Hechos 2:20 - Kaqchiquel Bible

²⁰ Ri q'ij man xtisaqirisan ta chik. Ri ik' xtok achi'el kik'. Kere' k'a ri xtibanatej toq man jani noqaqa ri q'ij wichin yin, chupan ri nimalej q'ij toq xtiq'at-tzij pa kiwi' ri winaqi', q'ij ri ruk'amon-pe nimalej xibinri'il.

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Ri qꞌij ndiqꞌeqꞌumer qa ruwech Y ri raqen ikꞌ, kikꞌ ruwech ndubꞌen qa, Keriꞌ ndibꞌanatej nabꞌey chi nduqaqa ri nimalej tiempo ri kin kꞌo ruqꞌij, atoq ndibꞌanatej nojel ri rubꞌiꞌin kan ri Ajaw.

Kaqchikel Santa Maria de Jesus

²⁰ Y ri kꞌij man xtuyaꞌ ta chic rusakil. Ri icꞌ incheꞌl quicꞌ xtuꞌon. Jareꞌ ri xcaꞌbꞌanataj naꞌay antok majaꞌ talka ri kꞌij richin ri Ajaf, chupan ri nem kꞌij antok xcaꞌan juzgar quinojiel ri vinak.

Kaqchikel Central Guatemala

²⁰ Y ri k'ij man xtisakirisan ta chic. Ri ic' xtoc achi'el quic'. Que c'a re' ri xtibanatej nabey tok man jani noka' ri k'ij richin ri Ajaf, chupan ri nimalej k'ij tok xtik'at tzij pa quivi' ri vinek.

Re C'ac'a Testamento pa Kach'abal

²⁰ Y re k'ij xa xtik'ukumutaj rach y man chic xtitzu'un-ta. Re ic' xtoc ancha'l quic'. Quire' re xtibanataj nabey tak c'amaje-na ne'ka re k'ij chin re Ajaf, chupan re namalaj k'ij tak xque'ban juzgar re vinak.

Kaqchikel Western Solola

²⁰ Y ri k'ij ma xtitzu'un ta chic. Ri ic' xtoc achi'el quic'. Quec'ari' ri xtibanatej nabey tek ma jane noka ta ri nimalaj k'ij riche (rixin) ri Ajaf, chupan ri k'ij tek xtik'at tzij pa quiwi' ri winek.

Hechos 2:20 ပူးပေါင်းရင်းမြစ်များ

2 Pedro 3:10

Kan xtipe na wi ri q'ij ri rubin kan ri ajaw, y man jun etamayon jampe', achi'el nuben jun eleq'om toq nok pa jun jay. Y chupan ri q'ij ri', ri kaj kan xtik'is roma xtijinin pa q'aq'. Chuqa' re ruwach'ulew y ronojel ri k'o pa ruwi' xkek'at chuqa'.

Am 8:9

Ri Jehová ri k'o pa ruwi' ronojel kere' nubij: Chupan ri q'ij ri' xtinben chi niq'equmer ri q'ij chupan ri nik'aj-q'ij; Toq nik'aton ri q'ij, jari' toq xtinben chi niq'equmatej chijun ri ruwach'ulew.

San Mateo 24:29

Kan e q'axineq chik k'a ronojel ri tijoj-poqonal ri q'ij ri', kan xtibanatej-wi k'a chi ri q'ij xtiq'equmatej, y ri ik' chuqa' man xtisaqirisan ta chik. Ri ch'umila' xketzaq k'a el ri akuchi ek'o-wi. Kan ronojel k'a ri nimalej taq uchuq'a' ri e richin ri chikaj xkesilon roma ri ruchuq'a' ri Dios.

1 Tesalonicenses 5:2

Roma rix jebel iwetaman chi man jun etamayon janipe' xtipe. Roma rija' toq xtipe, xtuben achi'el nuben jun eleq'om toq napon pa jun jay ri chi'aq'a'.

Wuj Richin ri Malaquías 4:5

Jak'a nabey chire ri nimalej q'ij ri' ri ruk'amon-pe xibinri'il, xtinteq-pe ri Eliás ri q'alajirisey nuch'abel.

Joel 2:1

Tixupuj k'a trompeta chupan ri juyu' Sión; y kan titaluj rutzijol chupan ri juyu' richin ri Jehová. Kan kixbaybot k'a rix aj-Judá, roma kan ninaqajub-pe ri q'ij richin ri Jehová; ri q'ij ri' xa naqaj chik k'o-wi-pe.

2 Pedro 3:7

Y chuqa' xubij chi re ruwach'ulew y ri kaj re yeqatz'et wakami, e yakon-apo roma rija', richin ri q'ij toq xtuya-pe q'aq' pa kiwi'. Y re' e yakon-apo, k'a toq ri Dios xtuq'et-tzij y xkeruk'is konojel ri man utz ta kik'aslen chuwech rija'.

