Hechos 2:10 - Kaqchiquel Bible

¹⁰ ri Frigia, ri Panfilia, ri Egipto, y ek'o chuqa' e peteneq más k'a kela' chire ri tinamit Cirene ri pa ruwach'ulew Libia. Chuqa' ek'o e peteneq pa Roma.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ aj rochꞌulew Frigia, aj rochꞌulew Panfilia, aj rochꞌulew Egipto, y ekꞌo chuqaꞌ aj jalajaj teq lugar ekꞌo chunaqaj ri tinamit Cirene ri kꞌo pa rochꞌulew Libia. Y ekꞌo chuqaꞌ epataneq pa tinamit Roma, chin ndikiqꞌasaj jun jarupeꞌ qꞌij pa tinamit Jerusalén.

Kaqchikel Santa Maria de Jesus

¹⁰ Frigia, Panfilia, Egipto, y icꞌo ri i-patanak más cꞌa cala choch ri tanamet Cirene, ri cꞌo chupan ri Africa. Icꞌo jeꞌ ri i-patanak pa tanamet Roma. Y chikacajol ojreꞌ icꞌo ri i-calcꞌual ri israelitas, y icꞌo jeꞌ ri i-acunak israelitas ruma niquinimaj ri nuꞌej ri ru-ley ri Moisés.

Kaqchikel Central Guatemala

¹⁰ ri pa Frigia, ri pa Panfilia, ri pan Egipto, y ec'o chuka' e petenek más c'a quela' chire ri Cirene ri pa nimalej ruvach'ulef rubini'an África. Ec'o e petenek pa Roma. Y chiquicojol rije' ec'o ri can e israelitas pa calaxic y ec'o xaxe roma ri niquinimaj ri nubij ri ley ri richin ri Moisés.

Re C'ac'a Testamento pa Kach'abal

¹⁰ pa Frigia, pa Panfilia, pan Egipto, y jec'o chuka' chaka yoj re je'pitinak más c'a quila cha re tenemit Cirene re c'o pan Africa. Jec'o chaka yoj je'pitinak pa Roma. Y chakacojol yoj jec'o re je israelitas roma quiq'uin israelitas xa'lax-va-ka y jec'o xaxe roma niquinimaj re nubij re ley chin re Moisés.

Kaqchikel Western Solola

¹⁰ ri pa Frigia, ri pa Panfilia, ri pan Egipto, y yec'o chuka' ye petenak más c'a quela' chare ri Cirene ri pa nimalaj ruwach'ulef Africa. Yec'o ye petenak pa Roma. Y chiquicojol riye' yec'o ri can ye israelitas pa calaxic y yec'o nic'aj ri ma ye israelitas ta, pero quibanon chi ye israelitas ruma chi niquinimaj ri nubij ri ley riche (rixin) ri Moisés.

Hechos 2:10 ပူးပေါင်းရင်းမြစ်များ

Hechos 16:6

Ri chiri' ri Loq'olej Espíritu man xuya' ta q'ij chike ri Pablo y ri e rachibil, richin xebe pa ruwach'ulew Asia richin nibekitzijoj ri ruch'abel ri Dios chiri'. Roma ri' rije' xeq'ax pa ruwach'ulew Galacia y pa ruwach'ulew Frigia.

Wuj Richin ri Zacarías 8:23

Chupan ri q'ij ri', xtibebanatej k'a chi e lajuj achi'a' ri kepe pa ch'aqa' chik ruwach'ulew, xtikichop chi rutziaq jun iwinaq, y xtikibij k'a chire: Taya' q'ij chiqe richin yojbe awik'in, roma qak'axan chi iwik'in rix k'o-wi ri Jehová, xkecha'. Jare' ri rutzijol ri xuya' ri Dios.

Hechos 18:23

Xk'oje' na k'a el juba' ri chiri'. K'ari' xtzolin chik jun bey chukuqubaxik kik'u'x ri qach'alal ri ek'o pa taq tinamit ri ek'o pa ruwach'ulew Galacia y ri ek'o chuqa' pa ruwach'ulew Frigia.

Hechos 15:38

Jak'a ri Pablo man nrajo' ta chi nibe kik'in, roma toq xkik'uaj pa nabey, xerumalij kan ri chiri' pa Panfilia, y man xbe ta kik'in chubanik ri samaj.

Hechos 13:43

Toq ri winaqi' ri kimolon-ki' chiri' xkitaluj-el ki', e k'iy k'a ri xebe chikij ri Pablo y ri Bernabé. Ek'o k'a judío, y ek'o k'a ri xa man e judío ta ri kan nikiben chuqa' ri nubij ri pixa' richin ri Moisés, roma kan e ya'ol-wi ruq'ij ri Dios. Y xbix k'a chike koma ri Pablo y ri Bernabé, chi kan tikuqer kik'u'x rik'in ri Dios ri niya'on ri utzil chike ri winaqi'.

