Hechos 13:6 - Kaqchiquel Bible

⁶ Toq ri Bernabé, ri Saulo y ri Juan e q'axineq chik el chupan ri ruwach'ulew ri', xe'apon k'a ri juk'an chik ruchi'. Xe'apon ri pa tinamit Pafos. Chupan ri tinamit ri' k'o k'a jun achin judío rubini'an Barjesús, jun achin aj-itz, ri nubananej chi kan nuq'alajirisaj k'a ri ruch'abel ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Xeꞌeqꞌax chupan nojel ri rochꞌulew Chipre, y xebꞌeqaqa pa jun tinamit rubꞌiniꞌan Pafos ri kꞌo jukꞌan apu ruchiꞌ ri rochꞌulew riꞌ. Chiriꞌ xbꞌekilaꞌ jun israelita rubꞌiniꞌan Barjesús. Ri achi riꞌ jun bꞌanuy magia, y ruqꞌabꞌan riꞌ chi rijaꞌ jun rusamajel ri Dios ri nduqꞌalajrisaj ri ndubꞌij pe ri Dios pa ránima.

Kaqchikel Santa Maria de Jesus

⁶ Ri Chipre jun isla. Rumareꞌ, antok ri Bernabé, ri Saulo y ri Juan xaꞌkꞌax chupan ri lugar reꞌ, xaꞌbꞌaka cꞌa jucꞌan chic ruchiꞌ ri isla chupan ri tanamet Pafos. Y xquil jun ache israelita rubꞌinan Barjesús, jun aj-itz. Ri ache reꞌ jun falso profeta.

Kaqchikel Central Guatemala

⁶ Ri Chipre jun c'a ruvach'ulef ri pa ya' c'o-vi. Romari', tok ri Bernabé, ri Saulo y ri Juan e k'axinek chic el chupan ri ruvach'ulef ri', xe'apon c'a ri juc'an chic ruchi'. Xe'apon ri pa tinamit rubini'an Pafos. Y chupan ri tinamit ri' c'o c'a jun achin israelita rubini'an Barjesús, jun achin aj-itz, y jun chuka' tz'ucuy-tzij, roma rija' nubij chi can nuk'alajirisaj c'a ri nibix chire roma ri Dios.

Re C'ac'a Testamento pa Kach'abal

⁶ Re Chipre jun isla roma pa mar c'o-va. Mare' tak re Bernabé, re Saulo y re Juan je'k'axnak chic-a chupan re lugar re', xe'bapon c'a juc'an chic-apo ruchi'. Xe'bapon pa tenemit rubini'an Pafos. Chupan re tenemit re' c'o jun ache israelita rubini'an Barjesús, re jun ache re' aj-itz, y chuka' camas nitz'ucu tzij, roma reja' nubij che can nutzijoj re nibex cha roma re Dios.

Kaqchikel Western Solola

⁶ Ri Chipre jun c'a ti ruwach'ulef ri pa ya' c'o wi. Rumari', tek ri Bernabé, ri Saulo y ri Juan xe'apon ri juc'an chic ruchi' ri ti ruwach'ulef ri', xe'apon c'a ri pa tinamit Pafos. Y chupan ri tinamit ri' c'o c'a jun achi israelita ri Barjesús rubi', y nibix chuka' Elimas chare, jun achi aj itz, ri rupo'on anej ri' chi jun profeta.

Hechos 13:6 ပူးပေါင်းရင်းမြစ်များ

1 Rey 22:22

Y ri espíritu ri' xubij: Yin xkibe y xkinok jun espíritu richin tz'ukuj-tzij, y xtinben chike ri achi'a' ri e q'alajirisanela' richin xtikitz'uk-tzij. Y ri Jehová xubij chire chi tibe y tiberubana' roma kan nitikir nuben chire ri Acab chi nibe y niken kan.

1 Crón 10:13

Ri Saúl xken roma man xuben ta ri ruk'amon chi nuben chuwech ri Dios. Y man xaxe ta k'ari', xmakun chuqa' roma xa xberuk'ulubej jun ixoq ri nubananej chi retaman ri peteneq chikiwech-apo,

Ex 22:18

Kan man tiya' q'ij chi jun ixoq aj-itz nik'ase'.