San Lucas 21:25

K'iy k'a ri man jun bey e banatajineq y man jun bey e tz'eton, ri xkek'uluwachitej rik'in ri q'ij, ri ik' y ri ch'umila'. Ri winaqi' ri ek'o chuwech re ruwach'ulew man xtikil ta achike xtikiben; xa xtisach kik'u'x roma ri palou kan xtik'o ruwi' xtiq'ajan, roma xtibolqo't janila.

Marcos 13:24

Toq e q'axineq chik k'a ronojel ri tijoj-poqonal ri', kan xtibanatej-wi k'a chi ri q'ij xtiq'equmatej, y ri ik' chuqa' man xtisaqirisan ta chik.

Joel 3:14

Ri chiri' janila chi winaqi' ek'o richin ninq'et-tzij pa kiwi' roma xa naqaj chik k'o-wi-pe ri q'ij wichin yin.

Apocalipsis 16:8

Jari' toq ri rukaj ángel xuq'ej ri k'o-el chupan ri qumbel pa ruwi' ri q'ij. Y ri q'ij kan xjach uchuq'a' pa ruq'a' chi keruporoj ri winaqi' rik'in ri ruq'aq'al.

Apocalipsis 6:12

Y xintz'et chik k'a chi ri Karne'l xrelesaj ri ruwaq sello richin ri boton wuj y kan jari' xuben jun nimalej silonel. Y ri q'ij man xsaqirisan ta chik y q'eq-q'eq xuben achi'el jun tzieq q'eq'. Ri ik' keq-keq xuben achi'el kik'

1 Corintios 5:5

K'ari' pa rubi' k'a ri ajaw Jesús, ri achin ri xbanon keri', xtijach-el pa ruq'a' ri Satanás richin chi kan xtutej poqon y ri ru-espíritu xtikolotej toq xtipe ri ajaw Jesús.

San Mateo 27:45

Toq xnik'ajer pe ri jun q'ij ri', jari' xq'equmer chijun ruwach'ulew. Y ri q'equ'm ri' xk'is k'a el k'a toq xnik'ajer-el ri tiqaq'ij.

Wuj Richin ri Jeremías 4:23

Xintzu' k'a ri ruwach'ulew y xintz'et chi maneq chi ruchojmilal y man jun chik k'o chuwech. Xitzu'un k'a chikaj y man jun k'a saqil k'o.

Wuj Richin ri Isaías 34:8

Ja q'ij ri' toq ri Jehová xtuya' rutojbalil pa kiwi'; ja q'ij ri' toq xkeruto' ri winaqi' aj-Sión.

Wuj Richin ri Isaías 24:23

Ri q'ij y ri ik' man xkesaqirisan ta chik, achi'el xa ta tz'apel ri kipalej roma k'ixbilal. Jak'a ri Jehová k'iytisanel richin ronojel xtik'oje' pa juyu' Sión, y ri chiri' pa Jerusalem xtiq'aton-wi-tzij. Y kan xtiq'alajin ri ruq'ij-ruk'ojlen chikiwech ri aj-raqen ri ek'o chiri'.

Wuj Richin ri Isaías 13:15

Xabachike k'a ri xtilitej kan xtichuq'ix rik'in kamisabel. Xabachike k'a ri xtuya-ri' kan xtikamisex chi espada.

Wuj Richin ri Isaías 13:9

Xtipe k'a ri q'ij richin xtuq'et-tzij ri Jehová, q'ij richin nimalej ruk'ayewal, q'ij richin nimalej royowal. Kan xtuben tz'iran chire ri ruwach'ulew, y kan xkeruk'is konojel aj-maki' ri ek'o chiri'.

Wuj Richin ri Isaías 13:10

Chupan ri q'ij ri', ri q'ij kan maneq ruchuq'a' toq k'ari' nel-pe. Ri ik' man xtisaqirisan ta chik. Y ri ch'umila' kan man xkeyik'lun ta chik.

Joel 2:31

Ri q'ij man xtisaqirisan ta chik. Ri ik' xtok achi'el kik'. Kere' k'a ri xtibanatej toq man jani noqaqa ri q'ij wichin yin, chupan ri nimalej q'ij toq xtiq'at-tzij pa kiwi' ri winaqi', q'ij ri ruk'amon-pe nimalej xibinri'il.

Hechos 2:19

chupan ri kaj xtinben chi xkebanatej ri man jun bey e tz'eton ta, y keri' chuqa', ri chuwech ri ruwach'ulew xkenben retal ri man jun bey e tz'eton. Xtinben chi xtitz'etetej kik', q'aq' y sib ri kan achi'el chik nima'q taq sutz'.

Hechos 2:21

Konojel k'a ri xkek'utun chi ja yin ri xkikolo kichin, kan xkekolotej-wi, xcha' ri Joel.