Hechos 13:13

Ri Pablo y ri rachibil xkiya' k'a kan ri tinamit Pafos. Xkik'owisaj-apo ri ya' richin xebe pa tinamit Perge ri k'o pa ruwach'ulew Panfilia. Jak'a ri Juan Marcos xerumalij kan ri rachibil y xtzolin pa Jerusalem.

Wuj Richin ri Zacarías 8:20

Kan xkepe k'a e k'iy winaqi' kichin ch'aqa' chik ruwach'ulew.

2 Timoteo 1:17

Y toq xoqaqa wawe' pa tinamit Roma, xutej ruq'ij chi xirukanoj y kan xiril.

Romanos 1:15

Roma ri' yin kan ninwajo' k'a nintzijoj ri utzilej ch'abel richin kolotajik, ri chila' pa Roma iwik'in rix.

Hechos 27:5

Toq qak'owisan chik el ronojel ri ya' ri k'o-apo chikiwech ri Cilicia y Panfilia, xojapon k'a pa tinamit Mira ri k'o pa ruwach'ulew Licia.

Hechos 14:24

K'ari' xebeq'ax-pe ri pa ruwach'ulew Pisidia, y xe'apon ri pa ruwach'ulew Panfilia.

Hechos 11:20

Jak'a ek'o k'a ch'aqa' achi'a' ri e aj pa Chipre y e aj pa Cirene ri xe'apon ri pan Antioquía, y kan man xaxe ta k'a chike ri winaqi' judío xkitzijoj-wi ri utzilej ruch'abel ri ajaw Jesús ri nik'amon-pe kolotajik; xa kan xkitzijola' k'a chuqa' chike ri winaqi' ri xa man e judío ta.

Marcos 15:21

Toq kichapon k'a el bey, xkik'ul jun achin ri peteneq pa juyu'. Rija' jun aj-Cirene, rubini'an Simón; kitata' ri Alejandro y ri Rufo. Ri aj-labal xkiben k'a chire ri Simón chi xuk'uaj-el ri ru-cruz ri Jesús.

San Mateo 27:32

Jak'a toq kichapon-el elen chupan ri tinamit, xkik'ul jun achin aj-Cirene ri rubini'an Simón. Ri aj-labal kan xkiben chire ri achin ri' chi tuk'uaj-el ri cruz.

Os 11:1

Ri Dios nubij: Toq ri winaqi' israelita k'a juba' kek'iy-q'anej, yin kan janila xenwajo'. Keri', kan k'a pan Egipto xenwoyoj-wi ri e achi'el nuk'ajol.

Dn 11:43

Ronojel k'a ri beyomel ri k'o pan Egipto, ri saqipueq, ri q'anapueq, y ronojel ri k'o rejqalen xtuk'uaj-el; y chirij ri' xtok chik k'a chupan ri ruwach'ulew Libia y Etiopía.

Ez 30:5

Chuqa' xkech'akatej k'a kan ri aj-labal ri e richin ri Etiopía, ri Libia, ri Lidia, chijun Arabia, ri Cub y ri e kichin ch'aqa' chik tinamit ri kibanon jun tununri'il kik'in.

Wuj Richin ri Jeremías 46:9

Jak'a yin ninbij: Kixq'ax rix achi'a' ri yixch'oke' chirij kiej. Chuqa' kebe ri i-carruaje. Rix aj-labal aj-Etiopía y aj-Libia ri nik'uaj ri itobal y rix aj-Lidia ri kan jebel yixtikir yixk'aqon rik'in ch'ab, tichapa' ibey.

Wuj Richin ri Rutikeribel 12:10

Y chiri' pa Canaán xpe k'a jun nimalej wayjal, y roma ri' ri Abram xapon pan Egipto y chiri' xbek'oje-wi, rokik niq'ax ri wayjal ri'.

Apocalipsis 11:8

Y ri kich'akul xkek'oje' kan ri pa nima-bey richin ri nimalej tinamit Jerusalem, ri akuchi xkamisex-wi ri ajaw ri banon chire chi achi'el chik Sodoma o Egipto.

Romanos 1:7

Y re wuj re' chiwe rix qach'alal ninben-wi-el. Ri Dios janila yixrajo' y xixroyoj richin xixruch'er chire rija'. Kan ja ta k'a ri utzil y ri uxlanen ri peteneq rik'in ri Qatata' Dios y ri ajaw Jesucristo xtik'oje' pa taq iwánima chi'iwonojel.

Hechos 28:15

Ri qach'alal ri ek'o chiri' pa Roma kak'axan chik k'a chi yojapon. Roma ri' xojokik'ulu' ri pa bey, pa tinamit Foro richin Apio, y ri chiri' chuqa' pa Tres Tabernas. Toq ri Pablo xerutz'et k'a ri qach'alal ri', xumatioxij chire ri Dios. Y re' xuya' ruchuq'a' xuna' rija'.

