Hechos 13:36 - Kaqchiquel Bible

³⁶ Jak'a ri David, toq xa kan ruk'ison chik k'a kan ri samaj ri ruya'on-pe ri Dios chire, xken, y xbemuq kan ri akuchi e muqul-wi ri e rati't-rumama'. Xa kan xq'ey-wi k'a ri'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁶ Kin qetzij wi chi ri David atoq xkꞌojeꞌ chochꞌulew, xerutoꞌ ri wineq achel xrajoꞌ ri Dios, pero xken y xmuq apeꞌ emuqul ri rute-rutataꞌ y kin xqꞌey wi qa ri ru-cuerpo.

Kaqchikel Santa Maria de Jesus

³⁶ Pero ri David, antok ruqꞌuisuon chic ri samaj ri ruyoꞌn-pa ri Dios cha, xcon, y xbꞌamuk ri pacheꞌ i-mukun-ve ri rateꞌt-rumamaꞌ, y can xkꞌay-ve ri ru-cuerpo.

Kaqchikel Central Guatemala

³⁶ Pero ri David, tok xa can ruq'uison chic c'a can ri samaj ri ruyo'on-pe ri Dios chire, xquen (xcom), y xbemuk can ri acuchi e mukul-vi ri e rati't-rumama'. Xa can xk'ey-vi c'a ri'.

Re C'ac'a Testamento pa Kach'abal

³⁶ Pero tak re David ruq'uison chic re samaj re ruyi'om-pa re Dios cha, xcom y xk'ay re ru-cuerpo.

Kaqchikel Western Solola

³⁶ Pero ri David, tek xa can ruq'uison chic ca rubanic ri samaj ri ya'on pe chare ruma ri Dios riche (rixin) chi nuben chiquicojol ri ruwinak, xcom, y xbemuk ca ri acuchi (achique) ye mukun wi ri ye rati't rumama'. Y xk'ey c'a.

Hechos 13:36 ပူးပေါင်းရင်းမြစ်များ

Hechos 2:29

Nuwinaq, rix iwetaman chi ri qamama', ri rey David, xken y xmuq. Y ri akuchi muqun-wi, kan k'a k'o na k'a re wakami.

1 Rey 2:10

Xken k'a ri David y xapon kik'in ri rute-rutata', y xmuq chupan ri rutinamit kan rija'.

Hechos 13:22

Toq ri Dios xrajo' chi ri Saúl xel chupan ri q'atbel-tzij, xuya' ri David richin chi xok rey. Ri Dios kan xubij k'a chirij ri rey David: Kan k'o-wi jun ri xtuben ri nurayibel y kan niqa' chinuwech. Yin kan nintz'et k'a chi ri xtibanon keri' ja ri David ri ruk'ajol ri Isaí. Keri' xubij ri Dios.

2 Sam 7:12

Y toq xkaken, yin xtinkusaj kan pan ak'exel jun chike ri ak'ajol. Y kan xtinjikiba' ri ruq'atbal-tzij rija'.

1 Crón 18:14

Ri David xq'aton k'a tzij chupan chijun ruwach'ulew Israel; kan choj y kan pa ruchojmilal ri xuben rik'in ri tinamit.

1 Corintios 15:18

Y wi ta keri', ri kaminaqi' ri xkikuquba-el kik'u'x rik'in ri Cristo, xa man xekolotej ta el.

1 Corintios 15:6

Chirij ri', xuk'ut-ri' chikiwech más e 500 qach'alal, toq kimolon-ki'. E k'iy k'a chike rije' ri k'a e k'es na y ek'o chiqakojol. Jak'a ek'o ri xa xeken yan el.

San Juan 11:39

Jari' k'a toq ri Jesús xubij: Tiwelesaj la abej tz'apebel ruchi' la jul, xcha'. Jak'a ri Marta, xubij chire ri Jesús: Wajaw, kan kaji' yan q'ij ri' ri qamuqun. Xa peteneq chik ruchuwirinen, xcha'.

Wuj Richin Bix Chire ri Dios 49:14

Rije' kan xtiban k'a chike achi'el ri karne'l ri ye'uk'uex-el pa kamik, ja ri kamik ri xtiyuqen kichin achi'el nuben jun yuq'unel, y ri choj kik'aslen kan xkebek'oje' pa kiwi' rije'. Ri jebelej kibanik kan eqal k'a nibek'is chupan ri jul muqbel kamineq.