Wuj Richin ri Chojmirisabelri'il 20:6

Wi k'o ta jun wineq ri xtibe rik'in ri yeruk'ulubej ri kaminaqi' y kik'in ri nikibananej chi ketaman ri peteneq chiqawech-apo y kan yerutzeqelibej, yin kan xkiyakatej chirij ri wineq ri' y kan xtinwelesaj ri ruk'aslen.

Wuj Richin ri Zacarías 13:3

Y wi k'a k'o ta na jun ri nuben keri', ri rute-rutata' xtikibij chire chi rija' ruk'amon richin niken, roma nubij tz'ukun taq tzij pa nubi' yin. Y toq nich'on, ri rute-rutata' kan xtikichuq'ij pa rupan.

San Mateo 16:17

K'ari' ri Jesús xubij: Utz ruwa-aq'ij rat Simón Pedro ruk'ajol ri Jonás. Ri xabij, man wineq ta k'a ri xq'alajirisan chawech, xa kan jak'a ri nata' Dios ri k'o chila' chikaj.

San Mateo 24:24

Roma kan ek'o k'a ri xkebek'ulun-pe y xtikibila' k'a chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

San Mateo 7:15

Kan nik'atzin k'a chi nichajij-iwi' chikiwech ri man e qitzij ta q'alajirisanela'. Roma toq k'ari' ye'apon iwik'in, ri k'aslen ri nikik'ut, kan janila jebel, achi'el kibanik ri taq karne'l. Jak'a toq nikik'ut-pe ri etzelal ri k'o pa taq kánima, xa kan e achi'el chik ri itzel taq utiwa'.

Marcos 10:46

K'ari' ri Jesús y ri rutijoxela' xe'apon pa tinamit Jericó. Y janila k'a e k'iy winaqi' ri e beneq kik'in. Y toq xeq'ax yan el chiri', chuchi' bey k'o k'a jun moy rubini'an Bartimeo, y re' nel chi tzij ruk'ajol ri Timeo. Rija' tz'uyul chiri', nuk'utula' kan ruméro chike ri winaqi' ri yeq'ax keri'.

Hechos 13:13

Ri Pablo y ri rachibil xkiya' k'a kan ri tinamit Pafos. Xkik'owisaj-apo ri ya' richin xebe pa tinamit Perge ri k'o pa ruwach'ulew Panfilia. Jak'a ri Juan Marcos xerumalij kan ri rachibil y xtzolin pa Jerusalem.

Hechos 13:8

Rija' nibix chuqa' Elimas chire pa ch'abel griego. Jak'a rija' man k'a xrajo' ta chi ri Sergio Paulo nunimaj ta ri Jesucristo. Roma ri' xyakatej chikij.

2 Corintios 11:13

Roma rije' kan nikibananej chi e qitzij e taqon roma ri Cristo, jak'a xa e q'olonela'.

2 Timoteo 3:8

Rije' xa kitzeqelben ri itzel kibanobal ri ka'i' aj-itza' ri xek'oje' ojer ri xkibini'aj Janes y Jambrés, ri xkipaba-ki' chuwech ri Moisés, kan keri' chuqa' nikiben ri achi'a' ri' wakami ri nikipaba-ki' chuwech ri qitzij. Xa yojtajineq chik ri kich'obonik roma ri etzelal, nikibij chi kiniman chik ri Dios, y xa man qitzij ta.

1 Juan 4:1

Wach'alal ri yalan yixinwajo', man tinimaj ri nubij jun wineq xaxe roma ri nubij chi rik'in ri Loq'olej Espíritu peteneq-wi. Rix xa kan nik'atzin chi nich'ob rij jebel richin niwetamaj, roma e k'iy winaqi' chuwech re ruwach'ulew ri yebin chi ja ri ruch'abel ri Dios ri nikitzijoj, y xa man qitzij ta.

Apocalipsis 19:20

Jak'a ri keq rij chikop xchap el, rachibilan ri jun achin ri nibin chi q'alajirisey ruch'abel ri Dios y xa man qitzij ta, ri xerubanala' meyel taq banobel chuwech ri chikop, ri rik'in ri' xeruq'ol ri winaqi' richin chi xkik'ul ri ketal nik'aj-kiwech o ri pa taq kiq'a', y kan kiya'on-pe ruq'ij ri ruwachibel ri chikop. K'ari' ri chikop y ri jun ri xeq'olon ri winaqi', kan e k'es xek'aq chupan ri q'aq' ri achi'el choy ri xolon rik'in chuwilej-abej ri nik'a'on.