Hechos 15:2 - Kaqchiquel Bible

² Ri Pablo y ri Bernabé kan janila xkich'ojij chike. Roma ri', ri qach'alal ri ek'o chiri' xekicha' k'a el ri Pablo y ri Bernabé y chuqa' ch'aqa' chik qach'alal, richin yebe k'a pa Jerusalem kik'in ri e taqon roma ri Cristo ri ek'o chiri' y kik'in ri uk'uey kichin ri qach'alal, richin xebech'on pa ruwi' re'.

နောက်ထပ်ဗားရှင်းများ

Kaqchikel Santo Domingo (Xenacoj)

² Riꞌ xubꞌen chi ri Pablo y ri Bernabé ndikichuquchaꞌ kiꞌ chi tzij kikꞌin rejeꞌ, y hasta xmeqꞌeꞌ qa chake ri ndikibꞌilaꞌ. Y roma keriꞌ xbꞌanatej, ri hermanos pa tinamit Antioquía xekichaꞌ ri Pablo y ri Bernabé y jujun chik hermanos chin xekiteq e pa tinamit Jerusalén apeꞌ ekꞌo ri apóstoles y ri eꞌukꞌuey bꞌey chikiwech ri hermanos, chin ndikikanoj rubꞌeyal nojel reꞌ.

Kaqchikel Santa Maria de Jesus

² Y ri Pablo y ri Bernabé xquitzꞌom-quiꞌ chi tzij quiqꞌuin ri ncaꞌeꞌn quireꞌ. Rumareꞌ, ri hermanos ri icꞌo chireꞌ xaꞌquichaꞌ ri Pablo y ri Bernabé y nicꞌaj chic chi ncaꞌa pa tanamet Jerusalén quiqꞌuin ri apóstoles y ri ancianos, chi ncaꞌtzijuon chirij ri asunto reꞌ.

Kaqchikel Central Guatemala

² Y ri Pablo y ri Bernabé can janíla vi xquich'ojij chique ri yebin queri'. Roma c'a ri', ri kach'alal ri ec'o chiri' xequicha' c'a el ri Pablo y ri Bernabé y chuka' ch'aka' chic kach'alal, richin yebe c'a pa tinamit Jerusalem quiq'uin ri apóstoles ec'o chiri' y ri uc'uey quichin ri kach'alal, richin nichojmirisex-pe, vi niban o man niban ta ri circuncisión chique ri kach'alal achi'a' man e israelitas ta.

Re C'ac'a Testamento pa Kach'abal

² Y re Pablo y re Bernabé camas xquich'ojij chique re ye'bin quire'. Mare' re hermanos re jec'o chire' xe'quicha-a re Pablo y re Bernabé y chuka' nic'aj chic hermanos, chin ye'ba pa tenemit Jerusalén quiq'uin re apóstoles jec'o chire' y re ye'c'uan quichin re hermanos re niquimol-qui' pa rube' re Dios, chin niban rubiyal, vo xa niban o man niban-ta re circuncisión chique re hermanos re man je israelitas-ta.

Kaqchikel Western Solola

² Ri Pablo y ri Bernabé sibilaj xech'ojin qui' quiq'ui ri yebin queri'. Rumac'ari', ri kach'alal ri yec'o chiri' xequicha' c'a el ri Pablo y ri Bernabé y chuka' nic'aj chic kach'alal, riche (rixin) chi yebe c'a pa tinamit Jerusalem quiq'ui ri apóstoles ri yec'o chiri' y ri ancianos riche (rixin) ri iglesia, riche (rixin) chi nichojmirisex pe, wi niban o ma niban ta ri circuncisión chique ri kach'alal achi'a' ri ma ye israelitas ta.

Hechos 15:2 ပူးပေါင်းရင်းမြစ်များ

Gálatas 2:5

Jak'a roj ni xa ta juba' xubij qánima chi xeqanimaj ta; richin keri' ri qitzij rubanikil ri utzilej ch'abel richin kolotajik, jari' ta ri nik'oje' iwik'in.

2 Corintios 11:5

Rix nibij chi kan ek'o ri e nima'q taq rusamajela' ri Dios chi'ikojol. Jak'a yin man más ta in ko'ol chikiwech rije'.

