Hebreos 9:22 - Kaqchiquel Bible

²² Y chupan ri ruq'ijul ri pixa', jubama ronojel xch'ajch'ojirisex rik'in ri kik'. Kan qitzij chi wi man ta nibiyin kik', man ta nikuyutej ri mak.

နောက်ထပ်ဗားရှင်းများ

Kaqchikel Santo Domingo (Xenacoj)

²² Chupan ri ley riꞌ, ndubꞌij chi jubꞌaꞌ ma nojel ri ndichꞌajchꞌojrisex, ndikꞌatzin chi rikꞌin kikꞌ ndibꞌan. Y si ma ndibꞌiyin ta rukikꞌel jun awej ri ndikamisex, ma ndikuyutej ta ri mak chuwech ri Dios.

Kaqchikel Santa Maria de Jesus

²² Y chupan ri ley, jubꞌaꞌ ma nojiel kax niꞌan sak cha riqꞌuin ri quicꞌ. Y xa man niꞌin ta quicꞌ, man jun vinak niꞌan perdonar ru-pecado.

Kaqchikel Central Guatemala

²² Y chupan ri ru-tiempo ri ley, jubama ronojel xch'ajch'ojirisex riq'uin ri quic'. Y can kitzij vi, man ta c'o ri xquen (xcom) y man ta xbiyin ruquiq'uel, man ta xcuyutej ri mac.

Re C'ac'a Testamento pa Kach'abal

²² Y chupan re ru-tiempo re ley bama ronojel xe'ch'ojersas che quic', y vo xa manak quic' nibiyin, man nicuyutaj-ta re mac.

Kaqchikel Western Solola

²² Y can achi'el nubij chupan ri ley, chi xa juba' ma ronojel xch'ajch'ojsex riq'ui quic'. Y kas kitzij wi, chi man ta nitix quic', man ta nicuyutej ri mac.

Hebreos 9:22 ပူးပေါင်းရင်းမြစ်များ

Wuj Richin ri Chojmirisabelri'il 17:11

Ri kik' jari' ri ruk'exewach ri kik'aslen konojel ri e k'es. Roma ri' nubin chiwe chi ri kik' richin ri kamelabel, k'o chi niya'ox pa ruwi' ri porobel richin nijunamatej-iwech wik'in. Ri kik' ri', ruk'exewach ri ik'aslen, richin nuben chi nijunamatej-iwech wik'in.

Wuj Richin ri Chojmirisabelri'il 6:7

Y keri' xtuben ri sacerdote, y yin xtink'en chik ruwech ri wineq. Y kan jari' k'a xtikuyutej ri rumak ri aj-mak ri', xcha' ri Jehová.

Wuj Richin ri Chojmirisabelri'il 4:35

Chuqa' nrelesaj ronojel ri ruq'anal ri karne'l achi'el niban chire ri karne'l ri nisuj richin nuq'alajirisaj chi nijunamatej-ruwech wik'in, y xtuporoj pa ruwi' ri porobel. Keri' ri sacerdote xtusuj ri kamelabel richin nikuyutej rumak ri wineq ri', y kan xtikuyutej k'a; y k'ari' nink'en chik ruwech.

Wuj Richin ri Chojmirisabelri'il 5:18

Y roma ri' k'o chi nuk'en-pe jun achij karne'l o jun achij tzuntzun y kan e tz'aqet ri chikopi' richin kamelabel roma ri ch'a'oj. Y chiri' xtikiya' k'a jun rajel ri chikop, kan achi'el ri qitzij etabel ri k'o chiri' pa wachoch. Y ri sacerdote xtusuj k'a ri chikop richin kamelabel richin xtikuyutej ri rumak ri wineq ri', y keri' nink'en chik ruwech.

Wuj Richin ri Chojmirisabelri'il 14:14

Xeri', ri sacerdote nuk'uaj-el juba' rukik'el ri chikop, y jari' ri nuya' juba' chirij ri wineq ri nuch'ajch'ojirisaj-ri': nuya' juba' chutza'n-qa ri ruxikin, chuwi' ri nim ruwi-ruq'a' y chuqa' chuwi' ri nim ruwi-raqen ri ek'o pa rijkiq'a'.

Wuj Richin ri Chojmirisabelri'il 14:6

Xeri' nuk'en-apo ri jun chik aj-xik' chikop k'es, ri juba' tiox-che', ri q'ayis, y ri kaqkoj k'an; ronojel re' yeruju-qa chupan ri bojo'y akuchi k'o-wi ri rukik'el ri nabey aj-xik' chikop ri xolon rik'in ya'.

Wuj Richin ri Chojmirisabelri'il 5:10

Ri ruka'n aj-xik' chikop niporox chijun achi'el ri ruchojmilal; keri' xtuben ri sacerdote, y yin xtink'en chik ruwech ri wineq, y kan xtikuyutej-wi.

Wuj Richin ri Chojmirisabelri'il 4:26

y nuporoj ronojel ri q'en pa ruwi' ri porobel achi'el niban chire ri q'en richin ri kamelabel richin nuq'alajirisaj chi nijunamatej-ruwech wik'in. Keri' k'a nuben ri sacerdote richin nikuyutej rumak ri aj-raqen, y nink'en chik ruwech.

Wuj Richin ri Chojmirisabelri'il 4:20

Ri nuben rik'in re wákix re', achi'el toq ri nimalej sacerdote nusuj ri kamelabel richin kuyubel-mak, y keri' xtikuyutej k'a ri kimak ri winaqi', y yin xtink'en chik kiwech.

Wuj Richin ri Chojmirisabelri'il 14:25

K'ari' ri sacerdote nuqupij ri ruqul ri chikop richin kamelabel richin ch'a'oj, y nuk'uaj-el juba' rukik'el ri chikop, y jari' ri nuya' juba' chirij ri wineq ri nuch'ajch'ojirisaj-ri': nuya' juba' chutza'n-qa ri ruxikin, chuwi' ri nim ruwi-ruq'a' y chuqa' chuwi' ri nim ruwi-raqen ri ek'o pa rijkiq'a'.

Wuj Richin ri Chojmirisabelri'il 5:12

Nuk'en k'a pe chuwech ri sacerdote y rija' xtuchop jun moq' chire ri k'ej, y ri ti juba' ri' niporox pa ruwi' ri porobel, jare' ri retal richin ronojel. Re sipanik re' richin kuyubel-mak.

Wuj Richin ri Chojmirisabelri'il 5:11

Wi man nitikir ta yeruk'en-pe ri aj-xik' taq chikopi' ri' roma maneq rik'in richin nuloq'bej, utz nuk'en-pe pa ruk'exel ka'i' libra rik'in nik'aj k'ej ri chayun, richin nikuyutej rumak, y man nixol ta k'a aceite rik'in y man nuya' ta pom pa ruwi', roma re sipanik re' richin kuyubel-mak y man sipanik ta richin nijunamatej-wech.

Ez 43:18

Rat Ezequiel, yin Jehová ninya' chawe ri ruchojmilal richin xtijach chuwe ri porobel ri' toq xtapon ri q'ij richin nik'achoj. Ri pa nabey q'ij k'o chi xtisuj jun awej ri niporox jumul y k'ari' xtichikex ri rukik'el ri awej pa ruwi' ri porobel.