rat, Ajaw, ma nganayaꞌ ta kan chin jumul chupan ri kikꞌojlibꞌel ri animaꞌiꞌ, Nixta ndayaꞌ qꞌij chi ndiqꞌey Ri nu-cuerpo riyin, ri Loqꞌolej Akꞌajol.

Kaqchikel Santa Maria de Jesus

²⁷ Ruma atreꞌ Nu-Dios, can man xquinayaꞌ ta can chiquicajol ri quiminakiꞌ, man xtayaꞌ ta jeꞌ lugar chuva inreꞌ ri in Santo Acꞌajuol chi nikꞌay ri nu-cuerpo.

Kaqchikel Central Guatemala

²⁷ Rat nu-Dios, can man c'a xquinaya' ta can chiquicojol ri caminaki', ni man c'a chuka' xtaya' ta k'ij chi ri nuch'acul yin, ri Lok'olej Ac'ajol, nik'ey ta.

Re C'ac'a Testamento pa Kach'abal

²⁷ Rat nu-Dios, man c'a xquinaya-ta can chiquicojol re anama'i', y chuka' man xtaya-ta k'ij che nik'ay-ta-ka re nu-cuerpo, yen re Lok'olaj Ac'ajol.

Kaqchikel Western Solola

²⁷ Riyit nu-Dios, can man c'a xquinaya' ta ca chiquicojol ri caminaki', ni man c'a chuka' xtaya' ta k'ij chi ri nuch'acul riyin, ri Lok'olaj Ac'ajol, nik'ey ka.

Hechos 2:27 ပူးပေါင်းရင်းမြစ်များ

Wuj Richin Bix Chire ri Dios 16:10

Jehová, rat kan man xtaya' ta k'a kan ri wánima chupan ri muqbel kamineq. Man xtaya' ta k'a q'ij chi ri ruch'akul ri acha'on xtichuwir-qa chiri'.

Hechos 2:31

Ri David, kan achi'el xutz'et yan k'a ri xkebanatej. Roma ri' xch'on chirij ri k'astajibel richin ri rey ri';*f7* chi ri ránima man xtik'oje' ta kan chiri' chikikojol ri kaminaqi', y chi ri ruch'akul man xtik'oje' ta chuqa' kan richin niq'ey-qa.

Apocalipsis 1:18

Ja yin ri kan in k'es, kan xiken na wi jak'a re wakami k'o nuk'aslen richin tibe-q'ij tibe-seq. Y k'o chuqa' q'atbel-tzij pa nuq'a' pa ruwi' ri kamik y pa ruwi' ri akuchi ek'o-wi ri kaminaqi'.

Apocalipsis 20:13

Ri palou xerujech k'a apo konojel winaqi' ri xeken chupan. Ri kamik y ri akuchi yemuq-wi ri kaminaqi' xekijech apo ri kaminaqi' chire ri Dios. Y kan achi'el ri kibanobal ri xek'ase-el ri kaminaqi' ri', keri' ri q'atoj-tzij ri xban pa kiwi'.

1 Corintios 15:55

Y wakami, ¿akuchi k'a k'o-wi ri ach'akonik, rat kamik? ¿Akuchi k'o-wi ri ach'akonik rat jul muqubel kamineq?

1 Corintios 15:52

Xtibanatej k'a chi xa pa jun ti ramaj xqojjalatej-el, achi'el pa jun ruyupik runaq'-wachaj. Kan jak'a toq xtuya' rutzijol ri ruk'isibel trompeta, jari' xkek'astej-el ri kaminaqi' rik'in chik kich'akul ri man k'isel ta. Y roj ri k'a oj k'es kan, xqojjalatej-el chuqa'.

San Juan 11:39

Jari' k'a toq ri Jesús xubij: Tiwelesaj la abej tz'apebel ruchi' la jul, xcha'. Jak'a ri Marta, xubij chire ri Jesús: Wajaw, kan kaji' yan q'ij ri' ri qamuqun. Xa peteneq chik ruchuwirinen, xcha'.

Wuj Richin Bix Chire ri Dios 86:13

Roma ri ajoyowanik rat kan janila nim pa nuwi' yin, kan in akolon chuwech ri muqbel kamineq.

Apocalipsis 3:7

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Filadelfia, y tinbij-el; chi ri Loq'olej, ri qitzij y ri uk'uayon ri llave ri nujeq ruchi' ri rajawaren ri rey David, ri toq nujeq man jun nitz'apen y toq nutz'apej man jun nijaqon, kere' nubij.

1 Juan 2:20

Jak'a rix kan xik'ul yan ri Loq'olej Espíritu roma ri Cristo. Y chuqa' iwetaman chik ri qitzij.

