Hechos 13:1 - Kaqchiquel Bible

¹ Chikikojol ri molaj qach'alal ri ek'o pan Antioquía, ek'o k'a ri yeq'alajirisan ri nibix chike roma ri Dios, y ek'o chuqa' tijonela' ri yetijon kichin ri qach'alal chupan ri ruch'abel ri Dios. Jeri' ri Bernabé, ri Simón ri jun achin ri ti q'eq nitzu'un, ri Lucio ri aj-Cirene, ri Saulo y ri Menahem ri xk'iy kik'in ri aj pa rachoch ri Herodes ri xq'aton-tzij chiri' pa Galilea.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Chikikajal ri ndikimal kiꞌ pa rubꞌiꞌ ri Ajaw pa tinamit Antioquía, ekꞌo ngeqꞌalajrisan ri ndubꞌij pe ri Dios pa kánima y ekꞌo chuqaꞌ tijonelaꞌ chin ri rutzij ri Dios, y jareꞌ ri kibꞌiꞌ: Ri Bernabé, ri Simón ri ndibꞌix Negro chare, ri Lucio aj Cirene, ri Saulo, y ri Menahem, ri junan xekꞌiy rikꞌin ri Herodes ri xubꞌen reinar pa rochꞌulew Galilea.

Kaqchikel Santa Maria de Jesus

¹ Chupan ri iglesia ri cꞌo Antioquía, icꞌo cꞌa profetas y icꞌo maestros: Ja ri Bernabé, ri Simón ri niꞌeꞌx jeꞌ Niger cha, ri Lucio ri aj-Cirene, ri Manaén ri junan xaꞌqꞌuiytisas-pa riqꞌuin ri Herodes ri gobernador chireꞌ Galilea, y ri Saulo.

Kaqchikel Central Guatemala

¹ Ri chiquicojol ri kach'alal ri niquimol-qui' pa rubi' ri Dios ri pan Antioquía, ec'o c'a kach'alal ri yek'alajirisan ri nibix chique roma ri Dios, y ec'o chuka' tijonela' ri yetijon quichin ri kach'alal chupan ri ruch'abel ri Dios, achi'el ri Bernabé, ri Simón ri nibix chuka' Niger chire, ri Lucio ri aj-Cirene, ri Manaén ri junan xq'uiytisex riq'uin ri Herodes ri xk'aton tzij chiri' pa Galilea, y ri Saulo.

Re C'ac'a Testamento pa Kach'abal

¹ Chiquicojol re hermanos re niquimol-qui' pa rube' re Dios pan Antioquía, jec'o hermanos re ye'tzijon re nubij re Dios chique, y jec'o chuka' maestros re ye'tijon quichin re hermanos chupan re ruch'abal re Dios, ancha'l re Bernabé, re Simón re nibex chuka' Niger cha, re Lucio re aj-Cirene, re Manaén re junan xq'uiytisas riq'uin re Herodes re xbano gobernar chire' pa Galilea, y re Saulo.

Kaqchikel Western Solola

¹ Y chiquicojol ri kach'alal ri niquimol qui' pa rubi' ri Dios pan Antioquía, yec'o c'a profetas ri yek'alajsan ri nibix chique ruma ri Dios, y yec'o chuka' tijonel ri yetijon quiche (quixin) ri kach'alal chupan ri ruch'abel ri Dios, achi'el ri Bernabé, ri Simón ri nibix chuka' Niger chare, ri Lucio ri aj Cirene, ri Manaén ri xq'uiytisex junan riq'ui ri Herodes ri xk'ato tzij chiri' pa Galilea, y ri Saulo.

Hechos 13:1 ပူးပေါင်းရင်းမြစ်များ

San Mateo 27:32

Jak'a toq kichapon-el elen chupan ri tinamit, xkik'ul jun achin aj-Cirene ri rubini'an Simón. Ri aj-labal kan xkiben chire ri achin ri' chi tuk'uaj-el ri cruz.

San Lucas 3:1

Chupan k'a ri q'ij ri' ja ri Tiberio César ri rey pa ruwi' ri ajawaren richin ri Roma. Toq rija' wolajuj yan juna' tuq'et-tzij, chuqa' yeq'aton-tzij re kaji' q'atoy taq tzij re': Ri Poncio Pilato, rija' niq'aton-tzij pa Judea; ri Herodes Antipas, rija' rey pa ruwi' ri ruwach'ulew Galilea; ri Felipe rach'alal ri Herodes, rija' rey pa kiwi' ri ruwach'ulew Iturea y Traconítide; y ri Lisanias, rija' rey pa ruwi' ri ruwach'ulew Abilene.

Hechos 11:30

Kan ja k'a ri Bernabé y ri Saulo ri xekiteq-el richin ja rije' ri xe'uk'uan-el ri janipe' xmolotej-el richin yekito' ri qach'alal nikitej wayjal. Y janipe' k'a ri kik'uan-el ri Bernabé y ri Saulo, xkijech k'a pa kiq'a' ri achi'a' uk'uey kichin ri qach'alal aj pa Judea.

Hechos 12:25

Ri Bernabé y ri Saulo xetzolin k'a pan Antioquía roma xkik'achojirisaj kan ri kitaqikil. Y rije' xkachibilaj-el ri Juan Marcos.

Hechos 13:9

Jak'a ri Saulo, ri rubini'an chuqa' Pablo, kan nojineq k'a ri ránima rik'in ri Loq'olej Espíritu. Rija' xutzu-xutzu' ri achin aj-itz,

Hechos 15:32

Roma ri Judas y ri Silas e q'alajirisey ruch'abel ri Dios, roma ri' k'iy k'a ch'abel xkibila' chike ri qach'alal richin xkikuquba' kik'u'x.