Hechos 18:2

Chiri' k'o k'a jun achin judío rubini'an Áquila, y rija' alaxineq ri pa ruwach'ulew Ponto. Rija' xa k'a xapon ri pa Corinto, rachibilan ri Priscila ri rixjayil; rije' e eleneq k'a pe pa ruwach'ulew Italia, ri xek'oje-wi, roma ri Claudio, ri rey ri chiri', xubij chi ri winaqi' judío ke'el-el ri pa tinamit Roma. Y ri Pablo xapon k'a chikitz'etik.

Hechos 13:1

Chikikojol ri molaj qach'alal ri ek'o pan Antioquía, ek'o k'a ri yeq'alajirisan ri nibix chike roma ri Dios, y ek'o chuqa' tijonela' ri yetijon kichin ri qach'alal chupan ri ruch'abel ri Dios. Jeri' ri Bernabé, ri Simón ri jun achin ri ti q'eq nitzu'un, ri Lucio ri aj-Cirene, ri Saulo y ri Menahem ri xk'iy kik'in ri aj pa rachoch ri Herodes ri xq'aton-tzij chiri' pa Galilea.

Hechos 6:9

Jak'a ek'o winaqi' ri xebeyakatej-pe y xkichop-ki' rik'in ch'abel rik'in ri Esteban. Re winaqi' k'a re' e richin jun jay akuchi nikimol-ki' ri winaqi' richin nikak'axaj ruch'abel ri Dios, ri rubini'an Ri e Totajineq. Chuqa' ek'o winaqi' aj pa tinamit Cirene y Alejandría, aj pa ruwach'ulew Cilicia y Asia.

Hechos 6:5

Kan konojel xqa' chikiwech ri xbix chike, y xekicha' k'a ri e wuqu' achi'a'. Ri jun k'a ri xkicha' rubini'an Esteban, y re' jun achin ri kan jebel wi kuqul ruk'u'x rik'in ri Dios, y nojineq ránima rik'in ri Loq'olej Espíritu. Xekicha' chuqa' ri Felipe, ri Prócoro, ri Nicanor, ri Timón, ri Parmenas y ri Nicolás ri aj pa tinamit Antioquía; rija' man judío ta, jak'a kan nunimaj k'a ri nubij ri kipixa', y kan kik'in k'a rije' k'o-wi toq k'a man jani runiman ta ri Jesús chiri'.

San Mateo 2:15

Kan k'a pan Egipto k'a xek'oje-wi y xetzolin pan Israel k'a toq kamineq na chik ri rey Herodes. Richin keri' kan xtz'aqet k'a ri ruq'alajirisan kan ri Dios chuwech ri rusamajel ri xk'oje' ojer kan toq xubij: Kan k'a pan Egipto k'a xinwoyoj-wi ri nuk'ajol, nicha'.*f5*

Ester 8:17

Ri rutzijol ri' xapon pa ronojel nima'q taq ruwach'ulew, y ronojel ri tinamit, y roma ri' ri winaqi' judío kan janila xekikot, y xekibanala' nima'q taq wa'in y xenimaq'ijun. Y chirij re' e k'iy winaqi' ri man e judío ta xa xjunamatej-kiwech kik'in ri judío, roma rije' kan k'o-wi kikiy.

Hechos 23:11

Ri jun chik k'a aq'a' ri', ri ajaw Jesucristo xuk'ut-ri' chuwech ri Pablo, y xubij chire: Man k'a taxibij-awi', xa takuquba' ak'u'x, roma kan achi'el ri nuq'alajirisaxik xaben wawe' pa Jerusalem, kan nik'atzin k'a chi keri' nabebana' pa Roma, xcha' chire.

San Mateo 23:15

¡Toq'ex k'a iwech rix etamanela' chirij ri pixa' y rix fariseo ri xa ka'i' ipalej! Roma rix kan nik'owisala' palou y ruwach'ulew chukanoxik jun k'ak'a' tzeqelibey iwichin. Xa jak'a toq iwilon chik ri achike xtitzeqeliben iwichin, rix xa k'ayew tijonik ri xtiya' chire, y re' nuben chi xtok más itzel chiwech rix.

Hechos 2:11

Chiqakojol roj ek'o ri kan e judío pa kalaxik, y ek'o xaxe roma ri nikinimaj ri nubij ri pixa' ri richin ri Moisés. Y ek'o k'a chuqa' winaqi' ri e peteneq ri pa Creta y ri pan Arabia. Y qonojel k'a roj xqak'axaj ri rutzijol ri meyel taq banobel ri xuben ri Dios, y kan pa taq qach'abel xqak'axaj-wi, yecha'.

Hechos 17:21

Keri' xkibij, roma konojel winaqi' ri ek'o chiri' pan Atenas, ri aj chiri' y ri yepe juk'an chik ruwach'ulew, man jun chik ri achike ta nikiben xa kan xaxe ri nikak'axaj o nikibij jun chik na'oj ri kan k'ak'a' chikiwech rije'.