Hechos 2:23 - Kaqchiquel Bible

²³ Jak'a ri Dios xuya' k'a q'ij chi xjach ri Jesús pan iq'a', roma kan keri' ri ruch'obon-pe. Rix xiya' pa kiq'a' aj-maki', y keri' ja rix xixkamisan chuwa ri cruz.

နောက်ထပ်ဗားရှင်းများ

Kaqchikel Santo Domingo (Xenacoj)

²³ Y ri Jesús xjach pa kiqꞌaꞌ ma israelitas ta ri maneq Dios pa kiwech, kin achel runojin pe ri Dios chi ndibꞌanatej, y ja rix ri xixyoꞌon tzij pa kixikin ri wineq riꞌ chin xkikamisaj ri Jesús cho cruz.

Kaqchikel Santa Maria de Jesus

²³ Pero ri Dios xuyaꞌ lugar chi xjach ri Jesús pan ikꞌaꞌ, ruma quireꞌ ranun-pa pensar. Y ixreꞌ xiyaꞌ pa quikꞌaꞌ itziel tak vinak chi xquiquimisaj choch cruz.

Kaqchikel Central Guatemala

²³ Pero ri Dios xuya' c'a k'ij chi xjach ri Jesús pan ik'a', roma can queri' ri ruch'obon-pe. Y rix xiya' pa quik'a' vinek ri xa man niquiben ta ri nubij ri ruch'abel ri Dios, xaxe richin chi xquicamisaj chuva ri cruz.

Re C'ac'a Testamento pa Kach'abal

²³ Pero re Dios xuya' k'ij che xjach re Jesús pan ik'a', roma can quire' runojim-pa. Y yex xiya' pa quik'a' vinak re xa man niquiban-ta re nubij re ruch'abal re Dios, xaxe chin che xquiquimisaj cho cruz.

Kaqchikel Western Solola

²³ Pero ri Dios xuya' c'a k'ij chi xjach ri Jesús pan ik'a', ruma can queri' ri ruch'obon pe. Y riyix xiya' pa quik'a' winek ri xa ma niquiben ta ri nubij ri ruch'abel ri Dios, riche (rixin) chi xquicamisaj chuwech cruz.

Hechos 2:23 ပူးပေါင်းရင်းမြစ်များ

Wuj Richin ri Rutikeribel 50:20

Rix xich'ob chi niben itzel chuwe yin, jak'a ri Dios xixrukusaj richin utz, richin chi nitz'et chi xinkol kik'aslen janila chi winaqi'.

Wuj Richin Bix Chire ri Dios 76:10

Kan qitzij wi chi chupan ri royowal ri wineq, xa kan ninimer ri utzilej atzijol rat. Kan ja rat xkaqasan ruwi' ronojel ri ch'aqa' chik oyowalen.

Wuj Richin ri Isaías 37:26

Jak'a rat kan man awetaman ta chi yin kan ojer yan ri' ri nuch'obon-pe re kere'. Kan k'o yan chik q'ij ri nuch'obon-pe re', y re wakami jare' xk'achoj; roma kan xe'ak'is konojel tinamit ri jebel tz'apen-kij rik'in tz'aq y kan xewuluwu' kan jumul.

Dn 4:35

Chawech rat, ri winaqi' ri ek'o chuwech re ruwach'ulew xa man jun kejqalen, Rat kan naben achi'el ri niqa' chawech; keri' ri chikaj y keri' chuqa' chuwech re ruwach'ulew. Kan man jun k'a wineq ri nitikir ta niq'aton awichin, Kan man jun ri nik'utun chawe ri achike roma keri' naben. Keri' xinbij chire ri nimalej Dios.

San Mateo 20:19

Y chuqa' xkinkijech-el pa kiq'a' winaqi' ri xa man e judío ta richin xkinkitze'ej, xkinkich'ey y k'ari' xkinkibajij chuwech jun cruz richin yiken. Jak'a pa rox q'ij xkik'astej-pe, xcha'.

San Mateo 26:24

Kan qitzij wi chi yin, ri xiqaqa-pe achi'el wineq chi'ikojol, kan xkibe-wi k'a pa kamik. Kan xtibanatej achi'el ri tz'ibatel kan. Jak'a toq'ex k'a ruwech ri xtijacho-el wichin yin; utz ta chi man ta xalex, xcha' ri Jesús.

