Hechos 15:36 - Kaqchiquel Bible

³⁶ Biyineq chik k'a juba' q'ij ri chiri' toq ri Pablo xubij chire ri Bernabé: Jo'; jo' chikitz'etik ri qach'alal ri ek'o pa ronojel tinamit ri qatzijolon-wi kan ri ruch'abel ri ajaw, xcha' chire.

နောက်ထပ်ဗားရှင်းများ

Kaqchikel Santo Domingo (Xenacoj)

³⁶ Atoq eqꞌaxneq chik kꞌiy qꞌij, ri Pablo kereꞌ xubꞌij chare ri Bernabé: Qojtzolij pa teq tinamit chikitzꞌetik ri hermanos apeꞌ qatzijon kan ri rutzij ri Ajaw, chin ndiqetamaj achike rubꞌanun ri kikꞌaslen.

Kaqchikel Santa Maria de Jesus

³⁶ Y antok kꞌaxnak chic qꞌuiy kꞌij caꞌcꞌujieꞌ chireꞌ, ri Pablo xuꞌej cha ri Bernabé: Joꞌ chiquitzꞌatic ri hermanos ri icꞌo nojiel tanamet ri pacheꞌ katzijuon-ve can ri ruchꞌabꞌal ri Ajaf chi ncaꞌkatzꞌat cheꞌl canun, xchaꞌ cha.

Kaqchikel Central Guatemala

³⁶ Y biyinek chic c'a juba' k'ij ri chiri' tok ri Pablo xubij chire ri Bernabé: Jo', jo' chiquitz'etic ri kach'alal ri ec'o pa ronojel tinamit ri katzijolon-vi can ri ruch'abel ri Ajaf, xcha' chire.

Re C'ac'a Testamento pa Kach'abal

³⁶ Y k'axnak chic ba' tiempo tak re Pablo xubij cha re Bernabé: Jo', jo' chiquitz'etic re hermanos re jec'o pa tak ronojel tenemit re katzijon-va can re ruch'abal re Ajaf, chin ye'kabetz'eta' andex quibanon.

Kaqchikel Western Solola

³⁶ Y tek k'axnek chic ca'i' oxi' k'ij, ri Pablo xubij chare ri Bernabé: Jo' chiquitz'etic ri kach'alal ri yec'o pa ronojel tinamit ri katzijon wi ca ri ruch'abel ri Ajaf, riche (rixin) chi yekatz'et achique quibanon.

Hechos 15:36 ပူးပေါင်းရင်းမြစ်များ

Hechos 14:6

Jari' toq rije' xa xkinabej chi ch'obon itzel chikij. Roma ri' rije' xkewala-el-ki' richin xebe k'a pa Listra y k'a pa Derbe, tinamit ri ek'o pa ruwach'ulew Licaonia. Chuqa' xebe pa ch'aqa' chik tinamit ri ek'o-pe chikinaqaj ri ka'i' chik tinamit ri'.

Hechos 13:4

Kan jari' k'a toq ri Bernabé y ri Saulo xetaq-el roma ri Loq'olej Espíritu. Roma ri' rije' xebe-qa ri pa tinamit Seleucia. Y ri chiri' xe'ok-el pa jun barco richin xeq'ax-apo ri pa ruwach'ulew Chipre ri k'o chupan ri palou.

Hechos 13:51

Roma ri' rije' xkitotala' k'a kan ri poqolaj ri k'o pa kaqen chikiwech ri winaqi', richin keri' tiketamaj chi man utz ta ri ye'ajin chubanik. Y rije' xebe k'a pa tinamit Iconio.

2 Corintios 11:28

Y man xaxe ta k'a ri', roma chuqa' k'o ri ralal ri samaj ri niqa' chuwij q'ij-q'ij, roma jantape' yich'obon pa kiwi' ri molaj qach'alal ri nikimol-ki' pa rubi' ri Dios xabakuchi.

Romanos 1:11

Yin janila ninrayij yibe chi'itz'etik, y ninwajo' ninya' pan iwi' ri urtisanik ri nuk'ulun yin rik'in ri Loq'olej Espíritu, richin chi más nikuquba' ik'u'x rik'in ri Dios.

