Hechos 17:7 - Kaqchiquel Bible

⁷ Ja re Jasón ri xk'ulun-apo kichin ri pa rachoch. Konojel k'a ri ye'ojqan kichin ri Pablo y ri Silas, man ja ta ri nubij ri pixa' richin re qaruwach'ulew ri ye'ajin chubanik. Rije' xa man nikinimaj ta ri nubij ri rey César, roma xa nikibij chi k'o jun chik ki-rey, y rubini'an Jesús, xecha'.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Y ja re Jasón xkꞌamo apu kiwech pa rachoch, y konojel ri eꞌachel rejeꞌ ma ndikinimaj ta ri ndubꞌij ri ley ruyoꞌon ri César, porque ndikibꞌij chi kꞌo chik jun rey rubꞌiniꞌan Jesús. Keriꞌ ngesikꞌiyaj chubꞌixik.

Kaqchikel Santa Maria de Jesus

⁷ Y ja ri Jasón ri xcꞌulu-apa quichin ri pa rachuoch. Quinojiel ri i-bꞌanak chiquij ijejeꞌ xa man niquinimaj ta ri ru-ley ri rey César, ruma niquiꞌej chi cꞌo chic jun qui-rey ri Jesús rubꞌeꞌ, xaꞌchaꞌ.

Kaqchikel Central Guatemala

⁷ Y ja re Jasón ri xc'ulun-apo quichin ri pa rachoch. Conojel c'a ri ye'ojkan quichin ri Pablo y ri Silas, man ja ta ri nubij ri ley richin re karuvach'ulef ri ye'ajin chubanic. Rije' xa man niquinimaj ta ri nubij ri rey César, roma xa niquibij chi c'o jun chic qui-rey, y rubini'an Jesús, xecha'.

Re C'ac'a Testamento pa Kach'abal

⁷ Y ja re ache rubini'an Jasón re xc'ulu-apo quichin pa rachoch. Conojel re ye'tzake' chiquij re Pablo y re Silas, mana-ta re nubij re ley chin re ka-nación re ye'tajin chubanic. Reje' man niquinimaj-ta re nubij re César, roma niquibij che c'o chic jun qui-Rey, y re qui-Rey re' rubini'an Jesús, xe'cha-apo.

Kaqchikel Western Solola

⁷ Y ya re achi Jasón rubi' ri xc'ulu apo quiche (quixin) ri pa rachoch. Quinojel c'a ri yetzekelben quiche (quixin) ri Pablo y ri Silas, riye' xa ma niquinimaj ta ri nubij ri ley riche (rixin) ri César, ruma xa niquibij chi c'o jun chic rey, y Jesús rubi', xecha'.

Hechos 17:7 ပူးပေါင်းရင်းမြစ်များ

Dn 3:12

Y wakami ri achi'a' aj-Judá ri kibini'an Sadrac, Mesac y Abed-negó, ri e aya'on pa ruwi' re qaruwach'ulew Babilonia, kan man kinimaj ta atzij rat rey, ni kan man nikiya' ta kiq'ij ri qa-dios, ni man yexuke' ta chuwech ri wachibel, xecha'.

Dn 6:13

K'ari' xkibij k'a chire ri rey chi ri Daniel ri jun chike ri e k'amon-pe pa Judá, man nuqasaj ta ri' chuwech, ni man niniman ta chire ri pixa' ri', y chi xkitz'et chi rija' nich'on rik'in ri ru-Dios oxi' mul pa jun q'ij.

San Lucas 10:38

Ri Jesús y ri rutijoxela' e beneq pa bey, y xapon pa jun ti ko'ol tinamit. Chiri' k'o k'a jun ixoq rubini'an Marta, y ja rija' ri xk'ulu-apo richin ri Jesús pa rachoch.

San Lucas 23:2

Ri chiri' chuwech ri q'atoy-tzij, nikisujula' k'a apo y nikibij: Roj qetaman chi re Jesús k'iy rumak. Rija' nuya' kina'oj ri winaqi'. Rija' nubila' chuqa' chike chi man tikitoj ri k'o chi nitoj chire ri César. Chuqa' nubila' chi ja rija' ri Cristo, y re' kan nuq'alajirisaj k'a chi ja rija' ri rey, xecha'.

San Juan 19:12

Kan jari' k'a toq ri Pilato xutej ruq'ij richin nukol ta el. Jak'a ri winaqi' xech'on k'a rik'in ronojel kuchuq'a', y xkibij: Wi xtakol-el, man k'a junan ta chik awech rik'in ri rey richin Roma. Roma xabachike k'a ri nibin chi rija' jun rey, kan nretzelaj k'a ri César ri', xecha'.

Hechos 16:21

Y nikik'ut k'a jun chik ruwech tijonik chiqawech, ri man ruk'amon ta chi niqak'ul y niqaben, roma roj kan oj winaqi' romano, xecha'.

Hechos 17:5

Jak'a ri ch'aqa' chik judío itzel xkina' chike ri Pablo y ri Silas. Roma ri' toq rije' xebekimolola-pe achi'a' ri e itzel y e q'ori'. Kan e janila k'a winaqi' ri xekimol, roma kan xkiyek-wi ri tinamit. Rije' xebe richin yebe'ok pa rachoch ri jun achin rubini'an Jasón, chikikanoxik ri Pablo y ri Silas. Nikajo' k'a yekelesaj-pe ri pa jay y yekiya-pe pa kiq'a' ri winaqi'.

Hechos 17:8

Toq ri winaqi' y ri q'atoy taq tzij richin ri Tesalónica xkak'axaj ri sujunik ri', xyakatej janila koyowal.

Santiago 2:25

Y keri' chuqa' ri Rahab, ri ixoq itzel ruk'aslen; rija' xuben ri xubij ri rukuqubabel-k'u'x chire, y xerewaj ri ka'i' achi'a' judío ri xbekinik'oj ri ruwach'ulew. Kan xeruteq k'a el pa jun chik bey richin man jun xkik'uluwachij. Y roma ri' man jun rumak xk'ulun chuwech ri Dios.

1 Pedro 2:15

Ri Dios kan nrajo' k'a chi rix ja ta ri utz ri niben ronojel bey, richin keri' man jun yetikir nikibij chiwij ri winaqi' ri man jun ketaman y man yech'obon ta jebel.