San Mateo 27:35

Toq ri aj-labal kibajin chik ri Jesús chuwech ri cruz, xkiya' pan etz'anen ri rutziaq richin xkitz'et achike chi tzieq ri nikik'uala-el chikijujunal. Y rik'in ri' kan nibanatej k'a ri bin kan roma ri jun q'alajirisey ruch'abel ri Dios.*f41*

Marcos 15:24

Toq kibajin chik ri Jesús chuwa ri cruz, xkiya' k'a pan etz'anen ri rutziaq richin xkitz'et achike chi tzieq ri nikik'uala-el chikijujunal.

San Lucas 22:22

Kan tiwak'axaj k'a re ninbij chiwe, chi yin, ri xiqaqa-pe achi'el wineq chi'ikojol, kan yibe-wi pa kamik, roma kan jare' ri ruch'obon ri Dios pa nuwi'. Jak'a toq'ex ruwech ri xtijacho-el wichin, xcha' ri Jesús.

San Lucas 22:37

Wakami kere' ninbij chiwe, roma k'o chi nibanatej achi'el ri nubij chupan ri ruch'abel ri Dios ri tz'ibatel kan,*f35* toq nubij chi kan achi'el chuqa' jun aj-mak xban chuwe. Roma ronojel k'a ri e tz'ibatel kan chuwij yin chupan ri ruch'abel ri Dios, kan xkebanatej-wi, xcha' ri Jesús.

San Lucas 23:33

Toq xe'apon k'a chupan ri jun juyu' rubini'an Baq Richin Jolomaj, xkibajij k'a ri Jesús chuwa ri ru-cruz, y keri' chuqa' ri e ka'i' eleq'oma'. Jun xpabex pa rijkiq'a', y ri jun chik pa rajxokon.

San Lucas 24:20

Jak'a ri aj-raqen kichin ri sacerdote y ri e kachibil, ri pa komon yeq'aton-tzij chiqakojol, jari' ri xebanon chi xkamisex chuwech cruz.

San Juan 19:18

Toq xe'apon el chiri' pa ruwi' ri juyu', xkibajij k'a ri Jesús chuwech ri cruz. Kan keri' chuqa' xban chike e ka'i' chik achi'a'. Y pa kinik'ajal ri e ka'i' achi'a' ri', chiri' k'a xk'oje-wi ri Jesús.

San Juan 19:24

Roma ri' toq rije' xkibila' k'a chikiwech: Man tiqaretz re jun tzieq re'. Xa tiqaya' pan etz'anen, richin keri' xa jun ri nuk'uan-el, xecha'. Ri xbanatej k'a rik'in ri rutziaq ri Jesús, kan tz'ibatel-wi kan chupan ruch'abel ri Dios. Roma nubij:*f23* Ri nutziaq kan xkich'arala' k'a chikiwech, y kan xkibanala' k'a sakinik pa ruwi', nicha'. Y kan keri' wi xkiben ri aj-labal.

Hechos 13:27

Xa ja ri qawinaq ri ek'o pa Jerusalem y ri aj-raqen chuqa' ri ek'o chikikojol, xa jari' ri man xenaben ta achike ri' ri achoq chirij ch'owineq-wi ri Juan. Ri rubi' rija' ja ri Jesús. Chuqa' man q'axineq ta chikiwech ri ruch'abel ri Dios tz'ibatel kan koma ri achi'a' ri xeq'alajirisan ri ruch'abel ojer kan pa rubi' ri Jesús, stape' pa ronojel q'ij richin uxlanen nisik'ix ruch'abel ri Dios. Roma ri', toq rije' xkibij chi tiqaqa ri kamik pa ruwi' ri Jesús, kan ja rije' ri xebanon chi qitzij xbe'el-wi ri nubij ri ruch'abel ri Dios.

Hechos 15:18

Kan keri' k'a ri nubin ri ojer, nicha'.

Hechos 2:36

Tiwetamaj k'a chi'iwonojel rix nuwinaq judío chi kan qitzij wi chi ri Jesús ri xiteq rukamisaxik chuwa ri cruz, kan ja wi rija' ri banon-pe chire roma ri Dios chi ja rija' rajaw ronojel, y ri Mesías, xcha'.*f9*

Hechos 3:18

Jak'a kan xbanatej-wi k'a achi'el xubij ri Dios chike ri e q'alajirisey ruch'abel. Rije' xkitz'ibaj k'a kan chi ri xtipe richin nuq'et-tzij*f10* k'o k'a chi nuk'owisaj na tijoj-poqonal.

Hechos 4:28

Jak'a ri xkiben rije' k'o chi xbanatej roma rat kan keri' ach'obon, y rat kan k'o uchuq'a' awik'in richin keri' naben.

