Hechos 19:9 - Kaqchiquel Bible

⁹ Jak'a ek'o ch'aqa' ri xkikowirisaj ri kánima, y man xeniman ta. Xa pa ruk'exel ri', xa xkichop itzel yech'on chikiwech ri winaqi' chirij ri Jesús, ri utzilej bey. Roma ri' ri Pablo xuch'er-el-ri' kik'in, y xeruk'uaj k'a chuqa' el ri kan e nimanela' chik. Y pa jun jay richin tijonik ri richin ri achin rubini'an Tirano nikimol-wi-ki', richin nikich'ob rij ruch'abel ri Dios ronojel q'ij.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Pero jujun teq israelitas ri ekꞌo chikikajal xkikowirisaj kánima. Ma xkinimaj ta ri rutzij ri Dios y chikiwech ri wineq itzel xechꞌaꞌa chirij ri utzulej bꞌey chin ri Dios. Romariꞌ ri Pablo xel e chikikajal, y xerukꞌuaj ri kitaqin ri Jesús, y qꞌij-qꞌij nditzijon kikꞌin pa ruwiꞌ ri rutzij ri Dios pa jun tijobꞌel richin jun achi rubꞌiniꞌan Tirano.

Kaqchikel Santa Maria de Jesus

⁹ Pero icꞌo nicꞌaj ri can cof xquiꞌan cha ri cánima, y man xquinimaj ta. Xa itziel ncaꞌchꞌoꞌ chiquivach ri vinak, chirij ri Utzulaj Bꞌay. Rumareꞌ ri Pablo xaꞌruyaꞌ can, y xaꞌrucꞌuaj ri ru-discípulos ri Ajaf. Y chupan jun xcuela richin ri ache rubꞌinan Tiranno xquimol-ve-quiꞌ, y can kꞌij-kꞌij xaꞌtzijuon chirij ri ruchꞌabꞌal ri Dios.

Kaqchikel Central Guatemala

⁹ Pero ec'o c'a ch'aka' ri xquicovirisaj ri cánima, y man xeniman ta. Xa pa ruq'uexel xeniman ta, xa xquichop itzel yech'on chiquivech ri vinek chirij ri Ajaf Jesús, ri utzilej Bey. Romari' ri Pablo xuch'er-el-ri' quiq'uin, y xeruc'uaj c'a chuka' el ri can e nimanela' chic. Y pa jun jay richin tijonic ri richin ri achin rubini'an Tiranno niquimol-vi-qui', richin niquich'ob rij ruch'abel ri Dios ronojel k'ij.

Re C'ac'a Testamento pa Kach'abal

⁹ Pero jec'o nic'aj chic re xquicoversaj re cánma, y man xquinimaj-ta. Pa ruq'uixel che xquinimaj, xa xquitz'am rubixic itzel tak tzij chiquivach re vinak chij re utzulaj ruch'abal re Ajaf Jesús. Mare' re Pablo xel-a quiq'uin, y xe'ruc'uaj-a chuka' re can quiniman chic. Y pa jun escuela chin re ache rubini'an Tiranno niquimol-va-qui', chin niquinojij rij re ruch'abal re Dios ronojel k'ij.

Kaqchikel Western Solola

⁹ Pero yec'o c'a nic'aj ri xa xquicowirisaj ri cánima, y ma xeniman ta. Pa ruq'uexel chi xeniman ta, xa xquichop itzel yech'o chiquiwech ri winek chrij ri Ajaf Jesús, ri kitzij Bey. Rumari' ri Pablo xujech el ri' quiq'ui y xeruc'uaj el ri quiniman chic ri Jesucristo, riche (rixin) chi nbequimolo' qui' pa jun jay ri acuchi (achique) yetijox wi ri winek ruma jun achi ri Tiranno rubi', riche (rixin) chi niquich'ob rij ri ruch'abel ri Dios ronojel k'ij.

