Hechos 13:19 - Kaqchiquel Bible

¹⁹ Xuben chuqa' chi ri pa ruwach'ulew Canaán xek'is ri winaqi' kichin wuqu' ajawaren, xaxe richin chi ri ulew ri' xuya' kan pa kiq'a' ri qati't-qamama'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁹ Y atoq rukꞌison chik kiqꞌij ri wineq chin wuquꞌ tinamit pa rochꞌulew Canaán, xujech ri kulew ri wineq riꞌ chake ri qatit-qamamaꞌ.

Kaqchikel Santa Maria de Jesus

¹⁹ Y xaꞌruqꞌuis ri vinak ri icꞌo chupan ri siete (vukuꞌ) naciones ri icꞌo chupan ri Canaán, y jareꞌ ri ulief ri xuyaꞌ can pa quikꞌaꞌ ri kateꞌt-kamamaꞌ ri xaꞌcꞌujieꞌ ojier can.

Kaqchikel Central Guatemala

¹⁹ Y xuben chuka' chi ri pa ruvach'ulef rubini'an Canaán xeq'uis ri vinek quichin vuku' tinamit, xaxe richin chi ri ulef ri' xuya' can pa quik'a' ri kati't-kamama'.

Re C'ac'a Testamento pa Kach'abal

¹⁹ Y re Dios xuban che xe'q'uis re vinak re jec'o chupan re vuku' naciones chin re lugar rubini'an Canaán, xaxe che xuya' can re ulef re' pa quik'a' re kavinak xe'c'ue' ajuer can.

Kaqchikel Western Solola

¹⁹ Y xuben chuka' chi ri pa ruwach'ulef Canaán xeq'uis ri winek quiche (quixin) wuku' tinamit, y ri culef ri winek ri' xuya' ca pa quik'a' ri ye kati't kamama'.

Hechos 13:19 ပူးပေါင်းရင်းမြစ်များ

Deut 7:1

Toq ri Jehová Dios xkixrukusaj-apo chupan ri ruwach'ulew, jari' toq kan chiwech xkerelesaj-el wuqu' tinamit ri janila e nima'q y janila kuchuq'a' chiwech rix, jare' ri tinamit: Ri hitita, ri gergeseo, ri amorreo, ri cananeo, ri ferezeo, ri heveo y ri jebuseo.

Wuj Richin Bix Chire ri Dios 78:55

Kan xerelesaj k'a el ri winaqi' aj chiri' ri man nikitzeqelibej ta rija'. Xuch'er k'a ri kiruwach'ulew, chikiwech ri qati't-qamama', richin chi ri kalk'ual nikichinaj kan, chikijujunal rik'in ri kitzobaj.

Hechos 7:45

Ja rachoch ri Dios ri' ri kik'amon-pe ri qati't-qamama' toq xe'ok-pe chupan re ruwach'ulew re', toq e k'amon-pe roma ri Josué. Xek'oje' k'a qa wawe', toq kichapon chik yekich'ek ri winaqi' ri ek'o chupan re ruwach'ulew re'. Kan jak'a ri Dios xto'on kichin. Y ri rachoch ri Dios ri kik'amon-pe toq xe'oqaqa, kan jari' ri k'a k'o na pa ruq'ijul ri David.

Wuj Richin ri Josúe 19:51

Jare' ri xkichinaj kan ri kablajuj tzobaj ri e rijatzul kan ri Israel chire ri sakinik ri xban, koma ri sacerdote Eleazar, ri Josué y ri e tata'al richin ri tinamit, y ja rije' ri xech'aron ri ruwach'ulew ri xya'ox chike, y re' kan chuwech ri Jehová xkiben-wi, ri chuchi' ri rachoch richin molojri'il chiri' pa Siló. Keri' xk'achoj k'a rujachik ri ruwach'ulew.