Hechos 5:28

Roj qabin-el chiwe chi man chik tiya' ri tijonik chirij ri achin ri' chike ri winaqi'. Jak'a wakami re tinamit Jerusalem nojineq chik rik'in ri itijonik, y niq'alajin k'a jebel chi chiqij roj niwajo' niya-wi ri rukamik, xcha'.

Hechos 5:30

Roma ri xbanon chire ri Jesús richin xk'astej-el, ja ri Dios, ri Dios qichin roj y kichin chuqa' ri qati't-qamama'. Jak'a rix xa xikamisaj ri achin ri' toq xibij chi tibajix chuwa ri cruz.

Hechos 7:52

¿K'o ta kami jun chike ri q'alajirisey ruch'abel ri Dios ojer kan, ri man ta xutej poqon pa kiq'a' ri iwati't-imama'? Man jun. Rije' xekikamisaj k'a ri xebin chi nipe ri jun samajel ri kan choj. Toq kan xoqaqa k'a ri samajel ri', ja chik k'a rix ri xixjacho pa kiq'a' ri q'atoy-tzij, y rix xixkamisan richin.

Romanos 2:12

Ri winaqi' ri man ketaman ta ri pixa' ri richin ri Moisés y yemakun, man nik'atzin ta ri pixa' ri' richin niq'at-tzij pa kiwi'. Jak'a ri winaqi' ri ek'o chuxe' ri pixa' y yemakun, kan rik'in ri pixa' ri' niq'at-tzij pa kiwi'.

Romanos 4:17

Roma ri' ri ruch'abel ri Dios nubij*f11* chi ri Abraham xtok kitata' k'iy tinamit. Y re sipanik re' xya'ox chire roma xukuquba' ruk'u'x rik'in ri Dios. Y ri Dios kan nuya' chik kik'aslen ri kaminaqi', y kan nuben ronojel ri ruch'obon chi nuben, stape' man jani ek'o.

1 Tesalonicenses 2:15

Ri judío ri xek'oje' ojer kan xekikamisala' ri e q'alajirisey ruch'abel ri Dios. Chuqa' ri qawinaq xebin chi tikamisex ri ajaw Jesucristo. Y chuqa' ja rije' ri xe'oqotan-pe qichin roj. Konojel re itzel taq winaqi' re' man nikiben ta ri niqa' chuwech ri Dios, y yeketzelaj ri winaqi'.

1 Pedro 1:2

Ri Qatata' Dios xixrucha' k'a rix, y kan ja ri Loq'olej Espíritu ri xch'aron iwichin richin ninimaj rutzij ri Jesucristo, y nich'ajch'ojir ri ik'aslen rik'in ri rukik'el. Ri Dios xtuya' ta k'a janila utzil y uxlanen pan iwi'.

1 Pedro 1:20

Ri Cristo kan cha'on-pe richin ri' roma ri Dios toq k'a man jani k'o ta re ruwach'ulew, jak'a xa k'a juba' toqa ri q'ij richin xpe chuwech re ruwach'ulew richin xuk'en-pe utzil chiwe.

1 Pedro 2:8

Chike ri winaqi' ri man nikinimaj ta, rija' xa xtok jun achi'el abej ri nikipajk'ij kaqen chirij y xketzaq. Xtikik'uluwachij keri' roma man xkinimaj ta ri rubin ri Dios y rik'in ri' nitz'aqet ri ruch'obonik ri Dios.*f4*

Judas 1:4

Yin nintz'ibaj k'a el re wuj re', roma rik'in q'oloj xe'ok-apo chi'ikojol winaqi' ri nikiya' jun chik ruwech tijonik chiwe, y re' kan man jun xnaben. Ri winaqi' ri' kan k'iy chik k'a q'ij tibix-pe pa kiwi' roma ri Dios, chi xtipe ri nimalej ruk'ayewal pa kiwi'. Y roma ketaman chi ri Dios nukuy qamak, rije' kan rik'in chik ri' xkikuquba-wi kik'u'x richin yekibanala' ronojel ruwech etzelal. Y chuqa' rije' kan man nikinimaj ta chi xaxe ri Jesucristo ri ajaw ri k'o pa qawi'.

Apocalipsis 13:8

Ri chikop ri' xya'ox k'a ruq'ij koma konojel winaqi', ri man tz'ibatel ta pe ri kibi' toq kan k'a man jani k'o ta re ruwach'ulew chupan ri wuj richin k'aslen, ri ruwuj ri Karne'l, ri xkamisex.