San Lucas 4:34

Xubij k'a chire ri Jesús: ¿Achike nawajo' chiqe roj, Jesús aj-Nazaret? ¿Xape k'a richin chi yojak'is? Yin wetaman at achike rat; rat kan at loq'olej-wi y at peteneq rik'in ri Dios, xcha'.

San Lucas 1:35

Ri ángel xubij chire: Ja ri Loq'olej Espíritu y ri ruchuq'a' ri nimalej Dios ri xtiqaqa pan awi'. Roma ri', ri loq'olej ak'ual ri xtalex awik'in, kan xtubini'aj Ruk'ajol ri Dios.

Marcos 1:24

Rat Jesús aj-Nazaret, ¿achike k'a nawajo' chiqe? Rat xape wawe' xaxe richin chi yojak'is. Yin wetaman chi ja rat ri loq'olej richin ri Dios, xcha'.

San Mateo 11:23

Y rix aj-Capernaum, ri kan ix beneq pa jotol roma janila inimirisan iq'ij, man rik'in ri' xa xtiqasex k'a iq'ij y xa k'a pa jul akuchi k'o ri tijoj-poqonal xkixbeqaqa-wi. Roma xa ta ronojel ri meyel taq banobel ri xbanatej iwik'in ja ta ri' ri xbanatej chikiwech ri aj-Sodoma, rije' xa kan xkinimaj ta y man ta xek'is rachibilan ri kitinamit. Y xa k'a ek'o ta na re q'ij re'.

Wuj Richin ri Jonás 2:6

Xinapon k'a pa siwan chire ri palou. Y ri ruwach'ulew achi'el xa ta kan xirutz'apej kan chiri' richin q'asen. Y jari' k'a toq rat Jehová nu-Dios yin, xajoyowaj nuwech y xinawelesaj-pe chupan ri siwan ri'.

Wuj Richin Bix Chire ri Dios 116:3

Yin kan chuwi' kamik chik k'a ink'o-wi. Ri rukiy ri jul muqbel kamineq xa kan xoqaqa yan k'a chuwij. Xa kan ruyon chik k'a bis y q'axo'n ri wilon.

Wuj Richin Bix Chire ri Dios 89:19

K'o k'a jun q'ij toq rat Jehová xach'on qik'in pa jun achi'el achik'. Xabij k'a chiqe: Yin xinya' k'a ruchuq'a' jun nimalej achin richin oyowal. Kan xinsuj yan k'a ri ajawaren chire ri nucha'on chi'ikojol rix.

Wuj Richin Bix Chire ri Dios 49:15

Jak'a ri nuk'aslen yin kan xtukol ri Dios chuwech ri jul ri', roma rija' xkiruk'uaj-el k'a akuchi k'o-wi.

Hechos 4:27

Kan qitzij wi, chi achi'el ri tz'ibatel kan, keri' ri xbanatej. Roma ri rey Herodes Antipas y ri q'atoy-tzij Poncio Pilato, ri qawinaq y ri man e qawinaq ta; rije' xkimol-ki' wawe' pa Jerusalem richin xeyakatej chirij ri Jesús ri loq'olej ak'ajol ri acha'on-pe.

Hechos 3:14

Xa ja ri jun kamisanel xibij chi tikol-el, y ri loq'olej y choj chuqa' ri ruk'aslen, jari' ri xiya' kan pa ruk'exel.

San Lucas 16:23

Jak'a rija' xa xbe akuchi k'o tijoj-poqonal. Rija' xtzu'un-pe, y jari' toq xutz'et ri Abraham, k'a nej k'a k'o-wi. Xutz'et k'a chuqa' ri Lázaro raq'el-apo chuwa-ruk'u'x ri Abraham.

San Lucas 24:44

Y xubij k'a chike: Pa nabey mul, xinbij k'a chiwe chi jare' ri k'o chi nink'uluwachij, y chi kan nik'atzin na wi chi nibanatej ronojel ri e tz'ibatel kan chuwij yin chupan ri ruch'abel ri Dios, achi'el ri e tz'ibatel kan roma ri Moisés, ri xeq'alajirisan ruch'abel ri Dios ri ojer kan, y ri e tz'ibatel kan chupan ri wuj richin bix, xcha'.

Hechos 2:26

Ri wánima kan janila k'a xtikikot, y ninbixaj rubi' rija'. Kan xkinuxlan k'a rik'in kuqubabel-k'u'x.

Hechos 2:28

Xtak'ut k'a chinuwech ri bey richin k'aslen, Y awik'in rat k'o kikoten richin jantape', xcha' ri David.