Hechos 17:26 - Kaqchiquel Bible

²⁶ Chuqa' kan rubanon chiqe qonojel ri ojk'o chuwech re ruwach'ulew chi xa rik'in jun wineq oj peteneq-wi. Rija' ojer ri' rubin kan ri akuchi ojk'o-wi, y janipe' juna' yojk'ase'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁶ Rijaꞌ xubꞌen chi rikꞌin ri nabꞌey achi xtzꞌukutej pe ri jalajaj teq kiwech wineq, chin ngekꞌojeꞌ chuwech nojel ri rochꞌulew. Ja rijaꞌ jachayon chake ri janipeꞌ ulew kꞌo pa kiqꞌaꞌ, y ja rijaꞌ bꞌiyon janipeꞌ junaꞌ ngekꞌojeꞌ chuwech ri rochꞌulew.

Kaqchikel Santa Maria de Jesus

²⁶ Can rubꞌanun jeꞌ chika konojiel ri ojcꞌo choch-ulief chi joꞌc riqꞌuin jun vinak oj-patanak-ve, y kaquiran-kiꞌ choch-ulief, y ruꞌeꞌn jeꞌ janeꞌ (jaroꞌ) tiempo ri ncaꞌcꞌujieꞌ ri naciones y ri minjuon richin ri ka-lugar,

Kaqchikel Central Guatemala

²⁶ Chuka' can rubanon chike konojel ri ojc'o chuvech re ruvach'ulef chi xa riq'uin jun vinek oj petenek-vi, y katalun-ki' chuvech re ruvach'ulef re ojc'o-vi y rubin chuka' chic ri qui-tiempo re karuvach'ulef,

Re C'ac'a Testamento pa Kach'abal

²⁶ Chuka' can rubanon chaka re yojc'o chach re ruch'ulef che xa riq'uin jun vinak yoj-elinak-va-pa konojel, y kaquiran-ki' chach re ruch'ulef, y rubin can jenipa' tiempo nic'ue' jun nación, y chuka' anchique lugar nic'ue-va,

Kaqchikel Western Solola

²⁶ Chuka' can rubanon chake konojel ri yojc'o chuwech re ruwach'ulef chi xa riq'ui jun winek yoj petenak wi, y katalun ki' chuwech re ruwach'ulef re yojc'o wi y rubin chuka' chic ri quitiempo re karuwach'ulef y ri mojones riche (rixin) ri kalugar.

Hechos 17:26 ပူးပေါင်းရင်းမြစ်များ

Wuj Richin ri Rutikeribel 3:20

Y ri Adán, Eva*f3* k'a xubij chire ri rixjayil, roma ja rija' ri nabey te'ej ri xya'on k'aslen chiqe qonojel winaqi'.

Wuj Richin ri Malaquías 2:10

¿Man xaxe ta kami jun qatata'? ¿Man xaxe ta kami jun qa-Dios ri xbanon qichin? ¿Achike k'a roma rix ye'iq'ol ri iwach'alal, y keri' man niya' ta rejqalen ri rujikibel-tzij ri Dios ri xuben kik'in ri qati't-qamama'?

1 Corintios 15:22

Rik'in k'a ri Adán xqichinaj-wi ri kamik qonojel. Y roma ri Cristo xqojk'astej chik el qonojel.

1 Corintios 15:47

Ri nabey achin, kan richin wi re ruwach'ulew, roma rik'in ulew xban-wi. Jak'a ri jun chik, kan aj-chikajil.

Wuj Richin Bix Chire ri Dios 31:15

Pan aq'a' k'a rat k'o-wi ri nuk'aslen. Kinakolo' k'a chikiwech ri e etzelanel wichin, y ri kan chaq in kitzeqeliben.

Wuj Richin ri Achin Job 14:5

Kan ja rat k'a ri yabin ri janipe' q'ij ruk'aslen naya' jun wineq. Ja rat chuqa' yabin janipe' ik' nik'ase' ri wineq. Kan ja rat yabin akuchi napon-wi ri ruk'aslen, y ri wineq man nitikir ta niq'ax jun ti ramaj chire ri ruk'aslen ri abin rat.

