Hechos 1:14 - Kaqchiquel Bible

¹⁴ Y konojel rije' kan jantape' k'a yech'on rik'in ri Dios junan, kachibilan ri María ri rute' ri Jesús, y ri ch'aqa' chik ixoqi' y chuqa' ri e rach'alal ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Konojel rejeꞌ xe jun kánima kibꞌanun ngetajin rikꞌin oración junan kikꞌin ri ixoqiꞌ ri xeꞌoqan richin ri Jesús, kikꞌin chuqaꞌ ri eruchaqꞌ ri Jesús, y ri María ri ruteꞌ.

Kaqchikel Santa Maria de Jesus

¹⁴ Y quinojiel ijejeꞌ junan cánima y siempre niquiꞌan orar. Icꞌo jeꞌ ixokiꞌ, y ri María jeꞌ ri rutieꞌ ri Jesús, y ri i-ruchakꞌ ri Jesús.

Kaqchikel Central Guatemala

¹⁴ Y conojel rije' can jantape' c'a niquiben orar, junan quivech conojel, e cachibilan ri ixoki', y chuka' ri María ri rute' ri Jesús, y ri e rach'alal ri Jesús.

Re C'ac'a Testamento pa Kach'abal

¹⁴ Y conojel reje' can nojel tiempo niquiban orar, can junan quivach, je quichibil re ixoki', y chuka' re María re rute' re Jesús, y re je ruch'alal re Jesús.

Kaqchikel Western Solola

¹⁴ Y quinojel riye' can junan quiwech quibanon y can ma yetane' ta chi niquiben orar, ye cachibilan ri ixoki', y chuka' ri María ri rute' ri Jesús, y ri ye rach'alal ri Jesús.

Hechos 1:14 ပူးပေါင်းရင်းမြစ်များ

Efesios 6:18

Y kan beneq k'a ruwech kixch'on rik'in ri Dios richin yixruto' y tiya' q'ij chire ri Loq'olej Espíritu chi yixruyuqej rik'in ri nik'utuj chire ri Dios. Kan jantape' tichajij-iwi' chikiwech ri e etzelanel iwichin, y man tiya' q'ij chi yixkich'ek. Chuqa' kan jantape' tik'utuj rutzil ri Dios pa kiwi' konojel qach'alal.

Hechos 6:4

Jak'a roj kan xtiqaben-wi ri samaj achi'el ri qabanon-pe. Jantape' xqojch'on rik'in ri Dios, y xtiqaq'alajirisaj ri ruch'abel, xecha' chike.

Colosenses 4:2

Kan beneq k'a ruwech kixch'on rik'in ri Dios, jantape' ta k'a ixk'es y jantape' tik'oje' matioxinik iwik'in.

Hechos 2:42

Y kan jantape' k'a nikimol-ki' richin nikak'axaj ri kitijonik ri e taqon roma ri Cristo. Kan junan chuqa' kiwech. Junan nikimol-ki' richin nikitej ri kiway y richin nikinataj ri rukamik ri ajaw Jesús, y kan junan chuqa' yech'on rik'in ri Dios.

Romanos 12:12

Tikikot ri iwánima roma iwoyoben ri utzil ri xtuya' ri Dios. Tikoch'o' ri tijoj-poqonal ri nik'owisaj, y kixch'on rik'in ri Dios beneq-ruwech.

San Lucas 18:1

K'ari' ri Jesús xutzijoj k'a jun k'ambel-tzij chike ri rutijoxela', richin chi nuk'ut chikiwech chi kan nik'atzin-wi chi jantape' yech'on rik'in ri Dios, y man keq'itej chubanik.

San Mateo 21:22

Kan ronojel wi k'a ri nik'utuj chire ri Dios kan xtik'ul-wi, wi nikuquba' ik'u'x chi keri', xcha'.

Hechos 2:1

Toq xoqaqa k'a ri q'ij richin nikinimaq'ijuj ri nimaq'ij Pentecostés, ri kiniman k'a ri ajaw Jesús kimolon k'a ki' pa jun jay.

San Lucas 11:13

Wi rix ri xa man kan ta utz ina'oj, man yixtikir ta niben keri' chike ri iwalk'ual, k'a ta la' chik k'a ri aj-chikajil qatata'. Rija' kan nuya-wi k'a ri Loq'olej Espíritu chike ri kan nikik'utuj, xcha' ri Jesús.

Hechos 2:46

Ri pa rachoch ri Dios kan q'ij-q'ij k'a ek'o-apo. Toq nikimol k'a ki' richin nikitej kiway y nikinataj ri rukamik ri ajaw Jesús, kan nikiben k'a rik'in kikoten y ronojel kik'u'x.

San Lucas 24:53

Y kan q'ij-q'ij k'a ek'o ri pa rachoch ri Dios richin nikiya' ruq'ij y nikinimirisaj rubi'.

San Mateo 12:46

Rokik ri Jesús k'a nich'on na kik'in ri winaqi', jari' toq xapon ri rute' y ri e rach'alal koyoben-apo ri chuwa-jay. Y rije' nikajo' yech'on k'a rik'in.

San Lucas 24:10

Ri ixoqi' ri xebeya'on rutzijol chike ri rutijoxela', ja ri María aj-Magdala, ri Juana, ri María ri rute' ri Jacob o, y ch'aqa' chik ixoqi'.

San Lucas 23:55

Ri ixoqi' ri kan k'a pa Galilea kitzeqeliben-pe ri Jesús, xebe toq xbemuq kan, y roma ri' toq jebel ketaman ri akuchi xmuq-wi kan. Chuqa' xkitzu' jebel achike rubanik xban kan chire ri ruch'akul.

San Lucas 23:49

Ri e etamayon ruwech ri Jesús, y ri ixoqi' ri kan k'a pa Galilea e tzeqetel-pe chirij, k'a nej k'a ek'o-wi-el nikitzu-apo ri xbanatej.

Marcos 16:1

Toq q'axineq chik ri uxlanibel-q'ij, ri María aj-Magdala, ri María ri kite' ri José y ri Jacob o, y chuqa' ri Salomé, xbekiloq'o-pe jubulej taq aq'om richin nibekiya' kan chirij ri ruch'akul ri Jesús.

Marcos 15:40

Ek'o chuqa' ixoqi' ri yetzu'un-apo, jak'a kan nej ek'o-wi. Chikikojol ri ixoqi' ri', k'o ri María aj-Magdala, k'o ri María ri kite' ri José y ri Jacobo ri k'a ak'ual na, y k'o chuqa' ri Salomé.

San Mateo 27:55

E k'iy ixoqi' ri kan kitzeqeliben-pe ri Jesús toq xel-pe ri chiri' pa Galilea richin xkilij; rije' yetzu'un k'a apo, jak'a xa nej ek'o-wi-el.

San Lucas 24:33

Rije' kan jari' xeyakatej-el, y xkichop chik bey richin xetzolin pa Jerusalem. Y xebekila' k'a ri julajuj tijoxela' y ri ch'aqa' chik, ri kan e tzeqelibey richin ri Jesús, ri kimolon-ki'.

San Lucas 8:20

Y xbix k'a apo chire chi ri rute' y ri e rach'alal koyoben chuwa-jay, richin nikiq'ejela' kan.

1 Corintios 14:13

Roma wi jun qach'alal ya'on chire chi nich'on pa jun chik ch'abel, tuk'utuj k'a chire ri Dios chi nitikir ta nuq'alajirisaj ri xubij.