Hechos 11:21 - Kaqchiquel Bible

²¹ Ri ruchuq'a' ri Dios kan k'o-wi kik'in ri achi'a' ri'. Roma ri' toq e janila k'a e k'iy winaqi' ri xeniman y xkikuquba' kik'u'x rik'in ri ajaw Jesucristo.

နောက်ထပ်ဗားရှင်းများ

Kaqchikel Santo Domingo (Xenacoj)

²¹ Ri ruchuqꞌaꞌ ri Ajaw kin kꞌo pa kiwiꞌ ri achiꞌaꞌ riꞌ, y kꞌiy wineq xkitaqij ri xkibꞌij, y xkiyaꞌ kánima rikꞌin ri Ajaw.

Kaqchikel Santa Maria de Jesus

²¹ Ri ru-poder ri Ajaf Dios can cꞌo quiqꞌuin ri achiꞌaꞌ reꞌ. Rumareꞌ can iqꞌuiy vinak ri xquinimaj ri Ajaf. Can xtzalaj cꞌa pa cánima riqꞌuin ri Ajaf Jesucristo.

Kaqchikel Central Guatemala

²¹ Ri ruchuk'a' ri Ajaf Dios can c'o-vi quiq'uin ri achi'a' ri'. Romari' tok e janíla c'a e q'uiy vinek ri xeniman ri Ajaf. Can xtzolin c'a pe quic'u'x riq'uin ri Ajaf Jesucristo.

Re C'ac'a Testamento pa Kach'abal

²¹ Re ru-poder re Ajaf Dios can c'o-va quiq'uin re achi'a' re'. Mare' tak camas je q'uiy vinak re xe'niman re Ajaf y xjalataj quic'aslen chach.

Kaqchikel Western Solola

²¹ Ri ruchuk'a' ri Ajaf Dios can c'o wi quiq'ui ri achi'a' ri' y rumari' sibilaj ye q'uiy winek xeniman ri Ajaf. Can xtzolin c'a pe quic'u'x riq'ui ri Ajaf Jesucristo.

Hechos 11:21 ပူးပေါင်းရင်းမြစ်များ

Hechos 2:47

Rije' utz k'a yetz'et koma ri winaqi'. Nikiya' k'a ruq'ij ri Dios, y kan q'ij-q'ij k'a ek'o más ri yekolotej, roma kan ja ri ajaw ri nibanon chike chi yek'iyer.

San Lucas 1:66

Konojel k'a winaqi' ri ye'ak'axan ri xbanatej kik'in ri Zacarías y ri Elisabet, nikiyek k'a qa pa taq kánima ri nitzijox chike, y nikibij: ¿Achike k'a xtiberubana' re ak'ual re' toq xtik'iy?, yecha'. Roma niq'alajin chi kan k'o-wi ri ajaw rik'in.

1 Tesalonicenses 1:5

Roma toq xqatzijoj ri utzilej ch'abel richin kolotajik chiwe, man xqatzijoj ta xaxe rik'in ch'abel, jak'a chuqa' rik'in ri uchuq'a' ri nuya' ri Loq'olej Espíritu, y rik'in chuqa' ri kuqubabel-qak'u'x niqatzijoj. Rix iwetaman ri k'aslen ri qak'uan roj, roma niqajo' ri utz chiwe rix.

Hechos 9:35

Ri aj-Lida y ri aj-Sarón xkitz'et k'a chi ri Eneas xk'achoj. Y re winaqi' re' xkikuquba' kik'u'x rik'in ri ajaw Jesús.

Wuj Richin ri Isaías 59:1

Ri nimalej ruchuq'a' ri Jehová man k'isineq ta qa richin yixrukol, ni ri rak'axabal man ta nrak'axaj toq yixch'on rik'in.

Hechos 11:24

Ri Bernabé, kan jun achin k'a ri kuqul ruk'u'x rik'in ri Dios, y kan nojineq-wi chuqa' ri ránima rik'in ri Loq'olej Espíritu. Rija' jun utzilej achin. Y ri winaqi' ri xkikuquba' kik'u'x rik'in ri ajaw Jesucristo, kan janila e k'iy.

Hechos 6:7

Ri ruch'abel ri Dios rik'in ruchuq'a' beneq, y yek'iyer k'a chuqa' ri nimanela' ri chiri' pa tinamit Jerusalem. Y e janila k'a chuqa' chike ri sacerdote ri yeniman.

Hechos 5:14

Jak'a kan janila e k'iy ri winaqi' ri kikuquban kik'u'x rik'in ri Jesús. Roma ri' ri e nimanela' q'ij-q'ij más e k'iy; chi achi'a' chi ixoqi'.

Hechos 4:4

Kan e k'iy k'a chike ri winaqi' xeniman ri ruch'abel ri Dios. Roma ri' ri kajlabal ri achi'a' ri kikuquban kik'u'x rik'in ri Cristo xapon la'eq jun 5,000.

Wuj Richin ri Isaías 53:1

Chupan ri q'ij ri' ri winaqi' xtikibij: ¿Achike ta k'a xtiniman re niqabij? ¿Y achoq pa ruwi' xq'alajin-wi ri ruchuq'a' ri Jehová?

Wuj Richin ri Nehemías 2:18

Jari' toq xinq'alajirisaj chike chi ri qa-Dios kan janila rutzil ruya'on pa nuwi', y keri' chuqa' ri ch'abel ri rubin-pe ri rey Artajerjes chuwe. Y toq rije' xkak'axaj re ch'abel re', jari' toq xkibij chi yeyakatej richin nikipaba-q'anej. Y keri' xkitun ri kuchuq'a' richin xkiben ri samaj ri'.

Wuj Richin ri Nehemías 2:8

Y chuqa' naya' ta el jun wuj chuwe richin ninya' chire ri Asaf ri nichajin ri k'echelaj ri awichin rat, richin tuya' juba' che' chuwe richin ninkusaj chire ri ruchi-jay richin tobel, ri ruchi' ri tz'aq richin ri tinamit y chuqa' richin ri jay akuchi xkik'oje-wi yin, xicha' chire. Y ronojel k'a ri xink'utuj chire ri Artajerjes, kan xuya' chuwe, roma ri loq'olej ruq'a' ri Jehová xuya' pa nuwi'.

Wuj Richin ri Esdras 8:18

Ri rutzil ri Dios k'o pa qawi', y roma ri' xkik'en-pe jun achin ri aj-na'oj rubini'an Serebías. Rija' ruk'ajol ri Mahli, jun chike ri rijatzul ri Leví, ri rijatzul kan ri Israel. Chuqa' xekik'en-pe ri e ruk'ajol y ri e rach'alal; konojel rije' e waqxaqlajuj.

Wuj Richin ri Esdras 7:9

Xe'el k'a pe pa Babilonia ri nabey q'ij richin ri nabey ik' chire ri juna', y xe'apon chi'anin pa Jerusalem ri nabey q'ij chire ri ro' ik', roma ri ruq'a' ri Dios kan k'o pa kiwi' rije',

2 Crón 30:12

Chuqa' pa ruwach'ulew Judá, ri Dios kan xusiloj k'a ri kánima ri winaqi' richin tikibana' ri rubin kan rija' chire ri rey y ri e tata'al.

Hechos 15:19

Yin ninch'ob chi man keqaneq ri man e judío ta ri xtzolin-pe kik'u'x rik'in ri Dios.