Hechos 18:21 - Kaqchiquel Bible

²¹ Xa xubij k'a chike chi kan xtitzolin chik pe jun bey kik'in, wi keri' nrajo' ri Dios. Toq ch'owineq chik kan chike konojel, xuya' kan ri Éfeso y xok chik el pa barco.

နောက်ထပ်ဗားရှင်းများ

Kaqchikel Santo Domingo (Xenacoj)

²¹ Y atoq ja ndel pe chiriꞌ, xchꞌaꞌa kan chake y xubꞌij: ¡Si Dios ndirajoꞌ, ngitzolij chi pe jumbꞌey iwikꞌin! Y ja atoq riꞌ xok e pa jun barco, y xuyaꞌ kan ri tinamit Éfeso.

Kaqchikel Santa Maria de Jesus

²¹ Xa xuꞌej cꞌa chica: Can nicꞌatzin chi nquicꞌujieꞌ Jerusalén ri kꞌij richin ri namakꞌej ri patanak. Pero xquitzalaj chic pa jun bꞌay iviqꞌuin, vi xa quireꞌ nrajoꞌ ri Dios, xchaꞌ chica. Y xaꞌruꞌon can despedir quinojiel y ja xuoc chic el chupan ri barco y xuyaꞌ can ri tanamet Efeso.

Kaqchikel Central Guatemala

²¹ Xa xubij c'a can chique chi can nic'atzin chi c'o pa Jerusalem ri k'ij richin ri nimak'ij ri petenek. Pero xquitzolin chic pe jun bey iviq'uin, vi queri' nrajo' ri Dios, xcha'. Y tok ch'ovinek chic c'a can chique conojel, xuya' c'a can ri tinamit Éfeso y xoc chic el pa barco.

Re C'ac'a Testamento pa Kach'abal

²¹ Xa xubij chique che reja' tiene que ne'c'ue' pa Jerusalén chin re namak'ij pitinak. Pero xquintzolaj chic-pa jun bey iviq'uin, vo xa quire' nrajo' re Dios, xcha' chique. Y tak ch'ovenak chic can chique conojel, xuya' can re tenemit Efeso y xoc chic-a chupan re barco.

Kaqchikel Western Solola

²¹ Xa xubij c'a ca chique chi can nic'atzin chi c'o pa Jerusalem ri k'ij riche (rixin) ri nimak'ij ri petenak. Pero xquitzolin chic pe jun bey iwuq'ui, wi queri' nrajo' ri Dios, xcha'. Y tek ch'onak chic c'a ca chique quinojel, xuya' c'a ca ri tinamit Efeso y xoc chic el pa barco.

Hechos 18:21 ပူးပေါင်းရင်းမြစ်များ

1 Corintios 4:19

Jak'a yin kan xkinapon yan iwik'in, wi keri' nrajo' ri Dios. Y toq xkinapon, xkentz'et k'a wi k'o kuchuq'a', o xa choj xkinimirisaj-ki'.

Santiago 4:15

Roma ri' toq rix nich'ob chi k'o jun niwajo' niben, tibij k'a: Wi ri ajaw xtuya' q'ij y yojk'ase', kan xtiqaben k'a ri niqach'ob, kixcha'.

Hebreos 6:3

Jare' ri k'o chi niqaben rik'in ri ruto'onik ri Dios.

Romanos 15:32

Y keri', xtikikot ta ri wánima toq xkinapon iwik'in, wi keri' ri rurayibel ri Dios; y k'ari' xkinuxlan ta el juba' iwik'in.

Romanos 1:10

Ronojel mul toq yich'on rik'in kan nink'utuj utzil chire chi xtuben ta chuwe chi xkitikir ta xkinapon iwik'in, wi keri' nrajo' rija'. Roma kan k'iy yan k'a q'ij wajowan-pe keri'.

Hechos 20:16

Man xojbe ta k'a pan Éfeso, roma ri Pablo man nrajo' ta chi k'iy chik q'ij ri nik'oje-qa pa ruwach'ulew Asia. Y xa kan rurayibel k'a chi napon yan ri pa Jerusalem richin ri nimaq'ij Pentecostés, wi tikirel.

1 Pedro 3:17

Más utz natej poqon chubanik ri utz, wi keri' rurayibel ri Dios, ke chuwech ja ri etzelal naben.

2 Corintios 13:11

Wach'alal, pa ruk'isibel ninbij chik el chiwe chi kan tik'oje' kikoten ri pa taq iwánima, titija' iq'ij chi ri ik'aslen kan tz'aqatineq ta, tikuqubala' ik'u'x chi'ijujunal, jun iwech tibana', y man jun ta oyowal chi'ikojol. Richin keri' ri Dios kan xtik'oje' iwik'in, roma xaxe rik'in rija' nipe-wi ri ajowabel y ri uxlanen.

1 Corintios 16:7

Man ninwajo' ta chi xaxe ta jun o ka'i' q'ij ri yik'oje' iwik'in. Kan ninwajo' k'a yiyaloj juba' iwik'in, wi keri' ri rurayibel ri ajaw.

Hechos 21:14

Roma k'a ri man xojtikir ta xqaben chire chi man ta nibe ri pa Jerusalem, xaxe k'a xqabij chi ja ta ri rurayibel ri ajaw nibanatej.

Hechos 19:21

Chirij ri' ri Pablo xpe k'a pa ránima chi nibe k'a pa Macedonia y pan Acaya chikitz'etik ri qach'alal, y chirij ri' k'ari' nibe k'a pa Jerusalem. Y chuqa' xpe pa ránima chi nibe pa Roma.

