Hechos 14:11 - Kaqchiquel Bible

¹¹ Toq ri winaqi' xkitz'et ri xuben ri Pablo, kan rik'in k'a kuchuq'a' xech'on pa kich'abel y xkibij: Re achi'a' re yeqatz'et, kan ja ri e qa-dios ri e qajineq-pe chiqakojol wakami, xecha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Atoq ri santienta wineq xkitzꞌet ri xubꞌen ri Pablo, ngesikꞌiyaj pa kichꞌabꞌel Licaónica y ndikibꞌij: ¡Ekaꞌiꞌ dioses achel teq achiꞌaꞌ ri xetuqaqa qa chiqakajal! ngechajeꞌ.

Kaqchikel Santa Maria de Jesus

¹¹ Antok ri vinak xquitzꞌat ri xuꞌon ri Pablo, xaꞌchꞌoꞌ pa Licaónica, ri quichꞌabꞌal. Y riqꞌuin quichukꞌaꞌ xquiꞌej: Ri ncaꞌkatzꞌat, can ika-dios ri i-kajnak-pa chikacajol ri quibꞌanun-pa i-incheꞌl achiꞌaꞌ.

Kaqchikel Central Guatemala

¹¹ Tok ri vinek xquitz'et ri xuben ri Pablo, ri vinek xech'on c'a pa Licaónica, ri quich'abel rije'. Y can riq'uin c'a cuchuk'a' xquibila' ri pa quich'abel: Re achi'a' re yekatz'et, can ja ri e ka-dios ri e kajinek-pe chikacojol vacami.

Re C'ac'a Testamento pa Kach'abal

¹¹ Tak re vinak aj-Listra xquitz'at re xuban re Pablo, cof xe'ch'o re pa quich'abal-ka reje' re nibex Licaónica cha. Y ja quire' re niquibila': Re achi'a' re ye'katz'at, can ja re je ka-dios re je'kejnak-pa chakacojol vocame.

Kaqchikel Western Solola

¹¹ Tek ri winek xquitz'et ri xuben ri Pablo, ri winek xech'o c'a pa licaónica, ri quich'abel riye'. Y can riq'ui c'a quichuk'a' xquibila' pa quich'abel: Re yekatz'et wacami xa can ye ri ka-dios ri ye kajnek pe chkacojol, quibanon pe ye achi'el achi'a'.

Hechos 14:11 ပူးပေါင်းရင်းမြစ်များ

Hechos 28:6

Jak'a konojel ri winaqi' kitzuliben-kitzuliben-apo ri Pablo, koyoben k'a jampe' xtibesipoj-pe o xtiken-qa. Toq xkoyobej y nikitz'et chi xa man jun rubanon, man chik k'a xkibij ta chi ri Pablo jun kamisanel achin, xa xkibij k'a chi rija' jun dios.

Hechos 8:10

Kan konojel k'a winaqi' yeniman rutzij rija', chi ch'uti'q chi nima'q. Y nikibila' k'a chi ja rija' ri rubini'an ri Nimalej Ruchuq'a' ri Dios.

Hechos 12:22

Toq ri winaqi' xkak'axaj ri ruch'abel, kan rik'in k'a ronojel kuchuq'a' yech'on-apo, y nikibij: ¡La nich'on-pe chiqawech kan niq'alajin chi xa man jun achin ta, rija' kan jun dios wi!, yecha' k'a apo.

Ez 3:5

Yin man yatinteq ta el chupan jun tinamit ri akuchi ri winaqi' yech'on jun chik ch'abel, ri k'ayew richin niq'ax chikiwech. Yin xa yatinteq-el chikikojolil ri awinaq israelita.

Hechos 14:6

Jari' toq rije' xa xkinabej chi ch'obon itzel chikij. Roma ri' rije' xkewala-el-ki' richin xebe k'a pa Listra y k'a pa Derbe, tinamit ri ek'o pa ruwach'ulew Licaonia. Chuqa' xebe pa ch'aqa' chik tinamit ri ek'o-pe chikinaqaj ri ka'i' chik tinamit ri'.

Hechos 14:12

Nikibila' k'a chi ri Bernabé jari' ri ki-dios rubini'an Júpiter,*f31* y ri Pablo jari' ri ki-dios rubini'an Mercurio, roma ja rija' ri uk'uayon ri ch'abel.