Hechos 15:35

Kan keri' chuqa' ri Pablo y ri Bernabé xek'oje' kan ri chiri' pan Antioquía. Rije' y konojel ri ch'aqa' chik kachibil xekitijoj ch'aqa' chik qach'alal chupan ri ruch'abel ri ajaw, y xkitzijoj chuqa' ri utzilej ch'abel richin kolotajik chike ri winaqi'.

Hechos 19:6

K'ari' ri Pablo xuya' ruq'a' pa kiwi'. Y jari' toq xqaqa k'a pe ri Loq'olej Espíritu pa kiwi'. Xech'on k'a pa ch'aqa' chik ch'abel y xkiq'alajirisala' ri xbix chike roma ri Dios.

Hechos 21:9

Rija' ek'o k'a e kaji' rumi'al ri man e k'ulan ta, y rije' nikiq'alajirisaj k'a ri ruch'abel ri Dios.

Hechos 4:36

Chikikojol rije' k'o jun achin ri rubini'an José. Y rija' riy-rumam kan ri Leví, y alaxineq pa ruwach'ulew Chipre. Jak'a ri e taqon roma ri Cristo xkiya' chik k'a jun rubi'. Bernabé*f14* ri xkibij chire, roma rija' kan nukuquba-wi kik'u'x konojel.

Hechos 9:1

Jak'a ri Saulo man k'a nik'o ta ri royowal yakatajineq chikij ri qach'alal, y kan nrajo-wi k'a ri kikamik. Roma ri' rija' xbe rik'in ri nimalej sacerdote,

Romanos 16:21

Ri qach'alal Timoteo nuteq-el rutzil-iwech. Rija' qachibilan-qi' pa rusamaj ri Dios. Nikiteq-el chuqa' rutzil-iwech ri qach'alal Lucio, ri Jasón y ri Sosípatro, rije' kan e nuwinaq-wi.

1 Corintios 11:4

Toq roj achi'a' yojch'on rik'in ri Dios, y toq niqabij ri ruq'alajirisan ri Dios chiqe, man k'a tiqakuch ri qajolon, richin chi man niqaqasaj ruq'ij ri k'o pa qawi' roj, y ri' kan ja ri Cristo.

1 Corintios 13:2

Y stape' ta ninq'alajirisaj ri ruch'abel ri Dios; o niq'ax ta chinuwech ronojel ruch'obonik ri Dios ri ewatel-pe rik'in, y ronojel ta wetaman; o roma ta ri kan kuqul nuk'u'x, roma ta ri' yitikir ninben chike ri nimalej taq juyu' chi ke'el-el ri akuchi ek'o-wi; y stape' ta yitikir ninben ronojel ri', y maneq ajowabel wik'in, man jun yik'atzin-wi.

1 Corintios 13:8

Ri ajowabel kan man xtik'is ta. Jak'a xa xtik'is ri q'ij chi ri Dios nich'on rik'in jun qach'alal richin nuq'alajirisaj ri ruch'abel chuwech. Kan xtapon-wi ri q'ij chi man xkech'on ta chik pa ch'aqa' chik ch'abel. Y xtapon chuqa' ri q'ij toq ri etamabel ri nipe rik'in ri Dios xa man xtik'atzin ta chik.

1 Corintios 14:29

Keri' chuqa' ri qach'alal ri yebin chi ya'on chike chi k'o nikiq'alajirisaj, kech'on k'a e ka'i' o e oxi'. Y ri ch'aqa' chik tikich'obo' rij jebel ri achike xkibij.

1 Corintios 14:32

Keri' ri qach'alal ri k'o nikiq'alajirisaj, tikibana' ronojel pa ruchojmilal.

1 Corintios 9:6

¿Man ruk'amon ta kami chi yin y ri Bernabé yojtzuq koma ri qach'alal? ¿Xaxe kami roj oj ka'i' k'o chi yojsamej richin niqach'ek ri qaway, toq ri ch'aqa' chik rusamajela' ri Dios yetzuq?

Gálatas 2:13

Y man xaxe ta ri'; xa kan keri' chuqa' xkiben ri qach'alal ri kan e qawinaq-wi ri e k'es chiri' pan Antioquía. Keri' kan xq'alajin k'a chi ri qach'alal ri e qawinaq xa ka'i' kipalej, roma pa nabey kan e beneq-wi kik'in. Y jajun ri Bernabé xuben achi'el ri xkiben rije'.

Gálatas 2:9

Roma ri' toq ri Santiago ri chuqa' nibix Jacobo chire, ri Pedro y ri Juan, ri k'o kiq'ij chikikojol ri qach'alal, xq'ax chikiwech chi ja ri Dios chilabeyon-pe ri samaj ri' chuwe. Y richin niq'alajin chi junan qawech chi qachibil-qi', xkichop qaq'a', yin y ri Bernabé. Xaxe k'a roj yojbesamej chikikojol ri man e qawinaq ta, y rije' yebesamej chikikojol ri qawinaq judío.

Efesios 4:11

Rija' xuya' k'a sipanik chiqe; chike ch'aqa' xuben chi xe'ok e taqon roma rija'; ek'o ri e q'alajirisey ruch'abel; ek'o ri yetzijon ri utzilej ch'abel richin kolotajik; y ek'o ri e tijonela' kichin ri qach'alal y yekichajij.

Filipenses 4:22

Ri qach'alal ri ek'o wawe' pa tinamit Roma nikiteq-el rutzil-iwech, y chuqa' ri e rusamajela' ri rey.

1 Tesalonicenses 5:20

Y toq ri Dios nuya' jun rutzijol chire jun qach'alal richin k'o nuq'alajirisaj, man tiwetzelaj.