Hechos 14:1

Ri Pablo y ri Bernabé xe'apon k'a ri pa tinamit Iconio. Rije' xe'apon k'a pa jay ri kan richin wi chi nikimol-ki' ri judío richin nikak'axaj ruch'abel ri Dios. Y ri ruch'abel ri Dios ri xkibij rije' chike ri winaqi', kan xuben k'a chike chi janila e k'iy ri xkikuquba' kik'u'x rik'in ri Jesucristo. Ek'o k'a judío y ek'o k'a chuqa' ri man e judío ta ri xeniman.

Ex 4:18

Xeri' ri Moisés xtzolin pa rachoch ri Jetro, ri rujinan, y xubij chire: Yin nik'atzin richin yitzolin pan Egipto, richin yenbentz'eta' ri nuwinaq. Ninwajo' ninwetamaj wi kan k'a e k'es na o xa e maneq chik, xcha'. Y ri Jetro xubij k'a chire: Kabiyin k'a rik'in uxlanen, xcha'.

2 Timoteo 1:4

Kan noqaqa k'a chinuk'u'x ri awoq'ej, roma ri' janila ninwajo' yinapon chik jun bey awik'in, richin keri' nikikot chik jun bey ri wánima.

1 Tesalonicenses 3:6

Jak'a re wakami xtzolej yan pe ri Timoteo. Y rija' xorubij chiqe chi kan ikuquban ik'u'x rik'in ri Jesucristo, janila yixajowan, chuqa' k'a yojoqaqa na chi'ik'u'x, y man xaxe ta roj ri yojajowan yixqatz'et, xa kan ja chuqa' ri' ri irayibel rix.

Hechos 14:21

Ri chiri' pa Derbe xkitzijoj k'a ri ch'abel richin kolotajik. Janila k'a e k'iy winaqi' ri xkitzeqelibej ri Jesús. K'ari' ri ka'i' e taqon roma ri Cristo xetzolin. Y xebeq'ax chik k'a pe ri pa Listra, ri pan Iconio y ri pan Antioquía richin Pisidia.

Hechos 7:23

Jak'a toq ri Moisés rutz'aqatisan chik kawineq rujuna', xbe chikitz'etik ri ruwinaq judío.

San Mateo 25:43

Roma yin xk'atzin akuchi ta xik'oje-wi, y man xiya' ta chuwe. Toq man xk'oje' ta nutziaq chuwij, man xinikuch ta. Toq xiqaqa pa ruq'a' yabil, rix man k'a xinibetz'eta' ta. Toq xik'oje' pa cárcel, man xixapon ta chinuq'ejeloxik, xkixcha' chike.

San Mateo 25:36

Toq maneq nutziaq chuwij, rix xinikuch. Toq yin xiqaqa pa ruq'a' yabil, xixapon k'a chinutz'etik. Toq xitz'ape' pa cárcel, xixapon k'a chinuq'ejeloxik, xkicha' chike ri choj kik'aslen.

Wuj Richin ri Jeremías 23:2

Kere' k'a ninbij yin Jehová ri i-Dios, pan iwi' rix yuq'unela' ri ixk'o pa ruwi' ri nutinamit: Rix kan k'o chi ximol ta juba' kichi' ri nukarne'l y xe'ik'uxla'aj ta juba'. Jak'a xaxe xe'inim kan. Y roma ri' xtinya' rutojbalil-mak pan iwi'.

Filipenses 1:27

Wakami k'a, ruk'amon chi rix tik'uaj jun k'aslen utz achi'el nubij ri ruch'abel ri Cristo. Wi xkinapon chik iwik'in, kan keri' ta ri ik'aslen xtinbenwila', y wi man xkinapon ta, xtinwak'axaj ta k'a chiwij, chi kan kuqul ik'u'x rik'in ri Cristo, chi xa jun ta iwech ibanon, y kan ta ito'on-iwi' richin itzeqeliben ri utzilej ch'abel richin kolotajik.

Hechos 13:12

Toq ri Sergio Paulo rutz'eton chik qa ri xbanatej, janila xumey ri xuk'ut ri Bernabé y ri Pablo chikiwech. Roma ri' xukuquba' ruk'u'x rik'in ri Jesucristo.

Ester 2:11

Y ronojel k'a q'ij ri Mardoqueo niq'axlan-el keri' chuwech-apo ri ruwa-jay chire ri kachoch ri xtani', richin nretamaj achike rubanon ri Ester, wi utz beneq o ni.