Wuj Richin ri Achin Job 12:23

Rija' yeruwinaqirisaj ri tzobaj winaqi' richin ri ruwach'ulew, y rija' chuqa' nik'ison kichin. Yerutaluj-el y k'ari' yerumol chik.

Wuj Richin ri Rutikeribel 9:19

Re e oxi' achi'a' re' jare' ri e ruk'ajol ri Noé y koma rije' xek'iyer chik winaqi' chuwech chijun ruwach'ulew.

Dn 11:35

Y jujun ri xtibekitzeqelibej ri Dios, ri e aj-na'oj xtikitej poqon, richin k'a yetejtobex y richin chi yech'ajch'ojir, richin kan e ch'ajch'oj toq xtapon ri ruk'isibel taq q'ij ri rubin-pe ri Dios.

Dn 11:27

Ri e ka'i' rey ri' junan yewa' pa mesa richin nik'oje' ta uxlanibel-k'u'x kik'in, jak'a ri pa kánima xa kan xaxe ri ch'upun-k'u'x k'o. Ri nikibij chikiwech xa man qitzij ta, jak'a xa man jun chike chi e ka'i' ri xtich'akon ta. Ronojel re' xtibanatej roma xa man jani tapon ri q'ij richin uxlanibel-k'u'x.

Wuj Richin ri Isaías 14:31

Rix aj-Filistea kan kixbe'oq' pa taq okibel richin ri itinamit, y kixbaybot roma xibinri'il. Roma kere' pa xaman xkepe aj-labal, y kan xkepe achi'el jun q'equ'm laj sutz', y konojel rije' ek'o chupan ri kicholaj.

Hebreos 2:3

¿achike k'a rubanik xtiqato-qi' roj chuwech ri royowal ri Dios wi xa xtiqamalij ri nimalej kolotajik? Roma re kolotajik re' kan ja ri ajaw Jesús ri xtzijon nabey. Y ri xe'ak'axan-pe rik'in rija', jari' ri xeq'alajirisan chiqawech roj.

Wuj Richin ri Isaías 45:21

Kixch'on k'a y tibij-apo achike ri ruk'amon chi niben. Kixch'on k'a junan pa ruwi' re'. Ja yin ri xiya'on rutzijol ri ojer kan. Xich'on pa ruwi' re' ri kan pa rutikeribel-pe. Ja yin Jehová ri xibin. Kan man jun chik Dios achi'el yin. Yin in jun Dios choj y kolonel.

Hechos 15:18

Kan keri' k'a ri nubin ri ojer, nicha'.

Wuj Richin Bix Chire ri Dios 74:17

Ja rat xaya'on ri ruk'ulba't ri ruwach'ulew. Ri saq'ij y ri job ja rat xachojmirisan.

Wuj Richin ri Jeremías 27:5

Kan rik'in k'a ri nimalej wuchuq'a' xinben ri ruwach'ulew, ri winaqi' y ri chikopi' ri ek'o chuwech. Y xinya' chire ri achoq chire xinwajo' xinya-wi.

Hechos 14:17

jak'a kan ruq'alajirisan-wi k'a ri' chikiwech, rik'in ri nuya-pe job ri chikaj, nuya-pe tiko'n, y kan nuya' k'a pe ronojel richin nitij, richin keri' nikikot ri kánima. Kan ruya'on-wi-pe rutzil pa qawi' qonojel, xecha' ri Pablo y ri Bernabé.

Wuj Richin ri Isaías 34:17

Chike chikijujunal ri chikopi' ri' xubij ri akuchi xkek'oje-wi, y kan rik'in ri ruq'a' xtuk'ut chikiwech ri achike ruwach'ulew xkek'oje-wi. Y chiri' xkek'oje-wi tibe-q'ij tibe-seq.