Hechos 18:4 - Kaqchiquel Bible

⁴ Jak'a ri pa taq q'ij richin uxlanen, ri Pablo nibe k'a chupan ri jay ri kan nitzijox-wi ri ruch'abel ri Dios, nuq'alajirisaj k'a ri Jesús chikiwech ri winaqi' judío y ri man e judío ta. Kan nutej k'a ruq'ij kik'in, richin niq'ax ta chikiwech.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Y pa nojel teq uxlanibꞌel qꞌij, ri Pablo ndok apu pa sinagoga, y nditzijon kikꞌin ri israelitas y ri ma israelitas ta pa ruwiꞌ ri rutzij ri Dios, y ndutij ruqꞌij chin ndikitaqij ri Jesús.

Kaqchikel Santa Maria de Jesus

⁴ Y ri pa tak kꞌij richin uxlanien, ri Pablo niꞌa chupan ri sinagoga, nutzijuoj ri ruchꞌabꞌal ri Dios chiquivach ri israelitas y chiquivach ri man israelitas ta. Can nutej rukꞌij quiqꞌuin chi niquinimaj ri ruchꞌabꞌal ri Dios.

Kaqchikel Central Guatemala

⁴ Jac'a ri pa tak k'ij richin uxlanen, ri Pablo nibe c'a chupan ri jay ri can nitzijox-vi ri ruch'abel ri Dios, nuk'alajirisaj c'a ri Jesús chiquivech ri vinek israelitas y ri man e israelitas ta. Can nutej c'a ruk'ij quiq'uin, richin nik'ax ta chiquivech.

Re C'ac'a Testamento pa Kach'abal

⁴ Jac'a re pa tak k'ij chin uxlanen, re Pablo niba chupan re nema-jay re anche' nitzijos-va re ruch'abal re Dios re nibex sinagoga cha, y ja chire' nutzijoj-va re ruch'abal re Jesús chiquivach re vinak israelitas y re man je israelitas-ta. Can nutaj ruk'ij quiq'uin, chin nak'ax-ta pa quive'.

Kaqchikel Western Solola

⁴ Yac'a ri pa tak uxlanibel k'ij, ri Pablo nibe c'a chupan ri jay ri kas nic'ut wi ri ruch'abel ri Dios, y can nutij c'a ruk'ij riche (rixin) chi nuc'ut ri ruch'abel ri Dios chiquiwech ri winek israelitas y chiquiwech ri ma ye israelitas ta, riche (rixin) chi nik'ax chiquiwech.

Hechos 18:4 ပူးပေါင်းရင်းမြစ်များ

2 Corintios 5:11

Roj kan k'o-wi k'a rukiy y rejqalen ri ajaw chiqawech, roma ri' yojsamej richin chi ek'o ta k'a más ri nikikuquba' kik'u'x rik'in. Ri Dios kan retaman-wi k'a qawech roj, y ninwoyobej chi keri' ta chuqa' rix.

Hechos 28:23

Xkicha' k'a kan jun q'ij richin keri' nikimol-ki', y ri Pablo xtubij k'a ri achike nikajo' niketamaj. Y toq xapon k'a ri q'ij, janila k'a winaqi' ri xbekimolo-ki' rik'in ri Pablo, y rija' xuchop k'a nutzijoj y nuq'alajirisaj chirij toq ri winaqi' ye'ok pa rajawaren ri Dios. Xch'on kik'in toq xel-pe ri q'ij k'a toq xtzaq na qa, roma rija' xrajo' k'a chi xq'ax ta chikiwech chi ri Jesús jari' ri Cristo, ri tz'ibatel kan roma ri Moisés y koma ri q'alajirisey ruch'abel ri Dios.

Hechos 17:17

Roma ri' ri Pablo napon k'a ri pa jay ri kan nitzijox-wi ri ruch'abel ri Dios chupan ri tinamit ri', y nikich'ob k'a rij ri ruch'abel ri Dios, e rachibilan ri judío y ch'aqa' chik winaqi' ri kan e ya'ol-wi ruq'ij ri Dios. Kan keri' chuqa' niberubana' ronojel ri ch'aqa' chik q'ij ri pa k'ayibel. Nikich'ob k'a rij ri ruch'abel ri Dios kik'in ri ye'apon chiri'.

Hechos 26:28

Jak'a ri Agripa xubij chire ri Pablo: Rat nach'ob chi chi'anin naben chuwe chi yinok jun chuqa' nimey richin ri Cristo, xcha'.

Hechos 19:26

Jak'a rix itz'eton y chuqa' iwak'axan chik chi ri Pablo nubij k'a chike ri winaqi' chi ri wachibel e banalon koma achi'a' man e dios ta. Y kan e k'iy ri rujalon chik kich'obonik y kiniman chik. Man xaxe ta re wawe' pan Éfeso, xa kan jubama pa ronojel re ruwach'ulew Asia.

