Hechos 19:27 - Kaqchiquel Bible

²⁷ Man xaxe ta chire ri qach'akoj ri k'ayew nuben, xa kan k'ayew chuqa' nuben chire ri rachoch ri qa-dios Diana, roma man jun ruq'ij niban kan chire. Y wi keri' niban chire, netzelex k'a kan ri nimalej qa-dios, stape' jun dios ri kan nikiya' chuqa' ruq'ij ri winaqi' ri ek'o pa ronojel tinamit richin re Asia y ri e richin ch'aqa' chik ruwach'ulew, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁷ Y roma ri ndubꞌilaꞌ ri Pablo, ma xe ta ma utz ta xtitzꞌetetej ri qasamaj, xa jajun ri rachoch ri nimalej qa-diosa Artemisa xtubꞌen chare chi nixta jun reqalen, y ri nimalej ruqꞌij ri Artemisa xa xtikꞌis qa, y rijaꞌ jun diosa ri ndiyoꞌox ruqꞌij qoma roj qonojel pa rochꞌulew Asia, y koma chuqaꞌ konojel wineq chochꞌulew.

Kaqchikel Santa Maria de Jesus

²⁷ Y man joꞌc ta cha ri ka-negocio ri man otz ta xtuꞌon, xa can man otz ta jeꞌ xtuꞌon cha ri ru-templo ri ka-dios Diana, ruma man jun rukꞌij xtiꞌan can cha. Y xa quireꞌ xtiꞌan cha, can man jun rakalien jeꞌ xtiꞌan cha ri namalaj ka-dios, jun dios ri can niquiyaꞌ rukꞌij ri vinak ri icꞌo nojiel tanamet richin ri Asia y nojiel roch-ulief, xchaꞌ.

Kaqchikel Central Guatemala

²⁷ Y man xe ta chire ri kach'acoj ri c'ayef nuben, xa can c'ayef chuka' nuben chire ri rachoch ri ka-dios Diana, roma man jun ruk'ij niban can chire. Y vi queri' niban chire, netzelex c'a can ri nimalej ka-dios, y jun dios ri can niquiya' chuka' ruk'ij ri vinek ri ec'o pa ronojel tinamit richin re Asia y ri e richin ch'aka' chic ruvach'ulef, xcha'.

Re C'ac'a Testamento pa Kach'abal

²⁷ Y man xe-ta cha re ka-negocio yoj c'ayef nuban, xa can c'ayef chuka' nuban cha re rachoch re ka-dios Diana, roma xa can man jun ruk'ij niban can cha. Y vo xa quire' niban cha, nitzelas can re namalaj ka-dios, y jun dios re can niya' ruk'ij coma re vinak re jec'o ronojel tenemit chin re Asia y conojel re jec'o chach re ruch'ulef, xcha'.

Kaqchikel Western Solola

²⁷ Y ma xu (xe) ta wi kach'acoj riyoj ri nuc'om pe ruc'ayewal chare, xa can queri' chuka' nuben chare ri rachoch ri ka-dios Diana, ruma majun ruk'ij niban ca chare. Y wi queri' niban chare, netzelex c'a ca ri nimalaj ka-dios, jun dios ri can niquiya' chuka' ruk'ij ri winek ri yec'o pa ronojel tinamit ri yec'o pa rucuenta re Asia y ri yec'o pa rucuenta nic'aj chic ruwach'ulef, xcha'.

Hechos 19:27 ပူးပေါင်းရင်းမြစ်များ

Wuj Richin ri Sofonías 2:11

Rije' kan xkinkimey k'a yin, toq xkenk'is-el konojel ri ki-dios. Y yin Jehová kan xtiya'ox k'a nuq'ij koma konojel winaqi' chupan ri kiruwach'ulew.

1 Timoteo 6:5

Beneq-ruwech nuben oyowal junan kik'in ri ch'aqa' chik ri yojtajineq kina'oj, y man ketaman ta ri qitzij ruch'abel ri Dios, ri xa nikinimaj, xaxe richin chi ye'ok beyoma'.

Apocalipsis 13:8

Ri chikop ri' xya'ox k'a ruq'ij koma konojel winaqi', ri man tz'ibatel ta pe ri kibi' toq kan k'a man jani k'o ta re ruwach'ulew chupan ri wuj richin k'aslen, ri ruwuj ri Karne'l, ri xkamisex.

Apocalipsis 13:3

Y jun k'a chike ri wuqu' rujolon ri chikop ri' xuk'uluwachij jun sokotajik ri kan ruk'amon-pe kamik. Jak'a rija' xa xk'achoj. Y roma ri' konojel winaqi' ri ek'o chuwech ri ruwach'ulew, xkimey y xkojqaj.

1 Juan 5:19

Qetaman chuqa' chi oj richin chik ri Dios. Jak'a ri ch'aqa' chik winaqi' ri k'a kikuquban na kik'u'x rik'in re ruwach'ulew, k'a ek'o na pa ruq'a' ri Itzel-Wineq.

Hechos 19:21

Chirij ri' ri Pablo xpe k'a pa ránima chi nibe k'a pa Macedonia y pan Acaya chikitz'etik ri qach'alal, y chirij ri' k'ari' nibe k'a pa Jerusalem. Y chuqa' xpe pa ránima chi nibe pa Roma.

San Mateo 23:13

¡Toq'ex iwech rix etamanela' chirij ri pixa' y rix fariseo ri xa ka'i' ipalej! Roma xa kan iq'aton kibey ri winaqi' richin man ye'ok ta chupan ri aj-chikajil ajawaren. Kan man utz ta k'a ri ibanon, roma man niya' ta q'ij chike ri winaqi' richin ye'ok, y ni chuqa' rix man yixok ta.

Wuj Richin ri Isaías 44:17

Y chire ri juba' chik che' ri k'o kan, xa xuben jun dios. K'ari' nixuke-apo chuwech y nuya' ruq'ij. Nich'on rik'in, y nuk'utuj utzil chire chi tukolo', roma jari' ri ru-dios.

San Mateo 24:14

Jak'a kan k'a k'o chi nitzijox ri utzilej ruch'abel ri Dios ri nich'on chirij toq ri winaqi' ye'ok pa rajawaren ri Dios, richin keri' konojel kan tiketamaj k'a. Y jari' toq xtapon ri ruk'isibel q'ij.

Hechos 19:10

Ka'i' juna' ri xuben keri' ri Pablo. Roma ri' toq kan konojel xe'ak'axan ri ruch'abel ri Jesús ri chiri' pa ruwach'ulew Asia. Chi judío y man judío ta ri xe'ak'axan.

Apocalipsis 14:9

Y kan jari' peteneq ri rox ángel, y kan rik'in chuqa' ruchuq'a' nubij: Ri xkeya'on ruq'ij ri nabey chikop y nikiya' chuqa' ruq'ij ri ruwachibel, y kan niqa' chikiwech chi nikik'ul ketal nik'aj-kiwech o pa kiq'a',