Hechos 16:6 - Kaqchiquel Bible

⁶ Ri chiri' ri Loq'olej Espíritu man xuya' ta q'ij chike ri Pablo y ri e rachibil, richin xebe pa ruwach'ulew Asia richin nibekitzijoj ri ruch'abel ri Dios chiri'. Roma ri' rije' xeq'ax pa ruwach'ulew Galacia y pa ruwach'ulew Frigia.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Ri Espíritu Santo ma xuyaꞌ ta qꞌij chake ri Pablo y ri erachibꞌilan chin ta xkitzijoj ri rutzij ri Dios pa rochꞌulew Asia, romariꞌ rejeꞌ xeꞌeqꞌax pa rochꞌulew Frigia y pa rochꞌulew Galacia.

Kaqchikel Santa Maria de Jesus

⁶ Y ri Espíritu Santo man xuyaꞌ ta permiso chica chi xaꞌa chupan ri lugar rubꞌinan Asia, chi niquitzijuoj ri ruchꞌabꞌal ri Dios chireꞌ. Rumareꞌ ijejeꞌ xaꞌkꞌax Galacia y Frigia.

Kaqchikel Central Guatemala

⁶ Y ri Lok'olej Espíritu man c'a xuya' ta k'ij chique ri Pablo y ri e rachibil, richin xebe pa ruvach'ulef rubini'an Asia richin nequitzijoj ri ruch'abel ri Dios chiri'. Romari' rije' xek'ax pa Galacia y pa Frigia.

Re C'ac'a Testamento pa Kach'abal

⁶ Y re Espíritu Santo man xuya-ta k'ij chique re Pablo y re je ruchibil, chin xe'ba chupan re lugar rubini'an Asia chin ne'quitzijoj re ruch'abal re Dios chire'. Mare' reje' xe'k'ax pa Galacia y pa Frigia.

Kaqchikel Western Solola

⁶ Y ri Lok'olaj Espíritu man c'a xuya' ta k'ij chare ri Pablo y chique ri ye rachibil, riche (rixin) chi nbequitzijoj ri ruch'abel ri Dios pa ruwach'ulef Asia. Rumari' riye' xek'ax pe ri pa Galacia y pa Frigia.

Hechos 16:6 ပူးပေါင်းရင်းမြစ်များ

Hechos 18:23

Xk'oje' na k'a el juba' ri chiri'. K'ari' xtzolin chik jun bey chukuqubaxik kik'u'x ri qach'alal ri ek'o pa taq tinamit ri ek'o pa ruwach'ulew Galacia y ri ek'o chuqa' pa ruwach'ulew Frigia.

Gálatas 1:2

Rix molaj qach'alal, ri ixk'o pa ruwach'ulew Galacia, tik'ulu' k'a ri rutzil-iwech ri ninteq-el yin, y ri qach'alal ri ek'o wik'in.

Hechos 16:7

K'ari' xe'apon ri pa k'ulba't richin ri ruwach'ulew Misia. Y xkich'ob k'a chi yebe ri pa ruwach'ulew Bitinia, jak'a ri Loq'olej Espíritu chuqa' man xuya' ta q'ij chike richin xebe.

Hechos 11:12

Y ri Loq'olej Espíritu kan xubij k'a chuwe chi man tinpoqonaj yibe kik'in. Chuqa' xenwachibilaj-el e waqi' qach'alal. Rije' jare' ek'o wawe' chiwech rix. Xojapon na wi ri pa rachoch ri Cornelio ri xtaqo woyoxik.

1 Pedro 1:1

Yin Pedro in jun chike ri e taqon roma ri Jesucristo, ninteq k'a el re wuj re' chiwe rix ri ixtalutajineq-el, ri xa ixk'o ri pa taq ruwach'ulew ri chiri' pa Ponto, pa Galacia, pa Capadocia, pan Asia y ri pa Bitinia.

2 Timoteo 4:10

Roma ri Demas xa xirumalij kan y xbe pa tinamit Tesalónica roma xa xbe ránima chirij ri nusuj re ruwach'ulew. Ri Crescente beneq ri pa Galacia. Y ri Tito beneq pa ruwach'ulew Dalmacia.

Gálatas 3:1

Wach'alal aj-Galacia, ¿achike k'a roma man yixch'obon ta? ¿O xa k'o banayon itz chiwij, richin man ninimaj ta ri qitzij, toq xa kan qabin kan chiwe chi ri Jesucristo xken qoma roj?

Hechos 19:10

Ka'i' juna' ri xuben keri' ri Pablo. Roma ri' toq kan konojel xe'ak'axan ri ruch'abel ri Jesús ri chiri' pa ruwach'ulew Asia. Chi judío y man judío ta ri xe'ak'axan.

Apocalipsis 1:11

Y xubij chuwe: Tatz'ibaj pa jun wuj ronojel ri natz'et y tataqa-el pan Asia chike ri wuqu' molaj nimanela' ri ek'o chiri'; chike ri aj pan Éfeso, ri aj pan Esmirna, ri aj pa Pérgamo, ri aj pa Tiatira, ri aj pa Sardes, ri aj pa Filadelfia y chike ri aj pa Laodicea, xcha' chuwe.

Apocalipsis 1:4

Yin Juan nintz'ibaj k'a el re wuj re' chiwe rix ri ix wuqu' molaj qach'alal ri ixk'o ri chiri' pa ruwach'ulew Asia. Ri Dios ri kan k'o-pe pa rutikeribel, re wakami y xtik'oje' re xtibe-apo, xtuya' k'a ri utzil y ri uxlanen chiwe ri nikiya' ri wuqu' utzilej taq espíritu ri ek'o-apo chuwech ri rutz'uyubal ri Dios.

