Hechos 13:20 - Kaqchiquel Bible

²⁰ Y re' xyaloj jubama 450 juna'. K'ari' ri Dios xuya' ri chojmirisey richin ri yebanatej pa kiwi'. Jak'a ri Samuel ri q'alajirisey ruch'abel ri Dios ri ruk'isibel ri xk'oje'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Nojel reꞌ xbꞌanatej pa jun laꞌeq 450 junaꞌ. Atoq xeꞌeqꞌax yan ri junaꞌ riꞌ, ri Dios xuyaꞌ qꞌatoy teq tzij pa kiwiꞌ ri israelitas, y ri rukꞌisibꞌel qꞌatoy tzij xkꞌojeꞌ pa kiwiꞌ, ja ri profeta Samuel.

Kaqchikel Santa Maria de Jesus

²⁰ Después ri Dios xaꞌruyaꞌ jueces pa quiveꞌ. Jun laꞌk cuatrocientos cincuenta junaꞌ xaꞌcꞌujieꞌ ri jueces pa quiveꞌ. Y ri ruqꞌuisbꞌal juez ri xcꞌujieꞌ, ja ri profeta Samuel.

Kaqchikel Central Guatemala

²⁰ C'ari' ri Dios xuya' jun ruvech k'atbel-tzij pa quivi', ri nibix juez chire. Y jac'a ri Samuel ri ruq'uisibel juez ri xc'oje'. Y ri Samuel can jun c'a chuka' chique ri xek'alajirisan ri ruch'abel ri Dios ojer can. Caji' c'a ciento juna' riq'uin nic'aj xek'aton tzij ri jueces pa quivi' ri kati't-kamama'.

Re C'ac'a Testamento pa Kach'abal

²⁰ C'are' re Dios xuya' jun re xbano gobernar pa quive', re nibex juez cha. Y jac'a re Samuel re ruq'uisibal juez re xc'ue'. Y re Samuel can jun chuka' rusamajel re Dios re xc'ue' ajuer can, re xbex profeta cha. Cuatro cientos cincuenta juna' xquiban gobernar re jueces pa quive' re kavinak xe'c'ue' ajuer can.

Kaqchikel Western Solola

²⁰ C'ac'ari' xeruya' aj k'atbel tzij pa quiwi' ri nibix jueces chique. Y caji' c'a ciento juna' riq'ui nic'aj, xek'ato tzij pa quiwi' ri ye kati't kamama' y ya c'a ri Samuel ri ruq'uisbel juez ri xc'oje'. Y riya' jun c'a chuka' chique ri profetas ri xek'alajsan ri ruch'abel ri Dios.

Hechos 13:20 ပူးပေါင်းရင်းမြစ်များ

Wuj Kichin ri To'onela' 2:16

Jak'a ri Jehová xeruya' to'onela', richin xekolotej pa kiq'a' ri eleq'oma' ri'.

1 Sam 3:20

Y chijun k'a ri ruwach'ulew Israel, ri nitiker-el pa tinamit Dan ri k'o pa xaman y napon k'a pa Beerseba ri k'o pa xokon, k'a chiri' xapon-wi rutzijol chi ri Samuel kan qitzij chi q'alajirisey ruch'abel ri Jehová.

Hechos 3:24

Konojel ri xeq'alajirisan ri ch'abel ri xbix chike roma ri Dios ri ojer kan, achi'el ri Samuel y ri ch'aqa' chik, chirij re q'ij re' e ch'owineq-wi kan.

1 Crón 17:6

Ronojel mul yibe kela-yibe kela' xinben chupan chijun ri binen ri xkiben ri tinamit Israel, y man jun bey nuch'ojin ta chike ri aj-raqen ri ek'o pa ruwi' ri nutinamit richin nikipaba' ta q'anej jun wachoch rik'in tiox-che'.

2 Rey 23:22

Y man jun bey k'a banatajineq jun nimaq'ij ri keri', ni toq xeq'aton-tzij ri e chojmirisey ri yebanatej, ni toq xek'oje' ri ch'aqa' chik rey chiri' pan Israel y pa Judá.

2 Sam 7:11

toq xenya' ri to'onela' pa kiwi'. Jak'a re wakami xtinya' uxlanen chawe chikiwech konojel ri e etzelanel awichin. Keri' chuqa' yin ninjikiba-nutzij chi ri awijatzul man xtichup ta qa.

1 Sam 12:11

Roma ri' ri Jehová xeruteq ri Jerubaal, ri Barac, ri Jefté y yin Samuel richin xixqakol pa kiq'a' ri etzelanel iwichin ri ek'o chi'inaqaj. Y keri' rix kan kuqul k'a ik'u'x ix k'es.

Wuj Richin ri Rut 1:1

Chupan ri ruwach'ulew Israel, toq k'a ja na ri to'onela' ri yeq'aton-tzij, xk'uluwachitej k'a jun nima-wayjal. Y k'o k'a jun achin aj pa tinamit Belén richin ri ruwach'ulew Judá, ri xq'ax-qa pa ruwach'ulew Moab y xbek'oje' chiri' rachibilan ri rixjayil y ri e ka'i' ruk'ajol.

Wuj Kichin ri To'onela' 3:10

Ri Espíritu richin ri Jehová xpe rik'in ri Otoniel richin nuya' ruchuq'a', y xuq'et-tzij pa kiwi' ri ruwinaq, y xbe pan oyowal, y xuchop oyowal rik'in ri Cusán-risataim rey richin Siria, y ri Jehová xujech pa ruq'a' ri Otoniel, re rey re'.