Hechos 18:11 - Kaqchiquel Bible

¹¹ Roma ri' jun juna' rik'in nik'aj ri xk'oje-qa ri Pablo ri chiri' pa Corinto, y rija' kan nuk'ut-wi k'a ri ruch'abel ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Y ri Pablo xkꞌojeꞌ pa tinamit Corinto jun junaꞌ rikꞌin nikꞌaj, y ngerutijoj ri wineq rikꞌin ri rutzij ri Dios.

Kaqchikel Santa Maria de Jesus

¹¹ Rumareꞌ jun junaꞌ riqꞌuin nicꞌaj xcꞌujieꞌ ri Pablo chireꞌ Corinto, jajaꞌ can nucꞌut ri ruchꞌabꞌal ri Dios.

Kaqchikel Central Guatemala

¹¹ Romari' jun juna' riq'uin nic'aj ri xc'oje-ka ri Pablo ri chiri' pa Corinto, rija' can nuc'ut-vi c'a ri ruch'abel ri Dios.

Re C'ac'a Testamento pa Kach'abal

¹¹ Mare' jun juna' y nic'aj xc'ue-ka re Pablo chire' pa Corinto, reja' nuc'ut c'a re ruch'abal re Dios.

Kaqchikel Western Solola

¹¹ Rumari' jun juna' riq'ui nic'aj ri xc'oje' ka ri Pablo ri chiri' pa Corinto, y riya' can nuc'ut wi c'a ri ruch'abel ri Dios chiquiwech.

Hechos 18:11 ပူးပေါင်းရင်းမြစ်များ

Hechos 19:10

Ka'i' juna' ri xuben keri' ri Pablo. Roma ri' toq kan konojel xe'ak'axan ri ruch'abel ri Jesús ri chiri' pa ruwach'ulew Asia. Chi judío y man judío ta ri xe'ak'axan.

Hechos 14:3

Man rik'in ri' ri Pablo y ri Bernabé k'a xek'oje' na k'iy q'ij ri chiri'. Kan man jun k'a xibinri'il kik'in richin nikitzijoj ri ruch'abel ri Dios chike ri winaqi'. Ri Dios kan nuq'alajirisaj k'a chikiwech ri winaqi', chi ri nikibij ri Pablo y ri Bernabé kan e qitzij wi. Y roma ri' yekibanala' k'a k'iy meyel taq banobel y retal.

Hechos 20:31

Roma ri', kan tichajij-iwi'. Toqaqa chi'ik'u'x chi yin oxi' juna' ri xik'oje' iwik'in, y jantape' xixinwoq'ej y xixinpixabaj chi'ijujunal.

Hechos 18:10

Yin k'a ri xkichajin awichin wawe'. Kan man jun ri xtak'uluwachij ta pa kiq'a' ri winaqi'. Roma re wawe' pa tinamit Corinto e k'iy winaqi' ri kan e wichin chik yin, xcha' ri Dios chire.

Hechos 18:12

Chupan ri q'ij ri', ja k'a ri jun achin aj-Roma rubini'an Galión ri q'atoy-tzij ri chiri' pa ruwach'ulew Acaya, ri akuchi k'o-wi ri Corinto. Ja q'ij ri' toq ri judío xkimol-ki' richin xeyakatej chirij ri Pablo. Xbekichapa-pe, y xkik'uaj pa q'atbel-tzij,