Hechos 18:18 - Kaqchiquel Bible

¹⁸ Ri Pablo k'iy k'a q'ij ri xk'oje' na qa ri chiri' kik'in ri qach'alal pa Corinto. Y toq ch'owineq chik kan chike ri qach'alal, xbe richin niberuchapa-pe jun barco richin nibe k'a pa ruwach'ulew Siria. Y e rachibilan k'a el ri Priscila y ri Áquila. Ri Pablo k'o ri rusujun chire ri Dios. Roma ri' toq xe'apon pa Cencreas, ri tinamit ri k'o chi ye'ok-el pa barco, ri Pablo xujuk'-el ri rusumal taq ruwi', richin retal chi rija' xuk'is yan pa ruwi' ri rusujun chire ri Dios chi nuben.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Ri Pablo kꞌa kꞌiy qꞌij xkꞌojeꞌ pa tinamit Corinto, y atoq xeruyaꞌ kan ri hermanos, xok e pa jun barco chin ndibꞌa pa rochꞌulew Siria, y chirij rijaꞌ ebꞌaneq ri Priscila y ri Aquila. Atoq xebꞌeqaqa pa tinamit Cencreas, ri Pablo xuqꞌet ri rusmal ruwiꞌ, chin xok jun retal chi xukꞌis rubꞌanik ri rusujun chare ri Dios chi ndubꞌen.

Kaqchikel Santa Maria de Jesus

¹⁸ Ri Pablo qꞌuiy kꞌij ri xcꞌujie-ka chireꞌ Corinto, después xaꞌruꞌon can despedir ri hermanos ri icꞌo chireꞌ, y xꞌa Cencrea chi ntuoc-el chupan jun barco chi niꞌa chupan ri lugar rubꞌinan Siria. Y chireꞌ Cencrea, ri Pablo xusocaj-el nojiel ri ruveꞌ, ratal chi jajaꞌ ya xuqꞌuis ri ruꞌeꞌn cha ri Dios chi nuꞌon. Y ri Priscila y ri Aquila xaꞌa riqꞌuin.

Kaqchikel Central Guatemala

¹⁸ Y ri Pablo q'uiy c'a k'ij ri xc'oje' na ka ri chiri' quiq'uin ri kach'alal pa Corinto, pero tok c'o c'a chi xbe, c'o chi xeruya' can. Y tok ch'ovinek chic can chique ri kach'alal, rija' xbe richin neruchapa-pe jun barco richin nibe c'a pa ruvach'ulef rubini'an Siria. Y e rachibilan c'a el ri Priscila y ri Aquila. Y ri Pablo c'o ri rusujun chire ri Dios. Romari' tok xe'apon pa Cencrea, ri tinamit ri c'o chi ye'oc-el pa barco, ri Pablo xujuc'-el ri rusmal tak ruvi', richin retal chi rija' xuq'uis yan pa ruvi' ri rusujun chire ri Dios chi nuben.

Re C'ac'a Testamento pa Kach'abal

¹⁸ Y re Pablo q'uiy k'ij xc'ue-ka chire' quiq'uin re hermanos re jec'o pa tenemit Corinto, pero tak xba, tiene que xe'ruya' can. Y tak ch'ovenak chic can chique re hermanos re', reja' xba chin ne'oc chupan jun barco chin che niba chupan re lugar rubini'an Siria. Y je ruchibil-a re hermana Priscila y re hermano Aquila. Y re Pablo can c'o rusujun cha re Dios. Mare' tak xe'bapon pa jun puerto rubini'an Cencrea, re tenemit re anche' ye'oc-a chupan re barco, re Pablo xujuc'-a pa rujalom, chin jun seña che xuban-yan re rusujun cha re Dios.

Kaqchikel Western Solola

¹⁸ Y ri Pablo q'uiy c'a k'ij ri xc'oje' na ka ri chiri' quiq'ui ri kach'alal pa Corinto, ri tinamit ri c'o pa rucuenta ri Acaya, pero xapon c'a jun k'ij tek c'o chi xbe el. Y tek ch'onak chic c'a ca chique ri kach'alal, riya' xoc c'a el pa jun barco riche (rixin) chi xbe c'a pa ruwach'ulef Siria ye rachibilan c'a el ri Priscila y ri Aquila. Yac'a ri Pablo c'o ri rutzujun (rusujun) chare ri Dios. Rumari' tek xe'apon pa Cencrea, ri tinamit ri c'o chi ye'oc wi el pa barco, ri Pablo xusocaj ri rusmal tak ruwi' y co'ol xuben c'a chare, riche (rixin) chi retal chi riya' xuq'uis yan pa ruwi' ri rutzujun (rusujun) chare ri Dios chi nuben.

Hechos 18:18 ပူးပေါင်းရင်းမြစ်များ

Hechos 21:24

Ke'ak'uaj k'a el, tich'ajch'ojirisaj-iwi' kik'in y tiya' chire ri Dios ri nubij ri pixa'. Y ja rat kaloq'o ronojel ri nik'atzin. K'ari' rije' xtikijuk'-el ri rusumal taq kiwi'. Wi rat xtaben ronojel ri xqabij chawe, ri qawinaq xtiketamaj k'a chi xa man qitzij ta ri nitzijox chawij; xa xtikibij k'a chi kan at nimanel-wi richin ri pixa'.

