Hechos 18:10 - Kaqchiquel Bible

¹⁰ Yin k'a ri xkichajin awichin wawe'. Kan man jun ri xtak'uluwachij ta pa kiq'a' ri winaqi'. Roma re wawe' pa tinamit Corinto e k'iy winaqi' ri kan e wichin chik yin, xcha' ri Dios chire.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Porque riyin yinkꞌo awikꞌin, y nixta jun ndiyakatej chawij chin ndubꞌen itzel chawa. Porque chireꞌ pa tinamit Corinto, santienta wineq ngeꞌok nutinamit, xchajeꞌ ri Ajaw.

Kaqchikel Santa Maria de Jesus

¹⁰ Ruma inreꞌ incꞌo aviqꞌuin vaveꞌ, y man jun cꞌa kax itziel xtacꞌul pa quikꞌaꞌ ri vinak. Ruma vaveꞌ pa tanamet Corinto iqꞌuiy vinak ri can i-vichin chic inreꞌ, xchaꞌ ri Ajaf.

Kaqchikel Central Guatemala

¹⁰ Y yin c'a ri xquichajin avichin vave', can man jun ri xtac'ulvachij ta pa quik'a' ri vinek. Roma re vave' pa tinamit Corinto e q'uiy vinek ri can e vichin chic yin, roma can xquinquinimaj, xcha' ri Ajaf.

Re C'ac'a Testamento pa Kach'abal

¹⁰ Y yen xquinchajin avichin vova', y can man jun cosa xtac'alvachij pa quik'a' re vinak. Roma vova' pa tenemit Corinto je q'uiy vinak re can je vichin chic yen, roma can xquinquinimaj, xcha' re Ajaf.

Kaqchikel Western Solola

¹⁰ Y riyin c'a ri xquichajin awuche (awixin) wawe', can majun ri xtac'ulwachij ta pa quik'a' ri winek. Ruma re wawe' pa tinamit Corinto ye q'uiy winek ri can ye wuche (wixin) chic riyin, ruma can xquinquinimaj wi, xcha' ri Ajaf.

Hechos 18:10 ပူးပေါင်းရင်းမြစ်များ

2 Corintios 12:9

Jak'a ri ajaw xubij chuwe: Rat xaxe k'a kakikot rik'in ri wutzil y man jun chik ri xtik'atzin ta chawe. Toq maneq chik awuchuq'a' nana' rat, yin kan xkik'oje' awik'in y ninya' ri uchuq'a' ri nik'atzin chawe, xcha' chuwe. Roma ri' yin janila yikikot roma ri e nuk'uluwachilon ri xa nikik'ut chi maneq wuchuq'a'. Y rik'in ri' kan niqaqa-wi k'a pe ri ruchuq'a' ri Cristo pa nuwi'.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Wuj Richin ri Isaías 41:10

Roma ri' man tixibij-iwi' roma yin kan ink'o iwik'in. Man timalij ik'u'x, roma ja yin ri in i-Dios. Kan xtinya' iwuchuq'a'; y chuqa' kan xkixinto'. Chuqa' kan xtinya' ri nimalej nuq'a' pan iwi'.

Ex 4:12

Wakami k'a kabiyin y yin xkik'oje' awik'in, y yin xtinbij chawe ri k'o chi xtabij, xcha' ri Dios chire.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

San Juan 10:16

Y yin man xaxe ta k'a q'ataj nukarne'l re' ri ek'o, xa kan ek'o k'a chuqa' ch'aqa' chik ri man jani ek'o ta wawe' chupan re jun qejoj re'. Kan xkenk'en k'a pe richin xtikak'axaj chuqa' ri nuch'abel. Chupan ri q'ij ri' xaxe yin ri xkinok kiyuq'unel, y xtik'oje' xaxe jun q'ataj nukarne'l.

2 Timoteo 4:22

Ri ajaw Jesucristo xtik'oje' pan awánima rat. Y chi'iwonojel ri ixk'o chiri' xtik'oje' ta k'a ri rutzil ri Dios iwik'in. Kan keri' ta k'a.