Wuj Richin ri Josúe 14:1

Jare' ri ruwach'ulew ri xkichinaj kan ri israelita pa Canaán. Y ri xejachon ja ri sacerdote Eleazar, ri Josué ruk'ajol kan ri Nun, y ri e tata'al richin ri tzobaj kichin ri winaqi' israelita.

Wuj Richin Bix Chire ri Dios 135:11

Xukamisaj k'a ri Sehón rey kichin ri winaqi' amorreo, ri Og rey richin ri ruwach'ulew Basán, y konojel k'a ri rey ri xek'oje' chupan ri ruwach'ulew Canaán.

Wuj Richin ri Nehemías 9:24

Xe'ach'ek ri winaqi' ri ek'o pa Canaán, y kan xe'ajech ri ki-rey pa kiq'a' ri qati't-qamama', richin xkibanala' chike ri xkajo' rije'. Keri' ri qati't-qamama' xkichinaj k'a ri ruwach'ulew Canaán.

Wuj Richin ri Josúe 24:11

Xiq'axaj k'a pe ri raqen-ya' Jordán y xixoqaqa pa tinamit Jericó. Y ri winaqi' aj chiri' xebeyakatej-pe chiwij richin xkiben oyowal iwik'in y chuqa' ri winaqi' amorreo, ri ferezeo, ri cananeo, ri hitita, ri gergeseo, ri heveo y ri jebuseo. Jak'a yin kan xinjech pan iq'a' konojel re winaqi' re'.

Wuj Richin ri Josúe 23:4

Yin kan xinch'er yan k'a chiwech ri ruwach'ulew rik'in sakinik richin xiwichinaj. Y chuqa' xinjech yan chiwech ri kiruwach'ulew ri winaqi' ri xech'akatej yan y ri man jani kech'akatej. Re ruwach'ulew re' nitiker-pe rik'in ri raqen-ya' Jordán y napon k'a rik'in ri palou ri k'o pa qajbel-q'ij.

Wuj Richin ri Josúe 18:10

K'ari' rija' xuben ri sakinik chuwech ri Jehová chiri' pa Siló. Y chiri' xujech-wi kan ri ulew chike ri ch'aqa' chik tzobaj ri e rijatzul kan ri Israel.

Wuj Richin ri Rutikeribel 17:8

Yin xtiya' chawe rat y chike ri awijatzul ri ruwach'ulew ri akuchi atk'o-wi wakami ri xa q'axel, chijun re ruwach'ulew Canaán xtinya' chawe richin q'asen. Y yin xkinok ki-Dios ri awijatzul, xcha'.

Wuj Richin ri Rutikeribel 12:5

Xuk'uaj k'a el ri Sarai ri rixjayil, ri Lot ri ruch'utik'ajol, ronojel ri rubeyomel ri ruch'akon y ri winaqi' ri xeruloq' chiri' pan Harán. Xeruk'uaj k'a el pa ruwach'ulew Canaán. Y toq xapon chiri',

Wuj Kichin ri To'onela' 11:26

Roj ri oj israelita ojk'o yan pe 300 juna' chiri' pa tinamit Hesbón y Aroer, y chupan ri kokoj taq tinamit ri ek'o chikinaqaj, y ronojel ri taq tinamit ri ek'o chuchi' ri raqen-ya' Arnón. ¿Achike roma man iwelesan ta chiqe chupan ri 300 juna' ri'?

1 Rey 6:1

Toq ri rey Salomón xq'aton yan pe tzij kaji' juna' pa ruwi' ri ruwach'ulew Israel, chupan ri ruka'n ik' ri nibix Zif chire, jari' toq xuchop-q'anej rupabaxik ri rachoch ri Jehová. Y re' xbanatej toq ri israelita 480 juna' yan ke'el-pe pan Egipto.

Wuj Richin ri Isaías 34:17

Chike chikijujunal ri chikopi' ri' xubij ri akuchi xkek'oje-wi, y kan rik'in ri ruq'a' xtuk'ut chikiwech ri achike ruwach'ulew xkek'oje-wi. Y chiri' xkek'oje-wi tibe-q'ij tibe-seq.