Wuj Richin Bix Chire ri Dios 49:9

richin chi nik'ase' ta richin q'asen, y man jun bey napon ri ruch'akul chupan ri muqbel kamineq.

Wuj Richin ri Achin Job 21:26

Ri wineq beyom y ri meba', chi e ka'i' yebelie' chuxe' ulew, y kan xtinoj k'a kij chi jut, ri yetijo kichin.

Wuj Richin ri Achin Job 17:14

Yin, nata' k'a xtinbij chire ri jul ri akuchi xkibemuq-wi kan. Y chike ri jut ri xketijo wichin, kan xtinbij k'a nte' y wana' chike.

2 Crón 26:23

Toq xken ri Ozías, xa ja ri akuchi yemuq-wi ri ach'alalri'il kichin ri e rey xmuq-wi, roma k'o ri yabil ri' chirij. Y ri xk'oje' kan pa ruk'exel ja ri Jotam, ri ruk'ajol.

2 Crón 21:1

Ri Josafat xken y xmuq pa rutinamit kan ri rey David, y ja ri nabey ruk'ajol rubini'an Joram ri xq'aton kan tzij pa ruk'exel.

2 Crón 12:16

Y toq ri Roboam xken, xmuq chupan ri tinamit richin ri rey David y ja ri Abiam ri ruk'ajol ri xk'oje' kan pa ruk'exel.

2 Crón 9:31

Y toq xken, xmuq chupan ri rutinamit kan ri rey David ri rutata', y chirij rija' ja ri ruk'ajol rubini'an Roboam xk'oje' kan pa ruk'exel.

1 Crón 17:11

Y toq xtapon ri q'ij richin yaken, yin kan xtinjikiba' jun chike ri ak'ajol chupan ri q'atbel-tzij.

Wuj Richin ri Rutikeribel 3:19

Xkatz'oqpin na k'a chubanik ri asamaj richin xtach'ek ri achike ri xtik'atzin chawe, k'a toq xkatok chik jun bey ulew ri achoq ik'in xatinben-wi; roma kan at ulew-wi, y kan keri' xkatok chik jun bey, xcha'.

1 Tesalonicenses 4:13

Roj niqajo' chi rix niwetamaj ri achike xtiban chike ri qach'alal ri e kaminaqi' chik el, richin man yixbison, achi'el nikiben ri winaqi' ri man koyoben ta ri utzil ri k'o rik'in ri Jesucristo.

Hechos 20:27

Roma kan man jun ri xinwewaj, y man ta xinbij chiwe; xa kan ronojel ri ruch'obon ri Dios pa qawi' roj winaqi' xinbij chiwe.

Hechos 7:60

Jari' k'a toq rija' xxuke', y kan rik'in k'a ruchuq'a' xch'on y xubij: Wajaw, man k'a taben chike chi nikejqalej re nikiben chuwe, xcha'. Y kan xaxe k'a xubij kere', xken.

1 Crón 11:2

Y stape' toq ri Saúl k'a k'es na, kan ja rat ri xatuk'uan qichin roj ri oj aj-labal. Chuqa' ri Jehová ri qa-Dios kan rubin k'a chawe chi ja rat ri xkayuq'un richin ri rutinamit y xkatok rey pa qawi', xecha'.

1 Crón 29:28

Xken k'a ri rey David toq janila ri'j chik. K'iy k'a juna' xk'ase-el y kan k'o rubeyomel y kan janila xya'ox ruq'ij. Y ja ri Salomón ri ruk'ajol, jari' ri xk'oje' kan pa ruk'exel.

Hechos 8:1

Ri Saulo kan xqa' chuwech chi ri Esteban xkamisex. Ri chiri' pa Jerusalem, ja q'ij ri' toq xtikir kan chikij ri yeniman ri Jesús chi janila ye'etzelex, y niban chike chi nikitej poqon. Konojel ri molaj qach'alal xkichop xetalutej-el; jujun xebe pa taq ch'aqa' chik tinamit ri chiri' pa Judea, y ch'aqa' chik xebe k'a pa Samaria. Jak'a ri e taqon roma ri Cristo k'a xek'oje' na kan chiri' pa Jerusalem.

San Mateo 25:16

Y ri samajel ri xk'ulun kan wo'o' k'ojelibel rik'in q'anapueq, kan xuben na wi ri bin kan chire. Rija' kan xusamajij k'a ri q'anapueq ri' y xuch'ek chik k'a jun keri'.