Hechos 12:10 - Kaqchiquel Bible

¹⁰ Ri Pedro y ri ángel choj k'a xeq'ax-el chikikojol ri ka'i' sol chajinela'. Y toq xe'apon chuwech ri ruchi-jay banon rik'in ch'ich', ri ruchi-jay ri' ruyon xjaqatej chikiwech. Rije' xe'el-el k'a pa bey richin ri tinamit, y xebe. Toq e biyineq chik k'a juba', ri Pedro xutz'et chi xa ruyon chik, roma ri ángel maneq chik rik'in.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Atoq xeꞌeqꞌax yan apeꞌ ekꞌo ri nabꞌey y ri rukan teq chajinelaꞌ, xebꞌeqaqa chunaqaj ri puerta bꞌanun rikꞌin chꞌichꞌ ri kꞌo chibꞌey. Ri puerta riꞌ ruyon xjaqatej chikiwech. Atoq xeꞌel e pa bꞌey y xebꞌiyin yan jun cuadra, ri ángel kꞌateꞌ ruwech xuyaꞌ kan ri Pedro.

Kaqchikel Santa Maria de Jesus

¹⁰ Ri Pedro y ri ángel xaꞌkꞌax chiquicajol ri naꞌay grupo chajiniel y riqꞌuin jeꞌ ri jun chic grupo. Y antok xaꞌbꞌaka choch ri puerta ri bꞌanun cha chꞌichꞌ, ri cꞌo chuchiꞌ ri bꞌay, ri puerta reꞌ ruyuon xjakataj chiquivach; y ijejeꞌ xaꞌiel-el pa bꞌay y antok caꞌin jun cuadra, ri ángel xuyaꞌ can ri Pedro.

Kaqchikel Central Guatemala

¹⁰ Ri Pedro y ri ángel choj c'a xek'ax-el chiquicojol ca'i' sol chajinela'. Y tok xe'apon chuvech ri puerta banon riq'uin ch'ich', ri puerta ri' ruyon xjakatej chiquivech. Y rije' xe'el-el c'a pa bey richin ri tinamit, y xebe. Tok e biyinek chic c'a juba', ri Pedro xutz'et chi xa ruyon chic, roma ri ángel manek chic riq'uin.

Re C'ac'a Testamento pa Kach'abal

¹⁰ Re Pedro y re ángel choj c'a xe'k'ax-a chiquicojol je ca'e' grupo soldados. Y tak xe'bapon chach re puerta ch'ich', re puerta re' rion xjakataj chiquivach. Y reje' xe'el-a pa calle, y xe'ba. Tak je'binak chic ba', re Pedro xutz'at che xa rion chic c'o, roma re ángel manak chic riq'uin.

Kaqchikel Western Solola

¹⁰ Ri Pedro y ri ángel choj c'a xek'ax el chiquicojol ca'i' moc chajinel. Y tek xe'apon chuwech ri puerta ri banon riq'ui ch'ich', ri puerta ri' can ruyon xjakatej chiquiwech. Y riye' xe'el c'a el pa bey riche (rixin) ri tinamit, y xebe. Tek ye biyinek chic c'a juba', yac'ari' tek ri ángel xbe el y xuya' ca ruyon ri Pedro pa bey.

Hechos 12:10 ပူးပေါင်းရင်းမြစ်များ

Hechos 5:19

Jak'a ri chi'aq'a', ri Dios xuteq k'a pe jun ángel ri pa cárcel kik'in rije'. Y re ángel re' xujeq-el ri ruchi' ri cárcel chikiwech, richin xerelesaj-el. Y xubij k'a chike:

Hechos 16:26

Kan jari' k'a toq xoyikiyo' jun nimalej silonel, y xusiloj k'a ri cárcel y kan xebiyin ri ruxe'. Ri ruchi' ri cárcel xejaqatej, y ri cadena ri e ukusan richin e ximilon kan ri ek'o pa cárcel, xkisq'opej-ki'.

San Juan 20:19

Toq xok k'a pe ri aq'a' chupan ri q'ij ri', ri tijoxela' kimolon-ki' pa jun jay, jak'a kan e kitz'apelon k'a ri ruchi' ri jay ri ek'o-wi, roma rije' kan kixibin-ki' chikiwech ri achi'a' ri kan k'o kiq'ij. Y jari' k'a toq xkitz'et ri Jesús pa kinik'ajal. Y xubij chike: Ja ta k'a ri uxlanen xtik'oje' pa taq iwánima chi'iwonojel, xcha'.

Wuj Richin ri Isaías 21:8

Y ri chajinel ri' xsik'in-apo wik'in y xubij: Q'ij-q'ij yin ink'o wawe'. Y ronojel ri chi'aq'a' ja yin ri in chajinel.

Wuj Richin ri Q'axanri'il 15:34

Y ri xek'amon-pe ri achin ri' kan ek'o k'a achi'a' ri xekiya' kan richin xkichajij, roma man jani q'alaj ta achike ri xtiban rik'in.

Wuj Richin ri Rutikeribel 42:17

Y konojel xerutz'apej oxi' q'ij pa cárcel,

Wuj Richin ri Rutikeribel 40:3

y xeberuya' kan pa cárcel ri k'o chiri' pa rachoch ri aj-raqen kichin ri chajinela' richin ri rey, ri akuchi tz'apel-wi ri José.

Apocalipsis 3:7

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Filadelfia, y tinbij-el; chi ri Loq'olej, ri qitzij y ri uk'uayon ri llave ri nujeq ruchi' ri rajawaren ri rey David, ri toq nujeq man jun nitz'apen y toq nutz'apej man jun nijaqon, kere' nubij.

Hechos 12:4

Toq chapon chik k'a pe ri Pedro, ri rey xuteq-el k'a pa cárcel. Y roma rija' ruch'obon chik chi k'a nik'o na kan ri nimaq'ij ri', k'ari' k'a xtrelesaj-pe richin nuq'et-tzij pa ruwi', chikiwech ri winaqi'. Roma ri' kan e kaji' k'a sol chajinela' ri xerukusaj richin nikichajij. Y kan e kaji' achi'a' ek'o pa jujun sol.

San Juan 20:26

Waqxaqi' yan k'a q'ij ri' toq ri tijoxela' xkitz'et ri Jesús. Rije' kan kimolon chik k'a ki' jun bey, kitz'apen k'a ki' pa jay y k'o k'a ri Tomás kik'in. Jari' k'a toq ri Jesús xapon chik pa kinik'ajal y xubij chike: Ja ta k'a ri uxlanen xtik'oje' pa taq iwánima chi'iwonojel, xcha'.