Hechos 13:25 - Kaqchiquel Bible

²⁵ Jak'a toq ri Juan nik'achoj yan chire ri rusamaj, rija' xubij: ¿In achike k'a yin nich'ob rix? Roma man ja ta yin ri iwoyoben-apo rix. Jak'a rija' in rutzeqeliben chik pe yin. Yin man ruk'amon ta k'a ni richin ninsol ri ruximibal ruxajab rija', xubij ri Juan.

နောက်ထပ်ဗားရှင်းများ

Kaqchikel Santo Domingo (Xenacoj)

²⁵ Atoq ri Juan yaméra ndukꞌis ri samaj bꞌiꞌin pe chare roma ri Dios, xubꞌij: ¿Achike chi achi riyin ndinojij rix? Riyin, ma yin ta ri Jun taqon pe roma ri Dios chukolik ri rutinamit. Ri Jun riꞌ chuwij riyin nduqaqa, y nixta rukꞌulun chi ja ok riyin ngikiro rukꞌamal ri ruxajabꞌ. Keriꞌ xubꞌij ri Juan.

Kaqchikel Santa Maria de Jesus

²⁵ Y antok ri Juan ya nuqꞌuis ri samaj ri xyoꞌx cha ruma ri Dios, jajaꞌ xuꞌej: ¿In chica inreꞌ ntiꞌan pensar ixreꞌ? Ruma, man inreꞌ ta ri Cristo. Ruma ri Cristo majaꞌ tutzꞌom samaj chiꞌicajol. Jajaꞌ can cꞌo rukꞌij, rumareꞌ nixta nucꞌul chi inreꞌ niquir ri ximbꞌal-roch ri ruxajabꞌ, xchaꞌ ri Juan.

Kaqchikel Central Guatemala

²⁵ Jac'a tok ri Juan napon yan chuvech ri camic, rija' xubij: ¿Achique c'a yin, nich'ob rix? Roma man ja ta yin ri Cristo. Roma ri Cristo c'a man jani tuchop samaj chi'icojol, y can janíla ruk'ij. Y yin man ruc'amon ta c'a ni richin ninsol ri ruximbal ruxajab rija', xcha' c'a.

Re C'ac'a Testamento pa Kach'abal

²⁵ Jac'a tak re Juan niquimisas-yan, reja' xubij: ¿Yin anchique c'a yen ninojij yex? Roma mana-ta yen re Cristo. Roma re Cristo c'amaje-na tutz'am samaj chi'icojol, y reja' camas ruk'ij. Y mare' yen can man yin ruc'amon-ta chin che ninsol re ximibal-rach re ruxajab, xcha' re Juan Bautista.

Kaqchikel Western Solola

²⁵ Yac'a tek ri Juan xa napon yan chuwech ri camic, riya' xubij: ¿Yin achique c'a riyin, nich'ob riyix? Ruma ma yin ta riyin ri Cristo. Ruma ri Cristo c'a ma jane tuchop samaj chicojol, y can sibilaj nim ruk'ij. Y riyin ma yin ruc'amon ta (ma takal ta chuwij) chi nquir ri ruximbel ruxajab chraken Riya', xcha' c'a.

Hechos 13:25 ပူးပေါင်းရင်းမြစ်များ

San Mateo 3:11

Yin, xaxe k'a ya' ninqasaj pa kiwi' ri winaqi' toq nitzolej-pe kik'u'x rik'in ri Dios. Jak'a re chiqawech-apo xtipe jun ri xtuqasaj ri Loq'olej Espíritu rachibilan q'aq' pa kiwi' ri winaqi'. Ri' kan man achi'el ta ok yin. Roma yin kan man ruk'amon ta ni richin nink'uaj ri ruxajab. Ri jun ri' nim ruq'ij y nim ruchuq'a'.

Marcos 1:7

Rija' nuq'alajirisaj chi k'o jun ri xtipe ri más nim ruq'ij ke chuwech rija', y chi man ruk'amon ta richin niluke-qa richin nusol ri ruximibal ri ruxajab.

Hechos 20:24

Jak'a man ja ta ri' ri más ninch'ob rij, ni man ja ta chuqa' ri nuk'aslen ri ninch'ob más. Ri más k'a ninch'ob, ja ri samaj ri ruya'on ri ajaw Jesús chuwe, y rik'in ta k'a kikoten ri xtink'is rutzijoxik chike ri winaqi' ri utzilej ch'abel richin kolotajik, ri niq'alajirisan ri rutzil ri Dios.

Apocalipsis 11:7

Y toq kik'ison chik ruq'alajirisaxik ri ruch'abel ri Dios, ri itzel chikop ri nipe chupan ri itzel siwan q'equ'm rupan, nuben oyowal kik'in, xkeruch'ek y xkerukamisaj.

2 Timoteo 4:7

Yin kan xich'akon yan chirij ronojel, xink'is yan rubanik ri k'o chi ninben y kan jantape' nuchajin-pe ri nukuqubabel-k'u'x.

2 Corintios 4:5

Y roj kan niqaq'alajirisaj k'a chi ri Jesucristo jari' ri ajaw, y man ja ta roj. Roj xaxe k'a oj isamajela' rix; y re' kan roma k'a ri Jesús toq roj keri' niqaben iwik'in.

Hechos 19:4

Ri Pablo xubij chike: Ri xuben ri Juan, retal chi ri winaqi' xtzolin-pe kik'u'x rik'in ri Dios. Jak'a xubij k'a chuqa' chi k'o jun chik ri xtipe chirij rija', y jari' ri tikikuquba' kik'u'x rik'in. Y ri' ja ri Jesús, roma ja rija' ri Cristo, xcha' ri Pablo.

Hechos 13:36

Jak'a ri David, toq xa kan ruk'ison chik k'a kan ri samaj ri ruya'on-pe ri Dios chire, xken, y xbemuq kan ri akuchi e muqul-wi ri e rati't-rumama'. Xa kan xq'ey-wi k'a ri'.

San Juan 7:18

Wi yin ninwajo' ta chi ri winaqi' nikiya' nuq'ij, nuyon ta yin ninq'alajirisaj-wi'. Jak'a yin ninwajo' chi rix niya' ta ruq'ij-ruk'ojlen ri Dios ri taqayon-pe wichin. Y roma ri' niq'alajin chi yin kan ja ri qitzij ninben y man jun bey ninben ri man utz ta.

San Juan 4:34

K'ari' ri Jesús xubij chike: Ri nuway yin ja ri ninben ri rurayibel ri taqayon-pe wichin y nink'is kan rubanik ronojel ri rusamaj ri ruchilaben-pe chuwe.

San Juan 1:36

Jari' k'a toq rija' xutz'et chi ri Jesús niq'ax-el ri keri'. Rija' xubij k'a: Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel, xcha'.

San Juan 1:34

Wakami kan xintz'et yan k'a. Y roma ri' ninq'alajirisaj chi ja rija' ri ruk'ajol ri Dios, xcha' ri Juan.

San Juan 1:29

Pa ruka'n q'ij, ri Juan xutz'et chi choj peteneq ri Jesús k'a rik'in rija', y jari' toq xubij chike ri winaqi' ri ek'o chiri': Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel.