Hechos 16:36 - Kaqchiquel Bible

³⁶ Ri chajinel kan xberubij-wi k'a chire ri Pablo: Ri q'atoy taq tzij xkiteq k'a pe rubixik chuwe chi kixinwelesaj-el. Wakami kixel k'a pe. Kixbiyin k'a y nik'oje' ta uxlanen pa taq iwánima, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁶ Y ri chajinel kereꞌ xubꞌij chare ri Pablo: Ri ngeqꞌaton tzij pa qatinamit kibꞌanun pe mandar chuwa chi ngixinsoqꞌopij e. Wokami kixbꞌiyin, y rikꞌin uxlanen pa iwánima titzꞌamaꞌ ibꞌey.

Kaqchikel Santa Maria de Jesus

³⁶ Y ri ache chajiniel richin ri cárcel xbꞌaruꞌej cha ri Pablo: Ri achiꞌaꞌ ri niquiꞌan juzgar quiꞌeꞌn-pa chuva chi nquixvalasaj-el. Vacame quixiel cꞌa. Quixꞌin y ticꞌujieꞌ ri paz pa tak ivánima, xchaꞌ.

Kaqchikel Central Guatemala

³⁶ Y ri chajinel can xberubij-vi c'a chire ri Pablo: Ri k'atoy tak tzij xquitek c'a pe rubixic chuve chi quixinvelesaj-el. Vacami quixel c'a pe. Quixbiyin c'a y nic'oje' ta uxlanen pa tak ivánima, xcha'.

Re C'ac'a Testamento pa Kach'abal

³⁶ Y re nichajin chire' pa cárcel can xbo'rbij-va cha re Pablo: Re ye'bano juzgar xquitak-pa rubixic chua che yixinlisaj-a. Vocame quixel-pa. Quixbiyin y tichajij-ivi' y ja-ta re Dios xtichajin ivichin, xcha' chique.

Kaqchikel Western Solola

³⁶ Y ri chajinel xberubij c'a chare ri Pablo: Ri aj k'atbel tak tzij, xquitek c'a pe rubixic chuwe chi yixinwelesaj el. Wacami quixel c'a pe. Quixbiyin c'a y xtic'oje' ta c'a uxlanibel c'u'x pa tak iwánima, xcha' chique.

Hechos 16:36 ပူးပေါင်းရင်းမြစ်များ

Hechos 15:33

Ri ka'i' qach'alal ri', xek'oje' k'a qa juba' q'ij kik'in ri chiri' pan Antioquía. Jak'a toq xkich'ob yetzolin pa Jerusalem, k'a kik'in ri e taqayon-pe kichin; ri qach'alal ri ek'o chiri' pan Antioquía xekijech k'a el. Xkibij chike chi ja ta ri Dios tichajin kichin y nik'oje' ta uxlanen pa kánima. Keri' k'a xkibij-el chike.

San Juan 14:27

Ri uxlanen ri k'o wik'in yin, kan jari' k'a ri ninya' kan chiwe. Jak'a ri uxlanen ri' man achi'el ta k'a ok ri uxlanen ri nikisuj ri winaqi' ri xa k'a kikuquban na kik'u'x rik'in re ruwach'ulew. Roma ri' man tisach ik'u'x, y man tixibij-iwi'.

Hechos 16:27

Ri achin ri chajiy kichin ri ek'o pa cárcel, xuna' ruwech roma ri silonel. Toq rija' xutz'et chi ri ruchi' ri cárcel e jaqatajineq, xrelesaj k'a ri ru-espada richin nukamisaj-qa-ri', roma rija' xuch'ob chi xebe yan konojel ri ek'o pa cárcel.

Marcos 5:34

K'ari' ri Jesús xubij chire: Nána xakolotej, roma xakuquba' ak'u'x wik'in. Wakami k'a, katzolin rik'in uxlanibel-k'u'x roma xak'achoj-el chire ri yabil ri ak'uluwachin, xcha-el chire.

2 Rey 5:19

Y ri Eliseo xujech k'a el ri Naamán y xubij-el chire: Kabiyin rik'in uxlanibel-k'u'x, xcha-el. Keri' ri Naamán xkichop k'a el bey.

1 Sam 29:7

Wakami k'a katzolin kan y kabiyin rik'in uxlanibel-k'u'x, richin chi man itzel nikina' chawe ri e aj-raqen, xcha' ri rey Áquis chire.

1 Sam 25:35

K'ari' ri David kan xuk'ul k'a kan ronojel ri uk'uan-el chire roma ri Abigail, y xubij k'a chire: Kabiyin k'a rik'in uxlanibel-k'u'x pan awachoch. Ronojel ri xabij xinwak'axaj y kan xtinben ri nawajo' rat, xcha'.

1 Sam 20:42

K'ari' ri Jonatán xubij chire: Kabiyin k'a rik'in uxlanibel-k'u'x roma chi oj ka'i' xqaya' yan qatzij pa rubi' ri Jehová. Ja ri Jehová ri xtik'oje' awik'in rat y xtik'oje' wik'in yin. Y kan ja rija' xtik'oje' kik'in ri awijatzul rat y keri' chuqa' kik'in ri e wijatzul yin, xcha'. Xbe k'a ri David, y ri Jonatán xtzolej kan pa tinamit.

1 Sam 1:17

Y ri Elí xubij chire: Kabiyin rik'in uxlanibel-k'u'x y ja ri qa-Dios xtiya'on chawe ri xak'utuj chire, xcha'.

Wuj Kichin ri To'onela' 18:6

Y ri sacerdote xubij chike: Kixbiyin k'a rik'in uxlanibel-k'u'x; ri Jehová kan xtibe iwik'in xabakuchi xkixbe-wi, xcha'.

Ex 4:18

Xeri' ri Moisés xtzolin pa rachoch ri Jetro, ri rujinan, y xubij chire: Yin nik'atzin richin yitzolin pan Egipto, richin yenbentz'eta' ri nuwinaq. Ninwajo' ninwetamaj wi kan k'a e k'es na o xa e maneq chik, xcha'. Y ri Jetro xubij k'a chire: Kabiyin k'a rik'in uxlanen, xcha'.

Hechos 16:23

Toq janila chik e ch'ayon, xebetz'apex kan pa cárcel, y xbix chire ri chajinel chi jebel kichajixik tubana'.

Hechos 16:35

Nimaq'a' ruka'n q'ij ri q'atoy taq tzij xekiteq k'a juq'at chik chajinela' richin xbekibij chire ri achin chajinel kichin ri ek'o pa cárcel, chi utz k'a ke'elesex-el ri Pablo y ri Silas.