Hechos 19:9 ပူးပေါင်းရင်းမြစ်များ

Hechos 19:23

Ri pan Éfeso chupan ri q'ij ri', ri winaqi' janila k'a koyowal y xeyakatej k'a chirij ri qitzij Bey.

Hechos 9:2

richin xberuk'utuj-pe wuj chire, richin chi tuya-el q'atbel-tzij pa ruq'a'. Rik'in ri q'atbel-tzij ri k'o chik pa ruq'a' nibe k'a pa tinamit Damasco, richin nibe'ok ri pa taq jay ri akuchi nikimol-wi-ki' ri winaqi' richin nikak'axaj ri ruch'abel ri Dios, richin yeberukanola-pe ri kitzeqeliben ri Jesús, ri Qitzij Bey, y ri rutijonik. Toq yeril-pe, e ximil k'a yeruk'en k'a pe pa Jerusalem, chi achi'a' chi ixoqi'.

2 Pedro 2:12

Jak'a ri man e qitzij ta tijonela' kan e achi'el k'a chikopi' ri man yech'obon ta jebel, ri xe'alex xaxe richin yebechap-pe y yekamisex. Rije' itzel yech'on chirij ri xa man niq'ax ta chikiwech; roma ri' chuqa' xa xkekamisex achi'el ri chikopi'.

Hechos 14:4

Jak'a ri tinamit ka'i' k'a rubanon, roma ch'aqa' yekito' ri judío ri man kitzeqeliben ta ri Cristo, y ri ch'aqa' chik yekito' ri Pablo y ri Bernabé.

Judas 1:10

Jak'a ri winaqi' ri nikiya' ri man qitzij ta tijonik, xa itzel yech'on chirij ri man q'axineq ta chikiwech. Ri ti juba' ri ketaman rije', ketaman achi'el ri chikopi' ri man yech'obon ta. Y jari' ri nikikusaj richin nikitz'ilobisaj ri kik'aslen.

2 Pedro 2:2

Man rik'in ri' kan e k'iy winaqi' ri xketzeqeliben kichin roma ri itzel rubanik k'aslen ri kik'uan. Roma ri' xtiyoq'otej ri qitzij bey.

Hebreos 3:13

Nik'atzin chi q'ij-q'ij nikuqubala' ik'u'x chi'iwachibil-iwi', roma k'a ruq'ijul na. Tibana' keri', richin chi man jun chiwe ri tiq'olotej roma ri mak y nikowirisaj ri iwánima.

1 Timoteo 6:5

Beneq-ruwech nuben oyowal junan kik'in ri ch'aqa' chik ri yojtajineq kina'oj, y man ketaman ta ri qitzij ruch'abel ri Dios, ri xa nikinimaj, xaxe richin chi ye'ok beyoma'.

Romanos 11:7

Xa oj juba' ok chiqe roj judío ri oj cha'on, roma ri Dios xqil ri niqakanoj. Jak'a ri ch'aqa' chik qawinaq ri man e cha'on ta roma ri Dios man xkil ta; xa xkowirisex ri kánima.

Romanos 9:18

Y keri', niqatz'et k'a chi rik'in ri Dios k'o-wi chi nujoyowaj ruwech jun wineq o wi xa nukowirisaj ri ránima chupan ri itzel ruk'aslen.

Hechos 22:4

Roma toq rubanon kan, yin janila k'a poqon ri xinbanala' chike ri winaqi' ri kitzeqeliben ri Jesucristo, ri Qitzij Bey. Xenchapala' k'a pe richin xenya' pa cárcel. Xenk'uaj pa kamik chi achi'a' chi ixoqi', ri keri' xinben chike.

Hechos 7:51

Rix kowirineq ri iwánima chupan ri etzelal. Rix ix achi'el ri man e qawinaq ta ri man nikitzeqelibej ta ri qa-Dios, y man jun bey niwajo' chi ja ta ri Loq'olej Espíritu ri nuk'uan iwichin. Kan achi'el xkibanala' ri qati't-qamama', kan keri' k'a chuqa' niben rix re wakami.