Hechos 19:8

Chirij ri' ri Pablo oxi' ik' ri kan xapowiyaj ri chiri' chupan ri jay ri kan richin nitzijox ri ruch'abel ri Dios. Kan man k'a nuxibij ta ri' nutzijoj ri ruch'abel ri Jesucristo chike ri ruwinaq. Nikich'ob rij ri ch'abel ri nich'on chirij toq ri winaqi' ye'ok pa rajawaren ri Dios.

Hechos 18:13

y xbekibij k'a chire ri Galión: Re jun achin re' nuben k'a chike ri winaqi' chi tikiya' ruq'ij ri Dios, jak'a xa man achi'el ta rubanik ri nubij ri pixa' richin kan ri Moisés, xecha'.

Hechos 17:11

Ri judío ri' más k'a e aj-na'oj ke chikiwech ri judío ri ek'o pa Tesalónica, roma rije' kan choj xkik'ul ri ruch'abel ri Dios. Ri janipe' nikak'axaj-el kik'in ri Pablo y ri Silas, nibekikanola' chupan ri ruch'abel ri Dios, richin niketamaj, wi qitzij ri nikibij o xa man qitzij ta. Ri winaqi' ri' kan q'ij-q'ij k'a keri' nikiben.

Hechos 13:14

Toq ri Pablo y ri Bernabé e q'axineq chik el ri pa Perge, xebe k'a pa jun chik tinamit ri rubini'an Antioquía ri k'o pa ruwach'ulew Pisidia. Chupan k'a ri q'ij richin uxlanen, rije' xebe k'a chupan ri jay akuchi ri kiwinaq judío nikak'axaj ruch'abel ri Dios. Y toq xe'apon xebetz'uye'.

San Lucas 16:31

Jak'a ri Abraham xubij chire: Wi man nikinimaj ta ri ruch'abel ri Dios ri rutz'iban kan ri Moisés, y ri kitz'iban kan ri q'alajirisanela' ri xek'oje' ojer kan, xa man xtikinimaj ta chuqa' jun ri nik'astej-el chikikojol ri kaminaqi', xcha'.

San Lucas 4:16

Ri Jesús xbe pa Nazaret, ri tinamit ri xk'iy-wi. Chupan ri uxlanibel-q'ij, rija' xbe k'a chupan ri jay ri akuchi nikimol-wi-ki' richin nikak'axaj ri ruch'abel ri Dios, kan achi'el wi tuben. Toq k'o chik chiri', rija' xpa'e' k'a, richin nusik'ij ri ruch'abel ri Dios.

2 Crón 32:11

Wi ri Ezequías nubij chiwe chi ri Jehová ri i-Dios yixrukol pa nuq'a', ri' xa yixruq'ol, xa kan rubanon chiwe chi yixbeken roma wayjal y chaqi'j-chi'ij.

Wuj Richin ri Rutikeribel 9:27

Y ri Dios kan xtunimirisaj ta ri Jafet, y xtik'oje' ta pa taq rachoch ri Sem, y ri e rijatzul ri Canaán xkeyuqe' pa samaj rik'in, xcha'.

San Juan 7:35

Y ri achi'a' ri kan k'o-wi kiq'ij nikibila' chikiwech: ¿Akuchi kami k'a xtibe-wi re Jesús re'? Roma nubij chi man xtibeqila' ta chik pe. ¿Nibe kami k'a pa ch'aqa' chik ruwach'ulew richin niberutzijoj ri ruch'abel chike ri qawinaq judío y chike ri man e judío ta?

Hechos 9:20

Ri Saulo kan chi'anin k'a xuchop rubixik chike ri winaqi' ri pa taq jay ri akuchi nikimol-wi-ki' richin nikak'axaj ri ruch'abel ri Dios, chi ri Jesús jari' ri Cristo ri ruk'ajol ri Dios.

Hechos 14:1

Ri Pablo y ri Bernabé xe'apon k'a ri pa tinamit Iconio. Rije' xe'apon k'a pa jay ri kan richin wi chi nikimol-ki' ri judío richin nikak'axaj ruch'abel ri Dios. Y ri ruch'abel ri Dios ri xkibij rije' chike ri winaqi', kan xuben k'a chike chi janila e k'iy ri xkikuquba' kik'u'x rik'in ri Jesucristo. Ek'o k'a judío y ek'o k'a chuqa' ri man e judío ta ri xeniman.

Hechos 18:19

Toq xeq'ax juk'an-ya', xe'apon k'a ri pa tinamit Éfeso. Y chiri' ri Pablo xeruya' kan ri Priscila y ri Áquila, y xbe pa jun jay ri kan nitzijox-wi ri ruch'abel ri Dios. Junan k'a nikich'ob rij ri ruch'abel ri Jesucristo, kik'in ri ruwinaq judío.