Wuj Richin ri Isaías 54:17

Man jun kamisabel ri nik'achoj ta ri kan banon richin iwichin rix richin yixruk'is. Rix kan xtiben chike ri e etzelanel iwichin chi man xkeq'ajan ta chik chiwij. Jare' k'a ri xtiwichinaj kan rix ri ix nusamajel. Y rik'in k'a ri' xtiq'alajin chi rix kan ix choj. Yin Jehová ri yibin, nubij ri Dios.

San Juan 11:52

Y ri Jesús kan man xaxe ta k'a pa kik'exel ri winaqi' richin ri ruwach'ulew ri' toq xtiken, xa kan xtiken k'a richin yerumol konojel ri winaqi' ri kan e ralk'ual wi ri Dios ri e talutajineq chuwech re ruwach'ulew.

San Mateo 10:30

Keri' chuqa' rix, kan ronojel k'a ri rusumal taq iwi' ajlan roma ri Dios.

Wuj Richin ri Josúe 1:9

Tawak'axaj k'a ri ninbij chawe: Tatija' k'a aq'ij y kow k'a kak'oje', man taxibij-awi', ni man timayamo-qa ri awánima roma yin Jehová ri a-Dios kan xkik'oje' awik'in xabakuchi xkabe-wi, xcha' ri Dios chire ri Josué.

Hechos 15:18

Kan keri' k'a ri nubin ri ojer, nicha'.

San Lucas 21:18

Jak'a man tixibij-iwi', roma rix kan xkixkolotej, y ni jun ti rusumal-iwi' ri xtitzaq ta kan choj keri'.

Wuj Richin ri Isaías 43:2

Toq xkixq'ax chupan ri palou, yin xkik'oje' iwik'in. Toq xkixq'ax chupan raqen taq ya', kan man xkixruk'uaj ta el. Y toq xkixq'ax chupan nimalej taq q'aq', man xkixk'at ta, ni ri ruxaq q'aq' man xkixrumej ta.

2 Timoteo 4:17

Ri Dios xa kan xiruto-wi yin. Xuya' wuchuq'a' richin xintzijoj ri ruch'abel ri Dios chike ri winaqi' ri man e judío ta. Y keri' xikolotej-pe chuwech ri kamik.

San Mateo 1:23

Jun xten xtipe alanik chirij. Y xtibe'alex jun ti ral. Y Emanuel ri rubi' ri xtuya', nicha'. Ri Emanuel nel chi tzij: Ja ri Dios Qik'in.

Wuj Richin ri Isaías 8:10

Stape' xtich'ob ri achike niben, jak'a kan man jun utz xtel chiwech. Nibij-apo ri niwajo' niben, jak'a xa kan man xtibanatej ta, roma ri Dios kan k'o-wi qik'in roj, xecha' ri aj-Judá.

Hechos 15:14

Ri Simón Pedro k'ari' nutzijoj-qa chiqe chi ri Dios kan xuya' yan rutzil pa kiwi' ri winaqi' ri xa man e judío ta. Kan xerucha' k'a jujun richin chi xe'ok rutinamit ri kan yeya'o-wi ruq'ij.

Wuj Kichin ri To'onela' 2:18

Ri Jehová kan xujoyowala' k'a kiwech ri winaqi' toq rije' xesik'in roma janila k'iy bey xetz'ilox, y roma ri' xeruya' ri to'onela' chikikojol. Y ri Jehová kan xeruto' k'a ri to'onela', y rokik xek'ase-el rije', ri winaqi' kan xekolotej-wi pa kiq'a' ri eleq'oma'.

Wuj Richin ri Josúe 1:5

Man jun k'a xtitikir chawij chupan ronojel q'ij chire ri ak'aslen, achi'el xik'oje' rik'in ri Moisés, kan keri' chuqa' xkik'oje' awik'in rat, man xkatinya' ta kan y man xkatinmalij ta kan.

Hechos 18:9

Ri Dios xch'on k'a rik'in ri Pablo pa jun chi'aq'a', y xuk'ut-ri' chuwech pa jun achik', y xubij k'a chire: Man taxibij-awi' y man tatanaba' rubixik ri nuch'abel chike ri winaqi'.

Hechos 18:11

Roma ri' jun juna' rik'in nik'aj ri xk'oje-qa ri Pablo ri chiri' pa Corinto, y rija' kan nuk'ut-wi k'a ri ruch'abel ri Dios.