Hechos 19:38 - Kaqchiquel Bible

³⁸ Jak'a wi ri Demetrio y ri samajela' ri e rachibil k'o nikajo' nikich'ojij chirij jun chike rije', roma ri' ek'o q'atoy taq tzij, ek'o q'atbel taq tzij, ri akuchi ruk'amon nikichojmirisaj-wi-ki'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁸ Romariꞌ, si ri Demetrio y ri ngebꞌanun rachibꞌel ri rachoch ri diosa Artemisa ndikajoꞌ ngesujun chirij jun wineq, chin riꞌ kꞌo ri qꞌatbꞌel tzij y ekꞌo chuqaꞌ ri ngeqꞌaton tzij. Chiriꞌ kꞌa kebꞌesujun.

Kaqchikel Santa Maria de Jesus

³⁸ Y xa ri Demetrio y ri i-rachꞌil cꞌo nicajoꞌ niquichꞌojij, mareꞌ icꞌo achiꞌaꞌ chi niquiꞌan juzgar, icꞌo tribunales ri pacheꞌ ncaꞌan arreglar y chireꞌ cꞌa tibꞌanaꞌ acusar-iviꞌ.

Kaqchikel Central Guatemala

³⁸ Y vi ri Demetrio y ri samajela' ri e rachibil c'o nicajo' niquich'ojij chirij jun, romari' ec'o k'atoy tak tzij, ec'o k'atbel tak tzij, ri acuchi ruc'amon niquichojmirisaj-vi-qui'.

Re C'ac'a Testamento pa Kach'abal

³⁸ Y vo xa re Demetrio y re ye'samaj riq'uin c'o jun cosa niquijo' niquich'ojij, mare' jec'o achi'a' re ye'bano juzgar, c'o cabildo re anche' ruc'amon che niban-va quibiyal.

Kaqchikel Western Solola

³⁸ Y wi ri Demetrio y ri ye rachibil c'o ch'a'oj nicajo' niquiyec chrij jun winek, can yec'o c'a aj k'atbel tzij, pa tak k'atbel tzij, ri acuchi (achique) ruc'amon chi niquichojmirisaj wi qui'.

Hechos 19:38 ပူးပေါင်းရင်းမြစ်များ

Hechos 13:7

Y ri jun achin rubini'an Sergio Paulo jari' k'a ri q'atoy-tzij ri chiri', jun achin ri kan k'o-wi etamabel rik'in. Rija' xuteq k'a koyoxik ri Bernabé y ri Saulo, roma nrajo' nrak'axaj ruch'abel ri Dios. Rik'in k'a rija' nisamej-wi ri Barjesús.

1 Corintios 6:1

¿Achike roma rix toq k'o jun qach'alal k'o rubanon chiwe, rix xa choj yixbe kik'in q'atoy taq tzij ri man kitzeqeliben ta ri Dios, y man yixbe ta kik'in ri qach'alal richin chi ja ta rije' ri yebanon ruchojmil ri oyowal ri k'o chi'ikojol?

Hechos 18:14

Toq ri Pablo xrajo' xch'on-apo, xa jak'a ri Galión ri xch'on-pe nabey, y xubij k'a chike ri judío ri': Man chik k'a jun tibij-pe chuwe. Roma xa ta kamik o jun ta chik ruwech ch'a'oj rubanon kan re achin re', utz ta chi nibij-pe chuwe. Jak'a xa man keri' ta.

Deut 17:8

Wi k'o k'a jujun banobel ri janila k'ayew nuben chiwech toq niq'et-tzij, achi'el pa ruwi' jun kamik, oyowal, sokotajik o xabachike ta ri nibanatej chupan ri tinamit, kan jari' k'a kixbiyin pa rachoch ri Jehová ri qa-Dios.

Hechos 13:8

Rija' nibix chuqa' Elimas chire pa ch'abel griego. Jak'a rija' man k'a xrajo' ta chi ri Sergio Paulo nunimaj ta ri Jesucristo. Roma ri' xyakatej chikij.

Hechos 13:12

Toq ri Sergio Paulo rutz'eton chik qa ri xbanatej, janila xumey ri xuk'ut ri Bernabé y ri Pablo chikiwech. Roma ri' xukuquba' ruk'u'x rik'in ri Jesucristo.

Hechos 19:24

Y re oyowal re' xbanatej roma jun achin samajiy-saqipueq ri rubini'an Demetrio. Ri chiri' pan Éfeso, kan k'o rachoch jun ixoq dios ri nibix Diana chire, y jak'a ri ruwachibel ri jay ri' ri yerubanala' ri Demetrio, y yeruk'ayij. Rija', e rachibilan ri samajela' janila k'a yech'akon chikij ri taq ruwachibel jay ri'.

Hechos 19:39

Wi xa jun chik ruchojmirisaxik ri niwajo' rix, tiqacha' k'a kan jun q'ij toq xtiqamol-qi' qonojel y niqachojmirisaj, achi'el ri nubij ri qapixa'.