Hechos 14:17 - Kaqchiquel Bible

¹⁷ jak'a kan ruq'alajirisan-wi k'a ri' chikiwech, rik'in ri nuya-pe job ri chikaj, nuya-pe tiko'n, y kan nuya' k'a pe ronojel richin nitij, richin keri' nikikot ri kánima. Kan ruya'on-wi-pe rutzil pa qawi' qonojel, xecha' ri Pablo y ri Bernabé.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Pero rijaꞌ ruqꞌalajrisan pe riꞌ chi kin utz runoꞌoj pa kiwiꞌ konojel, porque ja rijaꞌ ndibꞌanun chi ndiqaqa pe ri qatataꞌ, chi ndiwachin ri tikoꞌ, chi kꞌo ndikꞌux y chi ndikikot iwánima chuqaꞌ, xechajeꞌ.

Kaqchikel Santa Maria de Jesus

¹⁷ pero jajaꞌ can rucꞌutun-pa-riꞌ chiquivach chi otz ruma nuya-pa ri jobꞌ ri chicaj, nuya-pa ri ticoꞌn, y nuya-pa nojiel ri nitij, chi quireꞌ niquicuot ri cánima. Can ruyoꞌn-ve-pa ri ru-favor pa kaveꞌ konojiel, xaꞌchaꞌ.

Kaqchikel Central Guatemala

¹⁷ Pero can ruk'alajirisan-vi c'a ri' chiquivech riq'uin ri nuya-pe job ri chicaj, nuya-pe tico'n. Y can nuya' c'a pe ronojel richin nitij, richin queri' niquicot ri cánima. Can ruyo'on-vi-pe rutzil pa kavi' konojel, xecha'.

Re C'ac'a Testamento pa Kach'abal

¹⁷ Pero can nuc'utula-va-ri' chiquivach roma nuya-pa job, nuya' quitico'n Y can nuya-pa ronojel chin niquitaj, chin quire' niqui'cot re cánma. Can ruyi'on-va-pa bendición pa kave' konojel, xe'cha'.

Kaqchikel Western Solola

¹⁷ pero ri Dios can ruk'alajsan wi c'a ri' chiquiwech riye' y chkawech konojel ri yoj winek, ruma can nuya' wi pe job pa kawi' y nuben chare ri tico'n chi nuya' utzilaj cosecha. Y can nuya' c'a pe ronojel ri nikatij, riche (rixin) chi queri' niquicot ri kánima. Can ruya'on wi pe rutzil pa kawi' konojel, xecha' chique.

Hechos 14:17 ပူးပေါင်းရင်းမြစ်များ

Joel 2:23

Roma ri' kixkikot chuqa' rix winaqi' aj-Sión; kan kixkikot y kan kixnimaq'ijun chuwech ri Jehová ri qa-Dios, roma kan pa ruq'ijul xuya-pe ri nabey taq job. Chuqa' rija' kan xtuya-pe ri job pa ruk'isibel. Rija' kan jantape' xtuya-pe ri job achi'el rubanon-pe.

Wuj Richin ri Achin Job 5:10

Ja rija' ri niya'on-pe ri job pa ruwi' ri ruwach'ulew. Nuteq k'a pe ri ya' pa ruwi' ri ulew ri yetikonej chuwech.

Deut 11:14

rija' kan xtuya-pe ri job pa ruq'ijul pa ruwi' ri ruwach'ulew. Keri' chuqa' xtuya-pe ri saq'ij richin keri' xtik'ol ri jalajoj ruwech ixin, ri vino y ri aceite richin olivo.

Wuj Richin ri Isaías 5:6

Y xtinben chi kan man jun chik xtik'oje' kan. Man chik k'a xkenjol ta ri ruq'a', ni man xtiban ta chik makoj chupan. Kan xtik'iy k'a pe q'ayis y k'ix chupan. Y chuqa' kan xkich'on rik'in ri sutz' chi man chik xtuteq-pe job, xcha'.

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.

Ez 34:26

Yin kan xkenya' chunaqaj ri nujuyu' Sión y xtinya' urtisanik pa kiwi'. Xtinteq-pe ri job pa ruq'ijul y keri' chuqa' ri urtisanik.

Wuj Richin ri Jeremías 5:24

Kan man xibij ta qa: Tiqaya' ruq'ij ri Jehová ri qa-Dios, roma kan pa ruq'ijul nuya-pe ri nabey y ri ruk'isibel taq job y kan ruya'on k'a pe jun q'ij richin niqak'ol ruwech ri tiko'n, man yixcha' ta qa.

Wuj Richin Bix Chire ri Dios 145:9

Rat Jehová kan janila k'a at jebel kik'in konojel. Ri ajoyowanik kan aya'on k'a pa ruwi' ronojel ri abanon.

Deut 28:12

Kan xtuya' k'a ri beyomel chiwe y ri kaj kan xtijaqatej richin xtiqaqa-pe job pa ruq'ijul. Y ronojel ri isamaj kan utz xtuben chiwech. Y ri ch'aqa' chik ruwach'ulew xkeqajon iwik'in, jak'a rix kan man jun ri xtik'utuj ta pa qajik chike rije'.