Hebreos 11:8

Ri Abraham xk'oje' kuqubabel-k'u'x rik'in, roma ri' toq xoyox roma ri Dios richin chi nibe k'a pa jun chik ruwach'ulew ri xtuk'ul richin nrichinaj kan, rija' xunimaj tzij y xbe, stape' man retaman ta achike ruwach'ulew xtapon-wi.

2 Timoteo 1:15

Rat awetaman chi konojel ri qach'alal ri ek'o pa taq tinamit richin Asia in kiya'on chik kan, achi'el ri Figelo y ri Hermógenes.

2 Corintios 1:8

Roma rix wach'alal xa kan nik'atzin chi k'o ta chi'ik'u'x ri achike chi tijoj-poqonal ri xqak'owisaj toq xojk'oje' chila' pan Asia. Ri quchuq'a' kan man nitikir ta chik rik'in ri ralal ri tijoj-poqonal ri xqak'owisaj. Kan xqach'ob k'a chi xa kan xaxe chik ri qakamik qoyoben.

1 Corintios 16:1

Y wakami ninwajo' yich'on juba' chirij ri méro ri najin rumolik kichin ri qach'alal ri ek'o pa Jerusalem. Kan tibana' k'a achi'el ri nubin chike ri molaj qach'alal ri ek'o chupan ri ruwach'ulew Galacia.

1 Corintios 12:11

Ronojel re' rusamaj xaxe jun; y ri' ja ri Loq'olej Espíritu. Nuya' k'a re' chiqe chiqajujunal achi'el ri nrajo' rija'.

Hechos 20:28

Kan tichajij k'a qa ik'aslen rix, y keri' chuqa' tibanala' kik'in ri molaj qach'alal, achi'el nuben jun yuq'unel kik'in ri rukarne'l, roma ri Loq'olej Espíritu ix ruya'on richin jebel ye'ik'uaj, roma rije' kan e richin chik ri ajaw Jesús, roma kan ja rija' ri xkolo kichin, rik'in ri rukik'el ri xbiyin toq xkamisex.

Hechos 20:16

Man xojbe ta k'a pan Éfeso, roma ri Pablo man nrajo' ta chi k'iy chik q'ij ri nik'oje-qa pa ruwach'ulew Asia. Y xa kan rurayibel k'a chi napon yan ri pa Jerusalem richin ri nimaq'ij Pentecostés, wi tikirel.

Hechos 20:4

Ri xrachibilaj-el ri Pablo k'a pan Asia, ja ri Sópater aj pa Berea; rija' ruk'ajol ri jun achin rubini'an Pirro. Chuqa' xerachibilaj-el ri Aristarco y ri Segundo ri e aj pa Tesalónica, ri Gayo ri aj-Derbe, ri Timoteo, ri Tíquico y ri Trófimo ri e aj pan Asia.

Hechos 10:19

Y roma ri Pedro k'a najin na chuch'obik rij ri achik', kan jak'a ri Loq'olej Espíritu ri xbin chire: Ek'o e oxi' achi'a' ri yatkikanoj.

Wuj Richin ri Isaías 30:21

Y wi xtichop xtich'er kan iwi' rik'in, jari' toq xtiwak'axaj chi xtuk'ut ri rubey chiwech.

San Lucas 1:2

kan achi'el wi ri xtzijox chiqe koma ri xetz'eton ri k'a pa rutikeribel-pe. Ri xetz'eton ri xbanatej, xe'ok chuqa' tzijoy ruch'abel ri Dios.

Hechos 6:9

Jak'a ek'o winaqi' ri xebeyakatej-pe y xkichop-ki' rik'in ch'abel rik'in ri Esteban. Re winaqi' k'a re' e richin jun jay akuchi nikimol-ki' ri winaqi' richin nikak'axaj ruch'abel ri Dios, ri rubini'an Ri e Totajineq. Chuqa' ek'o winaqi' aj pa tinamit Cirene y Alejandría, aj pa ruwach'ulew Cilicia y Asia.

Hechos 8:29

Ri Loq'olej Espíritu xubij k'a chire ri Felipe chi tuq'i' ri karruaje ri akuchi beneq-wi ri achin etíope, y junan tibe rik'in.

Hechos 21:27

Toq nitz'aqet yan k'a ri wuqu' q'ij ri xkibij, ri Pablo k'o k'a ri chiri' pa rachoch ri Dios; y jari' toq xtz'et koma ch'aqa' ruwinaq ri yepe k'a kela' pan Asia. Rije' xkiya' k'a chuqa' kina'oj ri ch'aqa' chik kiwinaq richin xkichop ri Pablo.

Romanos 16:5

Y tiya' chuqa' rutzil-kiwech ri molaj qach'alal ri nikimol-ki' pa kachoch ri ka'i' qach'alal ri'. Y keri' chuqa' tiya' rutzil-ruwech ri qach'alal Epéneto ri janila ninwajo'. Ja rija' ri nabey xkuquban ruk'u'x rik'in ri Cristo pan Acaya.

1 Corintios 16:19

Ri molaj qach'alal ri ek'o re pa ruwach'ulew Asia nikiteq-el rutzil-iwech. Chuqa' nikiteq-el rutzil-kiwech ri qach'alal Áquila y Prisca y chuqa' ri molaj qach'alal ri nikimol-ki' pa kachoch rije'.