2 Timoteo 4:2

chi jantape' tatzijoj ri ruch'abel ri Dios, kan tatija' aq'ij natzijoj stape' pa ruq'ijul o man pa ruq'ijul ta. Tabij chike ri winaqi' chi titzolej-pe kik'u'x, ke'apixabaj y ke'atijoj rik'in koch'onik.

2 Timoteo 3:5

xtikibananej chi kiniman chik ri Dios, jak'a xa man xtikiya' ta q'ij chire chi nujel ri kik'aslen, winaqi' ri keri' man taya' q'ij chi ye'awachibilaj.

2 Timoteo 1:15

Rat awetaman chi konojel ri qach'alal ri ek'o pa taq tinamit richin Asia in kiya'on chik kan, achi'el ri Figelo y ri Hermógenes.

Hechos 28:22

Jak'a roj qetaman k'a chi xabakuchi at q'axineq-pe, ri winaqi' kan janila k'a yech'on itzel chirij ri yetzeqeliben ri i-Cristo. Roma ri' niqajo' yatqak'axaj, xecha' chire.

Hechos 24:21

O xaxe wi rije' nikich'ob chi mak ri xinben toq xich'on rik'in uchuq'a' ri chiri' chikikojol y xinbij: Niq'et-tzij pa nuwi' wakami roma yin ninnimaj chi ri kaminaqi' kan xkek'astej-wi. Keri' k'a ri xubij ri Pablo.

Hechos 20:31

Roma ri', kan tichajij-iwi'. Toqaqa chi'ik'u'x chi yin oxi' juna' ri xik'oje' iwik'in, y jantape' xixinwoq'ej y xixinpixabaj chi'ijujunal.

Hechos 19:30

Ri Pablo kan xrajo' k'a xapon ri chiri' richin nich'on chikiwech ri winaqi', jak'a ri qach'alal man xkiya' ta q'ij chire.

Hechos 17:4

Kan ek'o-wi judío ri xkikuquba' kik'u'x rik'in ri ajaw Jesucristo. Ek'o chuqa' e k'iy ri xa man e judío ta ri kan e ya'ol ruq'ij ri Dios. Y e k'iy chuqa' ixoqi' ri nima'q kiq'ij ri xeniman. Konojel k'a rije' xekitzeqelibej-el ri Pablo y ri Silas.

Hechos 11:26

Chiri' xek'oje-wi jun juna' kik'in ri molaj qach'alal richin xekitijoj janila chi winaqi' rik'in ri ruch'abel ri Dios. Y chiri' pan Antioquía ri nabey xbix nimanela' chike ri e tzeqelibey richin ri Jesucristo.

San Juan 12:40

Ri Dios kan rubanon k'a chike rije' chi man yetzu'un ta y kowirineq ri kánima roma man nrajo' ta chi rije' xtikitz'et ri rubanobal, y chuqa' xtikak'axaj ri ruch'abel, y xtikitzeqelibej ta chik. Y man nrajo' ta chi xkeruk'achojirisaj, xcha'.

San Mateo 26:55

Y chupan k'a chuqa' ri ramaj ri' ri Jesús xubij chike ri winaqi': ¿Xich'ob chi yixpe chuchapik jun eleq'om, y roma ri' ik'amon-pe che' y espada? Kan q'ij-q'ij k'a ri xitz'uye' iwik'in chiri' pa rachoch ri Dios, toq xink'ut ri ruch'abel chiwech y man jun bey xinichop.

San Mateo 16:4

Rix ix jun sol winaqi' ri janila ix itzel y man ninimaj ta ri Dios. Kan niwajo' k'a chi yin ninben ta chi k'o ta jun meyel banobel ri nik'uluwachitej chupan ri kaj richin yininimaj. Jak'a man ja ta ri niwajo' rix ri xtik'uluwachitej. Roma xa kan xaxe ri xk'uluwachitej rik'in ri Jonás ri q'alajirisey ruch'abel ri Dios, jari' ri retal chiwe, xcha' ri Jesús. Chirij ri' rija' xeruya' kan kiyon ri achi'a' ri'. Xbe y e rachibilan-el ri e rutijoxela'.