Wuj Richin ri Chojmirisabelri'il 26:4

yin xtinteq k'a pe job pa ruq'ijul, y ri itiko'n y ri che' kan janila xkewachin.

San Lucas 6:35

Jak'a rix xa ke'iwajo' ri winaqi' ri ye'etzelan iwichin. Kan utz tibana' kik'in. Y toq rix k'o niya' pa qajik, man k'a tiwoyobej ri qajibel richin. Richin keri' nim ri rajel-ruk'exel ri xtik'ul, y xtiq'alajin k'a chi kan ix ralk'ual chik ri nimalej Dios ri k'o chila' chikaj. Roma rija' janila utz kik'in ri winaqi' ri janila e itzel, y ri man jun bey yematioxin.

Wuj Richin ri Jeremías 14:22

¿K'o kami jun chike ri wachibel ri xa man qitzij dios ta, ri nitikir ta nuya-pe job? ¿Ja kami ri kaj ri niya'on-pe ri job? ¡Ni, Jehová ri qa-Dios roj! Xaxe rat ri yaya'on-pe ri job, ja rat ri yabanon re ronojel re'. Roma ri' ronojel niqoyobej awik'in rat, xicha' chire.

Wuj Richin Bix Chire ri Dios 52:1

Rat ri nim aq'ij banon chawe, ¿achike roma nanimirisaj-awi' rik'in ri itzel taq abanobal? Ri rujoyowanik ri Dios pa kiwi' ri ralk'ual, kan richin jantape'.

Wuj Richin ri Achin Job 37:6

Roma xaxe rija' ri nitikir nibin chire ri pimilej-tew chi tiqaqa pa ruwi' ri ruwach'ulew, xaxe rija' ri nitikir nibanon chi niqaqa choj job y ri kamik-job.

Wuj Richin ri Nehemías 9:25

Y rije' xekich'ek chuqa' ri tinamit ri e sutin-kij chi tz'aq y ulew richin tiko'n. Chuqa' xok kan kichin ri kachoch ri winaqi' aj chiri', jay e nojineq rik'in beyomel. Chuqa' xok kan kichin ri ralaxbel taq ya', utzilej taq qejoj ri tikon uva y che' olivo, chuwech y ronojel che' ri nuya' ruwech. Xkitej k'a ronojel ri' y janila k'a xeti'ojir. Y xekikot k'a roma ri awutzil rat.

1 Rey 18:1

Toq q'axineq chik k'a ri q'ij, chupan ri rox juna', ri Jehová xch'on chik rik'in ri Elías y xubij chire: Kabiyin y tabek'utu-awi' chuwech ri Acab, y yin kan xtinben chi xtipe job chuwech re ruwach'ulew, xcha'.

San Mateo 5:45

Richin keri' kan niq'alajin-wi chi rix ix ralk'ual ri aj-chikajil qatata'. Roma rija' kan utz wi k'a pa qawi' qonojel. Kan k'a chila' chikaj nuben-pe chi k'o ri rusaqil ri q'ij pa kiwi' ri winaqi' e utz y pa kiwi' ri winaqi' e itzel; kan k'a chila' k'a chuqa' nuben-pe chi k'o job pa kiwi' ri winaqi' e choj y ri man e choj ta.

Wuj Richin ri Isaías 22:13

Jak'a rix xa yixnimaq'ijun, xe'ikamisaj wákix y karne'l richin jebel nitej. Jebel yixqumu vino y nibij: Qojwa-qojuk'ya' roma ri chua'q xa xqojken, yixcha'.

Wuj Richin ri Achin Job 36:31

Ri Dios rik'in ri nuteq-pe janila chi job, nuq'et-tzij pa kiwi' ri winaqi', y rik'in chuqa' ri job yerutzuq ri winaqi' ri'.

Wuj Richin Bix Chire ri Dios 4:7

Rat nu-Dios, nim kikoten ri aya'on pa wánima. Kan ik'owineq chikiwech ri winaqi' ri k'o pa ruk'iyal ri trigo y vino kik'in.

Wuj Richin ri Isaías 40:21

¿Man iwetaman ta k'a achike xtz'ukun ri ruwach'ulew? ¿Man iwak'axan ta kami rix? ¿Man tzijon ta chiwe ri rutikeribel? ¿Kan man q'axineq ta k'a chiwech achike xtz'ukun-q'anej?

Hechos 14:18

Stape' ri Pablo y ri Bernabé xkibij chike, kan k'arunaj xetikir xkiben chike ri winaqi' chi man xekikamisaj ta ri wákix richin nikiya' kiq'ij rije'.

Hechos 17:26

Chuqa' kan rubanon chiqe qonojel ri ojk'o chuwech re ruwach'ulew chi xa rik'in jun wineq oj peteneq-wi. Rija' ojer ri' rubin kan ri akuchi ojk'o-wi, y janipe' juna' yojk'ase'.