Hechos 15:4

Toq xe'apon pa Jerusalem ri e taqon-el, kan xek'ul-wi k'a koma ri molaj qach'alal e aj chiri', koma ri achi'a' uk'uey kichin ri qach'alal y koma chuqa' ri e taqon roma ri Cristo ri kan chiri' ek'o-wi. Ri Pablo y ri Bernabé xkichop k'a rutzijoxik chike ronojel ri rubanon ri Dios kik'in.

Hechos 11:30

Kan ja k'a ri Bernabé y ri Saulo ri xekiteq-el richin ja rije' ri xe'uk'uan-el ri janipe' xmolotej-el richin yekito' ri qach'alal nikitej wayjal. Y janipe' k'a ri kik'uan-el ri Bernabé y ri Saulo, xkijech k'a pa kiq'a' ri achi'a' uk'uey kichin ri qach'alal aj pa Judea.

Judas 1:3

Wach'alal ri yalan yixinwajo', yin kan janila k'a wajowan chi nutz'iban ta el jun wuj chiwe, pa ruwi' ri qakolotajik. Jak'a wakami ninna' chi k'atzinel ninbij chiwe chi rik'in ronojel iwánima tiwojqaj ri utz taq tijonik ri xeqak'ul toq xqanimaj ri Jesucristo, tijonik ri man nijalatej ta, ri xjach chike ri e ralk'ual ri Dios.

1 Corintios 1:1

Yin Pablo, xinoyox k'a richin xinok jun taqon roma ri Cristo Jesús, roma keri' ri rurayibel ri Dios. Yin wachibilan ri qach'alal Sóstenes,

Hechos 21:18

Y pa ruka'n q'ij xqachibilaj k'a el ri Pablo richin xbeqatz'eta' kan ri Jacob o. Toq xojapon rik'in, konojel ri achi'a' ri e uk'uey kichin qach'alal, kimolon k'a chuqa' ki' ri chiri'.

Hechos 16:4

Y ri tinamit ri yeq'ax-wi ri Pablo y ri e rachibilan-el, nikibila' k'a kan chike ri qach'alal ri aj chiri', chi kan tikibana' k'a ri nikichilabej ri e taqon roma ri Cristo y ri uk'uey kichin ri qach'alal ri ek'o pa Jerusalem.

Hechos 15:27

Roj jak'a ri qach'alal Judas y ri Silas ri yeqateq-el richin xkebech'on iwik'in, y xtikisol rij ri tzij qatz'iban chuqa' el chiwe.

Hechos 15:25

Roma ri' toq roj xqach'ob k'a chi utz yeqacha-el e ka'i' qach'alal richin chi yeqateq-el chi'itz'etik. Y re e ka'i' re' yekachibilaj el ri Bernabé y ri Pablo ri kan janila yeqajo'.

Hechos 11:12

Y ri Loq'olej Espíritu kan xubij k'a chuwe chi man tinpoqonaj yibe kik'in. Chuqa' xenwachibilaj-el e waqi' qach'alal. Rije' jare' ek'o wawe' chiwech rix. Xojapon na wi ri pa rachoch ri Cornelio ri xtaqo woyoxik.

Hechos 10:23

Ri Pedro xerukusaj-apo pa jay ri achi'a' ri', richin yek'oje' na el ri jun aq'a' chiri'. Y ri pa ruka'n q'ij, ri Pedro kan xbe na wi kik'in k'a pa Cesarea. Ek'o k'a qach'alal ri aj chiri' pa Jope xetzeqe-el chirij ri Pedro.

1 Sam 8:7

Y ri Jehová xubij k'a chire: Tanimaj kitzij ri tinamit rik'in ronojel ri nikibij chawe, roma man ja ta rat ri yatkimalij kan, xa ja yin ri yinkimalij kan richin man ninq'et ta chik tzij pa kiwi'.

Ex 18:23

Wi rat kere' xtaben y jare' ri niqa' chuwech ri Dios, rat kan xkatikir k'a xtaben chi utzil ri samaj y ri winaqi' kan rik'in k'a uxlanibel-k'u'x xketzolin pa taq kachoch, xcha' ri Jetro.