San Mateo 15:14

Xa ke'iya' kan la winaqi' la', roma rije' xa kan e moyirineq rik'in ri etamabel ri k'o kik'in, y yekiyuqej ch'aqa' chik ri xa e moyi' chuqa'. Y wi ri e moyi' yekiyuqej ri ch'aqa' chik moyi', xa kan junan k'a xketzaq pa taq jul, xcha' ri Jesús.

Wuj Richin ri Jeremías 19:15

Ri qa-Dios Jehová ri k'iytisanel richin ronojel kere' nubij: Wakami k'a nink'en-pe ri ruk'ayewal pa ruwi' re tinamit re' y pa kiwi' konojel tinamit ri ek'o chunaqaj, ri nuya'on chik rutzijol roma xixyakatej chuwij y kan xikowirisaj ri iwánima richin man xiniwak'axaj ta, xicha' chike.

Wuj Richin ri Jeremías 7:26

Jak'a ri iwati't-imama' xa man xkinimaj ta nutzij y man jun rejqalen xkiben chire ri nuch'abel. Y xa kan xkikowirisaj ri kánima y xa kan más itzel xkiben rije' chikiwech ri kati't-kimama'.

Wuj Richin ri Isaías 8:14

Yin kan xkinok k'a jun tobel chawe rat. Jak'a chike ri awinaq aj-Judá y ri aj-Israel, man keri' ta. Chike rije' xa xkinok achi'el jun abej ri nikipajk'ij kaqen chirij. Xkinok achi'el jun pajk'ibel chike ri winaqi' aj-Jerusalem.

Wuj Richin Etamabel-Tzij 8:34

Jebel ruwa-ruq'ij ri wineq ri kan yirak'axaj; ri kan q'ij-q'ij k'o-apo chuchi' ri wachoch, ri kan royoben chi nril-el kikoten.

Wuj Richin Bix Chire ri Dios 95:8

Man k'a tikowisiraj ri iwánima achi'el xbanatej ri ojer chiri' pa Meribá, achi'el ri chiri' pa Masá pa tz'iran ruwach'ulew.

Wuj Richin ri Nehemías 9:29

Rat xabij k'a chike richin tikitaqej jun bey chik ri apixa'. Jak'a rije' xa janila k'a xkinimirisaj-ki' y man xeniman ta. Y xkiq'ej k'a ruwi' ri ruchojmilal ri nuya' k'aslen, chike ri yetaqen. Y rije' xa xatkimalij kan, xkikowirisaj-ki' y man xeniman ta chawe.

2 Crón 36:16

Jak'a rije' xa xetze'en chikij ri e rutaqon ri Dios, xa xketzelaj ri ruch'abel y xeyojoben chikij ri e q'alajirisey ruch'abel. Y roma ri' ri Jehová xpe royowal chirij ri rutinamit, y rije' kan man jun chik xetikir xkiben.

2 Crón 30:8

Man tikowirisaj k'a ri iwánima; man tiben achi'el xkiben ri qati't-qamama'. Xa kan tiqasaj k'a iwi' chuwech ri Jehová y kixanpe wawe' chupan re jay richin ri Jehová, ri kan rucha'on rija' richin niya'ox ruq'ij richin jantape'. Kan tisamajij k'a ri Jehová ri qa-Dios, richin xtik'o-el ri royowal chiqij.

2 Rey 17:14

Jak'a rije' xa man xkinimaj ta tzij, xa xkikowirisaj-ki', achi'el xkikowirisaj-ki' ri kite-kitata', ri man xkikuquba' ta kik'u'x rik'in ri Jehová ri ki-Dios.

1 Corintios 16:9

Yik'oje' na re wawe' roma ri Dios ruya'on janila nusamaj ri kan janila rejqalen, stape' e k'iy ri ye'etzelan wichin.