Hechos 15:29

chi man yekitej ri xa man utz ta richin nitij roma ya'on chik chikiwech ch'aqa' chik dios. Man chuqa' tikitej ti'ij kichin ri chikopi' ri xejiq', ni man k'a chuqa' tikitej kik'. Chuqa' ri winaqi' e k'ulan man tikikanola-ki' richin yemakun. Wi ronojel k'a re' xtinimaj, utz k'a xkixbiyin. Dios k'a xtichajin iwichin, xecha-el.

San Lucas 9:61

K'o chik k'a jun ri xbin chire ri Jesús: Wajaw, yin ninwajo' yatintzeqelibej. Jak'a nabey, taya' q'ij chuwe richin yibech'on kan chike ri e aj pa wachoch, xcha'.

San Mateo 26:39

Rija' xbiyin chik apo juba' y chiri' xxuke-wi-qa. Kan xuqasaj qa ri' k'a pan ulew, xch'on rik'in ri Dios. Y xubij: Nata' yin, wi kan tikirel, tabana' k'a chi man ta nink'owisaj re jun tijoj-poqonal re', jak'a man taben ri ninrayij yin. Xa kan tabana' ri arayibel rat, nicha'.

Deut 16:1

Toq napon ri ik' Abib kan tibana' ri nimaq'ij richin natabel toq ri Jehová xuya' ri Solbelri'il, richin niya' ruq'ij-ruk'ojlen rija', roma chupan jun aq'a' chire ri ik' ri' jari' toq rija' xojrelesaj-pe pan Egipto.

Marcos 6:46

Toq e rutaqalon chik kan ri winaqi' chi taq kachoch, rija' xbech'on rik'in ri Dios chiri' pa ruwi' jun juyu'.

Hechos 18:19

Toq xeq'ax juk'an-ya', xe'apon k'a ri pa tinamit Éfeso. Y chiri' ri Pablo xeruya' kan ri Priscila y ri Áquila, y xbe pa jun jay ri kan nitzijox-wi ri ruch'abel ri Dios. Junan k'a nikich'ob rij ri ruch'abel ri Jesucristo, kik'in ri ruwinaq judío.

Hechos 18:20

Rije' xkibij k'a chire chi tik'oje-qa juba' kik'in ri chiri' pan Éfeso, jak'a rija' man xrajo' ta.

Hechos 18:24

Ri chiri' pan Éfeso ri q'ij ri', xapon k'a jun achin judío rubini'an Apolo, jun achin aj pa tinamit Alejandría. Y kan jebel k'a retaman ri ruch'abel ri Dios, y jebel chuqa' retaman nich'on chikiwech ri winaqi', roma ri' jebel rubixik nuben chire.

Hechos 19:1

Jak'a toq ri Apolo k'o ri pa Corinto, jari' toq ri Pablo ruchapon k'a bey, y xbeq'ax-pe ri pa taq tinamit ri ek'o-el pa ruwach'ulew Galacia y Frigia. K'ari' xapon ri pan Éfeso, y xeberila' jujun chike ri qach'alal.

Hechos 19:17

Re xbanatej xetamex k'a koma konojel. Kan xetamex k'a koma ri judío y ri man e judío ta ri ek'o chupan ri tinamit Éfeso. Rije' kan janila k'a xibinri'il xpe chike roma ri xbanatej. Y ri ajaw Jesús xuk'ul k'a ruq'ij-ruk'ojlen.

Hechos 21:29

Keri' k'a nikibila' ri winaqi' ri', roma kitz'eton ri pa tinamit chi ri Pablo junan beneq rik'in ri Trófimo aj-Éfeso, y rije' xkich'ob chi ri Pablo ruk'uan chuqa' apo ri Trófimo ri pa rachoch ri Dios.

1 Corintios 15:32

Wi maneq ta k'astajibel, ronojel ri yenk'uluwachila' man jun ta rejqalen, achi'el ri xink'uluwachij pan Éfeso, toq ri winaqi' kan xeyakatej chuwij achi'el k'uxunela' taq chikopi'. Xa más ta utz niqaben achi'el ri tz'ibatel kan:*f16* Xaxe qojwa' y qojuk'ya', roma xa chua'q-kabij xqojken-el, nicha'.

1 Corintios 16:8

Y wakami k'a yik'oje' na re wawe' pan Éfeso k'a toq xtiq'ax na kan ri qanimaq'ij Pentecostés, y k'ari' xkibe iwik'in.

Efesios 1:1

Yin Pablo, in jun taqon roma ri Jesucristo roma jari' ri rurayibel ri Dios. Y ninben k'a el re wuj re' chiwe rix wach'alal, ri ixk'o pa tinamit Éfeso; rix ri kan kuqul-wi-ik'u'x rik'in ri Cristo Jesús.

Apocalipsis 1:11

Y xubij chuwe: Tatz'ibaj pa jun wuj ronojel ri natz'et y tataqa-el pan Asia chike ri wuqu' molaj nimanela' ri ek'o chiri'; chike ri aj pan Éfeso, ri aj pan Esmirna, ri aj pa Pérgamo, ri aj pa Tiatira, ri aj pa Sardes, ri aj pa Filadelfia y chike ri aj pa Laodicea, xcha' chuwe.

Apocalipsis 2:1

K'ari' xubij chuwe: Tatz'ibaj k'a el chire ri ángel kichin ri molaj nimanela' ri chiri' pan Éfeso y tabij-el chire, chi ri jun ri ek'o ri wuqu' achi'el ch'umila' pa rijkiq'a', ri nibiyaj chikikojol ri wuqu' kandelero ri e banon rik'in q'anapueq nubij: