Hechos 10:14 - Kaqchiquel Bible

¹⁴ Jak'a ri Pedro xubij: Ajaw, yin man xkentej ta re chikopi' re'. Yin kan man jun bey e nutijon ta chikopi' achi'el re', ri kan e k'utun chinuwech chi man e ch'ajch'oj ta, ri xa xajan richin yetij, xcha'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Pero ri Pedro kereꞌ xubꞌij: Ajaw, ma nikꞌux ta ok, matiox. Riyin ma jumbꞌey nukꞌuxun ri ma chꞌajchꞌaj ta y xajan chi ndikꞌuxeꞌ.

Kaqchikel Santa Maria de Jesus

¹⁴ Y ri Pedro xuꞌej: Ajaf, inreꞌ man xcaꞌncꞌux ta la chicop la. Inreꞌ man jun bꞌay i-nucꞌuxun chicop incheꞌl la, ri man i-sak ta, y ri man i-otz ta ncaꞌcꞌux, xchaꞌ.

Kaqchikel Central Guatemala

¹⁴ Y ri Pedro xubij: Ajaf, yin man xquentej ta re chicop re'. Yin can man jun bey e nutijon ta chicop achi'el re', ri can e c'utun chinuvech chi man e ch'ajch'oj ta, ri xa xajan richin yetij, xcha'.

Re C'ac'a Testamento pa Kach'abal

¹⁴ Y re Pedro xubij: Ajaf, yen man xque'ntaj-ta re chicop re'. Yen man jun bey je'ntijon-ta chicop ancha'l re', re can je'c'utun chinoch che man je ch'ajch'oj-ta, re xajan chin ye'tij, xcha'.

Kaqchikel Western Solola

¹⁴ Y ri Pedro xubij: Ajaf, riyin ma xquentij ta re chicop re'. Riyin can majun bey ntijon ta chicop achi'el re', ri can ye c'utun chinuwech chi ma ye ch'ajch'oj ta, y can xajan chi yetij, xcha'.

Hechos 10:14 ပူးပေါင်းရင်းမြစ်များ

Wuj Richin ri Chojmirisabelri'il 20:25

Roma ri', rix kan xtiya' k'a kikojolil ri chikopi' ri e ch'ajch'oj y ri man e ch'ajch'oj ta: Ri aj-xik' taq chikopi', ri e jepejeq, y ri ch'aqa' chik chikopi' ri nubin chi man e ch'ajch'oj ta. Man tiben chi yin yixinwixowaj roma ye'itej ri chikopi' ri'.

Ez 4:14

Y jak'a yin xinbij chire chi yin man jun bey nuchapon ta ri xa man ch'ajch'oj ta. Chuqa' man jun bey nutijon ruch'akul jun chikop ri choj xken, o ruch'akul jun chikop ri xwech' koma k'uxunela' taq chikopi', ni man jun bey nutijon ta ti'ij ri man e ch'ajch'oj ta.

Dn 1:8

Jak'a ri Daniel kan xubij pa ránima chi man xtutz'ilobisaj ta ri ruk'aslen rik'in ri q'utun y ri vino ri nutej ri rey. Roma ri' xuk'utuj utzil chire ri Aspenaz chi man tiban chire chi nuq'ej ruwi' rutzij ri ru-Dios.

Hechos 10:28

Rija' xubij k'a chike ri winaqi' ri': Rix kan jebel wi iwetaman chi roj judío man k'a ya'on ta q'ij chiqe chi junan qawech iwik'in y yojok ta pa taq iwachoch rix ri xa man ix judío ta. Jak'a ri Dios xuk'ut k'a chinuwech chi man ruk'amon ta chi ninbij chire jun wineq, xa roma man judío ta, chi man ch'ajch'oj ta.

Hechos 9:5

Ri Saulo xuk'utuj: ¿At achike k'a rat?, xcha'. Jak'a ri nich'on rik'in ri Saulo xubij chire: Ja yin ri Jesús, y chuwij yin achapon-wi rubanik ch'a'oj, xcha' chire.*f22*

San Lucas 1:60

Jak'a ri te'ej xubij: Ni, man keri' ta, re ak'ual xa kan xtubini'aj Juan.

San Mateo 25:9

Jak'a ri wo'o' chik xtani' e nowineq xkibij: Man ruk'amon ta chi niqaya' chiwe, roma wi roj niqaya' chiwe, rik'in juba' k'a k'o na ri nik'atzin chiqe, y keri' chuqa' rix. Más utz kixbiyin chuloq'ik, xecha'.

San Mateo 16:22

Jak'a ri Pedro kan xaxe xrak'axaj ri xubij ri Jesús, xbech'on rik'in pa ruyonil richin ta nuq'et y xubij chire: Man ta nrajo' ri Dios chi nibanatej achi'el ri xabij rat wajaw, xcha' ri Pedro.

Ez 44:31

Jak'a ri sacerdote man tikitej man jun ruwech aj-xik' chikop o chikop ri ruyon xken o chikop ri xwech' ta kan roma jun k'uxunel chikop.

Ex 10:11

Man keri' ta xtibanatej, xaxe ri achi'a' utz yebe richin nibekisamajij ri Jehová. Wi kan jari' ri niwajo' chi niben, xcha' ri rey. Y xeri' xe'elesex-pe ri chiri'.

Wuj Richin ri Rutikeribel 19:18

Jak'a ri Lot xubij chike: Ni, wajaw yin.

San Mateo 8:2

Y k'o k'a jun achin ri k'o yabil ri nutaluj-ri' chirij; ri achin ri' xapon chuwech ri Jesús y xuqasaj k'a ri' pan ulew y xubij chire: Ajaw, wi nawajo', yatikir yinak'achojirisaj chire re yabil re', xcha' chire.

San Mateo 15:11

Ri nitz'ilobisan richin ri wineq man ja ta k'a ri nutej-qa nibanon. Ri nitz'ilobisan xa ja ri itzel taq ch'abel ri yepe rik'in ri wineq, xcha' ri Jesús.

Marcos 7:2

Ri achi'a' ri' xekitz'et chi ek'o jujun chike ri rutijoxela' ri Jesús, ri man nikich'ej ta kiq'a' toq nikitej kiway, achi'el nikibij ri fariseo. Roma ri' kan itzel xech'on chikij.

San Juan 4:11

Jari' toq ri ixoq xubij chire: Re pozo nej qajineq-wi-qa, y rat man jun k'o awik'in richin nak'en-qa ya'. ¿Akuchi k'a nak'en-wi ri ya' ri niya'on k'aslen ri nasuj?

Hechos 10:13

Kan jari' k'a toq ri Pedro xrak'axaj chi k'o jun ri nich'on chire, y nubij k'a: Pedro, kayakatej. Ke'akamisaj chikopi', y tatija', xcha'.

Hechos 22:8

Yin xink'utuj k'a: ¿At achike k'a rat?, xicha'. Y xubij k'a chuwe: Ja yin ri Jesús aj-Nazaret ri achoq chirij achapon rubanik ch'a'oj, xcha' chuwe.