Wuj Richin ri Q'axanri'il 6:18

Y k'ari' ri wineq ri' nusokaj-el ri rusumal-ruwi' ri chiri' akuchi niban-wi oken chupan ri wachoch y nuk'uaj-apo ri rusumal-ruwi' ri rujachon chuwe yin, k'a chupan ri q'aq' ri k'o chuxe' ri sipanik ri nuq'alajirisaj chi junan ruwech wik'in.

1 Corintios 9:20

Ri nuwinaq judío k'a ek'o na chuxe' ri pixa' richin ri Moisés, jak'a yin man ink'o ta chik chuxe' ri pixa' ri'. Man rik'in ri', toq yik'oje' chikikojol ninnimaj ri pixa', roma kan nurayibel chi rije' chuqa' nikikuquba' ta kik'u'x rik'in ri Cristo.

Romanos 16:1

Y ninchilabej k'a el chiwe ri qach'alal Febe, roma rija' jun ixoq rusamajel ri Dios chikikojol ri molaj qach'alal ri ek'o pa tinamit Cencreas.

Hechos 18:2

Chiri' k'o k'a jun achin judío rubini'an Áquila, y rija' alaxineq ri pa ruwach'ulew Ponto. Rija' xa k'a xapon ri pa Corinto, rachibilan ri Priscila ri rixjayil; rije' e eleneq k'a pe pa ruwach'ulew Italia, ri xek'oje-wi, roma ri Claudio, ri rey ri chiri', xubij chi ri winaqi' judío ke'el-el ri pa tinamit Roma. Y ri Pablo xapon k'a chikitz'etik.

Gálatas 1:21

Chirij ri' xibek'oje' pa ruwach'ulew Siria y pa Cilicia.

Hechos 15:23

Xban-el jun wuj y xjach-el chike richin xkik'uaj. Y ri wuj ri' nubij k'a: Roj ri oj taqon roma ri Cristo, ri uk'uey bey, y ri ch'aqa' chik qach'alal, niqateq k'a el rutzil-iwech rix qach'alal ri man k'a ix judío ta, ri ixk'o pan Antioquía y pa ruwach'ulew Siria y ri Cilicia.

Hechos 21:3

Jari' toq xqatz'et ri ruwach'ulew Chipre, y ja ri pa qajxokon ri xk'oje-wi kan, roma ri nima-barco ri uk'uayon qichin, xa choj ruchapon bey k'a pa Siria. Y ja ri pa tinamit Tiro xojapon-wi, roma ri nima-barco ruk'uan-el ejqa'n richin ri chiri'.

Hechos 18:26

Kan man nuxibij ta k'a ri' nutzijoj chikiwech ri winaqi' ri pa jay ri kan nitzijox-wi ri ruch'abel ri Dios. Ri Priscila y ri Áquila xkak'axaj k'a. Y rije' pa ruyonil k'a xech'on rik'in, y xkiya' más rubeyal chuwech, achike rubanik ri k'o chi yojk'ase'.

Hechos 15:41

Toq e beneq chik, xe'ik'o k'a el ri pa ruwach'ulew Siria y Cilicia; nikikuqubala' k'a kan kik'u'x ri molaj qach'alal.

San Mateo 4:24

Ri rutzijol ri Jesús xapon k'a pa ronojel tinamit richin ri ruwach'ulew Siria. Y kan xek'amalox-pe chuwech, yawa'i' ri man junan ta ruwech yabil nok chike. Ek'o ri kan q'axo'n richin ri ch'akulaj kik'uan, ek'o ri xa itzel taq espíritu ri e okineq kik'in. Ek'o k'a ri e ch'uja' y ek'o k'a chuqa' ri e sikirineq. Y kan konojel k'a re yawa'i' re' xeruk'achojirisaj-el.

Marcos 6:46

Toq e rutaqalon chik kan ri winaqi' chi taq kachoch, rija' xbech'on rik'in ri Dios chiri' pa ruwi' jun juyu'.

Hechos 1:15

Y jun q'ij toq kimolon ki' jun la'eq e 120 qach'alal, ri Pedro xbepa'e-pe chikiwech, y xubij k'a chike:

Hechos 18:27

Kan rurayibel-wi k'a rija' chi nibe pa ruwach'ulew Acaya. Roma ri' toq ri qach'alal ri ek'o pan Éfeso xkibij k'a chire chi utz ri nuch'ob, y xkiben chuqa' el jun wuj richin nuya' chike ri kan e nimanela-wi richin ri Jesús ri ek'o pan Acaya. Ri wuj ri' nubij k'a chi tikik'ulu' ri Apolo. Y toq rija' xapon, kan janila xukuquba' kik'u'x ri nimanela' ri ek'o chiri', ri kan xsamej yan ri rutzil ri Dios ri pa taq kánima richin kiniman y e kolotajineq chik.

Hechos 21:23

Más k'a utz tabana' re xtiqabij chawe: Ek'o k'a kaji' qach'alal achi'a' ri k'o kisujun chire ri Dios ri k'o chi nikiben.